HIV Awareness, Counseling and Screening during the Pagbilaowins Pride Celebration | June 30, 2025

Makulay ang naging selebrasyon ng LGBTQIA+ Community sa bayan ng Pagbilao sa ginanap na Pride Month Celebration kahapon, June 29, 2025 na may temang “PagbilaoWins Pride: Paglimiin, Paigtingin, Pagbuklurin”. Hangad ng selebrasyong ito na ipahayag ang malayang pagmamahal at pagpapakita ng pantay-pantay na pagtingin para sa lahat.

Naging bahagi ng makulay at masayang selebrasyon ang talakayan patungkol sa HIV kung saan naimbitahan ang kinatawan mula sa Quezon PHO-Infectious Disease Unit at DASH Quezon Inc. Nagkaroon din ng libreng HIV Counseling, Screening at Condom Distribution sa lahat ng nakiisa sa makulay na gawain. Nagsagawa din ng Candle Light Memorial bilang pag-alala sa lahat ng yumao, lumaban at naging bahagi ng laban kontra sa HIV.

QPHO

Orientation on the Basics of Medico-Legal Examination | June 30, 2025

Matagumpay na isinagawa ang Orientation on the Basics of Medico-Legal Examination noong ika- 27 ng Hunyo, na dinaluhan ng mga City at Municipal Health Officers, mga Chief of Hospitals ng Quezon Provincial Hospital Network, at mga Medical Officers mula sa iba’t ibang bayan sa lalawigan ng Quezon.

Ang aktibidad na ito ay naglalayong magbigay ng mas malalim na kaalaman at kasanayan sa larangan ng medico-legal examination, isang mahalagang aspeto sa pagsisiyasat sa mga kaso ng karahasan, aksidente, o anumang insidente na may legal na implikasyon. Sa pamamagitan ng oryentasyong ito, napalalawak ang kakayahan ng mga health professionals na mas maayos na makapagsagawa ng medico-legal documentation at examination, alinsunod sa tamang pamantayang medikal at legal.

Tinalakay sa oryentasyon ang mga pangunahing konsepto ng medico-legal, ang kahalagahan ng wastong paghawak sa ebidensya, tamang pagdodokumento ng mga sugat o pinsala, at mga legal na konsiderasyon na dapat isaalang-alang sa bawat pagsusuri. Binibigyang-diin din ang tungkulin ng mga doktor at health officers bilang bahagi ng criminal justice system, na may mahalagang papel sa pagkamit ng hustisya para sa mga biktima ng karahasan at iba pang krimen.

Bukod sa pagpapalawak ng kaalaman, layunin din ng aktibidad na ito na mapalakas ang koordinasyon sa pagitan ng mga ospital, lokal na pamahalaan, at mga ahensyang nagpapatupad ng batas upang masiguro ang integridad ng bawat kasong medico-legal na kanilang hinahawakan.

Sa pagtatapos ng aktibidad, umaasa ang pamunuan ng Quezon Provincial Health Office na mas magiging handa at may kumpiyansa ang mga health professionals sa pagtupad ng kanilang tungkulin hindi lamang bilang tagapaghatid ng serbisyong medikal, kundi bilang katuwang sa pagsisiguro ng makatarungan at makataong proseso para sa lahat.
Ang ganitong inisyatibo ay patunay ng patuloy na pagsisikap ng Pamahalaang Panlalawigan ng Quezon na mapalakas ang kapasidad ng sektor ng kalusugan at mapanatili ang mataas na antas ng integridad sa serbisyo-publiko.

QPHO

Mobile Blood Donation and Medical Health Assessment | June 30, 2025

Isang matagumpay na araw ng pagkakaisa at pagbibigay-serbisyo ang isinagawa ng Quezon Provincial Health Office katuwang ang QPHN-Quezon Medical Center sa pamamagitan ng Mobile Blood Donation at Medical Health Assessment kaalinsabay sa pagdiriwang ng 52nd Founding Anniversary ng Professional Regulation Commission (PRC) noong Hunyo 17-18, 2025 sa PRC Regional Office IV-A, Lucena City.

Taos-pusong pasasalamat sa lahat ng kawani at boluntaryong indibidwal na naghandog ng kanilang dugo at nakiisa sa pagsusulong ng kalusugan sa iba’t-ibang sektor ng mga professionals sa Quezon Province.

QPHO

Thunderstorm Advisory No. 22 | June 30, 2025

Issued at: 3:00 AM, 30 June 2025(Monday)

Katamtaman hanggang sa malakas na pag-ulan na may kasamang pagkidlat at malakas na bugso ng hangin ang inaasahan sa QUEZON sa loob susunod dalawang oras.

Pinapayuhan ang lahat na mag-ingat at maging alerto sa posibleng panganib ng pagbaha at pagguho ng lupa.

Patuloy na mag-monitor sa mga karagdagang updates.

Quezon PDRRMO

Thunderstorm Advisory No. 21 | June 30, 2025

Issued at: 1:30 AM, 30 June 2025(Monday)

Katamtaman hanggang sa malakas na pag-ulan na may kasamang pagkidlat at malakas na bugso ng hangin ang inaasahan sa QUEZON sa loob susunod dalawang oras.

