NEWS AND UPDATE

Quezon Police Provincial Office New Year’s Call | January 30, 2025

Tagumpay na naisagawa ang ikatlong taon ng tradisyonal na New Year’s Call kay Governor Doktora Helen Tan ng mga kapulisan mula sa Quezon Police Provincial Office (QPPO) sa pangunguna ni Provincial Director PCOL Ruben B Lacuesta, ngayong Huwebes, Enero 30, sa 3rd floor Provincial Capitol Building, Lucena City.

Sa unang bahagi ng naturang aktibidad, ipinakita ng QPPO ang kanilang Annual Accomplishment sa nakalipas na taong 2024. Kabilang sa mga ito ang mga parangal na nakuha ng kapulisan, mga imprastukturang naipatayo, at laban kontra terorismo, ilegal na droga, sugal, at iba pang krimen at ilegal na gawain na patuloy na nilalabanan ng buong kapulisan sa lalawigan. Dagdag pa rito, ibinahagi rin ng QPPO ang mga proyekto at programang isasagawa sa taong 2025 na naglalayong mas pag-ibayuhin pa ang pagbibigay ng serbisyo para sa kaligtasan ng buong lalawigan ng Quezon.

Sa mensahe ni Governor Doktora Helen Tan, kanyang binigyang-diin ang mahalagang responsibilidad na gagampanan ng kapulisan sa darating na halalan. Inaasahan ng Gobernadora na mananatiling patas, malinis, at tapat sa tungkulin ang mga pulis upang mapanatili ang maayos na daloy ng eleksyon sa Mayo.

Sa huling bahagi ng aktibidad pinangunahan ni Governor Tan ang Ceremonial toast na sumisimbolo sa patuloy na pagpapatibay ng seguridad at kapayapaan sa buong lalawigan.

Samantala, ang nasabing aktibidad ay dinaluhan din nina Executive Assistant John Francis Luzano, Provincial Administrator Manny Butardo, Provincial at Special Staff ng QPPO at mga Hepe ng kapulisan mula sa apat na distrito sa Lalawigan ng Quezon.

Quezon PIO

Unity Walk and Signing of Peace Covenant | January 30, 2025

TINGNAN: Maulan man ang panahon matagumpay na giginanap ang Unity Walk and Signing of Peace Covenant sa pangunguna ng Commission on Election (COMELEC), Philippine National Police (PNP), at Armed Forces of the Philippines (AFP) na dinaluhan ni Governor Doktora Helen Tan, ngayong araw ng Huwebes, Enero 30 sa Lucena City.

Ang nasabing aktibidad ay ang paglalakad ng mga kakandidato mula Lucena Philippine National Police (PNP) Station patungong Pacific Lucena City, bilang pakikiisa sa paparating na halalan ngayong Mayo, 2025 para sa ligtas, tama, malaya at patas na eleksyon.

Bahagi rin ng aktibidad ang pagpirma at pamamanata ng mga kandidato bilang “Panata para sa malinis, marangal at may dignidad na kampanya sa halalan 2025.”

Kasama ring pinalipad ang ibong kalapati na sumisimbolo at nagsisilbing paalala na ang isang Secure, Accurate, Free, and Fair na halalan ay mahalaga sa tunay na demokrasya.

Samantala, dinaluhan ito ng mga Bureau of Fire Protection (BFP), Bureau of Jail Management and Penology (BJMP), at Philippine Drug Enforcement Agency (PDEA) ng Quezon, na laging susuporta para sa kasiguraduhan ng kaligtasan tungo sa mapayapa at ligtas na pag-usad ng Lalawigan ng Quezon.

Quezon PIO

𝗧𝗥𝗢𝗣𝗜𝗖𝗔𝗟 𝗖𝗬𝗖𝗟𝗢𝗡𝗘 (𝗧𝗖)-𝗧𝗛𝗥𝗘𝗔𝗧 𝗣𝗢𝗧𝗘𝗡𝗧𝗜𝗔𝗟 𝗙𝗢𝗥𝗘𝗖𝗔𝗦𝗧 | January 30, 2025

Date Issued: 27 January 2025, 2PM

Validity: Valid within the forecast period, unless superseded by succeeding forecast.

