News and Updates

Quezon Tangerines Press Conference | June 24, 2024

Quezon Tangerines Press Conference | June 24, 2024

Ipinakilala na ang Quezon Tangerines Women Volleyball Team na magrerepresent sa lalawigan ng Quezon sa Maharlika Pilipinas Volleyball Association (MPVA) ngayong araw ng Lunes, Hunyo 24.

Para mas makilala pa ang Quezon lalo na sa larangan ng palakasan ay magalak na pinakilala nina Governor Doktora Helen Tan, Congressman Atorni Mike Tan, Team Manager Atty. Donn Kapunan, at Assistant Team Manager Benedicto Membrere ang NCAA 2024 Women Volleyball Champion mula sa College of St. Benilde na magiging manlalaro ng Quezon Tangerines na pangungunahan ng kanilang tagapagsanay na 3x NCAA Champion Coach Jerry Yee.

Narito ang mga bumubuo ng Quezon Tangerines:

1. Jessa Dorog (Team Captain)

2. Francis Mycah Go

3. Zamantha Nolasco

4. Chenae Basarte

5. Clyde Mae Catarig

6. Weilyn Estoque

7. Corrine Allyson

8. Cristy Ondangan

9. Aya Densing

10. Kim Alison Estenzo

11. Zen Basilio

12. Fiona Inocentes

13. Marygrace Borromeo

14. Sofia Badion

15. Shekaina Lleses

16. Shahana Lleses

Samanatala nagsagawa din ng tryout para sa mga Homegrown ng lalawigan ng Quezon at kabilang sa walong napili sa 75 na manlalaro at dadaan sa pagsasanay sina:

Paola Albon – Lucban

Lenie Sapallo – Lucena City

Jasmine Dapol – Lucena City

Christine Joy Lubiano – Lucena City

Jillian Nicole Quiambao – Lucena City

Geraldine Rae Palacio – Pagbilao

Kamille Josephine Amaka Tan – Tayabas

Louann Latigay – Lucena City

Source: Quezon PIO

Ika-102 Pangkaraniwang Pulong ng Sangguniang Panlalawigan | June 24, 2024

Ika-102 Pangkaraniwang Pulong ng Sangguniang Panlalawigan | June 24, 2024

Upang makapagbigay ng mga batas na magbibigay ng seguridad, kaginhawaan at kaayusan sa lalawigan, giInanap ang Ika-102 Pangkaraniwang Pulong ng Sangguniang Panlalawigan ng Quezon ngayong araw ng Lunes, Hunyo 24.

Pinangunahan ni Vice Governor Third Alcala ang Virtual Session ng Sanggunian upang mas paigtingin pa ang lehislaturang panlalawigan na nagbibigay pahintulot na maaprubahan ang mga resolusyon, ordinansa at mga kautusang bayan mula sa mga lungsod at munisipalidad ng Lalawigan ng Quezon.

Ilan sa mga ito ay ang pag apruba ng ordinansang panlalawigan na magtatatag ng livelihood assistance para sa mga Micro Small and Medium Enterprises (MSME) ng probinsya at ang resolusyon mula sa DILG na nag-uutos sa mga lungsod at munisipalidad na maipatupad ang PalengQR Program na naglalayong maisulong ang digitalization ng mga transaksyon sa mga pampublikong pamilihan at transportasyon ng komunidad sa buong bansa.

Asahan pa ang patuloy na pag-aapruba ng mga batas na makakatulong sa bawat mamamayan at komunidad sa Lalawigan ng Quezon.

Source: Quezon PIO

Pagbisita sa tanggapan ni Governor Doktora Helen Tan ang Development Bank of the Philippine (DBP) | June 24, 2024

Pagbisita sa tanggapan ni Governor Doktora Helen Tan ang Development Bank of the Philippine (DBP) | June 24, 2024

TINGNAN: Bumisita sa tanggapan ni Governor Doktora Helen Tan ang Development Bank of the Philippines (DBP) ngayong araw ng Lunes, Hunyo 24 upang pormal na ibigay ang cheke na naglalaman ng P300,000 bilang donasyon sa Pamahalaang Panlalawigan para sa mga kababayang naapektuhan ng bagyong Aghon.

Lubos ang pasasalamat ng Pamahalaang Panlalawigan sa tulong na ibinigay ng DBP na tiyak na makakadagdag sa tulong na patuloy na inihahatid sa mga mamamayan ng Lalawigan.

