Tiangge ni Juana | March 3, 2025
Tiangge ni Juana Opening & Ribbon Cutting Ceremony.
Link: https://www.facebook.com/share/v/19PkXFre7D/
March 3, 2025 | Provincial Capitol Grounds, Lucena City.
Quezon PIO
NEWS AND UPDATE
SPES 2025 Application | March 1, 2025
Muling bubuksan ng Provincial Government of Quezon sa pamamagitan ng Quezon Provincial Public Employment Service Office ang aplikasyon para sa Special Program for Employment of Students o SPES na isa sa mga programa ng Department of Labor and Employment. Nilalayon ng programang ito makapagbigay ng tulong pinansyal sa mga mag-aaral at Out-of-School-Youth na kabilang sa low-income families.
Ang mga mapipiling benepisyaryo ay magtatrabaho sa iba’t ibang tanggapan sa Pamahalaang Lalawigan o sa mga katuwang nitong ahensya. Kasama rin sa mithiin ng programang ito na maging lunsaran ng pagtuklas at paghubog sa kasanayan at abilidad ng mga kabataan tungo sa iba’t ibang karera o propesyon na maaari nilang tunguhin sa hinaharap.
Para masimulan ang aplikasyon, ihanda ang mga requirements na nabanggit sa video. Palaging mag-antabay sa mga anunsyo at paanyaya ng Quezon Provincial PESO para sa ibang mga detalye at pamamaraan patungkol sa programang SPES.
Quezon PIO / PESO
Poor Family College Graduate Full Scholarship Program | February 28, 2025
Narito ang mga pangalan na kabilang sa “Shortlisted Applicants” para sa 2025 One Poor Family, One College Graduate Scholarship Program ng Pamahalaang Panlalawigan ng Quezon.
Ang mga sumusunod ay naikonsidera batay sa kanilang mga sagot sa Assessment Tool na ginamit bilang batayan sa pagpili ng mga kwalipikadong aplikante.
Kaugnay nito, upang matiyak na wastong impormasyon ang ibinigay ng mga aplikante, magsasagawa ang Pamahalaang Panlalawigan ng beripikasyon o pagsisiyasat upang malaman ang tunay na kalagayan ng bawat aplikante at matukoy kung sino ang pasok sa mga itinakdang pamantayan ng programa.
Samantala, hintayin ang opisyal na email kung saan ipapaliwanag ang mga susunod na hakbang at mga kailangang gawin kaugnay ng naturang scholarship program.
Narito ang buong listahan: https://drive.google.com/…/1hv1mu…/view…
Pabatid:
1. Naupdate na ang Listahan, upang mapasama ang mga “Shortlisted Applicants” mula Catanauan. Gayun din ay karagdagang pangalan para sa Pagbilao dahil sa nagdobleng entry.
Quezon PIO
2nd Provincial Health Board Meeting | February 28, 2025
Sa inisyatibo ng Provincial Health Office, sa pangunguna ni Dra. Kristin Mae-Jean Villaseñor, naisagawa ngayong araw ng Biyernes, ika-28 ng Pebrero, ang 2nd Provincial Health Board Meeting sa 3rd floor, Provincial Capitol Bldg. Lucena, City.
Isa sa natalakay sa pagpupulong ay ang Dengue status sa Lalawigan ng Quezon kung saan naipakita ang kasalukuyang bilang ng mga kaso ng dengue at ang mga munisipalidad sa Quezon na nakapagtala ng mataas na bilang nito. Sa kabilang banda, ipinakita naman ang mga hakbang na patuloy na isinasagawa ng lokal na pamahalaan upang maiwasan, mapababa, at makontrol ang pagtaas ng kaso ng dengue sa buong probinsya. Ilan sa mga proyekto ay ang: “Tepok Lamok Project”, Indoor spraying, at installation of long lasting insecticide treated screens sa mga paaralan.
Nagbigay naman ng direktiba ang Gobernadora na magkaroon o maglaan ng isang araw para sa Province-wide cleaning upang mapuksa ang bawat lugar na maaaring pamahayan ng lamok na nagdudulot ng dengue.
