Kadiwa ng Pangulo (Video) | February 14, 2025
TINGNAN: Mga naging kaganapan sa KADIWA NG PANGULO sa Kapitolyo, ngayong araw ng Biyernes, Pebrero 14.
Link: https://www.facebook.com/share/v/1D6U1Tn1Bf/
Quezon PIO
NEWS AND UPDATE
Local Recruitment Activity – February 14, 2025
Ang Quezon Provincial Public Employment Service Office ay magsasagawa ng LOCAL RECRUITMENT ACTIVITY (LRA) katuwang ang ONE SOURCE GENERAL SOLUTIONS INC. para sa mga posisyong Production Associates at Delivery Rider. Ang nabanggit na aktibidad ay magaganap sa ika- 18 ng Pebrero (Martes), taong kasalukuyan na idaraos sa Bulwagang Kalilayan, Governor’s Mansion Grounds, Lucena City sa ganap na ika-8:00 ng umaga hanggang ika-4:00 ng hapon.
Mga kwalipikasyon:
Production Associates:
• Must be 18 years old and above
• At least High School Graduate
• With or Without experience
• Has 20/20 Vision or Corrected Glasses
• Willing to undergo training
• Willing to render Overtime
• Willing in Shifting Schedule
Delivery Rider:
• Male/Female
• Must be 18 years old and above
• With valid Driver’s License
• With Motorcycle or Tricycle
Para sa mga nais mag-apply, i-scan ang QR na makikita sa ibaba para sa link ng Pre- Registration. Magdala ng RESUME, ID at panulat.
Quezon PIO
Katana sa Infanta, Quezon | February 14, 2025
Katana sa Infanta, Quezon
#TaraNaSaQuezon #katanasainfanta
Quezon Tourism
Office of the Provincial Agriculturist (OPA) – Fisheries Division ay Nagkaloob ng Marine Cage para sa Pagpapalago ng Kabuhayan ng mga Mangingisda sa Panukulan, Quezon | February 14, 2025
Nagsagawa at ipinagkaloob ng mga kinatawan mula sa Office of the Provincial Agriculturist (OPA) – Fisheries Division ang isang unit ng 10×10 marine cage para sa specie na siganid sa samahan ng Butil na Alay ng Lakas sa Kinabukasan (BALAK) mula sa bayan ng Panukulan, Quezon, mula ika-11 hanggang ika-14 ng Pebrero 2025.
Ang proyektong ito ay bahagi ng Aquaculture Development Program ng Pamahalaang Panlalawigan ng Quezon, na naglalayong magbigay ng kapaki-pakinabang na oportunidad para sa mga mangingisda upang mapalago at mapabuti ang kanilang kabuhayan.
Sa pamamagitan ng proyektong ito, magkakaroon ang mga mangingisda ng pagkakataon sa dagdag na pagkakakitaan mula sa pag-aalaga ng siganid. Ang siganid ay isang species na kung tawagin sa ingles ay Rabbitfish at mas kilala sa lokal na tawag na samaral o malaga.
Ang kanilang magiging produksyon ay isa sa mga magiging pangunahing pagkakakitaan na magagamit nila upang matugunan ang kanilang pang-araw-araw na pangangailangan at mapalago ang kanilang mga negosyo. Ang pagkakaroon ng mga makabagong kagamitan tulad ng marine cage ay magpapabilis sa kanilang produksyon at magbibigay ng pagkakataon na magtagumpay sa industriya ng aquaculture.
Ang mga benepisyaryo ng proyektong ito ay pinili sa pamamagitan ng masusing validation ng mga Fisheries Staff mula sa OPA, na pinangunahan ni Aquaculturist Aprileon P. Rufo, kasama sina Agricultural Technologist Randy B. Mendoza at Ludigario Guimutao, at ang staff mula sa Municipal Agriculturist ng Panukulan. Sa pamamagitan ng validation na ito, natitiyak na ang karapat-dapat na samahan ang siyang makikinabang, upang makamit ang mataas na tiyansang magtagumpay sa nasabing proyekto.
Ito ay hindi lamang magdudulot ng benepisyo sa mga indibidwal na mangingisda, kundi magbibigay rin ng kontribusyon sa buong komunidad.
