NEWS AND UPDATE

34th Library and Information Services Month | November 21, 2024

Upang mapalawak pa ang kaalaman sa pangangalaga ng kultura sa Lalawigan ng Quezon, ginunita ang Museums and Galleries Month at naganap ang seminar na may pinamagatang The Role of Museums in Safeguarding Cultural Heritage sa Quezon Convention Center, Lucena City ngayong araw ng Nobyembre 21.

Dito’y tinalakay ni OIC Museo ng Libingan sa Ilalim ng Lupa ng Nagcarlan National Historical Commission of the Philippines Albert Vincent F. Barreto ang kasaysayan, gampanin at kung paano magpasimula ng museo.

Dagdag pa ni Barreto, ang museo ay nagsisimula sa Cabinet of Curiosity na kung saan noong unang panahon ang tanging mayaman lang ang may kakayahang mangolekta ng mga bagay na hindi pangkaraniwan at iilang personalidad lang ang maaaring makakita hanggang sa maipubliko na ito at ganap na maging museo.

Sa pagunguna naman ni Quezon Provincial Tourism Officer Nesler Louies C. Almagro kabalikat ang Quezon Provincial Library at Gintong Yaman ng Quezon Museum, dinaluhan ito ng mga tourism officers, librarian, cultural advocates, mga guro at estudyante ng SLSU na may mahigit 100 mamamayan na nagmula sa iba’t ibang Local Goverment Units (LGUs) gaya ng Unisan, Panukulan, Mulanay, Tagkawayan, Sariaya, Atimonan, Perez, Pagbilao, Lucban, Infanta, Candelaria, San Narciso, Guinyangan, Polillo at Lucena City.

Quezon PIO

CONGRATULATIONS Quezon Province! “Year-end Assessment Conference, Awarding of Top Performing LGUs, and Wellness Program”

CONGRATULATIONS!

Sa ginanap na “Year-end Assessment Conference, Awarding of Top Performing LGUs, and Wellness Program,” kabilang sa nabigyan ng mga parangal ng Bureau of Local Government Finance (BLGF) Region IV-A at Association of Region IV-A Treasurers and Assessors Inc. (ARIVATAS) ang PROVINCIAL TREASURER’S OFFICE at PROVINCIAL ASSESSOR’S OFFICE.

Nagpapatunay lamang ito sa maayos at epektibong pamamahala sa pagbibigay ng nararapat na serbisyo para sa lalawigan ng Quezon.

Quezon PIO

World Children’s Day | November 20, 2024

“Ang Kabataan ang Pag-asa ng Bayan.” – Dr. Jose Rizal.

Bilang pagpapakita ng pagpapahalaga sa ating mga susunod na henerasyon, nakikiisa ang Pamahalaang Panlalawigan sa pagdiriwang ng World Children’s Day ngayong Nobyembre 20.

Sama- sama nating ipakita ang ating malasakit at pagpapahalaga sa mga batang Quezonian!

Quezon PIO

Capacity Development Training for QPESO Personnel – November 23, 2024

ANUNSYO

Ang tanggapan ng Quezon Provincial Public Employment Sevice Office ay magsasagawa/magkakaroon ng Capacity Development Training for QPESO Personnel (2024 Year-End Performance Assessment and 2025 Strategic Planning) sa ika-22 hanggang ika-23 ng Nobyembre, 2024.

Bunsod nito, pansamantalang isasara ang tanggapan sa ika-22 ng Nobyembre, araw ng Biyernes. Muling magbubukas ang tanggapan ng QPPESO sa araw ng Lunes( ika-25 ng Nobyembre, 2024).

Quezon PESO

Lingap sa Mamamayan Libreng Gamutan – November 23, 2024

LIBRENG GAMUTAN MULA SA PAMAHALAANG PANLALAWIGAN!

Magkakaroon ng Lingap sa Mamamayan, Libreng Gamutan (Medical Mission) ngayong darating na araw ng Sabado, ika-23 ng Nobyembre sa Lusacan Central Elementary School, Brgy. Lusacan, Tiaong, Quezon.

Wag nating palagpasin ang araw na ito upang magpatingin ng libre sa mga doctor na bitbit ng pamahalaang panlalawigan sa pangunguna ni Governor Doktora Helen Tan.

