Break the Prevalence, End the Violence Protecting Children Creating a Safe Philippines.
DISCLAIMER: I hereby declare that I do not own the rights to this music/song. All rights belong to the owner. No Copyright Infringement Intended.
Livestream: https://www.facebook.com/QuezonGovPh/videos/1236546517398717/
Quezon PIO
Para sa mga nais mag-apply, magtungo lamang sa tanggapan ng Quezon Provincial PESO na matatagpuan sa 2nd Floor | ikalawang palapag ng Quezon Convention Center, Capitol Compound Lucena City. Huwag kalimutang magdala ng RESUME, ID at ballpen.
Para sa iba pang katanungan, maaaring tumawag sa QUEZON Provincial PESO (042) 373-4805 | 0933-868-5524 o mag-iwan ng mensahe dito sa aming Facebook page.
Quezon PIO
Isinagawa nitong Nobyembre 18, ang isang Consultative Meeting sa Conference Room ng Quezon Capitol Building upang talakayin ang kalagayan ng Lagnas Bridge sa bayan ng Sariaya kung saan ay pansamantalang isasara upang isailalim sa isang rehabilitasyon dahil na rin sa pinsalang idinulot ng mga nagdaaang bagyo.
Sa pangunguna ni Governor Doktora Helen Tan ang nasabing tulay na proyekto ng Department of Public Works and Highways (DPWH) 2nd District Engineering Office ay magdudulot ng pansamantalang limitasyon paggamit ng tulay, kung saan papayagan lamang na makadaan ang mga light vehicles tulad ng tricycle, jeepney, motorsiklo, van, kotse at mga bike.
Samantala, ang mga mabibigat na sasakyan (truck at bus) ay pinapayuhang dumaan sa alternatibong mga ruta at detour:
Quezon Eco-Tourism road, San Juan- Candelaria JCT Candelaria – Bolboc Road, Candelaria By-pass road
Tinalakay din ang mga hakbang na isasagawa sa rehabilitasyon ng tulay gamit ang micropiling na magpapalakas sa pundasyon nito at para sa tiyak na kaligtasan ng mga motorista.
Siniguro naman ni Quezon Provincial Police Director PCOL Ruben B Lacuesta na magiging katuwang ang kapulisan ng lokal na pamahalaan sa pagpapatupad ng rehabilitasyon at sa pagtutok sa kaligtasan ng publiko.
Hinikayat ni Governor Tan ang lokal na pamahalaan ng Sariaya at mga ahensya na maglatag ng proactive na plano para sa pagpapabuti ng imprastruktura lalo na sa mga oras ng kalamidad.
Quezon PIO
Idinaos ngayong araw ng Lunes Nobyembre 18, ang ika-123 na Pangkaraniwang Pulong ng Sangguniang Panlalawigan sa pangunguna ni Vice Governor Third Alcala na ginanap sa Kalilayan Hall, Lucena City.
Ito ay pinasimulan sa pamamagitan ng isang masiglang awitin na hatid ng MSEUF Concert Singers – Alumni Association kung saan ay inimbitahan nila ang mga board member na dumalo sa kanilang 50th Golden Anniversary na may temang: Pag-Tanaw, Pagtan-aw: Ika- 50 Gintong Anibersaryo na Konsiyerto.
Bilang pagkilala sa kanilang natatanging serbisyo, ay binigyang parangal naman sina former QPPO Provincial Director Police Colonel (PCOL) Ledon D. Monte, Major General Roberto S. Capulong, Brigadier General Erwin A. Alea, at Brigadier General Cerilo C. Balaoro Jr.
Pinag-usapan sa pagpupulong ang mga resolusyon, ordinansa, panukala, at mga rekomendasyon sa resolusyon na maaaring gawing basehan ng Sangguniang Panlalawigan sa pagpapasa ng mga resolusyon.
Inimungkahi din dito ang mga pondo at mga programa na paglalaanan ng Annual Budget F.Y 2025 ng Pamahalaang Panlalawigan ng Quezon na tinatayang nagkakahalaga na humigit P6 na bilyon para sa General Fund at humigit na P700,000 para sa Economic Enterprise na inaprubahan na nang Sangguniang Panlalawigan.
