Gov. Helen Tan Reaffirms Commitment to Public Service in Strategic Meeting with Help Desks and Satellite Offices | May 26, 2025

Sa muling pagbabalik ni Governor Doktora Helen Tan sa pagseserbisyo, agarang nagkaroon ng pagpupulong ang mga Help desk at Satellite office ng buong Lalawigan ng Quezon sa Brgy. Iyam Lucena City, ngayong araw ng Lunes Mayo 26.
‎
‎Sa pangunguna ni Governor Tan muli niyang ipinaalala ang tungkulin ng nasabing tanggapan para sa mamamayan ng Quezon. Kasama na rito ang mga available services, private hospital partnership, pharmacies partnership at tamang pagbibigay ng cash assistance sa mga lubos na nangangailangan.‎ Bukod sa serbisyong medikal, tinutukan din ni Governor Tan ang pagbibigay ng aral ng tamang pakikitungo, respeto at pakikipag-usap sa mga mamamayang lumalapit sa kani-kanilang tanggapan.
‎
‎Pinagpaplanuhan na rin upang masimulan na ang pagbaba ng mga satellite office sa bawat barangay na kanilang sinasakupan upang tingnan ang mga mamamayan na may kailangan ng medical assistance para maipagamot agad sa mga malalapit na ospital.
‎
‎Sa huli, lubos ang pasasalamat ni Governor Doktora Helen Tan sa mga kawani ng Help Desk at Satellite Offices na nagtutulong-tulong upang matugunan ang mga pangangailangan ng mamamayang Quezonian.
‎
‎#SerbisyongTunayAtNatural
‎#HEALINGQuezon
#QuezonProvince

Quezon PIO

Ceremonial Signing of the Memorandum of Agreement on Health Referral Services with Philippine General Hospital | May 27, 2025

TINGNAN: Matagumpay na naisagawa ang Memorandum of Agreement (MOA) sa pagitan ng Quezon Health Care Provider Network at UP Philippine General Hospital ngayong araw ng Lunes, Mayo 26.
Kasama si Provincial Health Officer II Dr. Kristin Mae-Jean M. Villaseñor at mga miyembro ng Provincial Health Board ay nilagdaan ni Governor Doktora Helen Tan at UP-PGH Director Dr. Gerardo Legaspi ang kasunduan. Sa ugnayang ito, magiging pinakabagong Apex Hospital ng lalawigan ang UP-PGH at dito ay masisiguro na ang mga pasyente mula sa Lalawigan ng Quezon ay magkakaroon ng maagap na access sa mas mataas na antas ng serbisyong medikal mula sa UP-PGH bilang pambansang tertiary care referral center.
Sa naging mensahe ni Dr. Legaspi, kanyang binigyang-diin ang mga makabagong hakbang at pamamaraan na isinasagawa ng PGH sa larangang pang-medikal at kasabay nito ay pinuri rin niya ang tagumpay ng Lalawigan ng Quezon sa pagpapatupad ng Universal Health Care sa pamamagitan ng Quezon Health Care Provider Network.
Samantala, asahang patuloy na makikipag-ugnayan ang Pamahalaaang Panlalawigan sa iba’t ibang ahensya at organisasyon upang higit na matutukan ang mga pangangailangang pangkalusugan ng mga Quezonians at agad na mailapit ang serbisyong nararapat para sa kanila.

#SerbisyongTunayAtNatural
#HEALINGQuezon
#QuezonProvince

Quezon PIO

Gov. Helen Tan Leads Strategic Meeting to Improve Consignment Process and Supply Management Across QPHN Hospitals | May 26, 2025

Para sa mas maayos na daloy ng consignment process sa mga Quezon Provincial Hospital Network (QPHN), nakipagpulong si Governor Doktora Helen Tan sa mga Consignment Secretary at Warehouse Personnel mula Provincial General Services Office (PGSO) at Provincial Health Office (PHO), ngayong araw ng Lunes, Mayo 26.
Naging sentro ng pagpupulong ang higit na pagsasaayos ng suplay partikular na sa mga gamot, regular price monitoring, at ang identification ng mga suplay na higit na kinakailangan sa mga pampublikong hospital sa lalawigan.
Sa naging pagpupulong, binigyang-diin ng Gobernadora ang kahalagahan ng regular na pagsubaybay sa mga suplay at matibay na pangangasiwa sa dokumentong isinusumite ng mga ospital upang higit na maisaayos ang sistema at mapagtuunan ang mga pangangailangang medikal ng mga pasyente.

