NEWS AND UPDATE

Nagsagawa ng mga Seminar ang Office of the Provincial Veterinarian (OPV) sa pamamagitan ni Dr. Adelberto Ambrocio | January 27, 2025

Nagsagawa ng mga Seminar ang Office of the Provincial Veterinarian (OPV) sa pamamagitan ni Dr. Adelberto Ambrocio | January 27, 2025

Nagsagawa ng mga Seminar ang Office of the Provincial Veterinarian (OPV) sa pamamagitan ni Dr. Adelberto Ambrocio, sa mga bayan ng General Luna, Gumaca, San Andres, Macalelon, Mulanay, at Mauban, para sa mga Swine farmers na tinamaan ng African Swine Fever (ASF). Ito ay isinagawa mula January 13-24, 2025.

Tinalakay sa seminar ang ASF Prevention, Control, and Recovery na naglalayong ipaalam sa mga naapektuhang swine farmers kung paano ang tamang cleaning and disinfection upang mapuksa ang mga virus na maaaring nakadikit pa sa ilang parte o sulok ng babuyan. Tinalakay rin ni Dr. Ambrocio kung paano ang mga dapat gawin kunsakaling sila ay magsisimula muling mag-alaga ng baboy upang makaiwas na tamaan uli ng ASF.

Namigay din ang tanggapan ng mga disinfectants at detergents sa nga kalalawigan nating nagkaroon ng ASF upang magamit nila sa cleaning and disinfection ng kanilang mga nakontaminadong babuyan.


Quezon PIO

Ika-132 Pangkaraniwang Pulong ng Sangguniang Panlalawigan ng Quezon | January 27, 2025

Ika-132 Pangkaraniwang Pulong ng Sangguniang Panlalawigan ng Quezon | January 27, 2025

TINGNAN: 132nd Sangguniang Panlalawigan Regular Session

Para sa patuloy na pagsulong ng makabuluhang hakbang tungo sa mas maayos at progresibong pamamahala sa mamayang Quezonian, pormal na ginanap ang ika-132 Pangkaraniwang Pulong ng Sangguniang Panlalawigan ngayong araw ng Lunes, Enero 27 sa Kalilayan Hall, Lucena City.

Sa pangunguna ni Vice Governor Third Alcala kasama ang mga Board Member na kinatawan ng bawat distrito sa lalawigan ay naaprubahan ang mga Ordinansa, Resolusyon, Atas tagapag paganap at iba pang liham, alinsunod sa mas lalo pang pag-unlad ng lalawigan ng Quezon.

Inaprubahan na ng Sangguniang Panlalawigan ng Quezon ang panukala mula sa tanggapan ng Punong Lalawigan hinggil sa pagpapahintulot kay Governor Doktora Helen Tan sa isang kasunduan sa pagitan ng Department of Health (DOH) – CALABARZON Center for Health Development para sa pagpapatupad ng Post-Residency Development Program. Gayundin ang pagbibigay ng ayuda kada taon para sa mga Presidents of the Senior Citizen Association at Office for Senior Citizens Affairs (OSCA) Heads sa buong lalawigan.

Samantala, bumisita sa naturang pulong sina 2nd Lieutenant Christian Gilbert Esteban, PO3 Officer Bernabe S. Barbacena Jr., CDR Group Commander Jeffrey Magbanwa, at SGT Aron Paul Monterozo na mga kinatawan ng Armed Forces of the Philippines (AFP) para sa kanilang inihaing aktibidad na “A run for Love, run for Freedom, A run for the West Philippine Sea”, bilang kanilang adbokasiya sa pagkakaroon ng kamalayan sa kasalukuyang sitwasyon nito, bilang pagtugon maglalabas naman ng resolusyon ang Sangguniang Panlalawigan upang aprubahan ang inihaing aktibidad ng nasabing ahensya.


Quezon PIO

Free Flu Vaccination | January 26, 2025

Free Flu Vaccination | January 26, 2025

Upang mabigyang proteksyon sa sakit ang mga Quezonian, nagbigay ng tinatayang 2000 libreng Flu Vaccine si Governor Doktora Helen Tan, katuwang ang Department of Health (DOH), ngayong araw Enero 26, sa Brgy. Lita at Brgy. San Isidro, Tayabas City.

Ang flu vaccine ay isang bakuna na nagbibigay proteksyon laban sa influenza o trangkaso. Tumutulong ito upang maiwasan ang malubhang sintomas, komplikasyon, at pagkalat ng sakit. Inirerekomenda itong kunin taon-taon, lalo na para sa mga bata, matatanda, buntis, at mga taong may kahinaan sa immune system.

Ipinaabot din ni Governor Tan na hindi lamang libreng flu vaccine ang handog ng Pamahalaang Panlalawigan sa mga mamamayan ng Quezon, may mga medical mission, kapartner na drugs store, pampublikong ospital at mga Satellite offices na tutugon sa mga pangangailangang pangkalusugan ng mga Quezonian.

