“COCONUT SPIKE MOTH” o “TIRATHABA SPP.” ang kasalukuyang kumakalat sa rehiyon ng CALABARZON

Isang nakakaalarmang peste na tinatawag na “COCONUT SPIKE MOTH” o “TIRATHABA SPP.” ang kasalukuyang kumakalat sa rehiyon ng CALABARZON.
ANO ANG COCONUT SPIKE MOTH?

Ang coconut spike moth o “Tirathaba spp.” ay isang uri ng peste na sumisira at nagdadala ng iba’t ibang antas ng pinsala sa mga puno ng niyog sa pamamagitan ng pagkain sa mga bulaklak, bunga, at murang dahon o palaspas ng niyog na nagdudulot ng tuluyang pagkasira at pagkamatay ng puno nito.
Nitong nakaraang Marso 26 hanggang Abril 5, 2025, sa ilalim ng Philippine Coconut Authority (PCA) Region IV-A ay nagsagawa ang Regional Surveillance and Watch Action Team (SWAT) at Coconut Protection Action Team (CPAT) ng Rapid Ground Assessment (RGA) sa mga lugar na naitalang may kaso ng nasabing peste. Napag-alaman na 16, 700 coconut palms ang kumpirmadong napinsala ng coconut spike moth at 3,980 o katumbas ng 24% ng kabuuang bilang (16, 700) ang naitalang nasa high to severe degree of infestation.

NARITO ANG ILANG PALATANDAAN AT SINTOMAS NA MAKIKITA SA NIYOG NA NAPINSALA NG COCONUT SPIKE MOTH
• Makikita ang pagkasira ng pinakagitnang dahon ng niyog dahil sa pagkain ng mga uod, ito ay higit na kapansin-pansin sa mga namumunga at matatandang puno ng niyog.
• May makikitang butil-butil na mapula o maitim na kayumangging dumi, na palatandaan kung may bago o dating aktibidad ng peste.
• Pagnunuyo ng mga bulaklak ng niyog

ANO-ANO ANG MAARING GAWIN UPANG MAKONTROL ANG PAGLAGANAP NG COCONUT SPIKE MOTH?
• Gumamit ng Tray water Trap/ Light Trap upang mahulog at mahuli ang mga moth, sa ganitong paraan makokontrol ang pangingitlog at impestasyon nito.
• Gumamit ng mga chemical o bio-pesticides upang mapatay at mabawasan ang mga larvae at moth.
• Gumamit ng biological control o mga organismo na natural na kalaban ng peste, sa ganitong paraan makokontrol at mapapababa ang populasyon ng mga coconut spike moth.

Kaya’t mga kalalawigan, sama-sama nating protektahan ang ating mga niyog laban sa Coconut Spike Moth. Maging mapagmatyag sa bagong banta ng peste na lumalaganap at tandaan na ang pagkakaroon ng maagang kaalaman at tamang aksyon ay makatutulong sa pagsalba sa ating mga niyugan.

Source: Philippine Coconut Authority (PCA) Region IV-A Pest Surveillance Report: Coconut Spike Moth Infestation

Job Opennings

Gusto mo ng life na convenient pero marami kang sinasayang na moment? Nais makahanap ng trabahong easy subalit walang mahanap na opportunity? ‘Wag nang magsayang ng oras, ‘wag mo nang ipagpabukas! Apply na sa 7/11, para maging productive ka!

Makiisa sa isasagawang LOCAL RECRUITMENT ACTIVITY na isasagawa ng QUEZON PROVINCIAL PESO sa pakikipagtulungan ng Philippine Seven Corporation (7/11) na magbubukas ng trabaho para sa mga posisyong Operations Management Trainee, Store Development Specialist, Assistant Kitchen Operations Analyst at Franchise Specialist. Ang nasabing aktibidad ay gaganapin sa ika-23 ng Abril (Miyerkules), taong 2025 sa Bulwagang Kalilayan, Governor’s Mansion Grounds, Lucena City, Quezon Province sa ganap na ika-8:00 ng umaga hanggang ika-4:00 ng hapon.

