Free Flu Vaccination in Partnership with Department of Health (DOH) – Mauban, Quezon | January 29, 2025
Recorded Live
Link 1: https://www.facebook.com/share/v/15LsSFEqbQ/
Link 2: https://www.facebook.com/share/v/1ZL2XKD6SF/
Quezon PIO
NEWS AND UPDATE
24th Gawad KALASAG awarding ceremony – CALABARZON Region | January 28, 2025
Opisyal nang tinanggap ni Governor Doktora Helen Tan ang parangal para sa Lalawigan ng Quezon bilang BEYOND COMPLIANT PROVINCE sa ginanap na Awarding Ceremony ng 24th Gawad KALASAG (KAlamidad at Sakuna LAbanan, SAriling Galing ang Kaligtasan) Seal sa Twin Lakes Hotel, Laurel, Batangas ngayong Martes, Enero 28.
Nakakuha ang Lalawigan ng Quezon ng rating na 2.81 dahilan upang masungkit ang nasabing parangal na ibinibigay naman ng pamahalaan sa pangunguna ng Office of the Civil Defense (OCD) para sa mga indibidwal, organisasyon, at Local Government Units upang kilalanin ang kanilang mga kontribusyon sa larangan ng Disaster Risk Reduction and Management Response at sa Humanitarian Assistance.
Kabilang din sa kinilalang Beyond Compliant Local Government Unit ang bayan ng Calauag, General Nakar, Infanta, Mauban, Pagbilao, at Lucena City.
Samantala, ang bayan naman ng Buenavista, Candelaria, Dolores, General Luna, Gumaca, Lucban, Mulanay, Padre Burgos, Perez, Pitogo, Real, Sampaloc, San Antonio, at Sariaya ay kinilala bilang Fully Compliant Local Government Units sa nasabing parangal.
Nakasama sa pagtanggap ng parangal sina Provincial Social Welfare and Development Head Sonia S. Leyson at Provincial Disaster Risk Reduction Management Head, Dr. Melchor P. Avenilla.
Asahan pa ang patuloy na pagsusumikap ng Pamahalaang Panlalawigan na gawing disaster-ready at resilient ang Lalawigan ng Quezon para sa kaligtasan ng bawat mamamayan nito.
Muli, Congratulations!
Quezon PIO
CONGRATULATIONS, LALAWIGAN NG QUEZON | January 28, 2025
Kinilala bilang BEYOND COMPLIANT PROVINCE ang lalawigan ng Quezon sa ginanap na 24th Gawad KALASAG (KAlamidad at Sakuna LAbanab, SAriling Galing ang Kaligtasan) Awarding Ceremony ngayong araw ng Martes, Enero 28.
Isang patunay lamang ito ng epektibong paghahatid ng mga programa ukol sa disaster risk reduction and management para sa kaligtasan ng mga mamamayang Quezonian.
Quezon PIO
24TH GAWAD KALASAG SEAL AND SPECIAL AWARDS FOR DRRM AND HUMANITARIAN ASSISTANCE AWARDING CEREMONY FOR CALABARZON | January 28, 2025
WATCH | 24TH GAWAD KALASAG SEAL AND SPECIAL AWARDS FOR DRRM AND HUMANITARIAN ASSISTANCE AWARDING CEREMONY FOR CALABARZON
Live Link: https://www.facebook.com/share/v/1B2pLamZ1z/
The CALABARZON Regional Disaster Risk Reduction and Management Council (RDRRMC), through the Office of Civil Defense (OCD) CALABARZON, recognize the outstanding dedication of Local Disaster Risk Reduction and Management Councils and Offices (LDRRMCOs) in providing swift and effective humanitarian aid during natural calamities and capacitating disaster-resilient communities in the region.
#BagongPilipinas #ResiliencePH #CivilDefensePH
Civil Defense CALABARZON
STAN Kabuhayan Livelihood Assisstance Program | January 28, 2025
QUEZONIAN! Alam mo ba ang STAN KABUHAYAN?
Ang STAN Kabuhayan Livelihood Assisstance Program na inisyatibo ni Governor Doktora Helen Tan, ay may layunin na mabigyan ng dagdag pangkabuhayan sa mga kwalipikadong Sari-sari Store Owners.
Abangan ang mga susunod na anunsyo upang makasali sa nasabing programa.
LINK: https://www.facebook.com/share/v/12FR1LhCJoE/
Quezon PIO
24th Gawad Kalasag | January 28, 2025
Twin Lakes, Tagaytay
Recorded Live Link: https://www.facebook.com/share/v/12BWkUBa9rh/
Quezon PIO
Provincial Development Council Special Meeting | January 27, 2025
Bilang bahagi ng lalong pagpapabuti ng mga proyekto at programa para sa mas maunlad na lalawigan, nagsagawa ng Special Meeting ang Provincial Development Council (PDC) sa pangunguna ni Provincial Administrator Manuel Butardo bilang kinatawan ni Governor Doktora Helen Tan, ngayong Lunes, Enero 27.
Layunin ng pagpupulong na ilahad ang mga proyekto para sa FY 2025 at mai-endorso ang mga ito sa Regional Development Council (RDC). Sa nasabing pagpupulong, nagbigay ng presentasyon sa iba’t ibang programang pang-imprastruktura ang mga kinatawan ng Department of Public Works and Highways (DPWH) mula sa apat na District Engineering Office sa lalawigan ng Quezon. Nakapaloob sa naturang presentasyon ang alokasyong pondo para sa mga proyekto at ang Organizational Outcome 1 at 2, gayundin ang Convergence and Special Support Program na naglalayong makapagpagawa, maisaayos at magkaroon ng rehabilitasyon ang national highway, by-pass roads, bridges, at iba pang proyekto na may kinalaman sa imprastruktura at pasilidad sa lalawigan gaya ng water supply and drainage system at mga multi-purpose building.
