Top 10 Highest Increase in Assessed Value for 2024 | March 17, 2025

Matapos ang seremonya sa lingguhang pagtataas ng watawat ng Pilipinas ngayong araw ng Lunes, Marso 17 nagkaroon ng maiksing aktibidad ang Provincial Assessor’s Office para sa 1st hanggang 5th Class Municipalities na pasok sa Top 10 Highest Increase in Assessed Value for 2024 at Top 10 Highest Growth Rate in Taxable Assessed Value for 2024.
Para sa Top 10 Highest Increase in Assessed Value for 2024, nakamit ng bayan ng Sariaya ang unang puwesto para sa 1st at 2nd Class Municipalities habang nakamit naman ng bayan ng San Antonio ang unang puwesto para sa 3rd to 5th Class Municipalities.
Samantala, para sa Top 10 Highest Growth Rate in Taxable Assessed Value for 2024, nakuha ng bayan ng Tiaong ang unang puwesto para sa 1st-2nd Class Municipalities at nakuha naman ng bayan ng Plaridel ang unang puwesto para sa 3rd-5th Class Municipalities.
Ang pagkilalang ito ay resulta ng masusing pagtatala at malalim na pagsusuri sa mga ari-arian (real properties) sa naturang mga bayan. Patunay rin ito na patuloy ang pagsusumikap ng mga bayan sa Quezon upang makapagbigay ng mas matibay na pundasyon para sa kaunlaran hindi lamang sa proyektong pang-imprastruktura, kundi pati na rin sa pagpapalago ng lokal na ekonomiya.
Ang papel na kanilang ginagampanan ay mahalaga lalo’t higit sa pagpapatakbo ng mga buwis at mga legal na aspeto ng mga ari-arian na kanilang nasasakupan.

Quezon PIO

Distribution of Agricultural Inputs | March 17, 2025

Patnanungan, Quezon

Link: https://www.facebook.com/share/r/15sprfANnq/

Quezon PIO

Legal Mission And Distribution of Medicine 1 | March 17, 2025

Patnanungan, Quezon

Link 1: https://www.facebook.com/share/r/16B7jxhsY9/
Link 2: https://www.facebook.com/share/r/19BrtozTbb/

Quezon PIO

Matagumpay na naihatid sa islang bayan ng Burdeos ang “Kalinga Sa Mamamayan, Libreng Gamutan” | March 17, 2025

Dinagsa ng 5,003 residente ng Burdeos ang isinagawang “Kalinga Sa Mamamayan, Libreng Gamutan” o Medical Mission nitong nakaraang araw ng Linggo, Marso 16.
Sa inisyatibo ng Pamahalaang Panlalawigan sa pamumuno ni Governor Doktora Helen Tan, libreng nakapagpatingin ng kalagayan ng kalusugan ang mga mamamayan sa nasabing bayan. Kabilang sa mga dalang serbisyong medikal ang check-up para sa bata at matanda, cervical cancer screening para sa mga kababaihan, libreng gamot, check-up sa mata at libreng pasalamin. Mayroon ding laboratory examinations gaya ng ECG, X-RAY, Ultrasound, CBC, FBS/RBS, Urinalysis, Uric Acid, at Cholesterol.
Para sa mga pasyente na hindi available ang iniresetang gamot at inirekomendang laboratoryo ng doktor, 368 ang nabigyan ng medical assistance na naging possible sa tulong ng Provincial Social Welfare and Development Office (PSWDO) at Provincial Treasurer’s Office (PTO).
Hatid din ng Office of the Provincial Veterinarian ang Veterinary Mission kung saan 214 na may alagang hayop ang nakapagpakonsulta at 84 ang nagkapagpaturok ng anti-rabies vaccine.

