World Kidney Day 2025 | March 13, 2025
Recorded Live: https://www.facebook.com/share/r/1FudH4dxsH/
National Kidney and Transplant Institute
East Avenue, Quezon City
Quezon PIO
NEWS AND UPDATE
Sustainable Livelihood Program (SLP) na tinatawag na “Sinag Talisay” | March 12, 2025
Isa sa mga samahang benepisyaryo ng Sustainable Livelihood Program (SLP) na tinatawag na “Sinag Talisay” ay matagumpay nang binuksan ang kanilang bagong tindahan sa Talisay, Tiaong ngayong araw, Miyerkules, Marso 12.
Matatandaan na sa tulong ng pakikipagbalikatan ng Pamahalaang Panlalawigan ng Quezon at ni Governor Doktora Helen Tan sa Department of Social Welfare and Development (DSWD) ay nakapamahagi ng tig-PHP 300,000 na halaga ng seed capital sa tatlumpu (30) na mga nabuong grupo mula sa San Antonio, Tiaong, Dolores, Candelaria, Sariaya, at Lucena City.
Asahan naman ang patuloy na suporta ng Pamahalaang Panlalawigan sa mga negosyo upang magkaroon sila ng alternatibong pangkabuhayan.
#HEALINGQuezon
#SerbisyongTunayAtNatural
#SustainableLivelihoodProgram
Quezon PIO
SHIELD Business Continuity Planning Workshop | March 12, 2025
Matagumpay na sinimulan ang unang araw ng 3-day workshop na may temang Ensuring the Sustainability of the Abaca Industry in Quezon Province: Business Continuity and Resilience Planning na ginanap ngayong araw ng Miyerkules, Marso 12 sa Queen Margarette Hotel-Domoit, Lucena City.
Pinangunahan ito ng Provincial Disaster Risk Reduction Management Office (PDRRMO) sa pamumuno ni Dr. Melchor P. Avenilla, Jr. katuwang ang Strengthening Institution and Empowering Localities Against Disasters and Climate Change (SHIELD) na dinaluhan ng Office of the Provincial Agriculture (OPA), mga kinatawan ng Southern Luzon State University (SLSU), Cooperatives at Farmers Associations sa Lalawigan ng Quezon.
Layunin ng training program na ito na mas maging resilient ang lalawigan ng Quezon nang sa gayon ay manatiling matatag at patuloy na umunlad hindi lang sa industriya ng abaca at cacao kundi sa iba pang pangkabuhayan sa kabila ng mga hamon tulad ng kalamidad, pagbabago ng klima, at iba pang suliraning pang-ekonomiya.
Samantala, naisakatuparan ang naturang workshop sa pakikipagbalikatan ng Pamahalaang Panlalawigan sa Australian Aid, United Nations Development Programme (UNDP), UN-Habitat, Philippine Business and Social Progress (PBSP), at National Resilience Council.
Asahan naman ang patuloy na pag suporta ng Pamahalaang Panlalawigan patungkol sa kaligtasan, kahandaan at katatagan ng lalawigan ng Quezon sa kabila ng mga sakuna.
#SerbisyongTunayAtNatural
#HEALINGQuezon
#PDRRMCQuezon
#QuezonResilienceCouncil
Quezon PIO
STAN Kabuyahan Hakot Papremyo | Macrch 12, 2025
Isang maligayang umaga ang hatid ng programang STAN-Kabuhayan Program katuwang ang PGO-Livelihood sa pamumuno ni Project Development Officer III Lawrence Joseph Velasco, at Telco Partners na SMART at Talk N’ text sa mga benepisyaryo ng programa, ngayong araw ng Miyerkules Marso 12, sa Walter Mart, Candelaria Quezon.
Mula sa mga benepisyaryong galing sa unang distrito ay isang sari-sari store owner mula sa General Nakar na si Dahlia R. Quismando ang mapalad na napili para sa Electronic Raffle na nagkaroon ng pagkakataong makasali sa dalwang minutong Hakot Pa-Premyo challenge ng naturang Telco Partners.
