NEWS AND UPDATE

Quezon Province Kinilala sa Natatanging Programa ng PESO sa 2024 Regional Year-End Performance Assessment and Planning Exercises | February 13, 2025

Sa idinaos na 2024 Regional Year-End Performance Assessment and Planning Exercises ay iginawad ng Department of Labor and Employment Regional Office IV-A (CALABARZON) at Region IV-A Alliance of Public Employment Service Officers (RAPESO), Inc. ang “PAGKILALA SA NATATANGING PROGRAMA NG PESO” sa Pamahalaang Lalawigan ng Quezon. Sa patuloy na pagsusumikap ng pamahalaang panlalawigan na makapagbigay ng oportunidad sa mga kabataan sa karanasan ng serbisyo publiko sa pamamagitan ng “Government Service Training and Apprenticeship for Nation Building (Go STAN) Program. Isa sa pangunahing hangarin ng Pamahalaang Panlalawigan ay ang maibsan ang antas ng kawalang trabaho sa lalawigan na naging daan upang maisakatuparan ang programang ito sa inisyatibo ng Ina ng Lalawigan na si Gov. Angelina “Doktora Helen” Tan.

Iginawad ang pagkilalang ito noong ika-29 ng Enero, taong kasalukuyan sa Queen Margarette Hotel, Lucena City, Quezon. Pinangunahan ni PGADH-PESO Manager, Genecille P. Aguirre ang pagtanggap sa parangal na nakamit ng Quezon Provincial Public Employment Service Office. Ang pagkilalang ito ay magsisilbing patunay sa maayos na kalidad ng serbisyo na patuloy na ipinamamalas ng tanggapan.

Tumanggap din ng pagkilala ang tanggapan ng PESO Calauag, Unisan, Atimonan, Buenavista at Mauban, at Job Placement Office ng Manuel S. Enverga University Foundation, Inc. Sa patuloy na pagtutulungan ng bawat tanggapan ng PESO sa lalawigan ay maisasakatuparan ang adhikaing maging daan upang magbigyan ng maayos na trabaho at buong husay na makapagbigay ng serbisyo sa mga mamamayan sa lalawigan.

Quezon PIO

Nagsagawa ang Office of the Provincial Veterinarian (OPV) ng Veterinary Medical Mission sa pag diriwang ng Unisan Day at Cocolilay Festival 2025 | February 13, 2025

Bilang pakikiisa sa pagdiriwang ng Unisan Day at Cocolilay Festival 2025, ay nagsagawa ang Office of the Provincial Veterinarian (OPV) ng Veterinary Medical Mission ngayong February 12, 2025, sa pamamagitan ni Dr. Camille Calaycay at mga technical personnel ng Animal Health and Welfare Division.

Katuwang sa aktibidad na ito ang Office of the Municipal Agriculturist (OMA) ng Unisan sa pangunguna ni MA Perciveranda Galang. Nakiisa rin si Dr. Calaycay sa ribbon cutting ng mga Agri-booths bilang pormal na pagbubukas ng mga ito.

Ang mga libreng serbisyong naipagkaloob ng OPV ay pagbabakuna laban sa rabies, pagpupurga, konsultasyon at pagbibigay ng bitamina para sa mga aso at pusa.

Ang aktibidad na ito ay naglalayon na bigyang kamalayan ang komunidad at palakasin ang pagpapatupad ng programa na sugpuin ang sakit na rabies sa ating bansa.

Ang Kabuuang bilang ng hayop na nabakunahan ay 205, ang nabigyan ng libreng konsultasyon, bitamina, purga, at iba pa ay 343, na pagmamay-ari ng 294 na mga kalalawigan natin mula sa Unisan

Quezon PIO / ProVET

2024 Regional Year-End Performance and Planning Exercises of DOLE and PESO | February 13, 2025

Nagtipon-tipon ang mga opisyales at kinatawan ng DOLE at PESO sa isinagawang 2024 Regional Year-End Performance and Planning Exercises na idinaos sa Queen Margarette Hotel, Brgy. Domoit, Lucena City. Ang nabanggit na programa ay naisakatuparan noong ika-29 hanggang ika-31 ng Enero, taong kasaluyan na dinaluhan ng higit dalawang daan na mga opisyales at kinatawan ng mga tanggapan ng PESO at DOLE sa buong rehiyon ng CALABARZON.

Kabilang sa mga itinampok sa pagtitipon ay ang pagpapakilala sa bagong Regional Director ng DOLE RO 4A na si Atty. Erwin N. Aquino. Nagkaroon din ng seremonya ng pagpaparangal kung saan binigyang pagkilala ang mga mahuhusay na PESO at JPO pati na rin ang mga natatanging programa ng PESO at mga JPO sa rehiyon. Bilang pagsuporta sa isinagawang pagtitipon ay nagpaabot ng mensahe si Gov. Angelina “Doktora Helen” Tan sa pamamagitan ng kanyang kinatawan na si Deputy Chief of Staff at PGDH-ENRO John Francis Luzano. Binigyang importanysa sa mensahe ng Ina ng Lalawigan ang makabuluhang papel ng PESO sa pagbalangkas at pagpapaunlad sa larangan ng trabaho at serbisyo.