Quezon PIO

JOB OPENINGS

– Station Cashier (Female)

– Pump Attendant (Male)

– Select Store Crew (Preferably Male)

Para sa mga nagnanais mag-apply, magtungo lamang sa tanggapan ng Quezon Provincial PESO na matatagpuan sa 2nd Floor | ikalawang palapag ng Quezon Convention Center, Capitol Compound Lucena City.

Huwag kalimutang magdala ng:

RESUME, ID, at Ballpen.

Para sa iba pang katanungan, maaaring tumawag sa QUEZON Provincial PESO (042) 373-4805 | 0933-868-5524 o mag-iwan ng mensahe dito sa aming Facebook page.

Quezon PIO

MGM 2024: The Role of Museums in Safeguarding Cultural Heritage

Heads up, MGM 2024 attendees!

Our lecture/seminar for Museums & Galleries Month 2024 will be held at the 𝗤𝘂𝗲𝘇𝗼𝗻 𝗖𝗼𝗻𝘃𝗲𝗻𝘁𝗶𝗼𝗻 𝗖𝗲𝗻𝘁𝗲𝗿 this November 21, Thursday due to an event at the 3rd Floor Old Capitol.

Quezon Tourism

UPCOMING ACTIVITIES OF THE OFFICE OF THE PROVINCIAL VETERINARIAN

Para sa iba pang mga katanungan mangyaring makipag-ugnayan sa Office of the Municipal Agriculturist ng San Andres at Dolores, Quezon. Maraming salamat po!

Link: https://www.facebook.com/provetquezonofficial/posts/pfbid0avZCHs8WhW6K9m2gTSrFyWXLKdiEZ7Pb7nfxMUwutcPY33gx8MbTpNKZRs7FP4Xal?rdid=iGJRR3XH85kCouQB

Quezon ProVet

2024 Provincial Children’s Month Celebration | November 19, 2024

“Mag-iwan tayo ng makabuluhang bakas para sa kinabukasan, para sa mga bata ngayon na papalit sa atin bukas.”

Ito ang naging pahayag ni Governor Doktora Helen Tan sa ginanap na 2024 PROVINCIAL CHILDREN’S MONTH CELEBRATION ngayong araw ng Martes, Nobyembre 19 sa Quezon Convention Center, Lucena City.

May temang “Break the Prevalence, End the Violence” ang nasabing selebrasyon, at isinagawa ito bilang pakikiisa ng Pamahalaang Panlalawigan sa National Children’s Month alinsunod sa Republic Act 10661 na may layunin na mapataas ang antas ng kamalayan ng mga tao tungkol sa child protection.

Tinatayang nasa pitong daan naman na day care children at mga magulang mula sa iba’t-ibang bayan ng apat na distrito ng lalawigan ang dumalo at nakisaya sa programa.

Sa pag-uulat ni Governor Tan ukol sa kalagayan ng kabataan sa lalawigan, naibahagi niya ang aktibong pagtutok ng Pamahalaang Panlalawigan para sa serbisyo at programang nakaangkla sa HEALING Agenda na tutugon upang makamit ang pangarap na mabigyang karapatan at proteksyon ang buhay ng isang bata mula sa pagkabuo nito sa sinapupunan.

Samantala, ipinagkaloob sa 21 LGUs sa lalawigan ang 2024 Seal of Child Friendly Local Governance bilang pagpupugay sa kanilang isinasakatuparan na mga proyektong pambata. Nagkaroon din ng patimpalak ang mga batang dumalo kung saan bida ang kanilang mga talento.

Nakiisa upang magpakita ng suporta sa pagdiriwang sina Vice Governor Third Alcala, Chairperson Committee on Social Welfare Board Member Vinnette Alcala-Naca, PSWDO Head Sonia Leyson, DILG Provincial Director Abigail Andre, QPPO Provincial Director PCOL Ruben Lacuesta, at ang DSWD IV-A.

Quezon PIO

Blessing of Newly Renovated Quezon Provincial Information Office | November 19, 2024

Livestream: https://www.facebook.com/QuezonGovPh/videos/3808873772760116/

Quezon PIO

« Previous Page