Launching ng MAGANDA ang POGI Tourism Circuit na ginanap sa Sitio Bigyan, Barangay Sibulan Polillo, Quezon | March 16, 2025

MAGANDA ang POGI!
Matagumpay na sinimulan nitong araw ng Sabado, Marso 15 ang Launching ng MAGANDA ang POGI Tourism Circuit na ginanap sa Sitio Bigyan, Barangay Sibulan Polillo, Quezon.
Ang nasabing programa na pinangunahan ng Provincial Tourism Office sa pamumuno ni PTO Nesler Louies Almagro ay layuning maipamalas ang tunay na kagandahan ng Polillo Group of Islands (POGI) at maging atraksyong panturista na nakaangkala sa bisyon ni Governor Doktora Helen Tan na maging nangunganang pang-agri turismo ang Lalawigan ng Quezon sa taong 2030.
Idadaos ang Tourism Circuit sa lood ng anim (6) na araw mula March 15-20 upang maipakita ang ganda ng mala-asul na dagat, puting buhangin, nagsasarapang mga pagkain, at natatanging mga tanawin sa POGI.
Samantala, dinaluhan ito ni Governor Doktora Helen Tan, kasama sina Regional Director Marites Castro, at Board Member John Joseph Aquivido.
Asahan naman ang tuloy-tuloy na suporta ng Pamahalaang Panlalawigan upang maparami at mapalawig pa ang tourist attraction sa Lalawigan ng Quezon.

#MagandaangPOGI
#SerbisyongTunayAtNatural
#HEALINGQuezon

Quezon PIO

Kalinga sa Mamamayan, Libreng Gamutan | March 16, 2025

Burdeos, Quezon

Link: https://www.facebook.com/share/r/16LmS2ujzu/

Quezon PIO

Matagumpay na naihatid sa islang bayan ng Polillo ang “Kalinga Sa Mamamayan, Libreng Gamutan” | March 16, 2025

Ang layunin na parating inihahayag ng Pamahalaang Panlalawigan sa pamumuno ni Governor Doktora Helen Tan ay ang mailapit ang serbisyo ng kapitolyo lalo na ang mga pangkalusugan na programa.
Kung kaya’t nitong araw ng Marso 15, naihatid ng buong Medical Team sa islang bayan ng POLILLO ang iba’t ibang libreng serbisyong medikal kung saan 3,705 na residente ang nabigyang pagkakataon upang maipatingin ang kalagayan ng kanilang kalusugan.
Ilan sa bitbit na serbisyo ang medical check-up para sa bata at matanda, bunit ng ngipin, tuli, minor surgery sa may maliit na bukol, cervical cancer screening para sa mga kababaihan, libreng gamot, check-up sa mata at libreng pasalamin. Mayroon ding laboratory examinations gaya ng ECG, X-RAY, Ultrasound, CBC, FBS/RBS, Urinalysis, Uric Acid, at Cholesterol.
Pinapaabot ang lubos na pasasalamat sa East Avenue Medical Center, Batangas Medical Center, RAKKK Prophet Medical Center Inc., Rizal Medical Center, Southern Luzon Command (SOLCOM), QPHN-Quezon Medical Center, Provincial Health Office, Philippine Navy, Private Doctors at Dentists na naging katuwang upang maisakatuparan ang ginanap na Medical Mission.
Para sa mas siksik na serbisyo sa nasabing bayan, kasamang naghatid ng libreng serbisyo ang Office of the Veterinarian kung saan 138 na may alagang hayop ang nakapagpakonsulta at 53 alagang hayop ang naturukan ng anti-rabies vaccine.
Sa tulong naman ng Provincial Social Welfare and Development Office (PSWDO), ang 385 na pasyenteng hindi available ang iniresetang gamot at inirekomendang laboratoryo ng doktor ay nabigyan ng medical assistance.

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Blessing Ceremony of 2 Classroom School Building | March 16, 202

Sa pagtungo ni Governor Doktora Helen Tan sa islang bayan ng Polillo, masayang ginanap ang seremonya para sa pormal na pagbabasbas ng bagong school building sa Kalubakis Elementary School ngayong araw ng Sabado, Marso 15.
Ang nasabing gusali ay may dalawang silild-aralan na malaking karagdagang espasyo para sa mas komportablemg pag-aaral ng bawat estudyante ng paaralan.
Asahan na patuloy din ang pagsusumikap ng Pamahalaang Panlalawigan upang matugunan at matutukan ang mga pang-edukasyon na mga programa at proyekto para sa mga pampublikong paaralan.

