Grand Tagayan Day Niyogyugan Music Fest | August 10, 2024
Bilang bahagi ng selebrasyon ng Niyogyugan Festival 2024, ginanap ang Grand Tagayan Day: Niyogyugan Music Fest kahapon ng Sabado, Agosto 10 sa Alcala Sports Complex, Lucena City.
Binigyang kulay nina Elaine Duran, Dionela at Rivermaya ang nasabing music fest kasama ang mga ipinagmamalaking mahuhusay sa larangan ng pagtatanghal at sining ng lalawigan ng Quezon gaya nina Dylan Generica, Quezon’s Pride, at marami pang iba.
Samantala, pinangunahan naman ni Vice Governor Third Alcala at panganay na anak ni Governor Doktora Helen Tan na si Doc Kim Tan ang naganap na malawakang pagtagay ng lambanog na may mahalagang papel sa kultura ng mga Quezonian.
Asahan pa ang mga kaabang-abang na aktibidad para sa Niyogyugan Festival 2024 na tiyak magbibigay saya sa bawat isa hanggang Agosto 19.
Quezon PIO