127th Kalayaan Day Job Fair and Worl Day Celebration Against Child Labor
HAPPENING NOW: 127th Kalayaan Day Job Fair and Worl Day Celebration Against Child Labor
June 12, 2025 | St.Jude Hotel, Isabang, Tayabas City
NEWS AND UPDATE
“There is a need to continue to raise awareness on domestic violence to have more accurate recording and reporting”- Den Mercene (PHO)
“There is a need to continue to raise awareness on domestic violence to have more accurate recording and reporting”- Den Mercene (PHO)
Tagumpay na isinagawa ngayong araw ng Miyerkules, Hunyo 11 ang Joint Provincial / City / Municipal Committee Against Trafficking- Child Pornography – Violence Against Women (P/C/MCAT-CP-VAWC) 2nd Quarterly Meeting sa Conference Room 2&3 ng Sangguniang Panlalawigan Building, Governor’s Mansion Compound, Lucena City.
Pinangunahan ito ng Provincial Gender and Development (PGAD) Office, at dinaluhan naman ni PGAD Assistant Department Head Sedfrey Potestades, kasama ang GAD Focal Persons mula sa iba’t ibang bayan ng Lalawigan at mga kinatawan mula sa mga kabalikat na ahensya at tanggapan ng Pamahalaang Panlalawigan.
Dito iniulat ng Department of Interior and Local Government (DILG) ang resulta ng functionality rating ng bawat LGU sa ginanap na Taunang LCAT-VAWC PIMT Table Validation at lumabas na may 24 High Functional, 11 Moderately Functional, 2 Low Functional, at 3 Non-functional LGUs .
Tinalakay rito ang accreditation ng Women and Children Protection Unit (WCPU) na may layon na magbigay ng serbisyong medikal sa mga bata at kababaihan na biktima ng karahasan, kung saan binanggit dito na ang Quezon Medical Center ay isa ng level 1 WCPU accredited center.
Binanggit din ang ilang isyu, paalala at mga dapat gawin patungkol sa mga problema na maaaring maharap ng mga ahensya patungkol sa VAWC, Trafficking, at Child Pornography, kung saan nabigyang linaw rito ang ilang katanungan patungkol sa paghawak at pagproseso ng mga kaso.
Asahan ang patuloy na pagpapaigting sa hakbang ng Pamahalaang Panlalawigan upang patuloy na mapangalagaan at maprotektahan ang mga kababaihan at bata laban sa anumang anyo ng karahasan.
NO TO FAKE NEWS!!
NO TO FAKE NEWS‼
Ang larawang makikitang kumakalat sa social media ay lumang larawan ng isang bahagi ng Barangay Gumian, Infanta, Quezon. Nililinaw ng Pamahalaaang Panlalawigan partikular na ng Provincial Mining and Regulatory Board (PMRB), na HINDI ITO ISANG QUARRYING ACTIVITY, kundi isang lehitimong leveling o pagpapantay ng ibabaw ng lupa upang ito ay mas maayos at episyenteng mapakinabangan.
Dagdag pa rito, ang nasabing aktibidad ay may kaukulang permit mula sa Local Government Unit (LGU) ng Infanta. Tinitiyak naming ang lahat ng mga gawaing isinagawa sa lugar ay alinsunod sa mga umiiral na regulasyon at may kaukulang pahintulot mula sa mga kinauukulang ahensya.
Samantala, pinapayuhan natin ang lahat na maging mapanuri sa mga nakikita at nababasa sa mga social media platforms. Gayundin, iwasan ang makiisa sa pagpapakalat ng mali at hindi makatotohanang mga impormasyon.
Management Committee (ManCom) meeting
Bilang bahagi ng tuloy-tuloy na pagsusumikap na mapabuti ang mga programa at serbisyong inihahatid sa mga mamamayang Quezonian, muling isinagawa ang Management Committee (ManCom) meeting, ngayong Miyerkules, Hunyo 11.
Ang pagpupulong ay pinangunahan ni Governor Doktora Helen Tan, kasama sina Provincial Administrator Manny Butardo at mga pinuno ng iba’t ibang tanggapan sa Pamahalaang Panlalawigan.
Ilan sa naging sentro ng usapan ay ang mga plano para sa mga aktibidad kaugnay ng Executive Legislative Agenda (ELA), mga update hinggil sa kasalukuyang implementasyon ng mga programa ng Kapitolyo, gayundin ang mga pamamaraan upang higit pang mapabuti ang mga ito.
Sa huli, binigyang-diin din ni Governor Doktora Helen Tan ang kahalagahan ng patuloy na pagpapatupad ng mga pamantayang itinakda ng International Organization for Standardization (ISO) upang mapanatili ang dekalidad at epektibong serbisyo sa loob at labas ng mga tanggapan ng pamahalaan.
Congratulations Topnotchers!
Congratulations Topnotchers!
Pinarangalan ng Professional Criminologist Association of the Philippines, Inc (PCAP) sina Lycamae F. Penarejo bilang Top 1 at Drake Borris F. Garcia bilang Top 2 na bahagi ng Ten Outstanding Criminology Student (TOCS) 2025 sa buong Region-IV.
Ang buong lalawigan ng Quezon ay saludo sa inyong ipinakitang galing at talino. Nawa’y magsilbing inspirasyon kayo ng kabataang Quezoinan.