Pinapayuhan ang lahat na mag-ingat at maging alerto sa
posibleng panganib ng pagbaha at pagguho ng lupa.

Patuloy na mag-monitor sa mga karagdagang updates

Quezon PDRRMO

Gov. Helen Tan Leads Oath-Taking Ceremony of Newly Elected Officials in General Nakar, Quezon | June 29, 2025

Masiglang ginanap ngayong araw ng Sabado, Hunyo 28 ang pormal na panunumpa sa katungkulan ng sampung (10) bagong mga halal na opisyales mula sa bayan ng General Nakar, Quezon.

Dinaluhan ito ni Governor Doktora Helen Tan upang pangunahan ang seremonya kung saan ay lumagda ang mga bagong lider bilang simbolo ng buong-pusong pangtanggap sa tungkulin gagampanan para sa ikauunlad ng kanilang mga kababayan.

#SerbisyongTunayAtNatural
#HEALINGQuezon
#QuezonProvince

Quezon PIO

Gov. Helen Tan Leads Oath-Taking and Turnover Ceremony of Newly Elected Officials in Real, Quezon | June 29, 2025

Sa pangunguna ni Governor Doktora Helen Tan, opisyal nang isinagawa ang Oathtaking & Turnover Ceremony of the Newly Elected Local Officials mula sa bayan Real, Quezon ngayong araw, Hunyo 28.

Ayon sa gobernadora, hindi madali ang responsibilidad ng sampung (10) bagong mga opisyal ng nasabing bayan, kung kaya’t nag-iwan siya ng mensahe na mahalaga ang kanilang pagkakaisa at pagtutulungan upang masiguro na ang parating mananalo ay ang mga mamamayang kanilang nasasakupan.

Emosyonal namang tinanggap ng bawat bagong opisyal ang gagampanang tungkulin upang maibigay ang sapat at tapat na serbisyo publiko para sa mga mamamayang Realeño.

#SerbisyongTunayAtNatural
#HEALINGQuezon
#QuezonProvince

Quezon PIO

Gov. Helen Tan Leads Inauguration and Oath-Taking of Newly Elected Officials in Infanta, Quezon | June 29, 2025

Matagumpay na naisagawa ang inagurasyon at panunumpa sa katungkulan ng mga bagong halal na lingkod bayan ng Infanta, Quezon nitong araw ng Sabado, Hunyo 28.

Pinangunahan ni Governor Doktora Helen Tan ang nasabing seremonya para sa opisyal na paglagda ng sampung (10) magsisilbing mga bagong lider sa mga susunod na taon sa nasabing bayan.

Malugod namang isinapuso ng mga ito ang kanilang magiging resposibilidad upang matugunan ang mga dapat maihatid na serbisyo publiko para sa kanilang nasasakupan.
Samantala, nakasama rin sa ginanap na seremonya si Elected Laguna Governor Marisol Aragones upang magpakita ng suporta para sa bayan ng Infanta.

#SerbisyongTunayAtNatural
#HEALINGQuezon
#QuezonProvince

Quezon PIO

Panunumpa ng mga Halal na Opisyal ng Atimonan | June 28, 2025

Panunumpa ng mga Halal na Opisyal ng Atimonan

https://www.facebook.com/share/r/16jfzkqLz7/

#SerbisyongTunayAtNatural
#HEALINGQuezon
#QuezonProvince

Quezon PIO

Philippine Environment Month River Clean-Up Activity | June 28, 2025

TINGNAN: Nagsagawa muli ng River Clean Up Activity sa bayan naman ng Sampaloc Quezon (Maapon River) ang Provincial Government Environment and Natural Resources Office (PGENRO) sa ilalim ng pamumuno ni PGENRO Head John Francis Luzano at pangunguna ni Asst. Head Emmanuel A. Calayag, katuwang ang PGENRO Staffs at mga kawani ng:

• Sampaloc Municipal Environment and Natural Resources Office
• Provincial Disaster Risk Reduction and Management Office (PDRRMO)
• Brgy. Officials at
• Local Community of Sampaloc, Quezon

Isinagawa ang Information Education Communication (IEC) upang magbigay impormasyon ukol sa wasto at tamang pamamahala ng mga basura at likas na yaman. Binigyang diin din muli ang isinabatas na Republic Act No. 9275 o ang Philippine Clean Water Act of 2004, na layuning protektahan at ibalik sa malinis na kalagayan ang mga katubigan ng bansa, bawasan at pigilan ang polusyong dulot ng basura mula sa tahanan, industriya, at agrikultura.

Patuloy ang panawagan sa bawat mamamayang Quezonian na makiisa sa pangangalaga ng mga daluyang-tubig upang patuloy itong mapakinabangan at makaligtas sa mga sakunang dulot ng kapabayaan sa kalikasan.

#PhilippineEnvironmentMonth
#HEALINGQuezon
#ProvincialGovernmentofQuezon
#QuezonProvince
#PGENROQuezonInAction
#STANQuezonBetterTogether
#SerbisyongTunayAtNatural

Quezon PIO / PGENRO