NEWS AND UPDATE

Kalinga sa Mamamayan, Libreng Gamutan sa Calauag Quezon | February 25, 2025

Kalinga sa Mamamayan, Libreng Gamutan sa Calauag Quezon | February 25, 2025

PANOORIN: Sa walang sawang paghahatid ng libreng serbisyong medikal para sa Lalawigan ng Quezon, ipinaabot ng mga residente mula bayan ng Calauag ang kanilang taos-pusong pasasalamat sa isinasagawang “Kalinga sa Mamamayan, Libreng Gamutan” o Medical Mission ngayong araw, Pebrero 25.

Link: https://www.facebook.com/share/v/1BSYDHEYdQ/

#SerbisyongTunayAtNatural #HEALINGQuezon #KalingaSaMamamayanLibrengGamutan #MedicalMission2025

Quezon PIO

Arabica Coffee 101: Planting Materials Propagation and Nursery Management | February 25, 2025

Arabica Coffee 101: Planting Materials Propagation and Nursery Management | February 25, 2025

Bilang bahagi ng Arabica Project ng Office of the Provincial Agriculturist ng Quezon, katuwang ang Municipal Agriculture Office ng Dolores at ang Benguet State University – Institute of Highlands Farming System and Agroforestry (BSU-IHFSA), ay matagumpay na naisagawa ang unang pagsasanay na “Arabica Coffee 101: Planting Materials Propagation and Nursery Management” nitong ika-18 ng Pebrero 2025 sa Lukong Valley, Brgy. Pinagdanlayan, Dolores, Quezon.

Dinaluhan ito ng 20 magsasaka mula sa bayan ng Dolores bilang pangunahing benepisyaryo ng proyekto kung saan pagkakalooban ng 10,000 Arabica coffee seeds na inaasahang maitanim bago matapos ang buwan ng Marso.

Layunin ng proyektong ito na makapag-produce ng Arabica green coffee beans upang mapalawak ang iba’t ibang klase ng produkto ng kape sa Quezon, kasabay ng pagsusulong ng balanseng pagpaparami ng ibang species ng kape. Alinsunod dito, magbibigay din ng tulong na kagamitan at pataba para sa patuloy na implementasyon at tagumpay ng nasabing proyekto.

Nagsilbing tagapagsalita naman dito sina G. Von Y. Amado, BSU-IHFSA Assistant Director at Mr. Revis C. Anas, BSU-IHFSA Labor Foreman kasama si G. Christopher P. Deponio, BSU-IHFSA Director.

#arabicacoffeebeans#OPAQuezon#opaquezonfitscenter

Quezon PIO

Pagkakaloob ng Packaging Materials, Food Processing Tools and Equipment at Coding Machines sa mga Assisted Organizations ng OPA | February 25, 2025

Pagkakaloob ng Packaging Materials, Food Processing Tools and Equipment at Coding Machines sa mga Assisted Organizations ng OPA | February 25, 2025

Pagkakaloob ng Packaging Materials, Food Processing Tools and Equipment at Coding Machines sa mga Assisted Organizations ng OPA, isinagawa

Matagumpay na naisagawa ang turn-over ceremony ng mga packaging materials at coding machine sa mga assisted organizations mula sa iba’t-ibang bayan sa lalawigan nitong Pebrero 20, 2025 sa Sitio Fori, Brgy. Talipan, Pagbilao, Quezon.

Pinangunahan ito ng Agricultural Support Services Division – Quezon Food and Herbal Processing Center at Quezon Product Display Center Staff sa ilalim ng Tanggapan ng Panlalawigang Agrikultor (OPA) kung saan ilan sa mga asosasyon na napagkalooban ay ang mga Young Farmers Associations sa Candelaria, Quezon, at Gumaca, Herbal Growers Association, Rural Improvement Club of Mauban, ReINa Fish Processors mula sa Real, Quezon, SICAP Quezon Cooperative mula sa Pagbilao, Quezon, Pitogo Banana Growers Association, Guinayangan Coffee Agri-Farmers Processors and Entrepreneurs Agriculture Cooperative, San Francisco Aurora Agriculture Cooperative at ang D’ Aroma Rural Improvement Club mula naman sa bayan ng Dolores, Quezon na gumagawa at nagpoproseso ng iba’t-ibang mga produkto.

