World Water Day Celebration – Electronic Waste Collection | March 20, 2025

“World Water Day 2025 Celebration”
“Glacier Preservation”
Nakiisa ang Provincial Goverment- Environment and Natural Resources Office (PG-ENRO) sa pamumuno ni Executive Assistant John Francis Luzano sa World Water Day Celebration, ngayong araw ng Miyerkules Marso 20 sa Provincial Capitol Compound, Lucena City.
Ang World Water Day ay isang taunang pagdiriwang, na itinakda ng United Nation (UN) upang bigyang-diin ang kahalagahan ng tubig at ang pangangailangan sa pangangalaga nito. Layunin nitong ipaalala sa lahat ang krisis sa tubig na nararanasan sa iba’t ibang bahagi ng mundo at hikayatin ang mga solusyon upang matiyak na may malinis at ligtas na tubig para sa lahat.
Dito ay nagsagawa ang PG-ENRO kaisa ang SM Lucena City at 185 na mga kawani ng bawat departamento ng Electonic Waste Collection, kung saan may 717 na sirang electronikong gamit ay napaltan ng tubigan na magagamit sa kani-kanilang opisina para sa adbokasiyang “No Plastic in Quezon Province”.
Samantala, patuloy na makikiisa ang Pamahalaang Panlalawigan sa PG-ENRO sa mga aktibidad na magsusulong sa kahalagahan ng tubig sa buong mundo.

#WorldWaterDay
#SerbisyongTunayAtNatural
#HEALINGQuezon

Quezon PIO

Distribution of Agricultural Inputs – Jomalig | March 20, 2025

Sa pagtungo ng Pamahalaang Panlalawigan sa islang bayan ng JOMALIG nitong nakaraang araw ng Marso 18, namahagi ang Pamahalaang Panlalawigan sa pamumuno ni Governor Doktora Helen Tan ng iba’t ibang kagamitan para sa mangingisda at magsasaka.
Ito’y bilang pagpapahalaga at tulong upang mas mapayabong ang kanilang sektor kung natanggap nila ang iba’t ibang fertilizers, bottom set gill nets, seedlings, grasscutter, plastic drum, knapsnack, at assorted vegetables na makatutulong upang mapatatag pa ang kanilang pangunahing kabuhayan.
Matagumpay naman itong naisakatuparan sa pangunguna ng Office of the Provincial Agriculturist (OPA) na pinamumunuan ni Dr. Liza Mariano.

Quezon PIO

Libreng Gamutan Program with Legal Mission | March 20, 2025

Sa pangunguna ng Provincial Legal Office at pamumuno ni Atty. Julienne Therese Salvacion, nagkaroon ng talakayan para sa mga justices o lupon ng iba’t ibang barangay sa islang bayan ng JOMALIG nitong nakaraang araw ng Marso 18.
Naging bahagi ng nasabing talakayan si RTC Executive Judge Agripino Bravo, kung saan binigyang-diin ang diskusyon ukol sa Republic Act 11362 at Katarungang Pambarangay (KP) na may mahalagang aspeto sa pagpapairal ng isang pangasiwaang may hustisya at katarungan.
Bukod dito’y naipamahagi sa bawat barangay ng Jomalig ang libreng mga gamot, at sa pangunguna ng Provincial Treasurer’s Office (PTO) at Provincial Assessors Office ay isinagawa naman ang tax campaign upang maipakalat ang kahalagahan ng pagbabayad ng buwis lalo na sa mga property owners.

Quezon PIO

Congratulations! Panata Ko sa Bayan Awards

Congratulations!

Natanggap ng Lalawigan ng Quezon ang Gawad Serbisyo at Special Award (Most Comprehensive Report) sa ginanap na 2024 PaNata ko sa Bayan Awards ng Department of Social Welfare and Development (DSWD) ngayong araw ng Martes, Marso 11, sa Sequoia Hotel, Parañaque City, Manila.

Ang “Panata Ko sa Bayan Awards” ay isang taunang pagkilala na ibinibigay ng Department of Social Welfare and Development (DSWD) sa mga indibidwal, grupo, o organisasyon na may makabuluhang
ambag sa larangan ng serbisyong panlipunan.

Market Price Monitoring Livestock and Poultry Products | March 20, 2025

Updated Livestock & Poultry Products Market Price Monitoring as of March 20, 2025

Job Opportunities in Japan: Hiring Nurses & Careworkers | March 20, 2025

Ang Japan International Corporation of Welfare Services sa pakikipagtulungan ng Quezon Provincial PESO sa Department of Migrant Workers at Quezon Provincial PESO ay nangangailangan ng mga kwalipikadong aplikanteng lalaki at babae para sa mga posisyong:

(50) NURSES
(300) CAREWORKERS

Para sa karagdagang impormasyon, panoorin ang maikling video na naglalahad ng iba pang detalye hinggil sa anunsyong ito, o maaari ding magtungo sa official Facebook page ng Department of Migrant Workers (DMW).

