Pamanang Quezonian Seminar/Workshops in Celebration of National Heritage Month | May 22 2025

Bilang bahagi ng selebrasyon ng National Heritage Month o Buwan ng Pambansang Pamana, isinagawa ang Cultural Mapping sa ikatlong araw ng PAMANANG QUEZONIAN Seminar/Workshop on Cultural Sensitivity Cultural Mapping and Heritage Inventory and Understanding the Flag And Heraldic Code of the Philippines ngayong araw ng Huwebes, Mayo 22.
Sa inisyatibo ng Quezon Provincial Tourism Office (QPTO) na pinamumunuan ni Mr. Nesler Louies C. Almagro ay nakiisa ang apatnapu’t isang (41) Tourism Officers ng iba’t ibang munisipalidad sa lalawigan ng Quezon kaisa ang Quezon Provincial Librarian sa pamumuno ni Ms. Ria Marielle A. Timbal.
Matagumpay na napuntahan ang mahahalaga at makasaysayang lugar sa lungsod ng Lucena at Tayabas gayondin sa bayan ng Sariaya at Pagbilao kung saan kilala ang mga ito sa kanilang arkitekturang kolonyal, makabuluhang mga tradisyon at kasaysayan.
Layunin ng naturang aktibidad na mapalawak ang kaalaman ng mga mamamayang Quezonian tungkol sa kahalagahan ng pamanang kultura ng ating lalawigan, na ito ay mas pahalagahan, ingatan at pagsumikapang mapreserba hanggang sa susunod pang henerasyon o saling lahi.

For more details, visit this link: https://www.facebook.com/share/p/15PrMN5oLo/

#SerbisyongTunayAtNatural
#HEALINGQuezon

Quezon PIO

Congratulations! Dr. Flomella S. Alillo-Caguicla as OUTSTANDING LOCAL GOVERNMENT VETERINARIAN | May 22, 2025

Pinarangalan ang ating Quezon Provincial Veterinarian, Dr. Flomella S. Alillo-Caguicla bilang OUTSTANDING LOCAL GOVERNMENT VETERINARIAN nitong Mayo 21, 2025 sa Subic Bay Travelers Hotel, Subic, Zambales.
Kinilala ng Provincial, City, and Municipal Veterinarians League of the Philippines (PCMVLP) ang kaniyang dedikasyon at natatanging kontribusyon bilang beterinaryo sa pagsusulong at pagpapaunlad ng lokal na industriya ng paghahayupan.
Ang parangal na ito ay naging posible dahil sa walang sawang suporta ng ating Gobernadora Doktora Helen Tan, mga katuwang na Lokal na Pamahalaan sa pangunguna ng mga LGU Veterinarians at mga Municipal Agriculturists, mga Agricultural Extension Workers at higit sa lahat ang buong Tanggapan ng Panlalawigang Beterinaryo.
Kinilala rin ang husay ni Tayabas City Veterinarian, Dr. Isagani Requizo na tumanggap naman ng Best Innovative Program Implementer para sa kanilang lungsod.
Isang pagpupugay para sa ating napakasisipag at napakahuhusay na mga beterinaryo ng lalawigan. Ang iyong buong-puso at natatanging paglilingkod ay karapat-dapat sa mga karangalang ito.
Ipinagmamalaki kayo ng Lalawigan ng Quezon, DR. CAGUICLA at DR. REQUIZO!

