Extention and Organizational Development: Provision of Start-up Capitol for Animal Product Development | May 20, 2025

Bagong kasanayan ang hatid ng Office of the Provincial Veterinarian sa pamamagitan ng Meat Processing Training and Hands-on Demonstration para sa mga miyembro ng registered Livestock Farmers Association (LIGAMA) Livestock Growers Association sa Brgy. Malapad, Real Quezon nito lamang Mayo 16, 2025.
Nakatanggap rin ang mga dumalo sa nasabing pagsasanay ng start-up capital mula sa 20% Development Fund ng lalawigan na magagamit nila bilang panimula o karagdagang pagkakakitaan. Taglay ang bagong kaalaman ay handa nilang ibahagi sa iba pang mga miyembro ng samahan ang kanilang mga natutuhan upang makapagpasimula rin ng ganitong uri ng negosyo.
Nagsilbing mga tagapagsanay sina Gng. Maria Cecilia M. Casiño, Bb. Cheeyene San Agustin at Bb. Rocelou San Agustin mula sa tanggapan at sa pakikipagtulungan rin ng Office of the Municipal Agriculturist ng Real na pinangungunahan ni Gng. Filomena Azogue.

For more details, visit this link: https://www.facebook.com/share/p/1BXbtxBoau/

#Provetquezon
#ProvincialGovernmentofQuezon
#QuezonProvince
#SerbisyongTunayAtNatural
#HEALINGQuezon

Quezon ProVet

Quezon Law Scholarship Program | May 19, 2025

Nais mo bang maging isang abogado? Ito na ang pagkakataon mo!
Narito na ang Quezon Law Scholarship Program — isang programa ng Pamahalaang Panlalawigan ng Quezon katuwang ang San Pablo Colleges, Inc., para sa dalawang (2) karapat-dapat na Quezonian na makatatanggap ng full scholarship sa Juris Doctor Program.

Application Period: May 19–30, 2025

Isumite ang mga requirements sa Quezon Provincial Legal Office o mag-email sa: qplo.stan@gmail.com
Para sa iba pang detalye ng kwalipikasyon at requirements, basahin ang buong anunsyo.

#QuezonLawScholarship
#LibrengAbogasya
#SerbisyongTunayAtNatural
#QuezonProvince
#SanPabloCollegesInc

Quezon PIO

Surgical Caravan 2025: Cholecystectomy | May 19, 2025

PANOORIN: Sa patuloy na hangaring makapagpa-abot ng dekalidad na serbisyo para sa mamamayang Quezonian, isang kalalawigan mula sa Candelaria, Quezon ang buong puso ang pasasalamat matapos mapabilang sa mga benepisyaryo ng libreng operasyon sa ginanap na Surgical Caravan 2025: Cholecystectomy nitong Abril 11-12, sa Quezon Provincial Hospital Network-Quezon Medical Center (QPHN-QMC).

Watch here: https://www.facebook.com/share/v/1CFs9DBdDk/

#SerbisyongTunayAtNatural
#HEALINGQuezon
#SurgicalCaravan2025

Quezon PIO / QPHN-QMC

Quezon Native Pig Dispersal | May 19, 2025

Nitong Mayo 16, 2025 ay nagkaloob ang Office of the Provincial Veterinarian (OPV) ng native pigs sa mga miyembro ng Samahan ng (1) Sta. Maria Dao Pig Farmers Association, (2) Dahican Hog Raisers Association, at (3) Livestock Organization ng Catanauan, gayundin sa isang farmer mula naman sa Pitogo. Nagsagawa rin ng monitoring sa mga na native pigs na dati ng naipagkaloob sa mga bayan naman ng Padre Burgos at Pitogo.
Kaalinsabay nito ay nagsagawa rin ang tanggapan ng isang lecture-seminar upang ibahagi ang mahahalagang kaalaman patungkol sa wastong pag-aalaga ng mga native pigs upang mapanatili ang kanilang magandang kalusugan, pagiging produktibo, at maparami pa ang kanilang lahi. Bukod dito ay namahagi rin sila ng mga bitamina at babasahing may kaugnayan sa pag-aalaga ng baboy.
Ang aktibidad ay pinamunuan ni G. Leandro Julian Nuñez, Head ng Swine and Poultry Unit ng Livestock and Poultry Development Division, kasama si Bb. Mona Lisa Gragasin. Ito ay naisakatuparan sa pakikipag-ugnayan sa Office of the Municipal Agriculturist (OMA) ng Catanauan sa pangunguna ni Gng. Liwayway Pizarra at OMA Pitogo sa pamumuno ni G. German Candido.
Ang inisyatibang ito ay patunay na patuloy ang pagsisikap ng Pamahalaang Panlalawigan para suportahan hindi lamang ang kabuhayan ng mga mag-aalaga ng baboy kundi pati na rin ang pagpapanatili ng mga likas na yamang-lahi ng Quezon para sa kapakinabangan ng mga susunod na henerasyon.