Source: Quezon PIO

Lingap sa Mamamayan Libreng Gamutan – Dolores, Quezon | June 23, 2024

Lingap sa Mamamayan Libreng Gamutan – Dolores, Quezon | June 23, 2024

Patuloy ang paghahatid ng serbisyong medikal sa ginanap na “Lingap sa Mamamayan, Libreng Gamutan” sa bayan ng Dolores kahapon, Hunyo 23 sa pangunguna ni Governor Doktora Helen Tan kung saan 3,248 na mamamayan ng Dolores ang naging benepisyaryo ng iba’t-ibang libreng serbisyong gamutan.

Ilan sa mga ibinabang serbisyo ay libreng konsultasyon sa bata at matanda, bunot ng ngipin, minor surgery, eye check-up, UTZ, X-ray, ECG, FBS/RBS, Cholesterol, Uric Acid, Urinalysis, CBC, Tuli, Cervical Cancer Screening, at PCV 23 Vaccination.

Nagbigay naman ng tulong pinansiyal ang tanggapan ng Provincial Social Welfare and Development (PSWD) katuwang ang Provincial Treasurer’s Office (PTO) sa mga pasyenteng hindi available ang gamot o kinakailangan ng pagpapalaboratoryo na rekomendasyon ng doktor.

Kasama rin sa nagbigay ng libreng konsultasyon ang tanggapan ng Panlalawigang Beterinaryo kung saan 2,404 ang nakapagpakonsulta ng kanilang mga alagang hayop at 50 na alagang hayop ang naturukan ng anti-rabies.

Sa parehong araw, ipinamahagi rin sa lahat ng barangay ng nasabing bayan ang libreng mga esensyal na gamot upang magsilbing pantawid na tugon para sa mga residenteng may iniindang karamdaman.

Samantala, nakadagdag saya naman sa mga kababayan sa Dolores ang samahan ng LGBTQIA+ Community sa inihatid nilang libreng gupit at pakulay ng buhok. Ito ay bilang pagpapakita ng kanilang pasasalamat at suporta sa Pamahalaang Panlalawigan sa patuloy na pagpapahalaga sa kanilang kakayanan at karapatan sa komunidad at lipunan.

Source: Quezon PIO

Blessing of Multi-Purpose Building (Barangay Hall) | June 23, 2024

Blessing of Multi-Purpose Building (Barangay Hall) | June 23, 2024

Ginanap ngayong araw ng linggo, Hunyo 23 ang pormal na pagbabasbas ng Multi-Purpose Building (Barangay Hall) ng Brgy. Manggahan sa Bayan ng Dolores sa pangunguna ni Governor Doktora Helen Tan.

Kasamang nakibahagi sa maikling programa sina Vice Governor Third Alcala, mga kinatawan ng ikalawang distrito sa Sangguniang Panlalawigan: Bokal Yna Liwanag at Bokal Vinnette Alcala-Naca, Dolores Mayor Orlando Calayag at mga miyembro ng Sangguniang Bayan ng Dolores.

Ang naturang gusali ay improvement completion na may sukat na 9 meters long by 14 meters wide o may kabuuang sukat na 126 square meters. Naisagawa ang pagpapabuti ng nasabing Barangay Hall sa pamamagitan ng 20% development fund ng Lalawigan.

Hindi tumitigil ang Pamahalaang Panlalawigan sa paghahatid ng mga proyekto at programa na tutugon sa mga pangangailangan ng bawat Barangay at magsisilbing malaking kapakinabangan sa mga mamamayan ng bawat komunidad sa Lalawigan.

Source: Quezon PIO

Distribution of Agricultural Inputs | June 23, 2024

Distribution of Agricultural Inputs | June 23, 2024

Kasabay ng ibinabang libreng serbisyong gamutan sa Bayan ng Dolores kahapon, Hunyo 23, binigyang panahon rin ni Governor Doktora Helen Tan na makaharap at kumustahin ang Samahan ng mga maggugulay sa nasabing Bayan.

Kabilang sa nagbigay ng mensahe ng pagbati sina Vice Governor Third Alcala, mga kinatawan ng ikalawang distrito sa Sangguniang Panlalawigan: Bokal Yna Liwanag at Bokal Vinnette Alcala-Naca, Dolores Mayor Orlando Calayag at mga miyembro ng Sangguniang Bayan ng Dolores.

Bukod sa konsultasyon patungkol sa mga suliranin na kinakaharap ng naturang mga samahan, namahagi rin ng iba’t-ibang Agricultural Inputs sa pangunguna ng tanggapan ng Provincial Agriculturist sa pamumuno ni Dr. Liza Mariano. Ilan sa mga ipinamahagi ay Knapsack Sprayer, Grasscutter, Seedling Tray, Urea (46-0-0), Complete (14-14-14), Organic at iba’t-ibang gulay na pananim gayundin ang foodpacks na mula sa Department of Social Welfare and Development.

Malaki ang pagpapahalaga ng Pamahalaang Panlalawigan sa Sektor ng Agrikultura sa Lalawigan kung kaya’t patuloy ang paghahatid ng iba’t-ibang tulong at programa na tutugon sa pangangailangan ng mga mamamayan na pagsasaka at pangingisda ang pangunahing hanapbuhay.

Source: Quezon PIO

Libreng Serbisyong Gamutan sa Bayan ng Dolores | June 23, 2024

Libreng Serbisyong Gamutan sa Bayan ng Dolores | June 23, 2024

TINGNAN: Narito ang ilang kaganapan sa isinagawang libreng serbisyong gamutan sa bayan ng Dolores ngayong araw, Hunyo 23 sa pangunguna ni Governor Doktora Helen Tan kasama ang mga doktor at espesyalista na mula sa Maynila at iba’t-ibang parte ng lalawigan ng Quezon.

Source: Quezon PIO

Talakayan sa Philhealth PCPN Konsulta Package | June 23, 2024

Talakayan sa Philhealth PCPN Konsulta Package | June 23, 2024

Masayang pinaunlakan ni Governor Doktora Helen Tan ang Talakayan sa Philhealth Primary Care Provider Network (PCPN) – Konsulta Package (Konsultasyong Sulit at Tama) sa Bayan ng Dolores nitong araw ng Linggo, Hunyo 23 kasama sina Bokal Yna Liwanag, Dolores Mayor Orlan Calayag at mga miyembro ng Sangguniang Bayan.

Dinaluhan ito ng mga Barangay Health Workers ng labing-anim na Barangay ng naturang Bayan.

Pinangunahan naman ni Dr. Irving Villaseñor mula sa Provincial Health Office ang talakayan patungkol sa Konsulta Package.

Hangad ng Gobernadora na mas marami pa ang maging benepisyaryo ng mga programa ng Pamahalaang Panlalawigan na tumutugon sa pangangailangang pangkalusugan upang masiguro ang malusog na mga mamamayang Quezonian.

Source: Quezon PIO

Pantawid Pamilya ng Department of Social Welfare and Development Office Quezon Cluster | June 21, 2024

Pantawid Pamilya ng Department of Social Welfare and Development Office Quezon Cluster | June 21, 2024

Matagumpay na isinagawa ang pagpili sa mga natatanging nominadong Pantawid Pamilya ng Department of Social Welfare and Development Office Quezon Cluster noong ika-21 ng Hunyo 2024. Walong pamilya ang nagtunggali mula sa 4 na distrito ng Quezon kung saan ay makabuluhang ibinahagi ng mga Municipal Links ang nakakaantig na kwento ng tagumpay ng bawat nominado.

Sa kabila ng iba’t ibang kwento ng tagumpay ay hinirang ang Pamilya Azutilla (Burdeos) at Pamilya Rongo (General Luna) bilang magiging representate ng ating probinsya sa gaganaping Regional Level Screening ng Huwarang Pantawid Pamilya 2024.

Samantala, naging kabahagi ang tanggapan ng PSWDO katuwanang ang iba pang ahensya ng pamahalaan at pribadong sektor gaya ng PHO, DILG, DepEd Quezon at Bethsaida sa pagsala upang maipamalas pa ang kagalingan ng bawat pamilya.

Nagkaloob din ang ating Pamahalaang Panlalawigan ng Cash Prize para sa mga nagwagi at naging kabahagi.

Source: Quezon PSWDO

Quezon Pride Month Celebration | June 21, 2024

Quezon Pride Month Celebration | June 21, 2024

HAPPY PRIDE MONTH!🌈

Para sa makulay na pagdiriwang ng Pride Month ngayong taon, nagtipon-tipon nitong Hunyo 21 ang mga miyembro ng LGBTQIA+ mula sa iba’t-ibang bayan ng lalawigan upang makiisa sa ikalawang annibersaryo ng Quezon’s Pioneer Pride na pinangungunahan ng kanilang founder at sectoral head na si Kagawad Eugene Alandy Dy.

May temang Masquerade Ball ang nasabing selebrasyon kung saan naman ay malugod na nakiisa sa ginanap na programa si Governor Doktora Helen Tan upang ipakita ang kanyang buong pagsuporta sa ating mga kalalawigan na bahagi ng LGBTQIA+ community.

Asahan na sinisiguro ng Pamahalaang Panlalawigan na ang bawat sektor kabilang na ang mala-bahagharing LGBTQIA+ ay mabibigyang boses at kikilalanin ang kanilang kahalagahan sa lipunan.

Source: Quezon PIO