Forecast Summary:

Sa unang linggo ng forecast period (Week 1) ay inaasahan na mababa ang tyansa na may mabuong Tropical Cyclone-Like Vortex (TCLV) malapit o sa loob ng PMD.

Para naman sa ikalawang linggo (Week 2), ay inaasahan na may possibleng mabubuo na TCLV1 sa timog silangang bahagi ng PMD at inaasahan na lalapit ito sa silangan bahagi ng Mindanao at Visayas ngunit, mababa ang tyansa na ito ay mabuo bilang isang bagyo.

Dahil dito, walang nakataas na TC threat potential sa loob ng forecast period.

Para sa karagdagang impormasyon, bisitahin ang link na ito:

https://bit.ly/TCTHREATDOSTPAGASA

Gayunpaman, ang anumang mga pagbabago sa pagtaya na ito ay susubaybayan ng ahensya at ang mga updates tungkol dito ay ibibigay kung kinakailangan.

Bisitahin lang ang link na nasa baba para ma-access ang Rainfall Exceedance Probability Forecast ng ahensya. Nilalahad sa produktong ito kung saang lugar sa bansa ang maaaring makaranas ng malalakas na mga pagulan sa susunod na dalawang linggo.

https://bit.ly/S2SDOSTPAGASA

—

𝗠𝗔𝗛𝗔𝗟𝗔𝗚𝗔𝗡𝗚 𝗣𝗔𝗔𝗟𝗔𝗟𝗔 𝗣𝗔𝗥𝗔 𝗦𝗔 𝗣𝗨𝗕𝗟𝗜𝗞𝗢: Inaanyayahan ang publiko at mga Local Disaster Risk Reduction and Management Offices (LDRRMOs) na mag antabay sa mga susunod na updates ng ahensya dahil maaari pang magbago ang pagtaya o forecast na ito anumang oras.

—

PMD: PAGASA Monitoring Domain

PAR: Philippine Area of Responsibility

TCAD: Tropical Cyclone Advisory Domain

TCID: Tropical Cyclone Information Domain

TCLV: Tropical Cyclone-like Vortex

DOST-PAGASA

PNP AND COMELEC Unity Walk and Peace Covenant Signing for NLE 2025 | January 30, 2025

Lucena City, Quezon

Recorded Live

Live Link: https://www.facebook.com/share/v/1KbiYyoMjR/

Quezon PIO

Free Flu Vaccination in Partnership with Department of Health (DOH) – Lucban and Mauban | January 29, 2025

Sakit ay Iwasan, Kalusugan ating Pangalagaan

Nakapagbigay ng tinatayang humigit 1,600 na libreng Flu Vaccine sa pangunguna ni Governor Doktora Helen Tan katuwang ang Department of Health (DOH) ngayong araw Enero 29, sa mga bayan ng Mauban at Lucban.

Ang flu vaccine ay isang bakuna na nagpoprotekta laban sa influenza o trangkaso. Nakakatulong ito upang maiwasan ang malubhang sintomas, komplikasyon, at pagkalat ng sakit. Inirerekomenda itong kunin taon-taon, lalo na para sa mga bata, matatanda, buntis na anim na buwan pataas, at mga may mahinang immune system.

Ibinahagi naman ni Governor Tan na bukod sa flu vaccine ay naghahandog din ang Pamahalaang Panlalawigan sa mga mamamayan ng Quezon ng mga serbisyo sa pamamagitan ng mga medical mission, kapartner na drugs store, diagnostic center, pampublikong ospital at mga Satellite offices na tutugon sa mga pangangailangang pangkalusugan ng mga Quezonian.

Gayundin, pinasalamatan din ni Governor Tan ang mga Medical Team na galing sa bayan ng Gumaca sa kanilang dedikasyon sa pagtulong na maprotektahan ang kalusugan ng mga mamayang Quezonian.

Samantala, abangan ang mga susunod na schedule ng medical mission na bababaan ng gobernadora upang maiabot sa mamamayan ang serbisyong pangkalusugan.