Kulturang Quezonian Congressional District Competition 2025
Sa pamamagitan ng tinig, damdamin, at talento nag-aalab ang puso ng Kulturang Quezonian!
Matagumpay na idinaos ang Kulturang Quezonian Congressional District Competition 2025, tampok ang mga talentadong kabataan mula sa iba’t ibang bayan sa IKATLONG DISTRITO ng lalawigan na nagpakitang-gilas sa larangan ng Oration, Declamation, at Sabayang Pagbigkas na ginanap sa Agdangan Central School nitong araw ng Martes, Hunyo 10.
Sa temang “Si Quezon at Ako,” binigyang buhay ng mga kalahok ang diwa ng kabayanihan, pagmamahal sa wika, at pagtanaw sa kultura bilang pundasyon ng pagkataong Quezonian mula sa matitinding damdamin ng bawat pagbigkas hanggang sa sabayang tinig ay naipamalas ang diwa ng wikang Filipino at kultura noon hanggang sa makabagong panahon.
Naisakatuparan ang naturang patimpalak sa pangunguna ng Provincial Tourism Office sa superbisyon ni Nesler Louies Almagro.
Samantala, narito ang mga nagwagi sa naturang kompetisyon at magsisilbing kinatawan ng IKATLONG DISTRITO:
DECLAMATION CONTEST
• Nico Roca – Mulanay Quezon
ORATION CONTEST (High School)
• Sheree Anne Eroles – Agdangan Quezon
ORATION CONTEST (College)
• Danilo Castillo – San Andres
SABAYANG PAGBIGKAS
• Agdangan
Abangan ang kanilang pagsabak sa mas matinding tagisan sa nalalapit na Grand Showdown ng Niyogyugan Festival 2025 ngayong darating na buwan ng Agosto!
Congratulations to all the winners, first district of Quezon!
Congratulations to all the winners, first district of Quezon!
Ikinagagalak naming ipakilala ang apat (4) na bayan na naging kampyeon at magiging kinatawan ng unang distrito para sa Provincial Level:
Quezon, Game KNB? Season 2 – General Nakar, Quezon
Lambanog Relay – Mauban, Quezon
Coconut Relay – Lucban, Quezon
Bangus Deboning Relay – Lucban, Quezon
Quezon Kakanin 224 – Patnanungan, Quezon
Kita-kits ngayong Agosto para sa Cocolympics 2025, Championship Round!
MOA signing sa pagitan ng SICAP at SeedCore
Masiglang ginabayan ng Tanggapan ng Panlalawigang Agrikultor ang pagpapalakas ng kalakalan ng Cacao sa mga potensyal na institusyon na mga mamimili. Kung saan matagumpay na naisagawa ang MOA signing sa pagitan ng SICAP Quezon Agriculture Cooperative (SICAP Coop) at SeedCore Agri-Industrial Corporation (SeedCore) na kinatawan ni G. Mark Soledad, tagapangulo ng SICAP Coop at G. Roberto Crisostomo, CEO ng SeedCore na sinaksihan din ng mga opisyales at mga pangulo ng SICAP mula sa iba’t-ibang bayan.
Patuloy na mapalakas at tuloy-tuloy na kalakalan at makatuwirang bentahan ang napagkasunduan na nilalaman ng nasabing agreement.
Sa kabuoan, positibo ang lahat na patuloy at ibayong sigla ang magiging resulta nito at aasahan narin lalo’t higit ng mga magtatanim ng cacao dahil sa magandang ugnayan ng industriya sa merkado.
Congratulations! QPHN-QMC.
PAGBATI mula sa QPHN-QMC!
Ang QPHN-QMC Obstetrics and Gynecology Department ay matagumpay na nakamit ang Provisional Accreditation (PAP 0 Status) mula sa Philippine Board of Obstetrics and Gynecology (PBOG) sa ilalim ng PARTP Evaluation.
Dahil dito, tumatanggap na kami ng mga aplikante para sa 1st Year Residency Training Program sa OB-Gyne!
• Lugar: 2nd Floor, Main Building, QMC Compound
• Makipag-ugnayan kay Ms. Bamba Deseo – 0998-550-2776
• LIMITADO ANG SLOTS – MAG-APPLY NA AGAD!
Isang malaking hakbang para sa iyong propesyonal na pag-unlad sa isang ISO-certified Level 3 Provincial Hospital.
SOLOCOM Heathcare Fair 2025
Nakiisa ang Office of the Provincial Veterinarian kasama ang City Veterinary Offices ng Lucena at Tayabas, gayundin ang Quezon Veterinary Medical Association sa ginanap na SOLCOM Healthcare Fair 2025 nitong ika-10 ng Hunyo taong kasalukuyan sa Camp Guillermo Nakar Lucena City na may temang:”Serbisyong Medikal na Maaasahan: Alay ng Kawal sa Sambayanan!”. Nagtulong-tulong ang mga nasabing ahensya at samahan sa pagbibigay ng iba’t ibang uri ng veterinary services katulad ng libreng antirabies vaccination, deworming, vitamins distribution at consultation para sa mga fur babies ng AFP, PNP Personnel at mga residente ng mismong kampo.