NEWS AND UPDATE

Paghahatid ng Serbisyo para sa mga Mamamayan na Naninirahan sa ALQUEREZ (Alabat, Quezon, at Perez) | November 07, 2024

Paghahatid ng Serbisyo para sa mga Mamamayan na Naninirahan sa ALQUEREZ (Alabat, Quezon, at Perez) | November 07, 2024

Sa kabila ng init ng panahon, produktibong pinangunahan ni Governor Doktora Helen Tan kasama si 4th District Congressman Atorni Mike Tan ang paghahatid ng serbisyo para sa mga mamamayan na naninirahan sa ALQUEREZ (Alabat, Quezon, at Perez) ngayong araw, Nobyembre 7.

Naipamahagi sa mga residente ng nasabing mga bayan ang kanilang sahod na pinagtrabahuhan sa programang TUPAD kung saan 372 ang naging benepisyaryo mula sa Alabat, 334 mula Perez, at 405 ang mula sa Quezon.

Ipinapaabot ng Pamahalaang Panlalawigan ang pasasalamat sa tanggapan ni Senator Grace Poe at sa Department of Labor and Employment (DOLE) dahil rin sa walang sawang pakikipagbalikatan upang maihatid ang mga ganitong programa at serbisyo sa lalawigan.

Samantala, kasabay ring naipamahagi ang Relief Supplies mula sa tanggapan ni DSWD Sec. Rex Gatchalian gayundin kay Senator Lito Lapid.

Quezon PIO

Pagtungo ni Governor Doktora Helen Tan sa Islang Bayan ng Alabat | November 07, 2024

Pagtungo ni Governor Doktora Helen Tan sa Islang Bayan ng Alabat | November 07, 2024

TINGNAN: Sa pagtungo ni Governor Doktora Helen Tan sa islang bayan ng Alabat ngayong araw ng Huwebes, Nobyembre 7 ay kanya ring binisita ang Quezon Provincial Hospital Network – Alabat.

Sa kasalukuyan, patuloy na isinasaayos ang nasabing ospital na bahagi sa mga proyektong nais maisakatuparan ng Gobernadora upang masiguro na mas mataas na dekalidad na serbisyong pangkalusugan ang maibibigay sa mga mamamayan ng ALQUEREZ (Alabat, Quezon, at Perez).

Quezon PIO

Pagbabasbas ng Bagong Gusali sa Alabat Central Elementary School | November 07, 2024

Pagbabasbas ng Bagong Gusali sa Alabat Central Elementary School | November 07, 2024

Pormal na isinagawa ngayong araw ng Huwebes, Nobyembre 7 ang pagbabasbas ng bagong gusali sa Alabat Central Elementary School na pinangunahan ni Governor Doktora Helen Tan kasama sina 4th District Congressman Atorni Mike Tan at Mayor Ramil Arquiza.

Ang ipinatayong school building na ito ay may dalawang palapag at apat na silid-aralan, gayundin ay mayroong solar panel at 1000 liters water tank.

Quezon PIO

Tπ—₯π—’π—£π—œπ—–π—”π—Ÿ π—–π—¬π—–π—Ÿπ—’π—‘π—˜ (𝗧𝗖)-𝗧𝗛π—₯π—˜π—”π—§ π—£π—’π—§π—˜π—‘π—§π—œπ—”π—Ÿ 𝗙𝗒π—₯π—˜π—–π—”π—¦π—§ Date Issued: 08 November 2024

Tπ—₯π—’π—£π—œπ—–π—”π—Ÿ π—–π—¬π—–π—Ÿπ—’π—‘π—˜ (𝗧𝗖)-𝗧𝗛π—₯π—˜π—”π—§ π—£π—’π—§π—˜π—‘π—§π—œπ—”π—Ÿ 𝗙𝗒π—₯π—˜π—–π—”π—¦π—§ Date Issued: 08 November 2024

Validity: Valid within the forecast period, unless superseded by succeeding forecast.