For more details, visit this link: https://www.facebook.com/share/p/1C4jCgocYu/

#Provetquezon
#ProvincialGovernmentofQuezon
#QuezonProvince

Quezon PIO / ProVet

148th Sangguniang Panlalawigan Regular Session | May 19, 2025

Pormal na ginanap ang ika-148 Pangkaraniwang Pulong ng Sangguniang Panlalawigan ngayong araw ng Lunes, Mayo 19 sa Sangguniang Panlalawigan Building Governor’s Mansion Compound, Lucena City.
Dumalo rito ang mga Board Member na kinatawan ng bawat distrito sa lalawigan kung saan naaprubahan ang mga Ordinansa, Resolusyon, Atas tagapag paganap at iba pang liham, alinsunod sa higit pang pagpapaunlad at pagpapatatag ng lalawigan ng Quezon.
Kaugnay nito, idineklarang wasto ang ordinansa na isinulong ni Board Member at Committee on Education Hon. Claro M. Talaga, Jr. ang liham mula kay Governor Doktora Helen Tan na humihiling ng pag-apruba sa isang resolusyon na nagbibigay pahintulot sa kanya na makipagkasundo sa isang Memorandum of Understanding (MOU) sa ngalan ng Pamahalaang Panlalawigan ng Quezon at Southern Luzon State University (SLSU) para sa pagpapatupad ng Rapid Appraisal Analysis ng Cities and Municipalities Competitiveness Index (CMCI).
Samantala, aprobado ang ordinansa na isinulong ni Board Member at Committee on Disaster Management Hon. Vinnette Alcala-Naca ang isang resolusyon na nagbibigay ng awtorisasyon sa Punong Lalawigan na makipagkasundo sa isang Memorandum of Understanding (MOU) sa ngalan ng Pamahalaang Panlalawigan ng Quezon, kasama ang iba’t ibang Lokal na Pamahalaan (LGUs), para sa layuning maisulong ang kapwa pagbabahagi ng teknikal na tulong at mapahusay ang bisa ng mga gawain kaugnay ng kahandaan, pagtugon, at pagbangon mula sa mga sakuna.
Ang mungkahing ito ay alinsunod sa mga probisyon ng Republic Act No. 10121, na mas kilala bilang Philippine Disaster Risk Reduction and Management Act of 2010.

For more details, visit this link: https://www.facebook.com/QuezonGovPh/posts/pfbid02LziiPboPCwBN5jvyTcVxyvwRpJr8FvrDzusygi4iQcxZ7Fhv3L4ze9hMkbMiPDG1l

#SerbisyongTunayAtNatural
#HEALINGQuezon

Quezon PIO

Arteriovenous (AV) Fistula Caravan Screening sa QPHN- Quezon Medical Center, Lucena City | May 19, 2025

TINGNAN: Matagumpay na isinagawa ngayong araw ng Lunes, Mayo 19 ang Arteriovenous (AV) Fistula Caravan Screening sa QPHN- Quezon Medical Center, Lucena City.
Tinatayang mahigit 70 na pasyente mula sa iba’t ibang bayan sa Lalawigan ng Quezon ang sumailalim sa nasabing screening.
Samantala, asahan ang tuloy-tuloy na pakikipagbalikatan ng Pamahalaang Panlalawigan sa National Kidney Transplant Institute (NKTI) upang masiguro na nabibigyan ng angkop na serbisyong medikal ang bawat Quezonian na nangangailangan.

For more details, visit this link: https://www.facebook.com/share/p/1ExV1TXpG3/

#SerbisyongTunayAtNatural
#QuezonProvince
#HEALINGQuezon
#SurgicalCaravan2025
#AVFistula

Quezon PIO

Flag Raising Ceremony hosted by the Quezon Provincial Legal Office | May 19, 2025

Sa muling pagsisimula ng panibagong linggo ng paglilingkod sa lalawigan ng Quezon pinangunahan ng Quezon Provincial Legal Office (QPLO) sa pamumuno ni Atty. Julienne Therese V. Salvacion ang regular na pagtataas ng watawat ng Pilipinas ngayong araw ng Lunes, Mayo 19 sa Quezon Convention Center, Lucena City.
Sa ngalan ni Governor Doktora Helen Tan dinaluhan ito nina Vice Governor Third Alcala at Provincial Administrator Manny Butardo kasama ang mga Pinunong tanggapan at mga kawani ng Pamahalaang Panlalawigan kung saan nagbahagi ang naturang tanggapan ng kanilang Accomplishments para sa first semester ng taong 2025.
Bilang pagbibigay ng pagpapahalaga sa pamanang Lokal at Komunidad kaisa ang Pamahalaang Panlalawigan sa pagdiriwang ng National Heritage Month katuwang ang Quezon Provincial Tourism Office ay isasagawa ang PAMANANG QUEZONIAN Seminar/Workshop on Cultural Sensitivity Cultural Mapping and Heritage Inventory and Understanding the Flag and Heraldic Code of the Philippines na gaganapin sa Mayo 20 hanggang 23 sa St. Jude Coop. Event Center, Tayabas Quezon.
Samantala, ang Cooperative Development Office katuwang ang Office of the Provincial Agriculture (OPA) ay nagkaloob ng Livelihood and Enterprise Program Assistance sa dalawang kooperatiba, ito ay ang Umiray Agrarian Reform Beneficiaries Order of Multi-Purpose Cooperative na nakatanggap ng 500,000 para sa agri-loan program at Lucban Farmers Agriculture Cooperative na nakatanggap ng 200,000 para sa vegetable trading program.
Sa pagtatapos, muling nagbigay ng paalala si Vice Governor Third Alcala na laging umpisahan ang paglingkod sa ating mga kalalawigan na may ngiti sa ating mga labi.

