Bagong MILK HUB sa lalawigan ng Quezon na matatagpuan sa Quezon Provincial Hospital Network – Quezon Medical Center (QPHN-QMC), mapapakinabangan na matapos isagawa ang pormal na pagbabasbas nito ngayong araw ng Huwebes, Agosto 29 sa pangunguna ni Governor Doktora Helen Tan.
Ang nasabing pasilidad ay naisakatuparan dahil sa pagtutulungan ng mga doktor ng ospital sa Pamahalaang Panlalawigan. Kasabay nito’y malugod ding ipinagdiwang ng QPHN-QMC ang kanilang pagiging DOH-accredited “Mother Friendly Hub.”
Samantala, isinagawa rin sa parehong araw ang CATARACT CARAVAN kung saan 48 pasyente mula sa iba’t-ibang bayan sa Quezon ang nakinabang sa libreng check-up at operasyon ng kanilang mga mata.
Magtatapos naman ang nasabing caravan bukas ng Agosto 30, at nakatakdang operahan ang second batch ng mga pasyenteng may diperensya sa mata.
Lubos ang pasasalamat ni Governor Tan sa mga dakilang doktor na patuloy pakikipagbalikatan sa Pamahalaang Panlalawigan upang marami pang matugunan ang pangkalusugan na pangangailangan ng mga Quezonian.
Quezon PIO