Nagkaroon din ng Governor’s Night at sa bahaging iyon ay ipinamalas ng lalawigan ang malugod na pagtanggap sa mga naging delegado sa nasabing programa. Sa aktibidad na iyon ay nagkaroon ng mga pagtatanghal at Tagayan Ritual na naging simbolismo upang maipakilala ang makulay na tradisyon, kultura at ang mga produkto sa lalawigan. Isinagawa din ang paglulunsad ng bagong PESO Reportorial System ng DOLE, sa inisyatibo ni LEO III ng DOLE 4A TSSD-EPWW Marie Iris Prieto-Perez at nagkaroon din ng pagtalakay sa gagawing preparasyon sa nalalapit na 25th National PESO Congress na kung saan ay ang rehiyon ng CALABARZON ang magsisilbing host.

Nakiisa rin sa pagtitipon ang Ama ng Sangguniang Panlalawigan na si Vice Governor Anacleto “Third” Alcala na nagpaabot ng pagsuporta sa mga adbokasiya ng PESO. Dumalo rin sa kauna-unahang pagkakataon ang mga opisyales ng PESO Managers Association of the Philippines (PESOMAP) na nanguna sa pagbalangkas sa PESO Institutionalization Advocacy sa pangunguna ni President Luningning Vergara (Provincial PESO of Pampanga).

Samakatuwid ay naging matagumpay ang kabuuan ang programa dahil sa mga makabuluhang aktibidad na itinampok sa tatlong araw na pagtitipon. Buhat sa mga aktibidad na isinagawa ay nagkaroon ng oportunidad ang bawat kabahagi na mabatid ang mga magagandang adhikain ng DOLE at PESO para sa kaunlaran ng sektor ng trabaho sa rehiyon.

Quezon PIO / PESO

Estado ng Kalusugan sa Lalawigan ng Quezon

Ayon sa isinagawang Monitoring and Evaluation of Local Level Implementation ng National Nutrition Council noong taong 2022, nasa 85.03% lamang ang kalidad ng kalusugan sa Lalawigan ng Quezon, ito ay nagresulta sa pagkakakuha natin ng 2022 Green Banner Seal of Compliance.

Ngunit sa hangarin ni Governor Doktora Helen Tan na mapataas at mapabuti pa ang kalusugan ng mga mamayang Quezonian, katuwang ang Provincial Nutrition Action Office (PNAO) ay naglunsad ang Pamahalaang Panlalawigan ng mga programang pangkalusugan gaya ng; Enhanced Nutribun Supplementation Program, Tamang Aksyon sa Nutrisyon, Nutribun ang Solusyon kung saan nagbahagi dito ng mga Nutrition Commodities. Nakiisa din ang Pamahalanang Panlalawigan sa inilunsad na Philippine Multisectoral Nutrition Project (PMNP). Layunin ng mga programa na masolusyonan ang problema ng malnutrisyon sa mga batang Quezonian upang magkaroon ng malusog at masiglang Lalawigan ng Quezon.

Dahil sa mga programang isinagawa, naisakatuparan na ang hangarin ni Governor Tan, naalis na rin tayo sa listahan ng Top 10 na lalawigan sa bansa na may pinakamataas na Stunting Rate. Tumaas rin sa 90.01% ang kalidad ng kalusugan sa Lalawigan ng Quezon sa muling monitoring sa taong 2023 ng National Nutrition Council.

Sa ikalawang pagkakataon ay tumanggap muli ang Lalawigan ng Quezon ng parangal na 2023 Green Banner Seal of Compliance, ito ay indikasyon nang mahusay na dedikasyon at sipag sa pagpapabuti ng nutrisyon at kalusugan sa buong Lalawigan ng Quezon.

Samantala, positibong hinahangad ng Pamahalaang Panlalawigan ang makabilang sa 2024 Crown (Consistent Regional Outstanding Winner in Nutrition) Maintenance Award kung saan magsisilbing patunay ito sa epektibong pagpapatupad at pamamahala ng kanilang programang pang-nutrisyon sa lalawigan na nagresulta sa pagpapabuti ng sitwasyon sa nutrisyon sa lalawigan, lalo na sa mga kabataan.

#SerbisyongTunayAtNatural

#HEALINGQuezon

Quezon PIO

Orange Tourism Festival 2025 – PAINTING at ARCHITECTURE WORKSHOP (2nd Day) | February 13, 2025

TINGNAN: Bilang bahagi ng Orange Tourism Festival 2025, bidang-bida ang malikhaing talento ng mga Quezonian artist sa ikalawang araw ng PAINTING at ARCHITECTURE WORKSHOP na ginanap sa Bukid Amara, Lucban at Oyayi Farm & Resort, Sariaya nitong araw ng Pebrero 13.

Makulay na nilahukan ng 18 Quezonian mula sa iba’t ibang bayan sa lalawigan ang Painting Workshop, habang 19 naman ang naging bahagi ng Architecture Workshop.

