Orange Tourism Festival | National Arts Month 2025
February 19, 2025 | Quezon Convention Center, Lucena City
LINK 1: https://www.facebook.com/share/v/19tiiEv7UW/
LINK 2: https://www.facebook.com/share/v/15vXNYtgGe/
Quezon PIO
Nagtungo sa tanggapan ni Governor Doktora Helen Tan ang mga opisyal ng Armed Forces of the Philippines (AFP) 59IB 2ID PA, sa pangunguna ni Lieutenant Colonel Ferdinand Bruce Tokong ngayong araw, Pebrero 18.
Sa nasabing pagbisita, ipinagbigay-alam ni LTC Tokong ang nalalapit niyang reassignment at kaalinsabay nito’y nagbigay ng security update patungkol sa Peace and Order sa una at ikalawang distrito ng Quezon, kung saan siniguro ng AFP na walang banta sa seguridad at walang presensya ng communist terrorist group sa lalawigan.
Sa huli, hiniling ng Gobernadora na mapanatili ang payapa at ligtas na komunidad para sa lahat ng Quezonian lalo na at nalalapit na ang halalan sa Mayo. Tiniyak naman ng AFP na patuloy silang magseserbisyo at tutugon sa tungkulin upang mapanatili ang kaligtasan ng bawat mamamayan.
Quezon PIO
Mainit ang naging pagtanggap ni Governor Doktora Helen Tan sa pagbisita ng bagong TESDA Quezon Provincial Director na si Benito G. Reyes sa Pamahalaang Panlalawigan ngayong araw ng Martes, Pebrero 18.
Layunin ng pagbisita ang personal na pagpapakilala at pagkortesiya ng bagong talagang Direktor ng Technical Education and Skills Development Authority (TESDA) Quezon.
Ang TESDA ay isang ahensya ng pamahalaan na naglalayong makapagbigay ng mga pagsasanay at sertipikasyon para sa mga indibidwal upang mapaunlad ang kanilang kasanayan sa iba’t ibang larangan at makapag-trabaho sa loob at labas ng bansa.
Samantala, patuloy pa rin ang aktibong pakikipagbalikatan ng Pamahalaang Panlalawigan sa TESDA upang mas makapaghatid ng oportunidad sa mga Quezonian na nais makapagsimula ng trabaho o sariling negosyo.
Quezon PIO
Ang Office of the Provincial Veterinarian ay nagsagawa ng Estrus Synchronization/Artificial Insemination on Large Ruminants at iba pang veterinary services sa bayan ng Lopez nitong Pebrero 10-11, 2025.
May kabuuang bilang na 191 mga baka at kalabaw na pag-aari ng 136 na kalalawigan natin ang naserbisyuhan sa naturang bayan.
Pebrero 12-13, 2025 ay nagbigay naman ng technical assistance ang tanggapan sa mga benepisaryo ng Coconut Carabao Development Program (CCDP) – Dairy Buffaloes Production, partikular ang Manggalang Agrarian Reform Cooperative- (Quezon II) Manggalang I, Sariaya, Quezon at Tayabas Community Multi-Purpose Cooperative (Quezon I), Tayabas City, Quezon.
Nais namang magpasalamat ng aming tanggapan sa mga katuwang na Ahensya ng Pamahalaan upang mapalawig pa ang Ruminant Development Program sa lalawigan, gaya ng Department of Agriculture (PCC, BAI, PCA, NDA, DARFO4A), gayundin sa mga Local Government Units ng mga nabanggit na bayan.
Quezon PIO
Sa pagtutulungan ng STAN Basketball Academy at Provincial Sports Office sa pangunguna ni Coach Aris Mercene, tagumpay na naisagawa ang “Free Basketball Clinic” para sa mga kabataan mula sa ikalawang distrito ng lalawigan nitong Sabado, Pebrero 15, sa Quezon Convention Center, Lucena City.
Layunin ng aktibidad na ito na paunlarin at mahasa ang kakayahan ng mga kabataang edad 11-18 sa paglalaro ng isport na basketball. Sa tulong ng mga coaches, nabigyan ng pagkakataon ang mga kalahok na mapabuti ang kanilang mga kasanayan sa dribbling, shooting, passing, at depensa.
Nagsilbing daan din ang gawaing ito upang malinang ang kanilang socialization skills, teamwork at sportsmanship.
Samantala, asahang patuloy na susuporta ang Pamahalaang Panlalawigan sa pangunguna ni Governor Doktora Helen Tan sa mga aktibidad na makapagpapaunlad ng kasanayan ng kabataan sa iba’t ibang larangan.
Quezon PIO
Magsasagawa ng PRE-ENTRY EXAM for OFFICER CANDIDATE COURSE ang Philippine Army (Army Recruitment Office-Luzon) na gaganapin sa Southern Luzon State University-Lucena Campus, Lucena City. Nakapaloob sa nasabing pagsusulit ang AFPSAT (Armed Forces of the Philippines Service Aptitude Test) na isasagawa sa ika-3 hanggang ika-4 ng Marso at AQE & SWE (Army Qualifying Exam & Special Written Exam) na isasagawa naman sa ika-5 ng Marso ng kasalukuyang taon
MGA KWALIPIKASYON/ QUALIFICATIONS:
1. Any Bachelor’s Degree
2.Natural-born Filipino Citizen
3. At least 5 feet tall (both male and female)
4. Physically and mentally fit
5. At least 20 years old but not a day older than 27 years old upon oath-taking
6. No pending case in any court
REQUIREMENTS:
1.College Diploma
2.Transcript of Records
3.PSA Issued Birth Certificate
4.Any government-issued ID
Para sa iba pang katanungan, maaaring makipag-ugnayan kay SSg Ronnie M. Ado o magpaabot ng mensahe sa numerong 0981-677-1607.