Samantala, kasabay ng pagpupulong ay namahagi rin ng multifunction portable analyzer machine sa mga munisipalidad sa apat na distrito ng lalawigan ng Quezon. Ang nasabing kagamitan ay magagamit sa iba’t ibang tests gaya ng blood glucose, total cholesterol, uric acid at heart rate. Magagamit din ito sa detection and management ng chronic diseases ng mga pasyente
Quezon PIO
Resilience Local Government System Scorecard (RLGSS) Contextualization and Baselining in Quezon | February 28, 2025
Tagumpay na idinaos ang huling araw ng 3-day workshop para sa Resilience Local Government System Scorecard (RLGSS) Contextualization and Baselining in Quezon na ginanap ngayong araw, Biyernes, Pebrero 28, sa Queen Margarette Hotel, Brgy. Domoit, Lucena City.
Dito ay iprinisenta ng mga Resilience Committee ang kanilang mga programa na ginagawa na o pwedeng gawin upang maging kaakibat ng Provincial Disaster Risk Reduction Management Office (PDRRMO) sa pagiging resilient ng bawat departamento ng Pamahalaang Panlalawigan, mga ahensya ng Pambansang Pamahalaan, at mga indibidwal na maaring maapektuhan ng sakuna.
Sa tulong ng Strengthening Institution and Empowering Localities Against Disasters and Climate Change (SHIELD), ay nagkaroon ng talakayan sa pagitan ng mga Resilience Committee patungkol sa kung paano pa mas mapapabuti ang pagpapatupad ng mga programa ng bawat komite para maging disaster ready at resilient.
Sa huli ay nabigyang diin naman ni National Resilience Council (NCR) Resilience Officer, Jasmine De Leon, ang kahalagahan ng Resilience Competency Assessment (CompAss), sa pag susuri ng Resilience Competencies sa Leadership at Governance (L&G) at sa Science and Technology (S&T), na makakatulong sa pagkamit ng “Resilience” sangayon sa Scorecards. Inilahad din na ang Lalawigan ng Quezon ay isa sa mga lalawigan kung saan ipinatupad ang Resilience CompAss.
Asahan na ang Pamahalaang Panlalawigan ay patuloy ang suporta upang maging ligtas, handa, at matatag ang Lalawigan sa harap ng sakuna.
#HEALINGQuezon #SerbisyongTunayAtNatural #SHIELDCompAss #SPARCQuezon
Quezon PIO
Local Recruitment Activity | February 28, 2025
Pangungunahan ng Quezon Provincial Public Employment Service Office ang isasagawang Local Recruitment Activity (LRA) sa pakikipagtulungan ng PESO Calauag katuwang ang Tierra Verdosa Corp. sa ika-6 ng Marso, 2025 (Huwebes) mula ika-8:00 ng umaga hanggang ika-4:00 ng hapon na gaganapin sa Calauag Livelihood Center. Ang nasabing aktibidad ay ang magsisilbing daan para sa pagbubukas ng mga trabaho para sa mga sumusunod na posisyon:
• Technical Assistant
• Administrative Assistant
• Documentation Assistant
• Research and Documentation Assistant
MINIMUM REQUIREMENTS:
• Must hold a degree in any 4-year course
• Basic knowledge in Microsoft Office programs, including Word and Excel
• Amenable to a project-based employment
WORK LOCATION:
Zoelle Bldg., Maharlika Highway, Brgy. Sta. Maria, Calauag, Quezon Province.
Para sa mga nais mag-apply, i-scan ang QR sa ibaba para sa link ng Pre-Registration. Magdala ng RESUME, ID at panulat.
Quezon PIO / PESO
Local Recruitment Activity | February 28, 2025
Ang Quezon Provincial Public Employment Service Office ay magsasagawa ng Local Recruitment Activity (LRA) sa pakikipagtulungan ng PESO Tagkawayan katuwang ang Tierra Verdosa Corp. sa ika-5 ng Marso, 2025 (Miyerkules) mula ika-8:00 ng umaga ika-4:00 ng hapon. Ang nasabing aktibidad ay gaganapin sa Ating Kooperatiba Multi-Purpose Cooperative na magbubukas ng mga trabaho para sa posisyong:
• Technical Assistant
• Administrative Assistant
• Documentation Assistant
• Research and Documentation Assistant
MINIMUM REQUIREMENTS:
• Must hold a degree in any 4-year course
• Basic knowledge in Microsoft Office programs, including Word and Excel
• Amenable to a project-based employment
WORK LOCATION:
Dr. Enverga St., Brgy. Aldavoc, Tagkawayan, Quezon Province
Para sa mga nais mag-apply, i-scan ang QR sa ibaba para sa link ng Pre-Registration. Magdala ng RESUME, ID at panulat.