Quezon PIO / PESO

National Women’s Month Celebration: Meat Processing Seminar and Hands-on Demo | March 20, 2025

Sa pagtutulungan ng Office of the Provincial Veterinarian, Provincial Gender and Development Office, at ng Lucena City District Jail (female dormitory) ay matagumpay na ginanap ngayong Marso 18, 2025, sa Lucena City ang Meat Processing Seminar and Hands-on Demo. Ito ay bahagi ng pagdiriwang ng Pamahalaang Panlalawigan sa National Women’s Month Celebration na may temang “Babae sa Lahat ng Sektor, Aangat ang Bukas sa Bagong Pilipinas.”
Pinangunahan ni Gng. Cecil Casiño, Gng. Cheeyene San Agustin at Bb. Rocelou San Agustin ang pagsasagawa ng isang araw na pagsasanay para sa 20 babaeng Persons Deprived of Liberty (PDL) sa loob ng pasilidad.
Layon ng pagsasanay na bigyan ng bagong kaalaman at kasanayan ang mga babaeng PDL upang magkaroon sila ng pagkakataong makapagsimula ng kabuhayan sa kanilang pagbabalik sa lipunan.
Ang programang ito ay patunay ng patuloy na pagsuporta at pagpapaunlad ng Pamahalaang Panlalawigan sa kakayahan ng mga kababaihan, anuman ang kanilang kalagayan sa buhay.

#provetquezon
#ProvincialGovernmentofQuezon
#VeterinaryServices

Quezon PIO / ProVet

Lecture on Cattle Production and Management | March 19, 2025

Isang Pagsasanay sa Pag-aalaga ng Baka ang isinagawa ng Office of the Provincial Veterinarian sa pakikipagtulungan ng National Irrigation Administration – Quezon Irrigation Management Office (NIA-QMO) katuwang ang Department of Social Welfare and Development (DSWD), para sa mga miyembro ng Prosperity SLP Association.
Matagumpay na naisagawa ang isang araw na pagsasanay sa pag-aalaga, produksyon, at pamamahala ng baka. Ito ay sa ilalim ng programang Enhanced Partnership Against Hunger and Poverty o EPAHP na napakinabangan ng dalawampu’t pitong (27) miyembro ng nasabing asosasyon.
Pinangunahan ni G. Rommel I. Deapera ang naturang pagsasanay, kung saan itinuro ang mga tamang pamamaraan ng pag-aalaga ng baka upang mapaganda ang produksyon ng mga ito
Bukod sa lecture, namahagi rin ang tanggapan ng mga butong pananim at mga pamphlet na naglalaman ng mahahalagang impormasyon tungkol sa pag-aalaga ng baka, uri ng forages, at mga palatandaan ng heat stress sa mga hayop.
Layunin ng aktibidad na mas payabungin ang kaalaman ng mga benepisaryo sa pag-aalaga ng baka para sa mas maayos na produksyon tungo sa mas mataas na kita.

#provetquezon
#ProvincialGovernmentofQuezon
#VeterinaryServices

Quezon PIO / ProVet

Local Animal Disease Detection and Emergency Response (LADDER) Training | March 19, 2025

Sa pakikipagtulungan ng Office of the Provincial Veterinarian ay ginaganap ngayon ang Local Animal Disease Detection and Emergency Response (LADDER) Training, sa Queen Margaret Hotel, Lucena City mula Marso 17 hanggang Marso 21.
Ang pagsasanay na ito para sa mga Livestock Extension Workers (LEW) mula sa iba’t ibang bayan sa lalawigan, ay pinangungunahan ng Bureau of Animal Industry sa suporta ng Food and Agriculture Organization of the United Nations. Layunin nitong mapalawak ang kaalaman at kasanayan ng mga kalahok sa pagsisiyasat, pagsubaybay, at agarang pagtugon sa African Swine Fever (ASF) at iba pang Transboundary Animal Diseases.
Sa pamamagitan ng LADDER Training, mas mapapalakas ang kakayahan ng mga kinauukulan sa mabilisang pagtugon sa mga banta ng sakit sa mga alagang hayop, na may layuning mapanatili ang kalusugan ng mga ito at maprotektahan ang kabuhayan ng ating mga magsasaka at livestock raisers.
Nagbigay ng mensahe sa pagbubukas ng nasabing programa ang ating Provincial Veterinarian, Dr. Flomella Alilio-Caguicla. Tinalakay rin niya ang kasalukuyang estado ng African Swine Fever sa lalawigan at kung paano makakatulong ang LADDER Training at ang mga LEWs sa pagkontrol at pag-Iwas na makapasok sa mga babuyan ang sakit na ito. Nagpasalamat rin siya sa pagkakataon na napagkalooban ng nasabing training ang ilan sa mga LEWs sa lalawigan.

#SerbisyongTunayAtNatural
#HEALINGQuezon
#provetquezon
#ProvincialGovernmentofQuezon
#VeterinaryServices

Quezon PIO / ProVet

Meat Processing Seminar and Hands-on Demonstration | March 19, 2025

Ang Office of the Provincial Veterinarian ay nagsagawa ng Meat Processing Seminar and Hands-on Demonstration sa limampung (50) miyembro ng Rural Improvement Club (RIC) sa Brgy. Sta. Rosa, at 4k sa Brgy. Atulayan sa bayan ng Calauag, Quezon nitong Marso 10-11, 2025.
Kabilang sa mga nagbigay ng pagsasanay mula sa Tanggapan ng Panlalawigang Beterinaryo ay sina Dra. Milcah I. Valente, Agricultural Center Chief II, Maria Cecilia M. Casiño, Market Specialist II at Cheeyene San Agustin, Agricultural Technician I.
Layunin ng pagsasanay na mabigyan ng bagong kaalaman ang mga kakabaihan o ang mga nasabing myembro sa pagpoproseso ng karne, upang magkaroon ng karagdagang mapagkakakitaan .
Katuwang ang tanggapan ng Office of the Municipal Agriculturist Calauag, Quezon sa pangunguna ni Municipal Agriculturist Maybel Espino.

#provetquezon
#ProvincialGovernmentofQuezon
#VeterinaryServices

Quezon PIO