Ang proyektong ito ay magsisilbing paalala na sa pamamagitan ng tamang tulong at suporta, magkakaroon ng mas maraming oportunidad at makakamtan ang pangmatagalang pagbabago na magdudulot ng mas magandang kinabukasan para sa bawat isa.
Quezon PIO
Quarterly Meeting of Provincial GAD Focal Point System (PGFPS) | February 14, 2025
Matagumpay na isinagawa ang 1st Quarter Meeting ng Provincial GAD Focal Point System-Technical Working Group ( PGFPS-TWG) at GAD Monitoring and Evaluation (M&E) Team ngayong Biyernes, Pebrero 14, sa PGO Annex Conference Room
Pinangunahan ito ng Provincial Gender and Development Office (PGAD) sa ilalim ng pamumuno ni Sonia S. Leyson, kung saan dinaluhan ito ng mga Focal Persons mula sa iba’t ibang departamento ng Pamahalaang Panlalawigan.
Tinalakay dito ang mga accomplishments ng GAD at PGFPS noong taong 2024, pati na ang mga plano at badyet para sa 2025 at 2026. Nabigyan pansin din ang mga aktibidad para sa Provincial Women’s Month Celebration na gaganapin sa darating na Marso.
Ipinaliwanag naman ang bagong Revised Guidelines on the Localization of the Magna Carta of Women (MCW) ng Joint Memorandum Circular (JMC) 2024-01.
Nabigyang pagkakataon din na makapagbahagi ang mga kabalikat na departamento tulad ng; Office of the Provincial Agriculturist (OPA) at Provincial Government Environment and Natural Resources Office (PGENRO) patungkol sa kanilang mga proyekto na kabilang ang GAD.
Asahan na patuloy pa ang suporta ng Pamahalaang Panlalawigan sa usaping may kaugnayan sa Gender and Development.
Quezon PIO
Happy Valentines Quezonian | February 14, 2025
Maligayang Araw ng mga Puso mga minamahal na Quezonian!
Ngayong araw ng pag-ibig, nawa’y mapuno ng saya, pagmamahal, at pagkakaisa ang ating mga Puso. Ipagdiwang natin hindi lamang ang pagmamahal sa ating mga mahal sa buhay kundi pati na rin ang malasakit at pagkakapit-bisig bilang isang matatag na lalawigan ng Quezon.
Mula sa puso ng pamahalaaang panlalawigan patungo sa inyo Happy Valentine’s Day Quezonian!
Quezon PIO
Kadiwa ng Pangulo | February 14, 2025
Tuloy-tuloy ang pagbibigay ng dekalidad at abot-kayang fresh and ready-to-eat na pagkain sa ginanap na Kadiwa ng Pangulo (KNP) sa Kapitolyo ngayong araw ng Biyernes, Pebrero 14 sa Quezon Capitol Grounds, Lucena City.
Ang Katuwang sa Diwa at Gawa para sa Masaganang Ani at Mataas na Kita (KADIWA) ng Pangulo ay isang programa ng Pambansang Pamahalaan na inisyatibo ni Pangulong Ferdinand “BongBong” Marcos Jr. na layuning magbigay ng murang mga produkto tulad ng bigas, gulay, isda, at karne sa mga mamimili, ito ay hakbang upang matulungan ang mga mamamayan na makuha ang mga pangunahing pangangailangan sa mas abot-kayang halaga.
Kasabay ng pagdiriwang sa araw ng mga puso, iba’t-ibang farm owners sa Lungsod ng Lucena at mga kalapit na bayan ang nakilahok sa KNP sa Quezon Capitol Compound, Lucena City. Hatid dito ang sariling aning gulay, organic eggs, mushrooms, mga karne tulad ng: manok at baboy, mga lutong pagkain tulad ng: siomai, pansit habhab, burgers, salads at processed products gaya ng: gourmet tinapa, boneless sapsap, chips, buko pie, suka, toyo, catsup at marami pang iba.
Samantala, abangan naman ang mga anunsyo patungkol sa mga susunod pang Kadiwa ng Pangulo.
Quezon PIO
Blessing of Mobile Primary Care Facility Vehicle | February 14, 2025
TINGNAN: Ginanap ngayong araw, Pebrero 14 ang opisyal na paglulunsad at blessing ng Quezon Mobile Primary Care Facility (PCF) at Dental Bus na donasyon ng Department of Health (DOH) sa Pamahalaang Panlalawigan.
