24-Hour Public Weather Forecast | June 19, 2025

𝐈𝐬𝐬𝐮𝐞𝐝 𝐚𝐭 𝟒:𝟎𝟎 𝐏𝐌, 𝟏𝟗 𝐉𝐮𝐧𝐞 𝟐𝟎𝟐𝟓

SYNOPSIS: Ang Intertropical Convergence Zone (ITCZ) ay nakaaapekto sa Mindanao. Ang Easterlies naman ay nakaaapekto sa nalalabing bahagi ng bansa.

Weather Condition:
Maulap na kalangitan na may kalat-kalat na pag-ulan at pagkidlat-pagkulog.Easterlies

Impacts/ Hazards:
Posibleng pagbaha o pagguho ng lupa dulot ng katamtaman hanggang malalakas na pag-ulan

Quezon PDRRMO

Nakikiisa ang Pamahalaang Panlalawigan ng Quezon sa paggunita ng National Refugee Day | June 19, 2025

Nakikiisa ang Pamahalaang Panlalawigan ng Quezon sa paggunita ng National Refugee Day sa darating na Hunyo 20, 2025, na may temang: Stand in Solidarity with the Forcibly Displaced and Stateless People.

Ang pagdiriwang na ito ay isang mahalagang paalala sa ating tungkulin bilang mamamayan na magpakita ng malasakit, pagkakaisa, at pagkilala sa karapatan ng mga taong napilitang lumikas mula sa kanilang mga tahanan dahil sa digmaan, karahasan, o pag-uusig.

Quezonian,sama-sama nating itaguyod ang katarungan, pagkakapantay-pantay, at kapayapaan para sa lahat.

#RefugeeDay2025
#SolidarityWithRefugees
#SerbisyongTunayAtNatural
#QuezonProvince
#HEALINGQuezon

Quezon PIO

Ika-164 Taong Anibersaryong Kaarawan ni Rizal | June 19, 2025

Marapat na palaging ginugunita ang iyong kadaki-dakilang sakripisyo, ambag at nagawa.

Marapat na maging inspirasyon palagi ng bawat Pilipino sa pagmamahal sa ating inang bayan.

Inaalala ka, para ipaalala sa mga nakalilimut na higit sa lahat, una ang bansa bago ang sarili.

Maligayang kaarawan, Gat Jose Rizal!

#JoseRizal
#Rizal164

Quezon Tourism

General Flood Advisory No. 7 | June 19, 2025

𝐈𝐬𝐬𝐮𝐞𝐝 @𝟔𝐀𝐌, 𝟏𝟗 𝐉𝐮𝐧𝐞 𝟐𝟎𝟐𝟓

𝐏𝐑𝐄𝐒𝐄𝐍𝐓 𝐖𝐄𝐀𝐓𝐇𝐄𝐑:Ang Intertropical Convergence Zone (ITCZ) ay nakaaapekto sa katimugang bahagi ng Mindanao. Easterlies naman ang nakaaapekto sa nalalabing bahagi ng bansa. Samantala, sa ganap na 3:00 AM ngayong araw, ang Low Pressure Area (LPA) ay namataan batay sa lahat ng available na datos sa layong 360 km Kanluran ng Bacnotan, La Union (17.0°N, 117.0°E).

𝐅𝐎𝐑𝐄𝐂𝐀𝐒𝐓 𝟏𝟐-𝐇𝐑 𝐑𝐀𝐈𝐍𝐅𝐀𝐋𝐋
Mahina hanggang katamtamang pag-ulan na may kasamang pagkidlat at pagkulog.

𝐖𝐀𝐓𝐄𝐑𝐂𝐎𝐔𝐑𝐒𝐄𝐒 𝐋𝐈𝐊𝐄𝐋𝐘 𝐓𝐎 𝐁𝐄 𝐀𝐅𝐅𝐄𝐂𝐓𝐄𝐃:𝐐𝐔𝐄𝐙𝐎𝐍 – Upper Umiray, Lower Bolbok (Lawaya), Malaking-Ilog, Iyam, Macalelon, Catanauan, Silongin Lagda, Pagsanjan, Yabahaan, Bigol, Guinhalinan, Vinas, Calauag, Pandanan, Sta. Lucia, Lugan Malaybalay, Maapon, Bucal (Lalangan), Lakayat, Tignoan, Agos, Anibawan (Polilio Island) and Upper Kilbay – Catabangan.
Ang mga nakatira malapit sa mga paanan ng bundok at sa mga mabababang lugar sa paligid ng mga nabanggit na mga ilog, pati na rin ang mga lokal na Tanggapan ng Pamamahala at Pagpapababa ng Bantang Panganib at Sakuna, ay pinapayuhan pa ring maging alerto sa posibleng flashflood.