#Provetquezon
#ProvincialGovernmentofQuezon
#QuezonProvince

Quezon PIO

Domoit SLP Association Community Store | May 22, 2025

Matagumpay na Pagbubukas ng Bigasan ng Domoit SLP Association!
Sa pagbabalikatan ng Provincial Governor’s Office – Livelihood Unit at ng DSWD- Quezon, isinagawa ngayong araw ng Huwebes, Mayo 22, 2025, ang pormal na pagbubukas ng negosyong bigasan ng Domoit SLP Association, isa sa mga benepisyaryo ng Sustainable Livelihood Program (SLP) sa Brgy. Domoit, Lucena City.
Sa pakikipagtulungan ng Pamahalaang Panlalawigan ng Quezon sa pangunguna ni Governor Dra. Helen Tan at ng Department of Social Welfare and Development (DSWD) sa pamumuno ni Secretary Rex Gatchalian, nakatanggap ang asosasyon ng ₱375,000 panimulang kapital para sa pagtatayo ng kanilang negosyong bigasan.
Dumalo at nagbahagi ng mensahe ng suporta sina:
• PDO III Lawrence Joseph L. Velasco (PGO – SLP)
• Kgwd. Lilian Abdon (Brgy. Domoit)
• PDO II Manuel R. Zulueta (SLP – DSWD FO IV-A)
• Melanie S. Taberara (LGU Lucena City Representative)
• Angelica Denise Pariz (4K Partylist, District Focal)
• Marivic N. Saclag (Domoit SLPA Leader)
• Rosemarie M. Abarra (PPMO – DSWD FO IV-A)
Ang kanilang presensya at mensahe ay nagsilbing inspirasyon sa mga miyembro ng asosasyon upang higit pang pag-ibayuhin ang kanilang negosyo.
Samantala, binigyang diin din ni PDO III Lawrence Joseph L. Velasco ang patuloy na suporta ng Pamahalaang Panlalawigan ng Quezon sa mga programang nagbibigay ng alternatibong kabuhayan para sa bawat Quezonian.

For more details, visit this link: https://www.facebook.com/share/p/1Dd9hWZvFD/

#SustainableLivelihoodProgram
#SerbisyongTunayAtNatural
#HEALINGQuezon

Quezon PIO

Surgical Caravan 2025 | May 21, 2025

PANOORIN: Ang taos-pusong pasasalamat ng isa nating kalalawigan mula sa lungsod ng Lucena na naging benepisyaryo ng libreng operasyon na pagtanggal ng bato sa apdo (cholecystectomy) sa ginanap na Surgical Caravan 2025 noong nakalipas na Mayo 9 at 10 sa Quezon Provincial Hospital Network – Quezon Medical Center (QPHN-QMC) Lucena City.

Watch here: https://www.facebook.com/share/v/1BkPguFxd4/

#SerbisyongTunayAtNatural
#HEALINGQuezon
#SurgicalCaravan2025

Quezon PIO / QPHN-QMC

International AIDS Candlelight Memorial Week | May 20, 2025

𝗜𝗸𝗮-𝟯 𝗟𝗶𝗻𝗴𝗴𝗼 𝗻𝗴 𝗠𝗮𝘆𝗼 𝗮𝘆 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗔𝗜𝗗𝗦 𝗖𝗮𝗻𝗱𝗹𝗲𝗹𝗶𝗴𝗵𝘁 𝗠𝗲𝗺𝗼𝗿𝗶𝗮𝗹 𝗪𝗲𝗲𝗸
Ngayong linggo, sabay-sabay nating alalahanin at bigyang-pugay ang mga buhay na nawala dahil sa HIV/AIDS.
Magsilbing paalala ito ng ating pangakong:

• Magbigay-suporta sa People Living with HIV (PLHIV)
• Palaganapin ang tamang impormasyon tungkol sa HIV/AIDS
• Iwasan ang stigma at diskriminasyon
• Magpa-HIV test nang libre at kompidensyal sa inyong mga health center

𝗠𝗮𝗴𝘀𝗶𝗻𝗱𝗶 𝗻𝗴 𝗸𝗮𝗻𝗱𝗶𝗹𝗮. 𝗠𝗮𝗴𝗯𝗶𝗴𝗮𝘆-𝗹𝗶𝘄𝗮𝗻𝗮𝗴. 𝗠𝗮𝗴𝗸𝗮𝗶𝘀𝗮.

