NEWS AND UPDATE

STAN Kabuhayan Hakot Pa-Premyo! | December 20, 2024

STAN Kabuhayan Hakot Pa-Premyo! | December 20, 2024

STAN Kabuhayan Hakot Pa-Premyo!đź›’

Sa patuloy na inisiyatibo ni Governor Doktora Helen Tan sa programang STAN-Kabuhayan katuwang ang PGO-Livelihood sa pamumuno ni Project Development Officer III Lawrence Joseph Velasco, maagang Pamasko ang handog ng Telco Partners na SMART at Talk N’ text sa mga benepisyaryo ng STAN Kabahuyan Program.

Mula sa mahigit 1,000 benepisyaryo isang sari-sari store owner mula sa General Luna na si Minerva Oreste ang masuwerteng napili para sa Electronic Raffle na nagkaroon ng pagkakataong makasali sa dalwang minutong Hakot Pa-Premyo challenge ng naturang Telco Partners sa Walter Mart Candelaria Quezon nitong Disyembre 20.

Lahat ng grocery items na nahakot sa loob ng dalwang minuto ay gagamitin bilang dagdag paninda sa munting tindahan ng nasabing benepisyaryo upang mas lalo pa itong mapaunlad.

Isang hakbang pasulong para sa mas maunlad na kabuhayan!

#STANKabuhayan

#SerbisyongTunayAtNatural

#HEALINGQuezon

Quezon PIO

Pinarangalan ng Philippine Trade Training Center (PTTC) ng National Builder Award ang lalawigan ng Quezon | December 19, 2024

Pinarangalan ng Philippine Trade Training Center (PTTC) ng National Builder Award ang lalawigan ng Quezon | December 19, 2024

Karangalan para sa lalawigan ng Quezon!

Pinarangalan ng Philippine Trade Training Center (PTTC) ng National Builder Award ang lalawigan ng Quezon nitong Disyembre 19, sa PPTC Building Pasay City.

Sa ngalan ni Governor Doktora Helen Tan tinanggap ang naturang award ni Project Development Officer III Lawrence Joseph Velasco bunga ng patuloy na inisyatibo ni Governor Tan na maiangat ang kabuhayan ng mamamayang Quezonian.

Ang Nation Builder Award ay isang pagkilala na iginagawad sa mga Local Government Units (LGU), pribadong kumpanya, o inibidwal na nakapaglunsad ng makabuluhang programa para sa pag-unlad ng negosyo sa kanilang komunidad.

Ngayong taon kinilala ng Philippine Trade Training Center (PTTC) ang lalawigan ng Quezon bilang isa sa mga natatanging tagapagtaguyod ng negosyo dahil sa tagumpay ng STEP-UP Entrepreneurship Development Program

Ang STEP-UP Program ay may intensive training sa loob ng labing limang (15) araw para sa mga Micro, Small, and Medium Enterprises (MSME’s).

Binigyan ng student partners ang mga benepisyaryo upang pagsamahin ang kanilang karanasan at kaalaman pang-teknikal.

Samantala, ang mga nagtapos ay tumanggap ng Collapsible Kiosk, Collapsible Tent, Foldable Chairs at bagong packaging design mula sa PLTC Merkado para sa kanilang produkto sapamamagitan ng TANkilik Hub ng Waltermart Candelaria at Iskaparate Online App.

Ang parangal na ito ay patunay ng dedikasyon ng lalawigan ng Quezon na itaas ang antas ng kabuhayan at negosyo para sa mga mamamayang Quezonian. Isang hakbang pasulong tungo sa mas maunlad na kinabukasan!

#NationalBuilderAward

#STEPUP

#SerbisyongTunayAtNatural

#HEALINGQuezon

Quezon PIO

STAN on SKILLS Training Program | December 20, 2024

STAN on SKILLS Training Program | December 20, 2024

Improve your Skills with STAN on SKILLS!

Sa patuloy na hangarin ni Governor Doktora Helen Tan na mas mapaunlad ang kalidad ng hanap buhay at pangkabuhayan ng mga mamamayang Quezonian, matagumpay na isinagawa ang STAN on SKILLS Training Program.

Ito ay libreng programa na inilunsad at pinangunahan ni Governor Doktora Helen Tan katuwang ang PGO-Livelihood sa ilalim ni Project Development Officer III

Mr. Lawrence Joseph Velasco, nakabalikatan din sa programang ito ang mga TESDA Schools sa lalawigan ng Quezon.

Layunin ng programang ito na solusyunan ang problema ng unemployment o kawalan ng hanap buhay sa lalawigan ng Quezon at tulungan ang mga mamamayan na matuto ng mga bagong kasanayan na magagamit sa kanilang negosyo o hanap buhay.

Ang naturang pagsasanay ay nagsimula noong nagdaang Oktubre 17 at magtatapos sa darating na Enero 15, tinayang nasa 209 ang bilang ng mga benepisyaryo na nagmula sa bayan ng Unisan, Infanta, Candelaria, Jomalig, Gumaca, San Antonio at Atimonan.

Samantala, narito ang mga training services na ipinagkaloob sa mga benepisyaryo:

•Plumbing NC II

•Hilot (Wellness Massage) NC II

•Shielded Metal Arc Welding (SMAW) NC I

•Bread and Pastry Production NC II

•Organic Agriculture Production NC II

•Housekeeping NC II

•Barista NC II

Ang benepisyaryo na matagumpay na makapagtatapos ay tatanggap ng National Certificate na magpapataas ng kanilang kakayahang makahanap ng trabaho at hanapbuhay.

#STANonSKILLS

#SerbisyongTunayAtNatural

#HEALINGQuezon

Quezon PIO

Workshop on Competency Development for Administrative Positions and Capability Building on Training/Learning Needs Analysis | December 19, 2024

Workshop on Competency Development for Administrative Positions and Capability Building on Training/Learning Needs Analysis | December 19, 2024

TINGNAN: Ginanap ang Workshop on Competency Development for Administrative Positions and Capability Building on Training/Learning Needs Analysis nitong araw ng Huwebes, Disyembre 19 sa Provincial Health Office Conference Hall, Lucena City.

Pinangunahan ng Human Resource Management Office (HRMO) sa pamumuno ni HRMO Rowell Napeñas ang naturang aktibidad na kung saan tinalakay ang mga sumusunod:

• Understanding Competencies

• Integrating Competencies

• Discovering Competencies

• Identification/Classification of Competencies

• Competency Table/Model Development

• Behavioural Indicators

• Work Performance

• Competencies/Training Needs Identification

• Technical/Functional Competencies

• Personal Effectiveness

• Interpersonal Effectivesness

• Learning Needs Analysis

Ito ay naglalayong magbigay ng kaalaman at kasanayan upang matiyak ang mas mataas na antas ng kagalingan at kahusayan ng gawaing pang administratibo.

Samantala, kasamang dumalo rito ang mga Administrative Officer ng iba’t-ibang tanggapan ng Pamahalaang panlawigan ng Quezon.

#SerbisyongTunayAtNatural

#HEALINGQuezon

Quezon PIO

Provincial Disaster Risk Reduction and Management Office (PDRRMO) sa pangunguna ni Provincial Administrator Manny Butardo | December 19, 2024

Provincial Disaster Risk Reduction and Management Office (PDRRMO) sa pangunguna ni Provincial Administrator Manny Butardo | December 19, 2024

Bilang paghahanda sa darating na Yuletide Season nagsagawa ng pagpupulong ang Provincial Disaster Risk Reduction and Management Office (PDRRMO) sa pangunguna ni Provincial Administrator Manny Butardo bilang kinatawan ni Governor Doktora Helen Tan kasama ang mga tanggapan sa Lalawigan at mga kawani mula sa iba’t ibang munisipalidad ngayong araw ng Huwebes, Disyembre 19 via Zoom Conference.

Layunin ng pagpupulong na magkaroon ng ugnayan ang iba’t ibang ahensya upang mabilis na marespondehan at maaksyunan ang mga hindi inaasahang pangyayari sa darating na pasko at bagong taon.

Dahil malaki ang tyansa ng pagbigat ng daloy ng trapiko, binigyang diin sa nasabing pulong ang kahalagahan ng traffic management at mitigation response.

Kaugnay nito, siniguro ng Quezon Provincial Police Office (QPPO) na mayroong mga alternatibong ruta at bypass road kung sakali mang titindi ang lagay ng trapiko.

Tiniyak naman ng Department of Public Works and Highways (DPWH) Quezon na magsasagawa ng road patching para sa mga nasirang kalsada at temporary signages naman para sa mga road repairs.

Magiging malaking tulong rin ang public assistance desk at motorist assistance center na ioorganisa ng mga bayan upang maging maayos ang daloy ng trapiko sa Lalawigan.

Samantala kasabay ng isinagawang pagpupulong ang paglalayong makapagpasa ng resolusyon sa pagkakaroon ng 911 Provincial Emergency Hotline sa Quezon Province.

Asahang patuloy na magbibigay serbisyo ang Pamahalaang Panlalawigan upang mapanatili ang kaligtasan ng bawat Quezonian.

#SerbisyongTunayatNatural

#HEALINGQuezon

Quezon PIO

STAN Kalinga sa Mamamayan | December 18, 2024

STAN Kalinga sa Mamamayan | December 18, 2024

Maulan man ang panahon hindi ito naging hadlang kay Governor Doktora Helen Tan na isagawa ang STAN Kalinga sa Mamamayan, Tulong Pinansyal mula sa Kapitolyo, ngayong araw ng Miyerkules, Disyembre 18, sa Brgy. Mamala II Sariaya, at Brgy. Lusacan Tiaong, Quezon

Tinatayang 1,238 na benepisyaryo ang nahatiran ng tulong pinansyal kung saan 384 mula sa bayan ng Sariaya at 854 naman mula sa bayan ng Tiaong na nasalanta ng Bagyong Kristine, kabalikat ang Provincial Social Welfare and Development Office (PSWDO) at Provincial Treasurer’s Office (PTO)

Ipinahatid naman ng mga mamamayan ng Sariaya at Tiaong na nasalanta ng nasabing bagyo ang taos-pusong pasasalamat kay Governor Tan sa tulong pinansyal na ibinigay upang maisaayos ang kanilang mga nasirang bahay at matugunan ang mga pangangailangan.

Samantala, laging bukal sa puso ang magbigay ng kalinga ang Pamahalaang Panlalawigan kabalikat ang mga Provincial Satellite Offices ng buong Lalawigan ng Quezon.

Quezon PIO

Personal na Pagtungo ni Doktora Helen Tan sa Barangay Matinik, Lopez Quezon | December 17, 2024

Personal na Pagtungo ni Doktora Helen Tan sa Barangay Matinik, Lopez Quezon | December 17, 2024

Personal na nagtungo ngayong araw, Disyembre 17 si Governor Doktora Helen Tan sa Barangay Matinik, Lopez Quezon upang inspeksyonin ang naging epekto ng pagguho ng lupa sa nasabing lugar nitong nakaraang Sabado (Disyembre 14).

Binisita rin ng Gobernadora ang mga residenteng naapektuhan ng insidente na pansamantalang nanunuluyan sa Barangay Hall upang siguruhin ang kanilang kaligtasan. Ipinaabot niya na tuloy-tuloy ang ginagawang aksyon ng Pamahalaang Panlalawigan upang maihatid ang mga kinakailangan nilang tulong.

Samantala, nakasama sa pag-iinspeksyon sina DPWH Quezon 4th District Engr. Rodel Orlina Florido, at Lopez Mayor Rachel Ubana.

Quezon PIO

« Previous Page Next Page »