Ang nasabing aktibidad ay bahagi ng patuloy na pagsuporta ng Pamahalaang Panlalawigan ng Quezon sa mga maliliit na negosyo at kooperatiba sa sektor ng agrikultura at pangisdaan. Sa pamamagitan ng pagbibigay ng mga kalidad na packaging materials at coding machine ay patuloy ang pagpapataas ng kalidad ng mga lokal na produkto, pagpapapabilis ng produksyon, pagpapalawak ng merkado, na higit na matutulungan maiangat ng kabuhayan ng bawat miyembro ng organisyon at makilala ang produktong Quezonian.

#agribasedproductdevelopment #OPAQuezon #opaquezonfitscenter

Quezon PIO / ProVET

𝐍𝐢𝐲𝐨𝐠𝐲𝐮𝐠𝐚𝐧 𝐅𝐞𝐬𝐭𝐢𝐯𝐚𝐥 𝟐𝟎𝟐𝟓 𝐧𝐚! | February 25, 2025

𝐍𝐢𝐲𝐨𝐠𝐲𝐮𝐠𝐚𝐧 𝐅𝐞𝐬𝐭𝐢𝐯𝐚𝐥 𝟐𝟎𝟐𝟓 𝐧𝐚! | February 25, 2025

Humanda nang ipamalas ang ikinukubling galing sa pag-indak, Isiwalat na ang ritmong may pag-angkin sa Tagay at Umpukan, at ipagmalaki ang kulturang taglay ng bawat Quezonian!

Isasagawa sa darating na ika-18 hanggang 19 ng Marso ang pagsasanay para sa 𝐒𝐚𝐲𝐚𝐰 𝐧𝐠 𝐍𝐢𝐲𝐨𝐠 𝐃𝐚𝐧𝐜𝐞 𝐖𝐨𝐫𝐤𝐬𝐡𝐨𝐩 sa St. Jude Multipurpose Cooperative, Lucena City, ganap na ika-8 nang umaga.

Kasunod nito, sa darating na ika-21 hanggang 22 ng Marso, taong kasalukuyan, sa pamamagitan ng Quezon Provincial Tourism Office, ay gaganapin ang 𝐓𝐚𝐠𝐚𝐲𝐚𝐧 𝐃𝐚𝐧𝐜𝐞 𝐑𝐢𝐭𝐮𝐚𝐥 𝐖𝐨𝐫𝐤𝐬𝐡𝐨𝐩 sa St. Jude Multipurpose Cooperative, Lucena City, ganap na ika-8 nang umaga.

Ang nasabing mga aktibidades ay bilang paghahanda para sa mas makulay, mas masaya, at mas makasaysayang niyogyugan 2025!

Kaya naman huwag n’yo nang patagalin at magtungo sa Tourism Office ng bawat bayan na inyong kinabibilangan upang alamin ang mga kinakailangang dokumento para maging kwalipikadong kalahok sa patimpalak na ito.

Paalala: Bawat grupong dadalo sa mga Workshop na ito ay kinakailangan lamang magpadala ng DALAWANG (2) kinatawan para sa Tagayan Ritual at PITO (7) naman para sa Sayaw ng Niyog Dance Workshop.

Para maging update sa mga susunod pang kagananapan, mangyari lamang na ilike o ifollow ang ating facebook page.

📷: ACNP Photography

#Niyogyuganfestival #TAraNasaQuezon #SerbisyongTunayAtNatural

Quezon Tourism

SA MALINIS NA KAPALIGIRAN DENGUE AY MAIIWASAN | February 24, 2025

SA MALINIS NA KAPALIGIRAN DENGUE AY MAIIWASAN | February 24, 2025

Ang dengue ay isang seryosong sakit na dulot ng kagat ng lamok na Aedes Aegypti. Kapag hindi naagapan, ay nakamamatay. Kung kaya’t agad na magpakonsulta sa unang sintomas (LAGNAT NG 2 ARAW) ng Dengue. Ang sumusunod ay mga karagdagang sintomas na maaring maranasan:

• Pananakit ng Katawan

• Pagsusuka

• Pagdugo ng Gilagid

• Dugo sa dumi ng tao

• Panghihina

• Pagdugo ng Ilong

Maiiwasan naman ito sa tamang paghahanda, at isa sa mga hakbang upang maiwasan ang pagkalat ng dengue ay pag: TAOB, TAKTAK, TUYO, AT TAKIP ng mga lagayan na posibleng panirahan ng mga lamok.