Sa huli, napagtibay at naaprubahan ang mga iminungkahing proyekto mula sa DPWH Quezon at ito ay tutuloy na sa endorso sa Regional Development Council para sa mas masusing pagsusuri. Kaalinsabay nito ay inilahad ni Project Development Officer IV Myra Rojas ang Supplemental Annual Investment Plan para sa FY 2025 kung saan naipakita ang paggagamitan ng pondo sa naturang taon.
Samantala, ang nasabing pagpupulong ay dinaluhan din nina Executive Assistant John Francis Luzano, Provincial Planning and Development Coordinator Engr. Russell Narte, Board Member Sonny Ubana, mga Punong-bayan at kinatawan mula sa iba’t ibang munisipalidad sa lalawigan, at ilang tanggapan sa Pamahalaang Panlalawigan.
Quezon PIO
Nagsagawa ng mga Seminar ang Office of the Provincial Veterinarian (OPV) sa pamamagitan ni Dr. Adelberto Ambrocio | January 27, 2025
Nagsagawa ng mga Seminar ang Office of the Provincial Veterinarian (OPV) sa pamamagitan ni Dr. Adelberto Ambrocio, sa mga bayan ng General Luna, Gumaca, San Andres, Macalelon, Mulanay, at Mauban, para sa mga Swine farmers na tinamaan ng African Swine Fever (ASF). Ito ay isinagawa mula January 13-24, 2025.
Tinalakay sa seminar ang ASF Prevention, Control, and Recovery na naglalayong ipaalam sa mga naapektuhang swine farmers kung paano ang tamang cleaning and disinfection upang mapuksa ang mga virus na maaaring nakadikit pa sa ilang parte o sulok ng babuyan. Tinalakay rin ni Dr. Ambrocio kung paano ang mga dapat gawin kunsakaling sila ay magsisimula muling mag-alaga ng baboy upang makaiwas na tamaan uli ng ASF.
Namigay din ang tanggapan ng mga disinfectants at detergents sa nga kalalawigan nating nagkaroon ng ASF upang magamit nila sa cleaning and disinfection ng kanilang mga nakontaminadong babuyan.
Quezon PIO
Ika-132 Pangkaraniwang Pulong ng Sangguniang Panlalawigan ng Quezon | January 27, 2025
TINGNAN: 132nd Sangguniang Panlalawigan Regular Session
Para sa patuloy na pagsulong ng makabuluhang hakbang tungo sa mas maayos at progresibong pamamahala sa mamayang Quezonian, pormal na ginanap ang ika-132 Pangkaraniwang Pulong ng Sangguniang Panlalawigan ngayong araw ng Lunes, Enero 27 sa Kalilayan Hall, Lucena City.
Sa pangunguna ni Vice Governor Third Alcala kasama ang mga Board Member na kinatawan ng bawat distrito sa lalawigan ay naaprubahan ang mga Ordinansa, Resolusyon, Atas tagapag paganap at iba pang liham, alinsunod sa mas lalo pang pag-unlad ng lalawigan ng Quezon.
Inaprubahan na ng Sangguniang Panlalawigan ng Quezon ang panukala mula sa tanggapan ng Punong Lalawigan hinggil sa pagpapahintulot kay Governor Doktora Helen Tan sa isang kasunduan sa pagitan ng Department of Health (DOH) – CALABARZON Center for Health Development para sa pagpapatupad ng Post-Residency Development Program. Gayundin ang pagbibigay ng ayuda kada taon para sa mga Presidents of the Senior Citizen Association at Office for Senior Citizens Affairs (OSCA) Heads sa buong lalawigan.
Samantala, bumisita sa naturang pulong sina 2nd Lieutenant Christian Gilbert Esteban, PO3 Officer Bernabe S. Barbacena Jr., CDR Group Commander Jeffrey Magbanwa, at SGT Aron Paul Monterozo na mga kinatawan ng Armed Forces of the Philippines (AFP) para sa kanilang inihaing aktibidad na “A run for Love, run for Freedom, A run for the West Philippine Sea”, bilang kanilang adbokasiya sa pagkakaroon ng kamalayan sa kasalukuyang sitwasyon nito, bilang pagtugon maglalabas naman ng resolusyon ang Sangguniang Panlalawigan upang aprubahan ang inihaing aktibidad ng nasabing ahensya.
Quezon PIO
Free Flu Vaccination | January 26, 2025
Upang mabigyang proteksyon sa sakit ang mga Quezonian, nagbigay ng tinatayang 2000 libreng Flu Vaccine si Governor Doktora Helen Tan, katuwang ang Department of Health (DOH), ngayong araw Enero 26, sa Brgy. Lita at Brgy. San Isidro, Tayabas City.
Ang flu vaccine ay isang bakuna na nagbibigay proteksyon laban sa influenza o trangkaso. Tumutulong ito upang maiwasan ang malubhang sintomas, komplikasyon, at pagkalat ng sakit. Inirerekomenda itong kunin taon-taon, lalo na para sa mga bata, matatanda, buntis, at mga taong may kahinaan sa immune system.
Ipinaabot din ni Governor Tan na hindi lamang libreng flu vaccine ang handog ng Pamahalaang Panlalawigan sa mga mamamayan ng Quezon, may mga medical mission, kapartner na drugs store, pampublikong ospital at mga Satellite offices na tutugon sa mga pangangailangang pangkalusugan ng mga Quezonian.
Samantala, abangan ang mga susunod na schedule ng medical mission na bababaan ng gobernadora upang maiabot sa mamamayan ang serbisyong pangkalusugan.
Quezon PIO