Samantala, abangan ang mga susunod na schedule ng medical mission na bababaan ng gobernadora upang maiabot sa mamamayan ang serbisyong pangkalusugan.


Quezon PIO

41st Oathtaking Ceremonies for Professional Teachers | January 26, 2025

41st Oathtaking Ceremonies for Professional Teachers | January 26, 2025

Para sa tagumpay ng mga kaguruan dinaluhan ni Governor Doktora Helen Tan ang 41st Oathtaking Ceremonies for Professional Teachers, ngayong araw ng Linggo Enero 26, sa Quezon Convention Center, Lucena City.

Sa mahigit 68,000 Licensure Examinee for Teacher sa buong Pilipinas, nitong Setyembre, 2024. Tinatayang 3,175 na mga bagong lisensyadong guro ang nakasama sa nasabing selebrasyon na nagmula sa Laguna, Mindoro, Marinduque, Romblon at Lalawigan ng Quezon.

Sa kasalukuyan, maraming hinaharap na problema ang mga guro sa paglinang nang karunungan ng mga kabataan, nariyan ang kakulangan sa silid-aralan at kagamitan na nagiging hadlang sa pagkatuto ng mga bata.

Kaya naman, hindi humihinto si Governor Tan sa pagbibigay ng serbisyo sa mga kaguruan upang matugunan ang kanilang pangangailangan. Isa na rito ang pagbibigay ng scholarship sa mga guro na may nais magtuloy ng kanilang Masteral Degree, at mga programa para sa mga nagsusumikap na magkapagtapos sa pag-aaral.

Samantala, ipinababatid ni Governor Tan na ang Pamahalaang Panlalawigan ay kaisa sa pag-abot ng tagumpay ng mga mag-aaral na maging propesyonal sa iba-t ibang larangan.

#CongratulationLPT‘s


Quezon PIO

United Nations Development Programme (UNDP) SHIELD 2nd Annual Stakeholders’ Forum | January 24, 2025

United Nations Development Programme (UNDP) SHIELD 2nd Annual Stakeholders’ Forum | January 24, 2025

TINGNAN: Matagumpay na isinagawa ang United Nations Development Programme (UNDP) SHIELD 2nd Annual Stakeholders’ Forum, nitong araw ng Enero 22, sa Marco Polo Hotel, Ortigas, Pasig City.

Bilang kinatawan ng Provincial Goverment of Quezon, dinaluhan ang nasabing pagpupulong ng Provincial Disaster Risk Reduction and Management Office (PDRRMO), na nagbahagi ng mga pananaw, at karanasan, upang palakasin ang kooperasyon at masigurong magpatuloy ang progreso ng programa sa pagpaunlad ng Lalawigan ng Quezon. Tinalakay rin sa nasabing pag-uusap, ang mga kinakailangang ihanda sa mga sakunang darating.

Samantala, hindi hihinto ang Pamahalaang Panlalawigan para suportahan ang mga pangangailangan ng PDRRMO upang buong-husay na matulungan ang Quezonian sa gitna ng sakuna.


Quezon PIO

Formulation of Quezon Province Tourism Development Plan | January 24, 2025

Formulation of Quezon Province Tourism Development Plan | January 24, 2025

Sa pangunguna ng Quezon Provincial Tourism Office katuwang ang Office of the Provincial Planning and Development Coordinator, matagumpay na naisagawa ang unang bahagi ng Formulation of Quezon Province Tourism Development Plan 2025-2035 nitong January 23-24, 2025 sa Quezon Convention Center.

Sa tulong rin ng mga naggagalingang mga Resource Speakers na sina:

Mr. Richard Philip Gonzalo

Ms. Victoria Villegas-Bacay

Ms. Rielle Christian Alcantara-Castro

Ms. Marisa Eslao-Pamo

Mr. Arthur Jarold Rañola

Ang nasabing gawain ay dinaluhan ng mga Municipal Tourism Officers, Municipal Planning and Development Coordinators, at mga miyembro ng Quezon Provincial Tourism Council upang mapaigting at magkaroon ng mas malawak na kaalaman patungkol sa pagpapaunlad ng turismo sa Lalawigan ng Quezon.

Ang kaganapang ito ay isa lamang sa mga hakbangin upang mas mapalawig at mapagtagumpayan pa ang hangaring na ang Lalawigan ng Quezon ay maging nangungunang destinasyong pang agri-turismo sa taong 2030.

#TaraNasaQuezon


Quezon PIO

Kalinga sa mamamayan, Libreng Gamutan | January 23, 2025

Kalinga sa mamamayan, Libreng Gamutan | January 23, 2025

Muling umarangkada sa bayan ng Sariaya ngayong araw, Enero 23 ang Medical Mission o ang “Kalinga sa Mamamayan, Libreng Gamutan” bilang bahagi ng pangarap na malusog na lalawigan ng Quezon.