Alinsunod nito ay ang pagamit din ng insecticide, insect repellent, kulambo at pagsusuot ng long-sleeves at pantalon upang maiwasan na makagat ng Aedes Aegypti.

Tandaan na sa malinis na kapaligiran, dengue ay maiiwasan.

Source: Department of Health

Quezon PIO / IPHO

Bagong PhilHealth PCEO Dr. Edwin Mercado, Bumista sa Pamahalaang Panlalawigan para sa Pagpapaigting ng Serbisyong Pangkalusugan | February 24, 2025

Bagong PhilHealth PCEO Dr. Edwin Mercado, Bumista sa Pamahalaang Panlalawigan para sa Pagpapaigting ng Serbisyong Pangkalusugan | February 24, 2025

Bumisita sa Pamahalaang Panlalawigan ang bagong President at Chief Executive Officer ng Philippine Health Insurance Corporation (PhilHealth)

na si Dr. Edwin M. Mercado, ngayong araw ng Lunes, Pebrero 24.

Si Dr. Mercado ang itinalaga ni President Ferdinand “Bongbong” R. Marcos Jr. bilang bagong PCEO ng PhilHealth at nanumpa sa Malacañang Palace, nitong Pebrero 4.

Buong galak na tinanggap ni Governor Doktora Helen Tan ang naging pagbisita at positibong nakipagpulong para sa pagpapaigting ng programa na katuwang ang naturang health insurance corporation.

Samantala, mananatiling bukas ang Pamahalaang Panlalawigan sa pakikipag-ugnayan upang higit na makapagbigay ng maayos na serbisyong pangkalusugan para sa bawat mamamayan.

Quezon PIO

Gabay sa Pagkonsulta sa Doktor Gamit ang Teleconsultation

Gabay sa Pagkonsulta sa Doktor Gamit ang Teleconsultation

Good day Quezonians! Sa pag-usbong ng mga makabagong paraan ng pagkonsultang medical, maari ka nang makakuha ng libreng konsulta sa doktor, dentista o nutritionist dietician ng mga kondisyong hindi nangangailangan ng agarang gamutan. Halina at gamitin ang libreng konsultasyon sa pamamagitan ng Telemedicine service ng Provincial Health Office. Gamit lamang ang iyong cellphone o laptop at internet connection ay maari ka nang makapagpakonsulta kahit saan mang lugar ka naroroon. Sundin lamang ang mga hakbang na nasa larawan upang makapagtakda ng teleconsultation sa aming tanggapan.

#HealthyQuezon

#LibrengserbisyongpangkalusugansaQuezon

IPHO

Free Spay and Neuter – OVP | February 24, 2025

Free Spay and Neuter – OVP | February 24, 2025

Nagtungo ang mga technical personnel ng Office of the Provincial Veterinarian (OPV) mula sa Animal Health and Welfare Division (AHWD) sa pangunguna ni Dr. Philip Maristela at Dr. Camille Calaycay sa Real, Quezon, nitong Pebrero 20-21, 2025 para sa isang Veterinary Medical Mission.

Nagkaloob ang tanggapan ng mga libreng serbisyo para sa mga furparents ng nasabing bayan gaya ng: Spay, castration, rabies vaccination, deworming, consultation, and treatment.

May kabuuang 194 na mga aso at pusa ang nabigyang serbisyo na pag-aari ng 116 na kalalawigan natin mula sa Real, Quezon.

Ang nasabing aktibidad ay bilang pag-obserba ng Spay and Neuter Awareness Month ngayon Pebrero at Rabies Awareness Month naman sa buwan ng Marso. Ito ay naglalayong ipaalam sa mga Quezonians ang kahalagahan ng neutering sa kalusugan ng mga hayop at pagkontrol sa mabilis na pagdami ng mga aso at pusa na mayroon din epekto sa pagsugpo ng Rabies sa bansa. Sa pagdami ng mga asong/pusang gala ay mas marami ang posibleng mahawa at makapanghawa ng Rabies sa ibang hayop at sa tao. Ang Rabies ay isang sakit na sanhi ng virus na maaaring maihawa sa pamamagitan ng kagat.

Quezon PIO / ProVET

« Previous Page Next Page »