For more details, visit this link: https://www.facebook.com/share/p/1AWuwCL2Nw/

#SerbisyongTunayAtNatural
#HEALINGQuezon

Quezon PIO

Ika-148 Pangkaraniwang Pulong ng Sanguniang Panlalawigan ng Quezon | May 19, 2025

Watch here: https://www.facebook.com/share/v/1CA1UNDbGY/

Quezon PIO

NIYOGYUGAN FESTIVAL 2025! | May 19, 2025

Quezonian, Niyogyugan na!
Tara at makiisa sa pagdiriwang ng NIYOGYUGAN FESTIVAL 2025!
Saksihan ang iba’t ibang patimpalak sa District Competition na magpapaindak, magpapabilib, at magpapa-malas ng tunay na talentong Quezonian.
𝗞𝘂𝗹𝘁𝘂𝗿𝗮𝗻𝗴 𝗤𝘂𝗲𝘇𝗼𝗻𝗶𝗮𝗻 𝗖𝗼𝗻𝘁𝗲𝘀𝘁
June 3, 2025 – 1:00 PM
-Lucban Gymnasium Brgy. Tinamnan, Lucban Quezon
June 9, 2025 – 1:00 PM
-Bulakin 2, Event Center, Dolores Quezon
June 10, 2025 – 1:00 PM
-Agdangan Central Elementary School Brgy. Poblacion Uno, Agdangan Quezon
June 11, 2025 – 1:00 PM
-Bulwagang Manuel Luis Quezon Municipal Plaza Brgy. Poblacion Dos, Calauag Quezon
𝗖𝗼𝗰𝗼 𝗭𝘂𝗺𝗯𝗮 𝗗𝗮𝗻𝗰𝗲 𝗖𝗼𝗻𝘁𝗲𝘀𝘁
June 17, 2025 – 1:00 PM
-Lucban Gymnasium Brgy. Tinamnan, Lucban Quezon
June 18, 2025 – 1:00 PM
-Bulakin 2, Event Center, Dolores Quezon
June 19, 2025- 1:00 PM
-Agdangan Municipal Covered Court Agdangan, Quezon
June 20, 2025- 1:00 PM
-Evacuation Center l, New Municipal Building Site, Brgy. Pinagbayanan Calauag, Quezon
𝗟𝗮𝗺𝗯𝗮𝗻𝗼𝗴 𝗠𝗶𝘅𝗼𝗹𝗼𝗴𝘆
June 17, 2025 – 3:00 PM
-Lucban Gymnasium Brgy. Tinamnan, Lucban Quezon
June 18, 2025 – 3:00 PM
-Bulakin 2, Event Center, Dolores Quezon
June 19, 2025- 3:00 PM
-Agdangan Municipal Covered Court Agdangan, Quezon
June 20, 2025- 3:00 PM
-Evacuation Center l, New Municipal Building Site, Brgy. Pinagbayanan Calauag, Quezon
Kitakits quezoniaaaaan!

𝘗𝘢𝘳𝘢 𝘮𝘢𝘨𝘪𝘯𝘨 𝘶𝘱𝘥𝘢𝘵𝘦𝘥 𝘴𝘢 𝘮𝘨𝘢 𝘴𝘶𝘴𝘶𝘯𝘰𝘥 𝘱𝘢𝘯𝘨 𝘬𝘢𝘨𝘢𝘯𝘢𝘱𝘢𝘯, 𝘮𝘢𝘯𝘨𝘺𝘢𝘳𝘪 𝘭𝘢𝘮𝘢𝘯𝘨 𝘯𝘢 𝘪𝘭𝘪𝘬𝘦 𝘰 𝘪𝘧𝘰𝘭𝘭𝘰𝘸 𝘢𝘯𝘨 Tourism Quezon Province

#NiyogyuganFestival2025
#KulturangQuezonian
#Cocozumba
#LambanogMixology

Quezon Tourism

QPHN-QMC Renewed as a Certified rHIVda Confirmatory Laboratory | May 19, 2025

Muling kinikilala ang QPHN-Quezon Medical Center bilang isang certified rHIVda Confirmatory Laboratory!
Ang muling pagpapatunay na ito ay nagpapatibay sa ating pangako na magbigay ng maayos at maaasahang resulta sa pagsusuri ng HIV, at nagpapalakas sa ating kakayahan na suportahan ang ating komunidad sa laban kontra sa sakit na ito. Patuloy ang QPHN-QMC sa paglilingkod nang may integridad at kahusayan.

QPHN-QMC