Quezon PIO / PESO
Veterinary Medical Mission | February 28, 2025
Ang Office of the Provincial Veterinarian ay muling nakasama sa paghahatid ng mga serbisyo mula sa Pamahalaang Panlalawigan sa pamamagitan ng Governor’s Caravan na handog ng ating napakasipag na Governor Doktora Helen Tan, para sa mga Quezonians.
Nakapagbigay ang tanggapan ng veterinary services sa 149 nating kalalawigan sa mga bayan ng Calauag at Tagkawayan Quezon. May bilang na 14 na mga aso at pusa ang nabakunahan laban sa rabies at 3,325 na mga hayop ang nabigyan ng bitamina, pamurga, at nakinabang sa libreng konsultasyon.
Ang grupo mula sa tanggapan ay binubuo nina Dr. Camille Calaycay, at mga livestock technicians, sa pakikipag-ugnayan na rin sa mga Offices of the Municipal Agriculturist ng Calauag at Tagkawayan Quezon sa pangunguna nina MA Maybel Espino at MA Juanito Panganiban.
#provetquezon #ProvincialGovernmentofQuezon #VeterinaryServices
Quezon ProVet
Kalinga sa Mamamayan Libreng Gamutan sa Tagkawayan, Quezon | February 27, 2025
Sa hangarin na makapaghatid ng serbisyong pangkalusugan sa bawat mamamayan ng Lalawigan ng Quezon, isinagawa ang Medical Mission, “Kalinga sa Mamamayan, Libreng Gamutan” sa Brgy. San Isidro Tagkawayan, Quezon, nitong araw ng Miyerkules Pebrero 26.
Ang medical mission ay inisyatibo ni Governor Doktora Helen Tan, katuwang ang Pamahalaang Panlalawigan ng Quezon, kasama sina Vice Governor Third Alcala, 4th District Congressman Atorni Mike Tan, Board Member Harold Butardo, Board Member Angelo Eduarte, mga Private Doctors, at mga espesyalista na nagmula sa East Avenue Medical Center, Rizal Medical Center, Batangas Medical Center, Quezon Medical Center, Southern Luzon Command, Bicol Medical Center, RAKKK Prophet Medical Center, at Provincial Health Office (PHO) upang mahatidan ng libreng gamutan ang mga mamamayan sa nasabing bayan.
Nahandugan ang 1799 na indibidwal ng Medical Consultation, Dental Extraction, Minor Surgery, Cholesterol, X-Ray, FBS/RBS, CBC, ECG Uric Acid, Urinalysis, Ultrasound, libreng Tuli at mga libreng gamot. Kabilang din sa naipagkaloob ang libreng pagpapatingin sa mata at libreng salamin para sa lubos na nangangailangan.
Kasama ring naghatid ng serbisyo ang Office of the Provincial Veterinarian, kung saan may 2513 benepisyaryo ang nakinabang sa libreng konsultasyon at pagbabakuna ng anti-rabies.
Samantala, asahan at abangan ang mga susunod na bayan na bababaan ng serbisyong medikal para sa mga Quezonian.
#SerbisyongTunayAtNatural #HEALINGQuezon #KalingaSaMamamayanLibrengGamutan #MedicalMission2025
Quezon PIO
Local Recruitment Activity (LRA) – Supervalue, Inc. (SM Supermarket-Lucena) | February 27, 2025
Matagumpay na naisagawa ng Quezon Provincial Public Employment Service Office ang Local Recruitment Activity (LRA) katuwang ang Supervalue, Inc. (SM Supermarket-Lucena) kahapon, ika- 26 ng Pebrero, 2025. Ang nasabing aktibidad ay idinaos sa Bulwagang Kalilayan, Governor’s Mansion Grounds na dinaluhan ng kabuuang bilang na apatnapung (40) aplikante na nagmula sa lalawigan ng Quezon.
Sa kabuuan ay nagkaroon ng labingwalo (18) na Hired-On-The-Spot na pinagkalooban ng mga posisyong Customer Service Assistants, Stock Clerks, Cashiers at Baggers. Ang pagsasakatuparan ng ganitong aktibidad ay kabilang sa pangunahing layunin ng tanggapan at ng Pamahalaang Panlalawigan ng Quezon na maiangat ang antas ng trabaho sa lalawigan at patuloy na makapaghandog ng oportunidad sa mga mamamayang Quezonian.
Quezon PIO