Kaalinsabay nito’y nagsimula na rin ang unang araw ng FILM WORKSHOP sa Yumi’s Farm, Tayabas City kung saan 19 ang naging kalahok, habang ginanap naman sa Ouan’s the Farm Resort, Lucena City ang THEATRE at COCOLINARY WORKSHOP na parehong may 20 Quezonian artist na lumahok.

Sa darating na Pebrero 19-20 sa Quezon Convention, Center Lucena City ay tunghayan ang pagtatanghal at pagbabahagi ng kahusayan sa iba’t ibang larangan ng sining ng mga kalahok na Quezonian artist.

#OrangeTourismFestival2025 #SerbisyongTunayAtNatural #HEALINGQuezon

Quezon PIO

“Kabataang Quezonian tungo sa Isang Direksyon, pagBasa at pagbilang ay Isusulong, sa Bawat Oportunidad.”- Project KID BIBO | February 12, 2025

“Kabataang Quezonian tungo sa Isang Direksyon, pagBasa at pagbilang ay Isusulong, sa Bawat Oportunidad.”- Project KID BIBO

Batay sa datos na inilahad ng Department of Education (DepEd) Division of Quezon patungkol sa Comparative Reading Data ng SY 2022-2023 at SY 2023-2024. Ang SY 2022-2023 ay may pinakamataas na bilang ng mag-aaral na Non-Readers o Hindi nakakabasa na umabot sa 27,388 sa Filipino at 21162 sa Ingles .

Ito ang siyang dahilan ng paglunsad ng Project KID BIBO ni Governor Doktora Helen Tan katuwang ang DepEd Quezon. Layunin ng proyektong ito na mapabuti, matugunan, at matutukan ang kasanayan ng mga mag-aaral sa pagbasa ng Ingles at Filipino, pati na rin sa Matematika.

Simula ng mailunsad ito noong July 27,2023 makikita ang mabilis na pagbaba sa bilang ng mga hindi marunong magbasa sa elementarya mula Grade 1-3 sa buong lalawigan ng Quezon. Para mapagtagumpayan ang proyekto, naging kaagapay natin ang mga magulang, mga mag-aaral sa kolehiyo na may kursong Edukasyon, kaguruan, paaralan at mga lokal na pamahalaan sa paglinang ng kaisipan ng mga bata. Bunga sa nasabing proyekto, ayon sa DepEd Division of Quezon SY 2023-2024 na datos ay bumaba na sa bilang na 20812 sa Filipino at 13,887 sa Ingles ang mga batang hindi marunong magbasa.

Ang proyektong KID BIBO ay isang patunay na naging epektibo ang hangarin ng Gobernadora na walang maiiwan at sama samang uunlad ang mga kabataan lalo’t higit sa antas ng edukasyon.

#KIDBIBO #SerbisyongTunayAtNatural #HEALINGQuezon

Quezon PIO

Orange Tourism Festival – Architecture and Painting Workshop | February 11, 2025

TINGNAN: Binigyang buhay ng mga Quezonian artist ang kanilang malikhaing kaisipan sa unang araw ng ARCHITECTURE at PAINTING WORKSHOP na ginanap sa Oyayi Farm & Resort, Sariaya at sa Bukid Amara, Lucban.

Sa pangunguna ng Provincial Tourism Office, ang nasabing workshop ay bahagi ng Orange Tourism Festival 2025 kung saan pinagdiriwang ang kuhusayan at talento ng mga Quezonian sa iba’t ibang sining. Gayundin ay upang makiisa sa National Arts Month ngayong taon.

Abangan at tunghayan naman sa darating na Pebrero 19-20 sa Quezon Convention Center, Lucena City ang pagtatanghal at pagbabahagi ng mga kalahok ng kanilang nabuong output mula sa isinagawang mga workshop.

#OrangeTourismFestival2025 #SerbisyongTunayAtNatural #HEALINGQuezon

Quezon PIO / Toursim

Job Openings | February 11, 2025

Para sa mga nais mag-apply, magtungo lamang sa tanggapan ng Quezon Provincial PESO na matatagpuan sa 2nd Floor | ikalawang palapag ng Quezon Convention Center, Capitol Compound Lucena City. Huwag kalimutang magdala ng RESUME, ID at ballpen.

Para sa iba pang katanungan, maaaring tumawag sa QUEZON Provincial PESO (042) 373-4805 | 0933-868-5524 o mag-iwan ng mensahe sa facebook page Quezon Provincial PESO

Quezon PIO / PESO

Job Opening – Sales Clerk | February 11, 2025

Para sa iba pang katanungan, maaaring tumawag sa QUEZON Provincial PESO (042) 373-4805 | 0933-868-5524 o mag-iwan ng mensahe sa facebook page Quezon Provincial PESO.

Quezon PIO / PESO

Mahalagang Impormasyon Tungkol sa Monkeypox

Mahalagang impormasyon tungkol sa Monkeypox o MPOX at ang mga dapat gawin upang mapigilan ang paglaganap nito.

IPHO

« Previous Page