Lubos na ipinaaabot ng Pamahalaang Panlalawigan ng Quezon sa pamumuno ni Governor Doktora Helen Tan ang pasasalamat sa DOH para sa donasyon na ito sapagkat malaking tulong itong upang mas maayos at mabilis na makapaghatid ng serbisyong pangkalusugan gaya ng X-ray at dental services sa mga mamamayang Quezonian.
Samantala, ang nasabing aktibidad ay pinangunahan ni Provincial Health Officer Dra. Kristin Mae-Jean M. Villaseñor kasama ang iba pang kawani ng Provincial Health Office (PHO).
Quezon PIO
Quezon Provincial PESO Pinarangalan ng OWWA sa Pagtulong sa mga OFWs | February 14, 2025
Sa ginanap na Partners and Stakeholders’ Appreciation na may temang “Partnership and Service: Celebrating our Shared Commitment to our OFW’s and their Families” na isinakatuparan ng Overseas Workers Welfare Administration (OWWA)- Regional Welfare Office 4-A (CALABARZON) ay tumanggap ng Plake ng Pagpapahalaga ang Pamahalaang Panlalawigan ng Quezon sa pamamagitan ng Quezon Provincial Public Employment Service Office bilang isa sa masigasig na kabahagi ng Overseas Workers Welfare Administration (OWWA) sa paglulunsad ng mga programang nakatuon sa pagpapahalaga sa kapakanan ng mga Overseas Filipino Workers (OFW).
Pinangunahan ni Regional Director-OWWA 4A Rosario C. Burayag at ni Chief, PSD-OWWA 4A Ms. Francisca P. Lanuza ang programa at ang pagkakaloob ng parangal sa mga stakeholders ng ahensya na naging katuwang sa iba’t ibang programang nakalaan para sa mga OFWs. Bukod sa lalawigan ng Quezon ay binigyan din ng pagkilala ang iba pang lalawigan at munisipalidad sa rehiyon ng CALABARZON. Malugod na tinanggap ni PGADH/PESO Manager Genecille P. Aguirre ang plake na iginawad noong ika-11 ng Pebrero, taong kasalukuyan sa Holiday Inn & Suites Batangas Limapark, Lima-Malvar, Batangas.
Ang pagkilalang ito ay patunay sa maigting na adhikain ng Quezon Provincial PESO na makapaghandog ng serbisyo sa mga OFWs sa lalawigan. Kabilang sa mga serbisyong ibinibigay ng tanggapan ay ang Reintegration Education Campaign (Micro- Enterprise Mentoring Seminar for OFW’s), Financial Literacy at Anti-Illegal Recruitment and Trafficking in Persons (AIRTIP).
Ang mga programang ito ay nakatuon sa pagbibigay ng importansya sa kapakanan ng mga OFWs sa lalawigan ng Quezon. Katuwang ang OWWA Desk na matatagpuan din sa tanggapan ng Quezon Provincial PESO na pawang magkasandig sa pagpapaabot ng serbisyo sa mga manggagawang Pilipino.
Quezon PIO
Orange Tourism Festival – THEATRE and COCOLINARY WORKSHOP | February 13, 2025
TINGNAN: Nag-uumapaw ang kahusayan ng mga Quezonian artist sa larangan ng sining matapos isagawa ang ikalawang araw ng THEATRE at COCOLINARY WORKSHOP sa Ouan’s the Farm Resort, Lucena City gayundin ng FILM WORKSHOP na ginanap sa Yumi’s Farm, Tayabas City ngayong araw ng Pebrero 13 bilang bahagi ng Orange Tourism Festival 2025.
Sa pangunguna ng Provincial Tourism Office na pinamumunuan ni Nesler Louies Almagro, layunin ng nasabing mga workshop na mapayabong pa ang kaalaman at kasanayan ng mga Quezonian artist sa kanilang piling sining. Kaugnay nito’y masusing pinagplanuhan ng bawat kalahok ang magiging output o resulta ng kanilang natutunan mula sa workshop.
Abangan naman ang pagtatanghal at pagbabahagi nila malikhaing kagalingan sa darating na Pebrero 19-20 sa Quezon Convention Center, Lucena City.
#OrangeTourismFestival2025 #SerbisyongTunayAtNatural #HEALINGQuezon
Quezon PIO