NEWS AND UPDATE

STAN on Skills Livelihood Kits Distribution | January 15, 2025

Sa pagtungo ni Governor Doktora Helen Tan sa bayan ng Infanta, ginanap din ang Kalinga sa Mamamayan, Tulong Pangkabuhayan, Trabaho at Negosyo Program STAN on Skills Livelihood Kits Distribution sa Brgy. Libjo Covered Court ngayong araw, Enero 15.

Ang nasabing programa ay isa sa mga hakbangin ng Pamahalaang Panlalawigan upang mabigyan ng hanapbuhay at pagkakakitaan ang mga Quezonian, kung saan naman ay sumailalim sa pagsasanay na perfume making at fish processing ang 91 benepisyaryo mula sa Real, Infanta, at General Nakar.

Naipamahagi rin ang mga kagamitam na makatutulong para sa pag-uumpisa ng pagnenegosyo ng mga naging bahagi ng programa.

Samantala, naisakatuparan ang programa sa pagtutulungan nina PLGU Quezon Project Development Officer III Lawrence Joseph Velasco, at Provincial Public Employment Service Office (PESO) Manager Genecille Aguirre.

Quezon PIO

STAN Kabuhayan Livelihood Assistance Program | January 15, 2025

Matagumpay na ginanap ang “Kalinga sa Mamamayan Tulong Pangkabuhayan Trabaho at Negosyo Program” ng STAN Kabuhayan Livelihood Kits Distribution Batch 3, sa Northern Quezon Auditorium, Infanta, Quezon ngayong araw ng Miyerkules, Enero 15.

Layunin ng Pamahalaang Panlalawigan na maibalik ang buwis ng mga may negosyong Sari-Sari Store sa pamamagitan ng pamamahagi ng mga pangangailangan sa kabuhayan.

Sa pangunguna ni Governor Doktora Helen Tan katuwang si PLGU Quezon Project Development Officer III Lawrence Joseph Velasco, naipamahagi sa 225 na benepisyaryo na nag mula sa bayan ng General Nakar, Infanta at Real ang mga; 5000 worth of negosyo kits, free Stan Kabuhayan Signage, MAYA QR Sintra Board, at Gcash QR Sintra Board.

Kasama ring nagbigay ng kaalam sa mga Sari-Sari Store Owner sina Negosyo Center Business Councilor Marian Marie Adornado, Sr. Research Specialist Shanise Geri D. Villanueva, Customer Development Managet Smart Andy Dipon, Territory Solution Lead Maya Ken Mendoza, at Bank Officer IV Oliver Wendell Paderez upang talakayin ang mga Entrepreneurial Mindsetting, Briefing on First Polymer Piso Banknote Series, Smart and Maya Services at Digitalization Seminar para sa mas pinadaling pamamaraan ng pagbabayad at mataas na kita ng negosyo.

Samantala, tuloy-tuloy ang mga programa ni Governor Tan para sa ikauunlad at sa pagtaas ng antas ng kabuhayan at kakayahan ng mga Quezonian.

Quezon PIO

Stand-out Kalinisan Livelihood Improvement Program | January 15, 2025

Pinangunahan ni Governor Doktora Helen Tan, ang matagumpay na pagsasagawa ng Batch 2 STANd-Out sa Kalinisan Livelihood Improvement Program, ngayong araw ng Miyerkules, Enero 15, sa Brgy. Ilog, Infanta Quezon.

Ang kaligtasan ng Quezonian ay mahalaga lalo’t higit sa pagkaing binibili sa labas, kung kaya’t kabalikat si PLGU Quezon Project Development Officer III Lawrence Joseph Velasco, naipamahagi sa 121 na benepisyaryo na nagmula sa bayan ng General Nakar, Infanta, at Real ang mga kagamitang pang karinderya o kainan gaya ng; heavy duty utensils heater, alcohol dispenser, 1 gallon alcohol, Stand-Out sa Kalinisan Corner Signage, Maya QR Sintra Board, at Gcash QR Sintra Board.

Bukod sa pamamahagi ng kagamitan, nagkaroon din ng libreng seminar ang mga benepisyaryo tungkol sa Briefing on first Polymer Piso Banknote Series, Basic Food Safety, Financial Literacy, SMART Service at Digitalization na tinalakay nina Sr. Research Specialist Shanise Geri D. Villanueva, Service Supervisor III Eleanor D. Zabella, Costumer Development Manager SMART Andy Dipon, Territory Solutions Lead Maya Ken Mendoza, at Costumer Development Manager SMART Dinah M. Simon para sa malawak na kaalaman sa pagnenegosyo.

Sa huli, buong-puso ang pasasalamat ni Governor Tan sa patuloy na pagsuporta ng mga mamamayan sa mga programang mapapakinabangan ng buong Lalawigan ng Quezon.

Quezon PIO

Blessing and Turn over of Sea Ambulance | January 15, 2025

Dalawang bagong Sea Ambulance, naipagkaloob para sa islang bayan ng Patnanungan at Jomalig

Sa ginanap na programa ngayong araw ng Miyerkules, Enero 15 sa Real, Port ay pinangunahan ni Governor Doktora Helen Tan ang pormal na pagkakaloob at pagbabasbas ng mga bagong 40-Footer Sea Ambulance na handog para sa mga mamamayan ng Patnanungan at Jomalig na kabilang sa pinakamalalayong bayan sa lalawigan ng Quezon.

Ang nasabing sea ambulance ay kayang magsakay ng 10 hanggang 12 na katao, may makinang Twin Mercury 350 Verado Outboard na mas magpapabilis ng takbo upang makatawid patungo sa mainland, at ang disenyo nito ay kayang makipagsabayan sa malalakas na alon.

Labis naman ang pasasalamat nila Patnanungan Mayor Marie Claire Larita-Natividad, at Jomalig Mayor Nelmar Sarmiento sapagkat malaking tulong ang ipinagkaloob na sea ambulance para sa kanilang mga kababayan.

Samantala, nakasama rin sa isinagawang program sila Real Mayor Bing Diestro-Aquino, Infanta Vice Mayor LA Ruanto, at Board Member Julius Luces.

Quezon PIO

Leveling-Off Meeting for the Conduct of Waste Analysis and Characterization Study (WACS) | January 14, 2025

Leveling-Off Meeting for the Conduct of Waste Analysis and Characterization Study (WACS) || January 14, 2025

Isinagawa ng Provincial Government Environment & Natural Resources Office sa pamumuno ni EnP John Francis L. Luzano (PGDH-ENRO) at Emmanuel A. Calayag (PGADH-ENRO) sa pamamagitan ng Environmental Management Division staffs, ang Leveling-Off Meeting for the Conduct of Waste Analysis and Characterization Study (WACS) para sa taong kasalukuyan.

Dinaluhan ito ng ibat-ibang kagawaran at MENRO ng bawat bayan sa ating lalawigan (DENR-EMB-CALABARZON Representatives, DOST-Quezon Representatives, MENROs of Pre-Identified LGUs (Burdeos, General Luna, Jomalig, Lopez, Padre Burgos, Perez, Plaridel, San Andres, San Narciso at Unisan).

Layunin ng aktibidad na makapagbigay ng pisikal na tulong, kaalaman at gabay ang Provincial Government ENRO sa lahat ng munisipalidad at lungsod ng ating lalawigan upang mapagtagumpayan ang 10-Year Solid Waste Management Plan (SWMP) at bilang ito ay pagpapasiya rin sa nakaraang pagpupulong na ginanap noong ika 11-12 ng Disyembre nang nakalipas na taon.

Ang pagpupulong ay nag-resulta ng pagtatala sa inisyal na iskedyul na nais itakda ng bawat MENRO ng mga bayan sa ating lalawigan. Gayunpaman, hinihintay ang opisyal na kasulatan upang pormal ng maitala at maisakatuparan ang 10-Year Solid Waste Management Plan.

Quezon PG-ENRO 

Skills Training on Calamansi Juice in Foil Pouch Processing | January 14, 2024

Noong Enero 9-10, 2025, matagumpay na naisagawa ang pagsasanay sa pagpoproseso ng ‘Calamansi Juice in Foil Pouch’ sa Quezon Food and Herbal Processing Center, Brgy. Talipan, Pagbilao, Quezon. Pinangunahan ito ng Food Processing Unit ng Agricultural Support Services Division para sa Samahan ng Magtatanim ng Citrus sa Unisan (SMC Unisan).

Ang SMC Unisan ay mayroon nang produkto na Calamansi Juice na naka bote, at ngayon ay nadagdagan pa ng panibagong produkto na gawa din sa calamansi juice, ang The Quench, calamansi juice in foil pouch. Ang bagong packaging ay hindi lamang praktikal at abot-kaya, kundi mas magaan din, kaya’t mas madali itong maipamahagi at maibenta sa mga pamilihan. Ang calamansi juice ay gawa sa purong calamansi extract, na mataas sa Vitamin C at may maraming benepisyo sa kalusugan tulad ng pagpapalakas ng immune system, pagpapaganda ng kutis, at pagtulong sa digestion.

Sa pagsasanay, natutunan ng mga kalahok ang tamang proseso ng paggawa, sanitasyon, at packaging. Layunin ng pagsasanay na magbigay ng dagdag na kita sa mga miyembro ng samahan. Sa pamamagitan ng bagong produkto, inaasahan ding mapapalago ang kabuhayan ng mga miyembro ng samahan at mas maipakilala ang mga dekalidad na produktong Quezonian sa mas malawak na merkado.

Quezon PIO

Distribution of Detergents and Disinfectants to Farmers and LGUs for Farm Cleaning and Disinfection | January 14, 2025

Patuloy ang pagsasagawa ng mga Seminar ng Office of the Provincial Veterinarian (OPV) sa iba’t-ibang barangay ng mga bayang tinamaan ng African Swine Fever (ASF) nitong nakaraang taon, gaya ng Tiaong, San Antonio, Dolores, at Gumaca.

Tinalakay sa seminar ang ASF Prevention, Control, and Recovery na naglalayong ipaalam sa mga naapektuhang swine farmers kung paano ang mga dapat gawin kung sila ay nagkaroon ng ASF at kung paano maiwasan na muling tamaan ang kanilang mga alagang baboy kung sakaling sila ay magsisimula muli.

Namigay din ng mga disinfectants at detergents sa mga kalalawigan nating nagkaroon ng ASF upang magamit nila sa cleaning and disinfection ng mga nakontaminadong babuyan.

Nagsimula ang gawaing ito noong Nobyembre 2024 hanggang sa buwang kasalukuyan, sa pangunguna ni Dr. Adelberto Ambrocio at Dr. Flomella Caguicla.

Sa mga darating na araw ay sa mga piling barangay naman ng General Luna, Mulanay, Macalelon, at Mauban magsasagawa ng naturang seminar.

Quezon PIO

Palarong Quezon 2025 Opening Ceremonies | January 13, 2025

“Isports at Atletang Quezonian: Pinasisigla, Pinalalakas, at Pinauunlad ng Pagkakaisa”

Masiglang ginanap ngayong araw, Enero 13 sa Southern Luzon State University (SLSU) ang official opening ceremony ng PALARONG QUEZON 2025 sa pangunguna ng Department of Education (DepEd) Quezon Division Office.

Naging masama man ang panahon at nakansela ang parada ay hindi ito naging hadlang upang ibandera ng mga atletang mula sa iba’t-ibang bayan ng lalawigan ng Quezon ang kanilang kahusayan sa isports.