#InternationalAIDSCandlelightMemorial
#HIVAwareness
#HealthyQuezon
#QuezonProvince

Quezon PHO

Ophthalmologist ang Kailangan, Mata Mo’y Aalagaan | May 20, 2025

Sa QPHN-QMC, ang iyong paningin ay aming pangangalagaan.
Mula sa komprehensibong pagsusuri hanggang sa paggamot, ang aming Ophthalmology Service ay dedikado sa pagbibigay ng malinaw na kinabukasan sa bawat mamamayan. Ang aming mga eksperto ay katuwang mo sa bawat hakbang, tungo sa mas maliwanag at mas makulay na paningin.

Para sa inquiries, tumawag sa (042) 717 6323 o makipag-ugnayan sa aming Facebook page.

QPHN-QMC

Pamanang Quezonian Seminar_Workshops in Celebration of National Heritage Month | May 20, 2025

Alinsunod sa Presidential Proclamation Blg. 439, ipinagdiriwang tuwing buwan ng Mayo ang National Heritage Month o Buwan ng Pambansang Pamana na may temang “Preserving Legacles, Building Futures: Empowering Communities through Heritage”.

Sa pangunguna ng Quezon Provincial Tourism Office (QPTO) na pinamumunuan ni Mr. Nesler Louies C. Almagro ay ginanap ang PAMANANG QUEZONIAN Seminar/Workshop on Cultural Sensitivity Cultural Mapping and Heritage Inventory and Understanding the Flag And Heraldic Code of the Philippines ngayong araw ng Martes, Mayo 20 sa St. Jude Coop. Hotel and Event Center, Tayabas City, Quezon.
Sa ngalan ni Governor Doktora Helen Tan dinalunan ito nina Vice Governor Third Alcala at Executive Assistant Romano Talaga gayondin ang limampung (50) partisipante na nagmula sa iba’t ibang munisipalidad sa lalawigan ng Quezon.

Layunin ng naturang aktibidad na isulong ang pangangalaga at promosyon sa mayamang kulturang pamana ng Lalawigan ng Quezon gayondin ang teoretikal na kaalaman, praktikal na aplikasyon, at mga makabagong plano sa pangunahing haligi ng pamana at mas malalim na pag-unawa sa watawat at heraldikong simbolo ng ating bansa.
Kaugnay nito ang Republic Act No. 8491, o ang “Flag and Heraldic Code of the Philippines,” na isang batas ng Pilipinas na nagtakda ng mga alituntunin at panuntunan sa wastong paggamit, paghawak, at paglalagay ng Pambansang Watawat, Pambansang Awit, Pambansang Moto, Eskudo ng Pilipinas, at iba pang heraldikong sagisag ng bansang Pilipinas.