Quezon PDRRMO

Congressional Competition ng CocoZumba Dance Contest at Lambanog Mixology sa Dolores Quezon | June 18, 2025

PAGMAMAHAL AT PAGTANGKILIK SA SARILING ATIN

Nagtagisan ng husay sa bawat indayog at pagtimpla ng lambanog ang mga kalahok mula sa Ikalawang Distrito sa idinaos na Congressional Competition ng CocoZumba Dance Contest at Lambanog Mixology sa Dolores Quezon ngayong araw ng Miyerkules, Hunyo 18.

Sa pamamagitan ng NIYOG muling naipamalas ang pagkamalikhain ng mga Quezonian sa larangan ng pagtitimpla ng lambanog kung saan bawat timpla ay nagmula sa tradisyong minana, panlasang pinagyaman, at kulturang pinagtibay ng panahon.

Gayundin ang CocoZumba na sumisimbolo sa pagkilos para sa kalusugan, pag aalay ng sigla sa mas malusog na lalawigan at kinabukasan ng bawat mamamayan.

Epektibong naorganisa ang aktibidad na ito sa inisyatibo ni Governor Doktora Helen Tan sa pangunguna ng Quezon Provincial Tourism Office (QPTO) na pinamumunuan ni Nesler Louies Almagro katuwang ang mga Tourism Officer ng bawat bayan sa lalawigan ng Quezon.

Samantala, pagpupugay para sa mga nagkamit ng tagumpay sa ikalawang distrito at muling sasabak sa darating na Niyugyugan Festival 2025:

COCOZUMBA
Municipality of Dolores

LAMBANOG MIXOLOGY
City of Lucena

Patuloy na subaybayan sa mga susunod na araw ang tagisan ng lasa at galing ng mga Quezonian sa Ikatlo at ikaapat ng Distrito.

#SerbisyongTunayAtNatural
#HEALINGQuezon
#TaraNaSaQuezon
#QuezonProvince

Quezon PIO / Tourism

Libreng Osteoporosis Screening at Layfora | June 18, 2025

BUTO SIGLA ALERT!

Sa pangunguna ng Head ng Orthopedics ng QPHN- QMC, iniimbitahan ka sa Libre’ng Osteoporosis Screening para sa mga nanganganib magkaroon ng sakit sa buto para sa mga:

Menopausal

• 70+ na si Lolo
• Umiinom ng maintenance o steriods
• Nabalian sa simpleng pagkadapa
• May hyperthyroidism, diabetes, o hormonal imbalance?

PACHECK KA NA! – LIBRE ITO

June 27, 2025 – QPHN-Quezon Medical Center, 8:00 AM
Magparehistro kay Ms. Nhoie Mendoza (2nd Floor Orthopedics Office)
Buto mo, siguruhin mong SIGLA pa rin!

#ButoSigla #FreeOsteoporosisScreening #KalusuganNgButo #QPHNQMC

QPHN-QMC

PAGSAKA Vlog Contest Orientation at Training on Organic Vegetable Production 2025 | June 18, 2025

PAGSAKA Vlog Contest Orientation at Training on Organic Vegetable Production 2025

Panibagong Hakbang para sa Kabataang Organiko ng Quezon!

Noong Hunyo 17, 2025, naisakatuparan nang buong sigla ang PAGSAKA (Pag-asa ng Organikong Sakahan, Ating Kabataan) Vlog Contest Orientation at Training on Organic Vegetable Production, na dinaluhan ng 28 kabataang kasapi ng 4-H Club mula sa 15 bayan sa lalawigan ng Quezon.

Layunin ng programang ito na hikayatin at palakasin ang pakikilahok ng kabataan sa organikong pagsasaka sa pamamagitan ng makabago at malikhaing paraan—ang paggawa ng mga vlogs na magpapakita ng kanilang natutunan, karanasan, at ambag sa organic na pagtatanim.

Sa pamamagitan ng kanilang mga vlogs, inaasahang maipapahayag ng mga kalahok ang tunay na saysay ng organikong agrikultura—hindi lamang bilang sistema ng pagsasaka, kundi bilang pundasyon ng mas ligtas na pagkain, malinis na kapaligiran, at mas matatag na kinabukasan.

Pinamunuan ni Dr. Ana Clarissa S. Mariano, Panlalawigang Agrikultor ng Quezon, kasama ang Crop Production Development Division, ang oryentasyon na nagsilbing panimulang hakbang sa PAGSAKA Vlog Contest na tatakbo mula Hulyo hanggang Nobyembre 2025.