DOCUMENTARY REQUIREMENTS:
* Original copy of Transcript of Records (TOR)
* Printed copy of updated Resume

POSITIONS AND QUALIFICATIONS:
Operations Management Trainee (20)

Bachelor’s Degree in any field (With QSR experience but fresh graduates are welcome to apply)
* Willing to work on a shifting schedule
* Working knowledge of all store operations is an advantage.
* Has excellent interpersonal skills & good at multitasking
* Willing to be relocated locally as part of the job

Store Development Specialist (5)
* Bachelor’s Degree in Business Studies/Administration/Management or equivalent.
* Has excellent Oral and Written Communication Skills
* Has excellent Interpersonal Skills
* Willing to do fieldwork
* Fresh Graduates are welcome to apply.

Assistant Kitchen Operations Analyst (5)
* Graduate of any Bachelor’s / College Degree
* At least 1 Year(s) of working experience in the related field is an advantage for this position, but not required.
* Fresh graduates are highly encouraged to apply.
* Required Skill(s): Quick-serve restaurant (QSR)/fast-food industry, Interpersonal skills, Oral and Written communication skills
* Willing to work on shifting schedule

Franchise Specialist (5)
* Graduate of any Bachelor’s / College Degree< * Fresh graduates are welcome to apply. * Has excellent Oral and Written Communication Skills * Has high Interpersonal Skills * Willing to report at the office * Willing to travel as part of the job if needed

AREA OF DEPLOYMENT: Quezon Province
Para sa mga nais makibahagi sa aktibidad, mag-register sa link na ito https://forms.gle/ZDA7kur8CTGiWATU8 o kaya naman ay i-scan ang QR na makikita sa ibaba. Magdala ng ID at panulat (ballpen) at ng iba pang documentary requirements na nabanggit.

Ipakita ang iyong galing, Quezonians!

PABATID SA PUBLIKO: May mga naitalang kaso ng “Coconut Spike Moth” sa lalawigan ng Quezon.

PABATID SA PUBLIKO

Ayon sa isinagawang Rapid Ground Assessment (RGA) ng PCA Regional Surveillance and Watch Action Team (SWAT) at Coconut Protection Action Team (CPAT) noong Marso 26 hanggang Abril 5, 2025, may mga naitalang kaso ng “Coconut Spike Moth” sa lalawigan ng Quezon.

Kaugnay nito, pinapayuhan ang mga magniniyog sa lalawigan na manatiling alerto at agad na i-report sa pinakamalapit na Municipal Agriculture Office (MAO) kung may namataang sintomas ng pananalasa ng peste sa kanilang mga niyugan.

Mga kalalawigan, ang wastong kaalaman at agarang aksyon laban sa “Coconut Spike Moth” ay makapagliligtas sa mga puno at bunga ng niyog sa buong lalawigan.

TATLONG (3) Hakbang sa Pagkuha ng Veterinary Shipping Permit para sa mga alagang aso at pusa

Kung ang FURBABIES ay itatravel ngayong Holy Week, make sure na mayroon silang Veterinary Shipping Permit, lalo na kung dadalhin sa mga rabies-free zones gaya ng Panukulan, Polillo, Burdeos, Patnanungan, Jomalig, Alabat, Perez, at Quezon. TATLONG (3) Hakbang sa Pagkuha ng Veterinary Shipping Permit para sa mga alagang aso at pusa

1) Kumuha ng Veterinary Health Certificate mula lamang sa Lisensyadong Beterinaryo (Valid: 3 araw)

2) Siguraduhing bakunado laban sa rabies ang iyong alagang aso o pusa nang hindi bababa sa labing-apat (14) na araw bago maglakbay.

3) Mag-apply online bilang one-time shipper sa https://bit.ly/register-dogcat

Training Workshop for the Development and Maintenance of Healthy Public Open Spaces | April 15, 2025

Sa pagpapaunlad ng mas malusog na mga komunidad, ang Quezon Provincial Health Office sa pakikipagtulungan ng Center for Health Development IV-A, ay nakatuon sa pagpapahusay ng kapakanan ng mga Quezonians sa pamamagitan ng estratehikong pagpapaunlad ng Healthy Public Open Spaces (HPOS) sa buong lalawigan ng Quezon.
Sa kadilahilanang ito, isinagawa ang “Training Workshop for the Development and Maintenance of Healthy Public Open Spaces” noong ika-10 hanggang ika-11 Abril, 2025 sa Nawawalang Paraiso, Resort and Hotel, Barangay Camaysa, Tayabas City, at dumalo dito mga kawani ng mga munisipalidad sa buong lalawigan.
Ang workshop na ito, sa pakikipagtulungan ng mga iginagalang na resource speakers mula sa University of the Philippines – College of Architecture (UPCA), ay naglalayon na mapaunlad ang HPOS, sa pamamagitan ng pag-sunod sa prinsipyo sa pagpaplano, paglikha ng mga disenyo para sa pagsulong ng kalusugan at epektibong pakikipag-ugnayan sa komunidad. Tiyak na makakatulong ang aktibidad na ito sa paglikha at pagpapanatili ng mga pampublikong espasyo na nakakatulong sa kalusugan at sigla ng ating komunidad.

#QuezonProvince

Quezon PIO

143rd Sangguniang Panlalawigan Regular Session | April 15, 2025

TINGNAN: 143rd Sangguniang Panlalawigan Regular Session.
Pormal na ginanap ang ika-143 Pangkaraniwang Pulong ng Sangguniang Panlalawigan ngayong araw ng Lunes, Abril 14 sa pangunguna ni Vice Governor at Presiding Officer Third Alcala kasama ang mga Board Member na kinatawan ng bawat distrito sa lalawigan ay naaprubahan ang mga Ordinansa, Resolusyon, Atas tagapag paganap at iba pang liham, alinsunod sa higit pang pagpapaunlad at pagpapatatag ng lalawigan ng Quezon.
Kaugnay nito, idineklarang wasto ang ordinansang na isinulong ni Board Member at Committee on Investment, Trade and Industry Vinnette Alcala-Naca patungkol sa Ordinansa Blg. 25-03 ng Lungsod ng Tayabas, na pinamagatang: “Isang ordinansang nagpapasakop sa pornal na pagpapatupad ng katuwang sa Diwa at Gawa para sa masaganang ani at mataas na kita (Kadiwa) ng pangulo at para sa layuning ito ay inaangkop ang mga naaangkop sa probisyon ng Department of the Interior and Local Government (DILG) MEMORANDUM CIRCULAR BLG. 2024-003.
Samantala, aprobado sa ikalawang pagbasa ang liham na humihiling ng pagpasa ng isang resolusyon na nagbibigay pahintulot sa Punong Lalawigan na lumagda sa isang Memorandum of Understanding sa ngalan ng Pamahalaang Panlalawigan ng Quezon, kasama ang mga kinikilalang kumpanya at ahensya para sa pagpapadali ng konsultasyong medikal at patungkol sa mga kagamutan.

#143rdPangkaraniwangPulong
#QuezonProvince

Quezon PIO

Pamahalaang Panlalawigan ng Quezon at OWWA, Mananatiling Kapit-bisig sa Pag-alalay sa mga Bayaning Masigasig | April 15, 2025