For more details, visit this link: https://www.facebook.com/share/p/19PwW3qfjw/

#SerbisyongTunayAtNatural
#HEALINGQuezon
#NationalHeritageMonth

Quezon PIO

Step-up Orientation and Business Matching Activity | May 20, 2025

STEP-UP PARA SA MSMEs ng Quezon!
Matagumpay na naisagawa ngayong araw ng Martes, Mayo 20, 2025, ang STEP-UP Orientation and Business Matching Activity para sa mga Micro, Small, and Medium Enterprises (MSMEs) sa conference room ng Pamahalaang Panlalawigan ng Quezon.
Ang aktibidad ay alinsunod sa adhikain ni Governor Doktora Helen Tan at ni PLGU Quezon Project Development Officer III Lawrence Joseph Velasco na mapataas ang antas ng pagnenegosyo sa lalawigan sa pamamagitan ng pagbibigay ng pagsasanay, kagamitan, at direktang koneksyon sa merkado. Isa rin sa mga layunin ang pagtulong sa mga negosyante na mairehistro ang kanilang produkto sa FDA, na magbubukas ng mas malalaking oportunidad sa lokal at internasyonal na merkado.
Pinangunahan ni Project Development Officer III Lawrence Joseph Velasco at Mr. Vincent Villasin ng Flavors of Quezon ang orientation, kung saan tinalakay ang kahalagahan ng inobasyon, digitalization, at networking sa iba’t ibang ahensya at pribadong sektor.
Samantala sa business matching activity naman ay nabigyang daan ang posibilidad na maipasok ang mga produktong Quezon sa mga kilalang establisyemento gaya ng SM City Lucena, Pacific Mall Lucena, Metro, LCC Malls, at 10 Walter Mart branches sa CALABARZON, sa pamamagitan ng mga Tan-kilik Hubs.
Nagkaroon din ng open forum upang direktang marinig ang pangangailangan ng ating MSMEs at kanilang mga mungkahi para sa mas angkop na pagsasanay.
Ang matagumpay na aktibidad na ito ay patunay ng patuloy na pagtutulungan ng Pamahalaang Panlalawigan ng Quezon para sa mas maunlad na kabuhayan at mas matatag na kinabukasan para sa bawat negosyante sa ating lalawigan.

For more details, visit this link: https://www.facebook.com/share/p/1FAX9W6k8B/

#StepUpOrientation
#HEALINGQuezon
#SerbisyongTunayAtNatural

Quezon PIO

Estrus Synchronization Artificial Insemination on Large Ruminants and Other Animal Health Services | May 20, 2025

Hatid ng Office of the Provincial Veterinarian sa mga kalalawigan natin sa Sampaloc, Quezon ang pagkakaloob ng mga veterinary services, gaya ng estrus synchronization, artificial insemination, deworming, at vitamin injection sa kanilang mga alagang kalabaw nitong Mayo 13,16-17, 2025,
May bilang na 48 na mga kalalawigan nating nag-aalaga ng 73 mga kalabaw ang naserbisyuhan sa naturang bayan.
Lubos na nagpapasalamat ang OPV Quezon sa mga katuwang na ahensya ng Pamahalaan upang mapalawig pa ang Ruminant Development Program sa lalawigan, gaya ng Department of Agriculture (PCC, BAI, PCA, NDA, DARFO4A), gayundin sa LGU Sampaloc.

For more details, visit this link: https://www.facebook.com/share/p/1HFsQkWNM6/

#Provetquezon
#ProvincialGovernmentofQuezon
#QuezonProvince
#HEALINGQuezon
#SerbisyongTunayAtNatural

Quezon ProVet

Extention and Organizational Development: Provision of Start-up Capitol for Animal Product Development | May 20, 2025

Bagong kasanayan ang hatid ng Office of the Provincial Veterinarian sa pamamagitan ng Meat Processing Training and Hands-on Demonstration para sa mga miyembro ng registered Livestock Farmers Association (LIGAMA) Livestock Growers Association sa Brgy. Malapad, Real Quezon nito lamang Mayo 16, 2025.
Nakatanggap rin ang mga dumalo sa nasabing pagsasanay ng start-up capital mula sa 20% Development Fund ng lalawigan na magagamit nila bilang panimula o karagdagang pagkakakitaan. Taglay ang bagong kaalaman ay handa nilang ibahagi sa iba pang mga miyembro ng samahan ang kanilang mga natutuhan upang makapagpasimula rin ng ganitong uri ng negosyo.
Nagsilbing mga tagapagsanay sina Gng. Maria Cecilia M. Casiño, Bb. Cheeyene San Agustin at Bb. Rocelou San Agustin mula sa tanggapan at sa pakikipagtulungan rin ng Office of the Municipal Agriculturist ng Real na pinangungunahan ni Gng. Filomena Azogue.

For more details, visit this link: https://www.facebook.com/share/p/1BXbtxBoau/

#Provetquezon
#ProvincialGovernmentofQuezon
#QuezonProvince
#SerbisyongTunayAtNatural
#HEALINGQuezon

Quezon ProVet