#SerbisyongTunayatNatural
#HEALINGQuezon
#QuezonProvince

Quezon PIO

5th Provincial Health Board Meeting | May 26, 2025

Pinangunahan ni Governor Doktora Helen Tan ang 5th Provincial Health Board Meeting kasama ang Provincial Health Office (PHO) sa pamumuno ni Dr. Kristin Mae-Jean Villaseñor at ilang pinuno ng tanggapan ngayong araw ng Lunes, Mayo 26.
Ilan sa natalakay sa pagpupulong ay ang Konsulta Accomplishment Updates kung saan inilahad ng tanggapan ang bilang ng kanilang nabigyan ng serbisyong konsultasyon at screening. Kasabay nito, napag-usapan rin ang mga resolusyon kabilang na ang QPHN-QMC Konsulta Incentives, Quezon Temporary Treatment Monitoring Facility (QTTMF), at iba pang agenda gaya ng mga programa ng PhilHealth.
Samantala, asahan ang walang patid na suporta ng Pamahalaaang Panlalawigan sa mga programa na naglalayong makapagbigay ng dekalidad na serbisyo sa mga mamamayan ng Lalawigan.

#SerbisyongTunayAtNatural
#HEALINGQuezon
#QuezonProvince

Quezon PIO

Congressional Competition Niyogyugan 2025 | May 26, 2025

Narito ang mga opisyal na kalahok sa apat na Distrito sa paligsahan ng KULTURANG QUEZONIAN (Declamation, Oration, Madulang Sabayang Pagbigkas) na kung saan masasaksihan at maipapamalas ang galing at talento ng bawat kabataan.
Kitakits quezoniaaaaan!👋

𝘗𝘢𝘳𝘢 𝘮𝘢𝘨𝘪𝘯𝘨 𝘶𝘱𝘥𝘢𝘵𝘦𝘥 𝘴𝘢 𝘮𝘨𝘢 𝘴𝘶𝘴𝘶𝘯𝘰𝘥 𝘱𝘢𝘯𝘨 𝘬𝘢𝘨𝘢𝘯𝘢𝘱𝘢𝘯, 𝘮𝘢𝘯𝘨𝘺𝘢𝘳𝘪 𝘭𝘢𝘮𝘢𝘯𝘨 𝘯𝘢 𝘪𝘭𝘪𝘬𝘦 𝘰 𝘪𝘧𝘰𝘭𝘭𝘰𝘸 𝘢𝘯𝘨 Tourism Quezon Province

#NiyogyuganFestival2025
#KulturangQuezonian

Quezon PIO / Tourism

149th Sangguniang Panlalawigan Regular Session

TINGNAN: 149th Sangguniang Panlalawigan Regular Session.
Pormal na ginanap ang ika-149 Pangkaraniwang Pulong ng Sangguniang Panlalawigan ngayong araw ng Lunes, Mayo 26 via Zoom Conference Meeting.
Dumalo dito ang mga Board Member bilang kinatawan ng bawat distrito sa lalawigan kung saan dito inaprubahan ang mga Ordinansa, Resolusyon, Atas tagapag paganap at iba pang liham, alinsunod sa higit pang pagpapaunlad at pagpapatatag ng lalawigan ng Quezon.
Kaugnay nito, idineklarang wasto ang resolusyon na isinulong ni Board Member at Committee on Agriculture , Coconut Industry and Fisheries Hon. Claro M. Talaga, Jr. patungkol sa pagpasok ni Governor Doktora Helen Tan sa ngalan ng Pamahalaang Panlalawigan ng Quezon sa isang Deed of Donations sa sumusunod na mga benepisyaryo; Samahan ng Magniniyog sa Niyugan ng Pahinga Sur at San Antonio Pala Coconut Farmers Agriculture Cooperative.
Samantala aprobado ang ordinansa na isinulong ni Board Member at Committee on Public Works Hon. Julius Jay F. Luces patungkol sa pagtatayo ng mga Road Warning at Safety Devices (RWSDs) sa mga tulay at daan sa Bayan ng Padre Burgos upang masiguro ang kaligtasan ng mga motorista.

For more details, visit this link: https://www.facebook.com/QuezonGovPh/posts/pfbid02pVQj25CPpJ9TY6z9Rt6KKbEAsWkEkdtF4gB8B39ymHNZhUQtjKiBWZS3J7HYscnPl

#SerbisyongTunayAtNatural
#HEALINGQuezon
#QuezonProvince

Quezon PIO

Newly Elected Officials in Quezon Province Take Oath of Office | May26, 2025

Bilang pagsisimula ng bagong mandato sa paglilingkod, pormal na nanumpa sa tungkulin ngayong Lunes, Mayo 26, ang mga bagong halal na opisyal mula sa mga bayan ng Gumaca, San Antonio, Agdangan, at Calauag, Quezon.
Pinangunahan ni Governor Doktora Helen Tan ang makabuluhang seremonya, kung saan labing-anim (16) na opisyal mula sa nasabing mga bayan ang nanumpa na gagampanan ang kanilang mga tungkulin at responsibilidad sa kani-kanilang nasasakupan.
Ang panunumpang ito ay sumisimbolo sa panibagong yugto ng pamumuno at serbisyo para sa mga mamamayang Quezonian. Samantala, hangad ng Pamahalaang Panlalawigan na maging katuwang ang mga opisyal sa higit na pagpapabuti ng lalawigan ng Quezon at maging kabalikat sa pagseserbisyo na inuuna ang kapakanan ng bawat Quezonian.