Dinaluhan rin ni Governor Doktora Helen Tan ang nasabing kompetisyon kung saan kanyang naihayag na ngayon pa lang ay panalo na ang lahat ng lumahok na atleta sapagkat malaking karangalan ang kanilang naipapakita para sa lalawigan.

Dagdag pa rito’y binigyang-diin ng Gobernadora ang patuloy na pagbibigay suporta ng Pamahalaang Panlalawigan upang maiangat ang sektor ng edukasyon at ang laging pamamayagpag sa larangan ng palakasan.

Sama-sama nating suportahan ang nasabing pagtutunggali ng mga atletang Quezonian hanggang Enero 18 na gaganapin sa iba’t-ibang pasilidad sa bayan ng Lucban at lalawigan ng Quezon.

Quezon PIO

130th Sangguniang Panlalawigan Regular Session | January 13, 2025

Para sa patuloy na pagdinig sa mga usaping pang lehislatura sa lalawigan, muling nagtipon-tipon ang mga miyembro ng Sangguniang Panlalawigan upang pormal na isagawa ang ika-130 Pangkaraniwang Pulong ngayong araw ng Lunes, Enero 13 via Zoom Conference.

Sa pangunguna ni Vice Governor Third Alcala kasama ang mga Board Members na kinatawan ng bawat distrito sa lalawigan ay tagumpay na naaprubahan ang mga Ordinansa, Kautusan at Resolusyon tungo sa mas progresibong lalawigan ng Quezon.

Kaalinsabay ng mga ordinansa at kautusan na naaprubahan sa sesyon ay ang presentasyon ni SK Provincial Federation President Jackelyn Delimos ng Quezon Youth Code of 2025 kung saan nakapaloob ang mga karapatan, responsibilidad, mga programa at proyekto ng nasabing organisasyon.

Samantala, sa pangunguna ni Chairperson Committee on Health and Sanitation, at 3rd District Board Member John Joseph Aquivido pormal na nailahad ang presentasyon ukol sa Nutrition Code of Quezon Province 2025. Layunin nito na mas paigtingin pa ang seguridad sa nutrisyon at kalusugan ng mamamayang Quezonian, ilan sa mga programang nakapaloob dito ay ang Infant and Young Child Feeding (IYCF), First 1000 days Program, at Provincial Micronutrient Supplementation Program.

Quezon PIO

Flag Raising Ceremony hosted by the Provincial Governor’s Office | January 13, 2025

Kalakip ng pagpasok ng panibagong linggo ay ang masiglang panimula ng pagseserbisyo sa lalawigan.

Sa pangunguna ng Provincial Governor’s Office (PGO) na pinamumunuan ni Governor Doktora Helen Tan maayos na naisagawa ang regular na pagtataas ng watawat ng Pilipinas ngayong araw ng Lunes, Enero 13.

Masayang ibinahagi ni Governor Doktora Helen Tan na matagumpay ang isinagawang Quezon’s Year End Assessment and Strategic Planning ng lahat ng punong tanggapan ng Pamahalaang Panlalawigan at masusing natalakay ang mga programa at proyektong tiyak na makatutulong sa mga mamamayang Quezonian.

Pinaalalahanan din ng Gobernadora na malaki ang ginagampanang tungkulin ng bawat kawani ng Pamahalaang Panlalawigan sa pagpapanatili ng maayos at dekalidad na serbisyo publiko kaya’t hinikayat niya ang bawat isa na palaging isaisip ang higit na makabubuti sa tanggapan lalo’t higit sa lalawigan.

Sa pagtatapos, nagbigay ng paalala ang Quality Management System (QMS) ng Provincial Government of Quezon ukol sa preparasyon sa Stage 1 and 2 QMS External Audit sa darating na Huwebes, Enero 16.

Kaugnay nito, hinihikayat ang bawat empleyado na makiisa at panatilihing handa, malinis, at presentable ang bawat tanggapan.

Quezon PIO