Kasabay ng pagsasanay ay ang pamamahagi ng mga organikong binhi at pataba bilang suporta sa mga taniman ng mga kabataan—na siyang magiging tampok sa kanilang mga likhang-vlog.

Ang PAGSAKA ay higit pa sa isang patimpalak—ito ay isang kilusan patungo sa isang organikong kinabukasan, pinangungunahan ng masigasig at makakalikasang kabataang Quezonian.

#QuezonProvince

Quezon PIO / Agriculture

Anim na Bayan sa Ikalawang Distrito , Nagpasiklaban sa Cocolympics 2025 Elimination Round sa San Antonio, Quezon | June 18, 2025

Nagpasiklaban na ang anim na bayan sa ikalawang distrito ng Quezon sa isinagawang Cocolympics 2025- Elimination Round sa pangunguna ng Tanggapan ng Panlalawigang Agrikultor. Masiglang sinimulan ng ilang mga kawani mula sa tanggapan ang opening salvo na agad sinundan ng pagsisindi ng torch ng mga magsasaka mula sa host na bayan- San Antonio, na sina G. Ariel Robles at G. Arnel Pagkaliwanagan, na syang hudyat ng pormal na pagbubukas ng paligsahan.

Nangibabaw din ang diwa ng mainit na pagtanggap sa bawat isa, sa isinagawang tagayan ritual ng lambanog. Baon ang kani-kanilang diskarte, talino at galing, narito na ang mga bayang kakatawan sa kanilang distrito para sa Provincial level ng naturang kompetisyon:

Quezon Game KNB? Season 2: Lucena City
Coconut Relay: Lucena City
Lambanog Relay: Tiaong
Bangus Deboning Relay: Dolores
Quezon Kakanin 224: Candelaria

Ang naturang paligsahan ay isinagawa kahapon, ika-17 ng Hunyo, 2025, sa Brgy. Briones, San Antonio, Quezon sa pangunguna ni Municipal Agriculturist, Bb. Jennifer Cusi at Barangay Captain Sancho Lacorte.

#QuezonProvince

Quezon PIO

Cocozumba Dance Contest & Lambanog Mixology Competition (1st District) | June 18, 2025

Bilang pagkakakilanlan ng mga Quezonian, ang niyog ay hindi lamang produkto kundi itinuturing na likas na yaman at mahalagang bahagi ng pang araw-araw na kabuhayan.
Naging masigla at makulay ang unang araw ng COCOZUMBA Dance Contest at LAMBANOG MIXOLOGY Competition na ginanap sa Lucban Gymnasium nitong araw ng Martes, Hunyo 17.
Todo-bigay sa bawat indak at puno ng enerhiya ang mga kalahok mula sa Unang Distrito, tampok ang pisikal na aktibidad na naglalayong pag-isahin ang ehersisyo at kultura sa pamamagitan ng sayaw na may temang niyog—isang pangunahing simbolo ng Lalawigan ng Quezon.
Kaugnay nito, itinampok din ang malikhain at makabagong paraan ng pagtitimpla ng tradisyonal na lambanog, bilang pagpapakita ng adhikain na maiangat pa ang pangalan ng Quezon sa larangan ng mga dekalidad na inuming lokal.
Samantala, mainit na pagbati sa lahat ng nagwagi at magiging delegado ng Unang Distrito:

COCOZUMBA
Real CocoZumba Dancer – Real, Quezon

LAMBANOG MIXOLOGY
Lucban, Quezon

Pakatutukan ang sagupaan ng indak at timpla sa mga susunod na araw para sa Ikalawa, Ikatlo, at Ikaapat na Distrito ng Lalawigan ng Quezon!

#SerbisyongTunayAtNatural
#HEALINGQuezon
#TaraNaSaQuezon
#QuezonProvince

Quezon PIO / Tourism

Thunderstorm Advisory No. 24 | June 18, 2025

𝐈𝐬𝐬𝐮𝐞𝐝 𝐚𝐭: 𝟕:𝟓𝟐 𝐀𝐌, 𝟏𝟖 𝐉𝐮𝐧𝐞 𝟐𝟎𝟐𝟓(𝐖𝐞𝐝𝐧𝐞𝐬𝐝𝐚𝐲)

Katamtaman hanggang sa malakas na pag-ulan na may kasamang pagkidlat at malakas na bugso ng hangin ang nararanasan sa Quezon (Panukulan, Burdeos, General Nakar) na maaaring magpatuloy sa susunod na dalawang oras at makaapekto sa mga karatig na lugar.

Pinapayuhan ang lahat na mag-ingat at maging alerto sa posibleng panganib ng pagbaha at pagguho ng lupa.

Patuloy na mag-monitor sa mga karagdagang updates.

Quezon PIO