Lahat ng grocery items na nahakot sa loob ng dalawang minuto ay gagamitin bilang dagdag paninda sa munting tindahan ng nasabing benepisyaryo upang mas lalo pa itong mapaunlad
Asahan na ang Pamahalaang Panlalawigan sa inisyatibo ni Governor Doktora Helen Tan ay patuloy ang suporta sa mga pangkabuhayan na programa upang mas mapaunlad ang maliit na negosyante sa lalawigan.
#STANKabuhayan
#HakotPaPremyo
Quezon PIO
SPES 2025 – Last Day of Submission of Application | March 12, 2025
Quezon PIO
Kinamusta at Binisita ni Gov. Doktora Helen Tan ang QUEZON PROVINCIAL HOSPITAL NETWORK (QPHN) sa iba’t ibang bayan | March 12, 2025
Sa layuning mas mabigyang tugon ang usaping pang medikal, personal na nagtungo si Governor Doktora Helen Tan upang kumustahin at bisitahin ang QUEZON PROVINCIAL HOSPITAL NETWORK (QPHN) sa bayan ng Atimonan, Unisan at Gumaca nitong araw ng Martes, Marso 11.
Kaalinsabay nito, nagsagawa ng Personnel Assembly kasama sina Executive Assistant Rose Ann Verzo-Caparros, Provincial Health Officer Dr. Kristin Mae-Jean Villaseñor, PEO Head Engr. Marichelle Ferrer, QPHN-Doña Marta Chief of Hospital Joanne Ventura lliligay, QPHN-Unisan Chief of Hospital Jesus Calayag, QPHN-Gumaca Chief of Hospital Maria Victoria Veloso at mga manggagawa kung saan nagbigay ng ulat ang bawat departamento upang malaman ang kasalukuyang kalagayan ng mga naturang pagamutan at kung paano pa makapagbibigay ng mas maayos na serbisyong pang kalusugan sa lalawigan ng Quezon.
Kaugnay nito, nag iwan ng paalala si Governor Doktora Helen Tan na magkaroon ng mas maayos na relasyon at koordinasyon sa mga kapwa kamanggagawa, lalo’t higit ang maayos na pakikitungo sa mga pasyente, maging matulungin at maging mapag malasakit sa kapwa Quezonian.
Quezon PIO
CONGRATULATIONS QUEZON DOLPHINS!
Pinatunayan ng kabataang Quezonian ang husay at dedikasyon sa larangan ng isports dahil nakamit ng Quezon Dolphins ang Overall 1st Runner-Up sa Regional Athletic Association Meet (RAAM) 2025, nitong Sabado, Marso 8 sa Ynares Center, Antipolo City.
Lubos naman ang pasasalamat ng koponan sa Pamahalaang Panlalawigan ng Quezon at sa Sangguniang Panlalawigan sa pagsuporta sa nasabing laban.
Samantala, patuloy na tatangkilin ng Pamahalaang Panlalawigan ang angking galing ng mga atleta upang ipagmalaki ang Lalawigan ng Quezon.
2024 Panata ko sa Bayan Awards | March 11, 2025
Kinilala ng Department of Social Welfare and Development (DSWD) ang Lalawigan ng Quezon sa makabuluhang ambag nito sa larangan ng serbisyong panlipunan sa ginanap na “2024 Pagkilala sa Natatanging Kontribusyon sa Bayan (PaNata Ko sa Bayan) Awards” ngayong araw, Marso 11, sa Sequoia Hotel Parañaque City, Manila.
Malugod na tinanggap nina Provincial Administrator Manuel S. Butardo at PSWDO Head Sonia S. Leyson ang isang special award (Most Comprehensive Report) ng lalawigan para sa mahusay na implementasyon ng Social Welfare and Development Laws. Nagkamit din ang Lalawigan ng “Gawad Serbisyo” Award dahil sa pagpapakita nito ng maagang pagtugon sa serbisyo sa panahon ng kalamidad.
Samantala, nabigyang pagkilala rin sa nasabing programa ang ilang munisipalidad sa Lalawigan ng Quezon.
Asahan namang patuloy na maghahatid ng dekalidad na serbisyo publiko ang Pamahalaaang Panlalawigan at sisiguruhin na naipapatupad ang mga programang nakasentro sa ikabubuti ng buong mamamayan sa Lalawigan.
Quezon PIO