Forecast Summary: π—žπ—”π—¦π—”π—Ÿπ—¨π—žπ—¨π—¬π—”π—‘π—š 𝗠𝗔𝗬 π—•π—œπ—‘π—”π—•π—”π—‘π—§π—”π—¬π—”π—‘π—š π—•π—”π—šπ—¬π—’ 𝗦𝗔 π—Ÿπ—’π—’π—• π—‘π—š π—£π—”π—šπ—”π—¦π—” π— π—’π—‘π—œπ—§π—’π—₯π—œπ—‘π—š π——π—’π— π—”π—œπ—‘. π—¦π—”π— π—”π—‘π—§π—”π—Ÿπ—”, 𝗠𝗔𝗧𝗔𝗔𝗦 𝗑𝗔 π—”π—‘π—š 𝗧𝗬𝗔𝗑𝗦𝗔 𝗑𝗔 𝗠𝗔𝗬 𝗠𝗔𝗕𝗨𝗒 π—£π—”π—‘π—š π—•π—”π—šπ—¬π—’ 𝗦𝗔 π—Ÿπ—’π—’π—• π—‘π—š 𝗙𝗒π—₯π—˜π—–π—”π—¦π—§ π—£π—˜π—₯π—œπ—’π——. π——π—”π—›π—œπ—Ÿ π——π—œπ—§π—’, π—‘π—”π—‘π—”π—‘π—”π—§π—œπ—Ÿπ—œπ—‘π—š π—‘π—”π—žπ—”π—§π—”π—”π—¦ π—”π—‘π—š 𝗧𝗖 𝗧𝗛π—₯π—˜π—”π—§ π—£π—’π—§π—˜π—‘π—§π—œπ—”π—Ÿ 𝗦𝗔 π—Ÿπ—’π—’π—• π—‘π—š 𝗙𝗒π—₯π—˜π—–π—”π—¦π—§ π—£π—˜π—₯π—œπ—’π——.

Para sa karagdagang impormasyon, bisitahin ang link na ito: https://bit.ly/TCTHREATDOSTPAGASA

Quezon PIO

Pormal na Pagbabasbas ng Bagong Patrol Boat | November 07, 2024

Pormal na Pagbabasbas ng Bagong Patrol Boat | November 07, 2024

Sa pangunguna ni Governor Doktora Helen Tan, matagumpay na naisagawa ang pormal na pagbabasbas ng bagong Patrol Boat para sa islang bayan ng Perez, Quezon ngayong araw ng Huwebes, Nobyembre 7.

Ang nasabing 40-footer patrol boat ay malaking tulong upang masugpo ang ilegal na pangingisda sa isla sapagkat siniguradong mabilis ito na mayroong 3 makina (Triple 150 Hp, 4 Stroke) at kayang tumakbo ng hanggang 55 knots per hour.

Samantala, nakasama naman sa ginanap na seremonya upang ipaabot ang kanilang pagsuporta sina 4th District Congressman Atorni Mike Tan at Mayor Charizze Marie Escalona.

Quezon PIO

Nagsagawa ang Quezon Provincial Library ng Handog Aral sa mga Katutubong Aeta ng Barangay Tongko, Lungsod ng Tayabas | November 7, 2024

Nagsagawa ang Quezon Provincial Library ng Handog Aral sa mga Katutubong Aeta ng Barangay Tongko, Lungsod ng Tayabas | November 7, 2024

Nagsagawa ang Quezon Provincial Library ng Handog Aral sa mga Katutubong Aeta ng Barangay Tongko, Lungsod ng Tayabas ngayong ika-7 ng Nobyembre, bilang pakikiisa sa pagdiriwang ng Library and Information Services Month at National Children’s Month ngayong Nobyembre.

Layunin nito na bigyang importansya ang magandang dulot ng pagbabasa para sa mga bata na kabilang sa Katutubong Aeta. Pinapakita rin nang programang ito ang aktibong partisipasyon sa pagitan ng Pamahalaang Panlalawigan at ang mga mamamayan nito.

#SerbisyongTunayAtNatural

#HEALINGQuezon

Quezon PIO

Β« Previous Page Next Page Β»