Gayundin, inaprubahan ang ordinansang nagdedeklara sa ika-10 ng Oktubre bilang Mental Health day sa munisipalidad ng Gumaca.
Sa layunin na mas mapabuti pa ang ating lalawigan asahan ang patuloy na pagbasa at pagapruba ng Sanggunian sa batas na makakatulong sa bawat mamayan at komunidad sa Lalawigan ng Quezon.
Quezon PIO
Sunod na binisita ni Governor Doktora Helen Tan ngayong araw ng Lunes, Nobyembre 18 ang islang bayan ng Polillo na kabilang sa nasalanta ng BAGYONG PEPITO, kung saan namahagi ang Pamahalaang Panlalawigan ng relief goods para sa mga mamamayan nito.
Quezon PIO
Tampok ang iba’t-bang produktong gawa mula sa niyog at mga pagsasanay na higit pang magpapaunlad sa sektor ng pagniniyugan, ay pormal ngang sinimulan ngayong araw, ika-18 ng Nobyembre 2024, ang pagbubukas ng Coconut Expo sa Pacific Mall, Brgy. Iyam, Lungsod ng Lucena.
Makikita rito ang mga produktong tulad ng VCO, Lambanog, coco vinegar, coco sugar, buko pie at iba pang palamuti na gawa sa bao ng niyog. Ito ay bilang bahagi ng ika-8 Techno Gabay Program (TGP) Summit sa tema nitong: Kultura, Sining, at Agham tungo sa Makabagong Industriya ng Pagniniyugan.
Nagpaabot naman ng kanilang pagsuporta sina Dr. Rolando Maningas, Center Director Chief ng DA ATI RFO IV-A kasama ang mga kinatawan ng ilan sa mga partner agencies mula sa Pamahalaang Panlalawigan ng Quezon na si APA Alexander Garcia, SLSU University President Dr. Frederick Villa, PCA IV-A Regional Director III Bibiano C. Concibido, Jr., at DTI Quezon Provincial Director Julieta Tadiosa, CESO V.
Buong galak din na ibinahagi ng mga punong tagapagsalita ang pagkilala sa Quezon bilang lalawigan na may pinakamataas na produksyon ng niyog sa buong bansa kung kaya’t isa sa mga hangarin mula rito ay ang bumuo rin ng pangalan para sa lalawigan bilang sentro ng coconut researches and studies sa isa sa mga unibersidad nito, ang SLSU.
Kabilang ang mga paksang ukol sa Good Agricultural Practices (GAP) on Coconut at ang mga maaring simulang agribusiness sa pagniniyugan na ibinahagi nina Coco Deli Owner at Magsasakang Siyentista Rodel Sinapilo, Mikastra Integrated Farm Owner Astralet Marbella at DA Regional PhilGAP Assesor Pamela Perez.
Ang Coco Expo ay mananatili hanggang ika-19 ng Nobyembre sa Pacific Mall, Lucena City, kung saan ilan pa sa mga paksang tatalakayin ay ukol sa coconut value-adding, coco soap making, product development and enterprise, at coco byproducts.
Quezon OPA
Livestream: https://www.facebook.com/watch/live/?ref=watch_permalink&v=540808085378713&rdid=zrVcpeyHyC34Ex0D
Quezon PIO
Matapos ang paghagupit ng BAGYONG PEPITO, minabuti ni Governor Doktora Helen Tan na bisitahin ngayong araw ng Lunes, Nobyembre 18 ang islang bayan ng Jomalig na isa sa hinagupit ng bagyo kung saan umabot sa Tropical Cyclone Wind Signal 5 dito.
Personal na inalam at kinumusta ng gobernadora ang kasalukuyang sitwasyon ng mga residente sa nasabing isla, at siniguro ring may Pamahalaang Panlalawigan na aagapay na maghahatid ng nararapat at sapat na tulong.
Quezon PIO
Nandito po tayo ngayon sa Jomalig, Quezon para kumustahin at mag-abot ng mga relief good sa ating mga kababayan na sinalanta ng Bagyong Pepito.
Livestream: https://www.facebook.com/DoktoraHelenTan/videos/1065268498672342/
Doktora Helen Tan Facebook Page
Livestream: https://www.facebook.com/QuezonGovPh/videos/1082821706499927/
Quezon PIO