Quezon PIO / PESO
Kasabay ang paggagawad kay Governor Doktotra Helen Tan bilang Lieutenant Colonel ng AFP Reserved Force, ginanap rin ang Activation of Quezon Provincial Cyber Response Team (QPCRT) and Signing of Deed of Donation, ngayong araw ng Pebrero 18 sa Camp BGen Guillermo P Nakar, Lucena City.
Sa kasalukuyang panahon ang cyberscam ay lumalaganap na krimen, gumagamit ito ng teknolohiya upang makakuha ng pera o impormasyon mula sa mga tao. Madalas na ginagamit ng mga scammer ang email, social media, at mga pekeng websites upang magmukhang lehitimo at magpanggap bilang isang kumpanya o tao na may magandang layunin.
Sa patuloy na pagdami ng mga online na scammer, naalarma ang mga kapulisan sa dumaraming kirmen sa Lalawigan ng Quezon, dahil dito minabuti ng Pamahalaang Panlalawigan sa pangunguna ni Governor Tan na pagkalooban ang mga kapulisan ng mga laptop, printer at computer na makakatulong para sa mas mabilis na pagtuklas ang mga kriminal online.
Kasabay nito pormal na ring binasbasan ang bagong rehabilitasyon ng Detective Office sa pangunguna ni Command Chaplain, SOLCOM Rev Fr (MAR) Joseph Jim M Camargo, hangad ng Pamahalaang Panlalawigan na magkaroon ng kamalayan ang mga Quezonian sa cyberscam upang hindi malinlang ng ibang tao.
Samantala, tuloy-tuloy ang pakikipagbalikatan ng Pamahalaang Panlalawigan sa pagtupad ng tungkulin sa pangkapayapaan at seguridad ng buong Lalawigan ng Quezon.
Quezon PIO
𝐑𝐚𝐛𝐢𝐞𝐬 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡 𝐔𝐩𝐜𝐨𝐦𝐢𝐧𝐠 𝐀𝐜𝐭𝐢𝐯𝐢𝐭𝐢𝐞𝐬 (𝐌𝐚𝐫𝐜𝐡 𝟐𝟎𝟐𝟓)
1. 𝑊𝑒𝑒𝑘𝑙𝑦 𝑉𝑒𝑡𝑒𝑟𝑖𝑛𝑎𝑟𝑦 𝑀𝑒𝑑𝑖𝑐𝑎𝑙 𝑀𝑖𝑠𝑠𝑖𝑜𝑛, 𝑒𝑣𝑒𝑟𝑦 𝑀𝑜𝑛𝑑𝑎𝑦, 9𝑎𝑚 𝑡𝑜 4𝑝𝑚, 𝑓𝑟𝑜𝑚 𝑀𝑎𝑟𝑐ℎ 03-24, 2025
2. 𝐿𝑎𝑢𝑛𝑐ℎ𝑖𝑛𝑔 𝑜𝑓 𝑄𝑢𝑒𝑧𝑜𝑛 𝐻𝑒𝑎𝑙𝑡ℎ𝓎 𝑃𝑢𝑏𝑙𝑖𝑐 𝑂𝑝𝑒𝑛 𝑆𝑝𝑎𝑐𝑒 𝑐𝑢𝑚 𝑉𝑒𝑡𝑒𝑟𝑖𝑛𝑎𝑟𝑦 𝑀𝑒𝑑𝑖𝑐𝑎𝑙 𝑀𝑖𝑠𝑠𝑖𝑜𝑛 𝑜𝑛 𝑀𝑎𝑟𝑐ℎ 26, 2025
𝑺𝒆𝒆 𝒚𝒐𝒖 𝒕𝒉𝒆𝒓𝒆 𝒎𝒈𝒂 𝒌𝒂-𝒇𝒖𝒓𝒑𝒂𝒓𝒆𝒏𝒕𝒔!
Quezon ProVet
Pagpupugay sa Pamumuno at Serbisyo!
LTCOL Angelina D.L. Tan PA (RES)
Iginawad kay Governor Doktora Helen Tan ang kanyang bagong ranggo sa isang makasaysayang Commissioning and Donning of Ranks Ceremony, ngayong araw ng Martes Pebrero 18 sa Camp Guillermo Nakar, Lucena City.
Ang seremonya ay dinaluhan ng matataas na opisyal, kasundaluhan, pamilya, Board Members, at mga pinuno ng iba’t ibang departamento ng Pamahalaang Panlalawigan, ang seremonya ay nagsilbing pagkilala sa dedikasyon at walang sawang paglilingkod ng gobernadora sa kanyang nasasakupan.
Sa kanyang panunumpa, muling pinagtibay ni LTC Angelina D.L. Tan PA (RES) sa pangunguna ni Commander of Southern Luzon Command (SOLCOM) Administering Officer LTGEN Facundo O Palafox IV PA, kasama ang mga anak na sina 4th District Congressman Atorni Mike Tan at Doc Kim Tan, ang kanyang pangako na patuloy na maglingkod nang may integridad at malasakit para sa ikauunlad ng Lalawigan ng Quezon.
Quezon PIO
Congratulations, LTCOL Angelina D.L. Tan PA (RES)
Sa ginanap na Donning of Ranks ngayong araw ng Martes, Pebrero 18, pormal na kinilala ng Armed Forces of the Philippines (AFP) si Governor Tan bilang parte ng Philippine Army Reserve Force.
Ang iyong dedikasyon at malasakit sa pagpapanatili ng kapayapaan sa lalawigan ay tunay na hindi matatawaran.
Quezon PIO