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO

Kalinga sa Mamamayan Libreng Gamutan | March 17, 2025

Patnanungan Quezon

Link 1: https://www.facebook.com/share/r/16KvRFWTuP/
Link 2: https://www.facebook.com/share/r/12FYdnkXNrE/

Quezon PIO

Distribution of Agricultural Inputs – Burdeos, Quezon | March 16, 2025

Sa pangangasiwa ng Office of the Provincial Agriculturist na pinamumunuan ni Dr. Liza Mariano, naipamahagi ngayong araw ng Marso 16 sa mga mangingisda at magsasaka ng islang bayan ng Burdeos ang iba’t ibang kagamitang makatutulong para sa kanilang pangunahing kabuhayan.
Ang mga naipamahagi ay mga fertilizers, bottom set gill nets, seedlings, grasscutter, plastic drum, knapsnack, at assorted vegetables.
Samantala, dinaluhan ni Governor Doktora Helen Tan ang ginanap na maikling programa at binigyang-diin na magpapatuloy ang Pamahalaang Panlalawigan na masuportahan ang nasabing sektor para kanilang maunlad na kinabukasan.

Quezon PIO

Legal Mission kung saan nagbigay ng libreng talakayan ukol sa usaping Legal para sa mga Justices o Lupon ng iba’t ibang Barangay sa Bayan ng Burdeos | March 16, 2025

Ginanap sa islang bayan ng Burdeos ngayong araw, Marso 16 ang Legal Mission na hatid ng Provincial Legal Office katuwang si RTC Executive Judge Agripino Bravo kung saan kanilang ibinahagi ang kaalaman at kamalayan ukol sa usaping legal.
Natalakay ang patungkol sa Republic Act 11362, at ang Katarungang Pambarangay (KP) na may mahalagang aspeto sa pagpapairal ng isang pangasiwaang may hustisya at katarungan sa isang barangay. Ito’y dinaluhan ng mga justices o lupon ng iba’t ibang barangay sa nasabing bayan.
Samantala, kasabay na naisagawa ang tax campaign na layong hikayatin ang mga mamamayan na magbayad ng buwis lalo na sa mga property owners. Pinangunahan naman ito ng Provincial Treasurer’s Office (PTO) at Provincial Assessors Office.

Quezon PIO

Ilang Kaganapan sa Medical Mission sa Bayan ng Burdeos | March 17, 2025

TINGNAN: Gaano man kainit, hindi ito naging hadlang upang maihatid ng Medical Team sa mga mamamayan ng islang bayan ng Burdeos ang iba’t ibang libreng serbisyong medikal ngayong araw ng Linggo, Marso 16.
Narito ang ilang kaganapan sa nasabing Medical Mission sa pangkalusugan ng Pamahalaang Panlalawigan ng Quezon sa pamumuno ni Governor Doktora Helen Tan.

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO

Taos-pusong Pasasalamat ng mga residente ng Burdeos Quezon | March 16, 2025

Sa isang linggong isinasagawang “Kalinga sa Mamamayan, Libreng Gamutan” o Medical Mission sa Polillo Group of Island (POGI), sunod na dinala ang mga libreng serbisyong medikal para sa mga mamamayan ng islang bayan ng Burdeos.
Ibinahagi naman ng mga residente sa nasabing bayan ang kahalagahan na mailapit ng libre ang ganitong mga programang nakatutok sa kanilang kalusugan, kung kaya’t lubos ang kanilang naging pasasalamat.

Panoorin rito: https://www.facebook.com/share/r/1EngN69inX/

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO

Gov. Doktora Helen Tan Visits Quezon Provincial Hospital Network (QPHN) – Polillo Medicare | March 16, 2025

Maagap na bumisita si Governor Doktora Helen Tan sa Quezon Provincial Hospital Network (QPHN) – Polillo Medicare ngayong araw ng Linggo, Marso 16.
Kaniyang personal na kinumusta ang kalagayan ng nasabing ospital, gayundin ay nagkaroon ng pagpupulong kasama ang mga kawani nito upang masiguro na maayos na naibibigay ang nararapat na serbisyong kalusugan para sa bawat residente ng Polillo gayundin sa mga kalapit na islang bayan nito.
Patuloy namang pagsusumikapan ng Pamahalaang Panlalawigan na magtugon ang mga suliraning kinahaharap ng ospital upang mas maitaas ang kalidad ng serbisyo nakukuha sa mga nangangailang Quezonian.

Quezon PIO