Quezon PIO

Pamimigay ng Dairy Equipment sa Ruminant Raisers of San Antonio Quezon Agricultural Cooperative (RRSAQAC) | January 29, 2025

Nagkaloob ang Provincial Government, sa pamamagitan ng Office of the Provincial Veterinarian, ng mga dairy equipment sa Ruminant Raisers of San Antonio Quezon Agricultural Cooperative (RRSAQAC). Ito ay ayon sa direktiba ng ating butihing Gobernador Doktora Helen Tan na patuloy na paunlarin ang dairy industry ng lalawigan.

Ang turn-over ng 2 chilling tanks, 2 milking machines, 4 milk cans, at mga veterinary medicines ay isinagawa ni Doc Kim Tan, bilang kinatawan ni Gov. Doktora Helen Tan, Dr. Flomella Caguicla, Provincial Veterinarian, Admin Grace Wagan, at Municipal Agriculturist Jennifer Cusi.

Ang nasabing proyekto ay malaking tulong para sa samahan ng dairy farmers para mapanatili ang magandang kalidad ng gatas na kanilang inaani sa pang-araw-araw.

Quezon PIO

Free Flu Vaccination in Partnership with Department of Health (DOH) – Lucban, Quezon | January 29, 2025

Recorded Live

Link: https://www.facebook.com/share/v/19wWeGjNfV/

Quezon PIO

SEA TRAVEL ADVISORY NO. 15 | January 29, 2025

SEA TRAVEL ADVISORY NO. 15

Issued at 5:00 AM, 29 January 2025 (Wednesday)

Sea travel is hereby suspended for all trips of vessel and small crafts with 250 Gross Tonnages and below plying Northern Quezon (General Nakar) including the Northern and Eastern Coasts of Polillo Islands (Northern Patnanungan, Northeastern Burdeos & Northern and Eastern Jomalig) due to Strong to Gale Force Winds associated with the Northeast Monsoon.

Source: Philippine Coast Guard – Coast Guard Station Northern Quezon

Philippine Coast Guard – Coast Guard Station Northern Quezon

Free Flu Vaccination in Partnership with Department of Health (DOH) – Mauban, Quezon | January 29, 2025

Recorded Live

Link 1: https://www.facebook.com/share/v/15LsSFEqbQ/

Link 2: https://www.facebook.com/share/v/1ZL2XKD6SF/

Quezon PIO

24th Gawad KALASAG awarding ceremony – CALABARZON Region | January 28, 2025

Opisyal nang tinanggap ni Governor Doktora Helen Tan ang parangal para sa Lalawigan ng Quezon bilang BEYOND COMPLIANT PROVINCE sa ginanap na Awarding Ceremony ng 24th Gawad KALASAG (KAlamidad at Sakuna LAbanan, SAriling Galing ang Kaligtasan) Seal sa Twin Lakes Hotel, Laurel, Batangas ngayong Martes, Enero 28.

Nakakuha ang Lalawigan ng Quezon ng rating na 2.81 dahilan upang masungkit ang nasabing parangal na ibinibigay naman ng pamahalaan sa pangunguna ng Office of the Civil Defense (OCD) para sa mga indibidwal, organisasyon, at Local Government Units upang kilalanin ang kanilang mga kontribusyon sa larangan ng Disaster Risk Reduction and Management Response at sa Humanitarian Assistance.

Kabilang din sa kinilalang Beyond Compliant Local Government Unit ang bayan ng Calauag, General Nakar, Infanta, Mauban, Pagbilao, at Lucena City.

Samantala, ang bayan naman ng Buenavista, Candelaria, Dolores, General Luna, Gumaca, Lucban, Mulanay, Padre Burgos, Perez, Pitogo, Real, Sampaloc, San Antonio, at Sariaya ay kinilala bilang Fully Compliant Local Government Units sa nasabing parangal.

Nakasama sa pagtanggap ng parangal sina Provincial Social Welfare and Development Head Sonia S. Leyson at Provincial Disaster Risk Reduction Management Head, Dr. Melchor P. Avenilla.

Asahan pa ang patuloy na pagsusumikap ng Pamahalaang Panlalawigan na gawing disaster-ready at resilient ang Lalawigan ng Quezon para sa kaligtasan ng bawat mamamayan nito.

Muli, Congratulations!

#24thGawadKALASAG

Quezon PIO

« Previous Page