Quezon PIO

QPHN- Polillo Medicare. (Visitation) | March 16, 2025

Link: https://www.facebook.com/share/r/15pKYK7DyF/

Quezon PIO

Blessing Ceremony of 1-Storey, 2 Classroom School Building | March 17, 2025

Kalubakis Elementary School, Polillo Quezon

Link: https://www.facebook.com/share/r/18uCgUZo6h/

Quezon PIO

Tulong para Sumulong | March 15, 2025

PANOORIN: “Tulong para Sumulong.”
Ito ang layunin ng Provincial Tourism Office sa pamumuno ni Nesler Louies Almagro sa ginanap na Launching ng MAGANDA ang POGI Tourism Circuit na idinaos sa Sitio Bigyan, Barangay Sibulan Polillo, Quezon, ngayong araw ng Sabado, Marso 15.
Upang mas mapayabong pa ang likas na yaman ng Quezon ay iniangkla ito sa bisyon ni Governor Doktora Helen Tan na maging nangunganang pang-agri turismo ang Lalawigan ng Quezon sa taong 2030.
Kasamang dumalo dito sina DOT Region IV-A RD Marites Castro, at ARD Mario Daga, Alliance of Laguna Travel and Tour Agencies (ALTTA), Quezon Province Association of Travel and Tour Agencies (QuePATTA), Local Vloggers, mga vloggers na galing sa iba pang lalawigan, Office of the Provincial Agriculturist, Provincial Information Office, at Provincial Disaster Risk Reduction Management Office.
Asahan ang suporta ng Pamahalaang Panlalawigan upang mas mapaigting pa ang mga programang pang turismo.

Panoorin rito: https://www.facebook.com/share/r/1N56tG22r3/

#LoveQuezon
#LovePolilloIslands
#LovePhilippines
#SerbisyongTunayAtNatural
#HEALINGQuezon

Quezon PIO

Legal Mission kung saan nagbigay ng libreng talakayan ukol sa usaping Legal para sa mga Justices o Lupon ng iba’t ibang Barangay sa Bayan ng Polillo Quezon | March 15, 2025

Sa pangunguna ng Provincial Legal Office katuwang si RTC Executive Judge Agripino Bravo, ginanap ang isang Legal Mission ngayong araw ng Marso 15 sa islang bayan ng Polillo sa layunin na makapagbigay kaalaman at kamalayan ukol sa ilang usaping legal.
Nagkaroon ng talakayan para sa mga justices o lupon ng iba’t ibang barangay sa nasabing bayan patungkol sa Republic Act 11362, gayundin ang Katarungang Pambarangay (KP) na isang sistema para mahalagang aspeto sa pagresolba ng anumang problema sa loob ng isang barangay.
Hatid din ng Provincial Assessors Office ang tax campaign na layong manghikayat sa mga mamamayan na magbayad ng buwis lalo na sa mga property owners.

Quezon PIO

Distribution of Agricultural Inputs sa Bayan ng Polillo | Mar 15, 2025

Upang maipadama ang kahalagahan ng sektor ng mga mangingisda at magsasaka, naipamahagi sa mga mamamayan ng islang bayan ng Polillo ang iba’t ibang kagamitang magpapayabong pa ng kanilang kabuhayan ngayong araw ng Marso 15.
Binigyang-diin din ni Governor Doktora Helen Tan na sa tulong ng Office of the Provincial Agriculturist sa pangunguna ni Dr. Liza Mariano ay patuloy na magsusumikap ang Pamahalaang Panlalawigan sa paghahandog ng mga serbisyo at programang mag-aangat sa pamumuhay ng bawat mangingisda at magsasaka sa Quezon.
Samantala, ang nasabing mga natanggap na kagamitan ay fertilizers, bottom set gill nets, seedlings, grasscutter, plastic drum, knapsnack, at assorted vegetables.

Quezon PIO

Kaganapan sa ginanap na “Kalinga sa Mamamayan, Libreng Gamutan – Polillo Quezon | March 15, 2025

Mga naging kaganapan sa ginanap na “Kalinga sa Mamamayan, Libreng Gamutan” o Medical Mission sa islang bayan ng POLILLO ngayong araw ng Sabado, Marso 15.
Abangan naman sa mga susunod na araw ang pagdadala ng nasabing mga libreng serbisyong medikal sa bayan ng Burdeos, Patnanungan, at Jomalig.

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO