NEWS AND UPDATE

Weather Advisory | December 25, 2024

TINGNAN: Dahil sa patuloy na pagbuhos ng malakas na ulan dulot ng shear line, nakaranas ng matinding pagbaha ang iba’t-ibang barangay sa Mauban Quezon ngayong araw ng Miyerkules, Disyembre 25.

Ayon sa tala ng Quezon Provincial Disaster Risk Reduction and Management Office ( PDRRMO) ang mga apektadong barangay ay ang mga sumusunod:

• Luab Pob

• Rizalina

• Rosario

• Sadsaran

• San Jose

• San Lorenzo

• San Rafael

• Santol

• Macasin

• Lucutan

• Balaybalay

Tinatayang nasa 16 pamilya o 65 na indibidwal ang inilikas at kasalukuyang pansamantalang nanunuluyan sa Barangay hall o evacuation area sa nasabing lugar.

Sa kabutihang palad ay walang naiulat na nasawi o nasugatan, ngunit patuloy paring pinapayuhan ang mga residente na mag-ingat at manatili sa loob ng kanilang mga tahanan habang nagpapatuloy ang monitoring ng mga awtoridad sa naturang sitwasyon.

Agad namang nagbigay ng direktiba si Governor Doktora Helen Tan para sa agarang pamamahagi ng kinakailangang tulong para sa pinsalang idinulot ng nasabing insidente.

Samantala, kaugnay pa rito ang isang pagguho ng lupa na namataan sa Brgy. San Gabriel, Cagsiay I Sitio Maligaya at Cagsiay II Sitio Ngirngi. Kasalukuyang passable para sa mga sasakyan ang daan sa Cagsiay I at San Gabriel habang one lane passable naman sa Cagsiay II.

#SerbisyongTunayAtNatural

#HEALINGQuezon

QPDRRMO

Governor’s Message | December 24, 2024

Isang Pamilya at Isang Probinsya nating ipagdiwang ang araw ng pasko ngayong taon na may siksik, liglig at umaapaw na biyaya mula sa poong maykapal.

We STANd Stronger Together, We Celebrate Christmas Together!

Maligayang Pasko mga Quezonian!

Video: https://www.facebook.com/QuezonGovPh/videos/1323419305323022

Quezon PIO

STAN Kalinga sa Mamamayan, Tulong Pinansyal mula sa Kapitolyo | December 23, 2024

Naisakatuparan ang pamamahagi ng Emergency Shelter Assistance (ESA) na programa ng STAN Kalinga sa Mamamayan, Tulong Pinansyal mula sa Kapitolyo kabalikat ang Department of Social Welfare and Development (DSWD) ngayong araw ng Lunes, Disyembre 23 sa Brgy. Matinik Lopez, Quezon.

Sa inisyatibo ni Governor Doktora Helen Tan katuwang ang Provincial Social Welfare and Development Office (PSWDO) at Provincial Treasurer’s Office (PTO) ay nabigyan ng tulong pinansyal ang 58 na pamilya na apektado sa pagguho ng lupa nitong araw ng Sabado, Disyembre 14 sa nasabing Barangay.

Samantala, patuloy ang pakikipag-ugnayan ng Pamahalaang Panlalawigan sa Department of Public Works and Highways (DPWH) upang agarang maisaayos ang mga nasirang kalsada dahil sa pagguho ng lupa.

Sinisiguro rin ni Governor Tan na hindi siya hihinto sa pakikipag-ugnayan sa nasyunal na pamahalaan upang makapaghatid ng nararapat na tulong at serbisyo sa bawat Quezonian.

#SerbisyongTunayAtNatural

#HEALINGQuezon

Quezon PIO

TAN Kalinga sa Mamamayan, Tulong Pinansyal mula sa Kapitolyo | December 23, 2024

RECORDED AS LIVE: STAN Kalinga sa Mamamayan, Tulong Pinansyal mula sa Kapitolyo

1:30PM | December 23, 2024 | Brgy. Matinik, Lopez, Quezon

Livestream: https://www.facebook.com/QuezonGovPh/videos/938265837823813

Quezon PIO

Emergency Shelter Assistance (ESA) Payout | December 23, 2024

TINGNAN: Sa nalalapit na Pasko, hindi pa rin humihinto si Governor Doktora Helen Tan sa paghahandog ng STAN Kalinga sa Mamamayan, Tulong Pinansyal mula sa Kapitolyo sa Lucban Gymnasium, Brgy. Tinamnan, Lucban Quezon, ngayong araw ng Lunes, Disyembre 23.

Matapos ang validation ng mga kawani ng Pamahalaang Panlalawigan, naihatid ang Emergency Shelter Assistance” (ESA) sa 879 benepisyaryong nasalanta ng Bagyong Kristine sa pakikipagbalikatan ng Provincial Social Welfare and Development Office (PSWD) at Provincial Treasurer’s Office (PTO).

Samantala, umulan man o umaraw nananatiling bukas ang tanggapan ng Pamahalaang Panlalawigan para dumulog sa mga pangangailangan ng mga mamamayan. Asahan din ang mas pinaigting at pinagandang mga programa sa susunod na taon para sa buong Lalawigan ng Quezon.

#SerbisyongTunayAtNatural

#HEALINGQuezon

Quezon PIO

Sa pangunguna ni Acting Vice Governor and Presiding Officer Vinnette Alcala-Naca isinagawa ang ika-12 Di-Pangkaraniwang Pulong ng Sangguniang Panlalawigan ng Quezon na ginanap via Zoom Conference | December 23, 2024

Sa pangunguna ni Acting Vice Governor and Presiding Officer Vinnette Alcala-Naca isinagawa ang ika-12 Di-Pangkaraniwang Pulong ng Sangguniang Panlalawigan ng Quezon na ginanap via Zoom Conference ngayong araw ng Lunes, Disyembre 23.

Tinalakay sa naturang pulong ang panukala mula sa tanggapan ni Governor Doktora Helen Tan ukol sa pagpapasa ng resolusyon patungkol sa pagbibigay ng Gratuity Pay sa lahat ng Contract of Service at Job Orders na kawani ng Pamahalaang Panlalawigan.

Ang Gratuity Pay ay ibinibigay bilang pagkilala sa mga COS at JOs sa natatangi nilang serbisyo at maayos na pagganap sa kani-kanilang tungkulin. Ang matatanggap na insentibo ay nakaayon sa pro rata basis o depende sa haba ng kanilang inilaang serbisyo sa Pamahalaang Panlalawigan.

Samantala, ang nasabing Gratuity Pay ay alinsunod sa Administrative Order No. 28 na inaprubahan ni Pangulong Ferdinand Marcos Jr. nitong nakaraang Huwebes, Disyembre 19.

Sa pagtatapos, napagtibay at naaprubahan din sa mismong araw ang resolusyon at nagbigay suporta ang Sangguniang Panlalawigan sa ipagkakaloob na insentibo.

Kaugnayan nito, dahil sa maayos na paggamit ng pondo ng Pamahalaang Panlalawigan sa pangunguna ni Governor Doktora Helen Tan, tiniyak naman na mayroong sapat na budget para sa nasabing panukala.

#SerbisyongTunayAtNatural

#HEALINGQuezon

Quezon PIO

STAN Kalinga sa Mamamayan, Tulong Pinansyal mula sa Kapitolyo | December 23, 2024

HAPPENING NOW: STAN Kalinga sa Mamamayan, Tulong Pinansyal mula sa Kapitolyo

December 18, 2024 | Lucban, Quezon

Livestream: https://www.facebook.com/QuezonGovPh/videos/2373410113019618

Quezon PIO

STAN Kabuhayan Hakot Pa-Premyo! | December 20, 2024

STAN Kabuhayan Hakot Pa-Premyo!

Sa patuloy na inisiyatibo ni Governor Doktora Helen Tan sa programang STAN-Kabuhayan katuwang ang PGO-Livelihood sa pamumuno ni Project Development Officer III Lawrence Joseph Velasco, maagang Pamasko ang handog ng Telco Partners na SMART at Talk N’ text sa mga benepisyaryo ng STAN Kabahuyan Program.

Mula sa mahigit 1,000 benepisyaryo isang sari-sari store owner mula sa General Luna na si Minerva Oreste ang masuwerteng napili para sa Electronic Raffle na nagkaroon ng pagkakataong makasali sa dalwang minutong Hakot Pa-Premyo challenge ng naturang Telco Partners sa Walter Mart Candelaria Quezon nitong Disyembre 20.

Lahat ng grocery items na nahakot sa loob ng dalwang minuto ay gagamitin bilang dagdag paninda sa munting tindahan ng nasabing benepisyaryo upang mas lalo pa itong mapaunlad.

Isang hakbang pasulong para sa mas maunlad na kabuhayan!

#STANKabuhayan

#SerbisyongTunayAtNatural

#HEALINGQuezon

Quezon PIO

Pinarangalan ng Philippine Trade Training Center (PTTC) ng National Builder Award ang lalawigan ng Quezon | December 19, 2024

Karangalan para sa lalawigan ng Quezon!

Pinarangalan ng Philippine Trade Training Center (PTTC) ng National Builder Award ang lalawigan ng Quezon nitong Disyembre 19, sa PPTC Building Pasay City.

Sa ngalan ni Governor Doktora Helen Tan tinanggap ang naturang award ni Project Development Officer III Lawrence Joseph Velasco bunga ng patuloy na inisyatibo ni Governor Tan na maiangat ang kabuhayan ng mamamayang Quezonian.

Ang Nation Builder Award ay isang pagkilala na iginagawad sa mga Local Government Units (LGU), pribadong kumpanya, o inibidwal na nakapaglunsad ng makabuluhang programa para sa pag-unlad ng negosyo sa kanilang komunidad.

Ngayong taon kinilala ng Philippine Trade Training Center (PTTC) ang lalawigan ng Quezon bilang isa sa mga natatanging tagapagtaguyod ng negosyo dahil sa tagumpay ng STEP-UP Entrepreneurship Development Program

Ang STEP-UP Program ay may intensive training sa loob ng labing limang (15) araw para sa mga Micro, Small, and Medium Enterprises (MSME’s).

Binigyan ng student partners ang mga benepisyaryo upang pagsamahin ang kanilang karanasan at kaalaman pang-teknikal.

Samantala, ang mga nagtapos ay tumanggap ng Collapsible Kiosk, Collapsible Tent, Foldable Chairs at bagong packaging design mula sa PLTC Merkado para sa kanilang produkto sapamamagitan ng TANkilik Hub ng Waltermart Candelaria at Iskaparate Online App.

Ang parangal na ito ay patunay ng dedikasyon ng lalawigan ng Quezon na itaas ang antas ng kabuhayan at negosyo para sa mga mamamayang Quezonian. Isang hakbang pasulong tungo sa mas maunlad na kinabukasan!

#NationalBuilderAward

#STEPUP

#SerbisyongTunayAtNatural

#HEALINGQuezon

Quezon PIO

STAN on SKILLS Training Program | December 20, 2024

Improve your Skills with STAN on SKILLS!

Sa patuloy na hangarin ni Governor Doktora Helen Tan na mas mapaunlad ang kalidad ng hanap buhay at pangkabuhayan ng mga mamamayang Quezonian, matagumpay na isinagawa ang STAN on SKILLS Training Program.

Ito ay libreng programa na inilunsad at pinangunahan ni Governor Doktora Helen Tan katuwang ang PGO-Livelihood sa ilalim ni Project Development Officer III

Mr. Lawrence Joseph Velasco, nakabalikatan din sa programang ito ang mga TESDA Schools sa lalawigan ng Quezon.

Layunin ng programang ito na solusyunan ang problema ng unemployment o kawalan ng hanap buhay sa lalawigan ng Quezon at tulungan ang mga mamamayan na matuto ng mga bagong kasanayan na magagamit sa kanilang negosyo o hanap buhay.

Ang naturang pagsasanay ay nagsimula noong nagdaang Oktubre 17 at magtatapos sa darating na Enero 15, tinayang nasa 209 ang bilang ng mga benepisyaryo na nagmula sa bayan ng Unisan, Infanta, Candelaria, Jomalig, Gumaca, San Antonio at Atimonan.

Samantala, narito ang mga training services na ipinagkaloob sa mga benepisyaryo:

•Plumbing NC II

•Hilot (Wellness Massage) NC II

•Shielded Metal Arc Welding (SMAW) NC I

•Bread and Pastry Production NC II

•Organic Agriculture Production NC II

•Housekeeping NC II

•Barista NC II

Ang benepisyaryo na matagumpay na makapagtatapos ay tatanggap ng National Certificate na magpapataas ng kanilang kakayahang makahanap ng trabaho at hanapbuhay.

#STANonSKILLS

#SerbisyongTunayAtNatural

#HEALINGQuezon

Quezon PIO

« Previous Page