Pinangunahan ito ni Governor Doktora Helen Tan katuwang ang Pamahalaang Panlalawigan ng Quezon, mga Private Doctors, Quezon Medical Society, at mga espesyalista na nagmula sa iba’t-ibang bahagi ng lalawigan ng Quezon.

Tinayang nasa 2,318 benepisyaryo ng nasabing bayan ang libreng nahatiran ng iba’t-ibang serbisyong medikal gaya ng Medical Check-up, Dental Extraction, Cholesterol, FBS, Ultrasound, ECG at mga libreng gamot. Kabilang din sa naibigay na serbisyo ang libreng pagpapatingin sa mata at libreng salamin para sa lubos na nangangailangan na nito.

Abangan naman ang muling pag-ikot ng buong medical team sa lalawigan ng Quezon upang mailapit ang nararapat na pangkalusugan na serbisyo para sa mga Quezonian na nangangailan.

#SerbisyongTunayAtNatural #HEALINGQuezon #KalingaSaMamamayanLibrengGamutan #MedicalMission2025


Quezon PIO

Personal na nagtungo si Governor Doktora Helen Tan sa Spillway Bridge sa Brgy. Canda Sariaya Quezon | January 23, 2025

Personal na nagtungo si Governor Doktora Helen Tan sa Spillway Bridge sa Brgy. Canda Sariaya Quezon | January 23, 2025

TINGNAN: Personal na nagtungo si Governor Doktora Helen Tan sa Spillway Bridge sa Brgy. Canda Sariaya Quezon ngayong araw ng Huwebes, Enero 23.

Sa nasabing pagbisita, naibahagi ng Gobernadora ang mga kasalukuyang proyekto sa naturang imprastruktura at ang mga hakbang na ginagawa upang matiyak ang kaligtasan ng mga residente at kahandaan ng komunidad laban sa mga haharaping kalamidad.

Samantala, kasamang nagtungo ang ilang lokal na opisyal ng bayan ng Sariaya at mga kinatawan mula sa Provincial Engineering Office upang suriin ang kalagayan ng tulay at ang mga kinakailangang pag-aayos o pagpapatibay nito.


Quezon PIO

Blessings & Inauguration of Chapel | January 23, 2025

Blessings & Inauguration of Chapel | January 23, 2025

TINGNAN: Pinangunahan ni Governor Doktora Helen Tan ang isinagawang inagurasyon at pagbabasbas ng bagong Chapel sa Brgy. Talaan Pantoc, Sariaya Quezon, ngayong araw ng Huwebes, Enero 23.

Ang gusaling ito ay naisakatuparan sa tulong ng Sariling Sikap Program ng Gobernadora, at labis naman ang naging pasasalamat ng mga residente ng nasabing barangay.

Nakasamang dumalo sa ginanap na maikling seremonya sina Vice Governor Third Alcala, Doc. Kim Tan, Board Member Vinnette Alcala, Board Member Yna Liwanag at ilang lokal na opisyal ng bayan ng Sariaya.


Quezon PIO

Annual Meeting of SWM Focal Persons & SWM Implementers in Provincial Capitol | January 23, 2025

Annual Meeting of SWM Focal Persons & SWM Implementers in Provincial Capitol | January 23, 2025

Bilang bahagi ng National Zero Waste Month Celebration, pinangunahan ng Provincial Government – Environment and National Resources Office (PG-ENRO) sa pamumuno ni Executive Assistant John Francis Luzano ang Annual Meeting of Solid Waste Management (SWM) Focal Persons and SWM Implementers in Provincial Capitol sa Provincial Goverment Office (PGO) Annex Conference Room, ngayong araw ng Enero 23.

Sa ilalim ng Republic Act (RA) 9003 o Ecological Solid Waste Management Act of 2000 at sa HEALING Agenda ni Governor Doktora Helen Tan na “ensuring a well-balanced Nature” sa Lalawigan ng Quezon, tinalakay sa mga focal person ng lahat ng tanggapan ang mga alituntunin ng Pamahalaang Panlalawigan pagdating sa tamang pagtatapon ng basura.

Dagdag pa rito, tinalakay rin ang naging kalagayan ng Pamahalaang Panlalawigan sa SWM noong nakaraang taon (2023-2024), at ang mga pagbabago sa patakaran ng SWM ngayong taon (2025) bilang sumasailalim ang Pamahalaang Panlalawigan sa International Organization for Standardization (ISO). Inilahad din ng PG-ENRO ang mga responsibilidad ng mga SWM focal person at implementers ang kalahagahan ng Residual Waste Reduction at ang kanilang responsibilidad bilang mga nangunguna sa pagtugon ng kilinisan ng kanilang tanggapan.

Samantala, bilang natatanging Pamahalaang sumusunod sa Waste Management Program ng Department of Environment and Natural Resources (DENR) sa buong Region IVA- CALABARZON, hinihikayat ng PG-ENRO tugunan ang kalinisan ng buong Kapitolyo.


Quezon PIO