Pamahalaang Panlalawigan ng Quezon at OWWA, Mananatiling Kapit-bisig sa Pag-alalay sa mga Bayaning Masigasig
Nagsagawa ang Overseas Workers Welfare Administration (OWWA) sa pakikiisa ng Pamahalaang Panlalawigan ng Quezon sa pamamagitan ng Quezon Provincial Public Employment Service Office ng isang aktibidad na nakatuon sa pamamahagi ng test permit sa mga mag-aaral na anak ng mga Overseas Filipino Workers na nangangailangan ng tulong pinansyal. Isinakatuparan ito alinsunod sa Education Development Scholarship Program/ Congressional Migrant Worker Scholarship Program ng OWWA na ginanap noong ika-18 ng Marso, 2025 sa ikatlong palapag ng Main Capitol Building, Lucena City, Quezon.
Pinangunahan ang nasabing aktibidad ng mga kinatawan ng OWWA Regional Office 4A kabilang na sina Ms. Avelina Sheryl Briton-Caya, OWWO III-Education and Training Unit Head; Mr. Paul Jordan C. Prado at Ms. Gracielle B. Corpuz mula sa Education and Training Unit; Ms. Stephanie Banasihan mula sa Finance Unit; at si Ms. Lyka Janelle Llaga, Family Welfare Officer.
Ang layunin ng aktibidad ay makapagbigay ng tulong pinansyal sa pamamagitan ng Welfare Assistance Program (WAP) ng tanggapan. Sa kabuuan ay mayroong siyamnapu’t dalawang (92) Quezonians ang nabigyan ng iba’t ibang programa/serbisyo: limampu’t tatlong (53) mga iskolar na tumanggap ng assistance, dalawampu’t lima (25) na pinagkalooban ng medical assistance, tatlo (3) ang tumanggap ng bereavement assistance, siyam (9) para sa Balik Pinas Hanap Buhay, isa (1) naman ang pinagkalooban ng Insurance Claim Fund (ICF), at isa (1) rin ang hinandugan ng Immediate Financial Assistance.
Patuloy ang hangarin ng OWWA at ng Pamahalaang Panlalawigan ng Quezon katuwang ang Quezon Provincial PESO na makapagbigay ng mga programa at serbisyong nakatuon sa kapakanan ng mga itinuturing na mga modernong bayani at sa kanilang mga mahal sa buhay. Sa kabila ng mga pagsubok ay hindi matatawaran ang dedikasyon ng mga nabanggit na tanggapan upang matumbasan ang sakripisyong inilalaan ng mga OFW upang makamit ang maginhawang buhay at maging daan tungo sa maunlad na ekonomiya ng bansa.

Quezon PIO

Katuwang sa diwa at gawa para sa masaganang ani at mataas na kita (Kadiwa) ng pangulo | April 15, 2025

Muling isinagawa ang Kadiwa ng Pangulo sa Kapitolyo na may temang “Katuwang sa diwa at gawa para sa masaganang ani at mataas na kita (Kadiwa) ng pangulo” ngayong araw ng Martes, Abril 15 sa Quezon Capitol Compound, Lucena City.
Ang naturang programa ay inisyatibo ng Pambansang Pamahalaan katuwang ang iba’t ibang ahensya gaya ng Department of Agriculture at Department of Trade and Industry (DTI) kung saan ito ay buwanang isinasagawa sa Pamahalaang Panlalawigan upang direktang mailapit sa mga konsyumer ang mga dekalidad at sariwang produkto sa mas abot-kayang halaga.
Sa gitna ng pagtaas ng presyo ng mga pangunahing bilihin, malaking bagay ang hatid ng ganitong programa na nag-uugnay sa mga lokal na produkto at mamimili gayundin na naipapakita ang tunay na diwa ng bayanihan sa pagitan ng pamahalaan at mga mamamayan. Isa rin itong konkretong hakbang upang patuloy na itaguyod ang lokal na agrikultura at kabuhayan sa lalawigan ng Quezon.

#KadiwaNgPangulo
#QuezonProvince

Quezon PIO

Congratulations to Miko Jardin (Ginoong Niyogyugan 2024 Tourism) | April 15, 2025

Heartfelt congratulations to Miko Jardin (Ginoong Niyogyugan 2024 Tourism) on being crowned King of the World Philippines 2025 CULTURE. Your dedication, poise, and embodiment are truly commendable.

#KingoftheWorldPhilippines
#QuezonProvince
#TaraNaSaQuezon

Quezon Tourism

Munting Paalala | Apr 15, 2025

Mahalaga ang tulog! Bawasan ang paggamit ng cellphone o tablet bago matulog para sa masarap na pahinga. 😴

QPHN-QMC