For more details, visit this link: https://www.facebook.com/share/p/1HX1q1R1G8/

#SerbisyongTunayatNatural
#HEALINGQuezon
#QuezonProvince

Quezon PIO

Congratulations! March 2025 Licenure Examination for Professional Teachers Top Performing Schools

Mainit na pagbati ng tagumpay!
Isang malaking karangalan ang hatid ng mga gurong Quezonian at mga unibersidad sa lalawigan ng Quezon matapos silang mapabilang sa hanay ng mga topnotchers at top performing schools sa nakalipas na March 2025 Licensure Examination for Professional Teachers. Nakamit nina John Reynor B. Pionilla mula sa Lungsod ng Lucena ang Top 2 (93.60%) at Kerby T. Tacorda mula sa bayan ng Gumaca ang Top 10 (92.00%) kapwa mula sa University of the Philippines Los Baños, nakamit din ni Hannah Ira A. Cueto mula sa Southern Luzon State University (SLSU) Lucban ang Top 9 (92.20%) sa Secondary Level, habang nasungkit naman ni Mary Rose Macabuhay mula sa Philippine Normal University South Luzon ang Top 10 (92.60%) sa Elementary level.
Samantala, apat na unibersidad sa Lalawigan ang napabilang sa Top Performing School sa nasabing examination.
🏅TOP 1 (Secondary Level) – Philippine Normal University South Luzon with 98.00% passing rate | 50-99 examinees
🏅TOP 1 (Elementary Level) – Polytechnic University of the Philippines–Mulanay with 98.11% passing rate | 50-99 examinees
🏅TOP 2 (Secondary Level) – Southern Luzon State University-Lucban with 86.52% passing rate | 300 or more examinees
🏅TOP 2 (Elementary Level) – Southern Luzon State University-Lucban with 90.98% passing rate | 100 or more examinees
🏅TOP 6 (Secondary Level) – CSTC (College of Science, Technology & Communication) Inc. with a passing rate of 94.32% | 50-99 examinees
Ang karangalan na ito ay tagumpay ng buong Lalawigan at inspirasyon sa mga kabataang patuloy na nangangarap at nagsusumikap.

#QuezonProvince
#LETEXAM2025

Quezon PIO

Pamanang Quezonian Seminar_Workshops in Celebration of National Heritage Month | May 23, 2025

‎Para sa huling araw ng aktibidad para sa National Heritage Month o Buwan ng Pambansang Pamana, isinagawa ang Reporting, Critiquing Targeting Institutions, Personalities Critical Next Steps: Heritage Square/District or Zone, Museum and Local Study Center ngayong araw ng Biyernes May 23 sa St. Jude Cooperative Hotel and Event Center Tayabas City.
‎
‎Sa pangunguna ni Associate Professor I Marinduque State College Randy T. Nobleza, tinalakay nito ang mga strategic planning ukol sa mga dapat gawin upang mas mapahalagahan, at mapreserba ang mga pamanang kultura hanggang sa susunod pang henerasyon.
‎
‎Gayundin, patuloy na pagsusumikapan ng Pamahalaang Panlalawigan na tuklasin pa ang pamanang yaman na sumasalamin sa kultura ng lalawigan ng Quezon.

For more details, visit this link: https://www.facebook.com/QuezonGovPh/posts/pfbid05bAgfiDTGuRQ5jXu3AynzrBdBaceuDAAKTjWKAYoFsiaesQC6Dupmi4NjY6SskErl
‎
‎#SerbisyongTunayAtNatural
‎#HEALINGQuezon

Quezon PIO

Agri-based Food Product Development Program | May 23, 2025

Sa pamamagitan ng Agri-based Food Product Development Program ng Office of the Provincial Agriculturist, matagumpay na naisagawa ang pagtuturo ng bagong produkto: “Drip Coffee” para sa D Aroma Rural Improvement Club ng Dolores Quezon nitong ika 22 ng Mayo, 2025 sa pangunguna ng Food Processing Unit mula sa Agricultural Support Services Division at pakikipagtulungan sa LGU Dolores.
Layunin ng programang ito na matulungang magkaroon ng de kalidad na produkto ang ating mga samahang nagpoproseso ng kanilang mga produkto para sa sustinableng mapagkukunan ng kanilang kabuhayan sa kanilang komunidad.
Pasasalamat ang nais ipahayon ng samahan ng D Aroma Rural Improvement Club ng Dolores Quezon sa Pamahalaang Panlalawigan ng Quezon sa patuloy na pagsuporta sa ating mga magsasaka at mga samahang nagpoproseso ng iba’tibang mga produkto.

For more details, visit this link: https://www.facebook.com/share/p/18n2neruAd/

#QuezonProvince
#SerbisyongTunayAtNatural
#HEALINGQuezon

Quezon PIO