STAN Kabuyahan Hakot Papremyo | Macrch 12, 2025

Isang maligayang umaga ang hatid ng programang STAN-Kabuhayan Program katuwang ang PGO-Livelihood sa pamumuno ni Project Development Officer III Lawrence Joseph Velasco, at Telco Partners na SMART at Talk N’ text sa mga benepisyaryo ng programa, ngayong araw ng Miyerkules Marso 12, sa Walter Mart, Candelaria Quezon.
Mula sa mga benepisyaryong galing sa unang distrito ay isang sari-sari store owner mula sa General Nakar na si Dahlia R. Quismando ang mapalad na napili para sa Electronic Raffle na nagkaroon ng pagkakataong makasali sa dalwang minutong Hakot Pa-Premyo challenge ng naturang Telco Partners.
Lahat ng grocery items na nahakot sa loob ng dalawang minuto ay gagamitin bilang dagdag paninda sa munting tindahan ng nasabing benepisyaryo upang mas lalo pa itong mapaunlad
Asahan na ang Pamahalaang Panlalawigan sa inisyatibo ni Governor Doktora Helen Tan ay patuloy ang suporta sa mga pangkabuhayan na programa upang mas mapaunlad ang maliit na negosyante sa lalawigan.
#STANKabuhayan
#HakotPaPremyo

Quezon PIO

SPES 2025 – Last Day of Submission of Application | March 12, 2025

Quezon PIO

Kinamusta at Binisita ni Gov. Doktora Helen Tan ang QUEZON PROVINCIAL HOSPITAL NETWORK (QPHN) sa iba’t ibang bayan | March 12, 2025

Sa layuning mas mabigyang tugon ang usaping pang medikal, personal na nagtungo si Governor Doktora Helen Tan upang kumustahin at bisitahin ang QUEZON PROVINCIAL HOSPITAL NETWORK (QPHN) sa bayan ng Atimonan, Unisan at Gumaca nitong araw ng Martes, Marso 11.
Kaalinsabay nito, nagsagawa ng Personnel Assembly kasama sina Executive Assistant Rose Ann Verzo-Caparros, Provincial Health Officer Dr. Kristin Mae-Jean Villaseñor, PEO Head Engr. Marichelle Ferrer, QPHN-Doña Marta Chief of Hospital Joanne Ventura lliligay, QPHN-Unisan Chief of Hospital Jesus Calayag, QPHN-Gumaca Chief of Hospital Maria Victoria Veloso at mga manggagawa kung saan nagbigay ng ulat ang bawat departamento upang malaman ang kasalukuyang kalagayan ng mga naturang pagamutan at kung paano pa makapagbibigay ng mas maayos na serbisyong pang kalusugan sa lalawigan ng Quezon.
Kaugnay nito, nag iwan ng paalala si Governor Doktora Helen Tan na magkaroon ng mas maayos na relasyon at koordinasyon sa mga kapwa kamanggagawa, lalo’t higit ang maayos na pakikitungo sa mga pasyente, maging matulungin at maging mapag malasakit sa kapwa Quezonian.

Quezon PIO

CONGRATULATIONS QUEZON DOLPHINS!

Pinatunayan ng kabataang Quezonian ang husay at dedikasyon sa larangan ng isports dahil nakamit ng Quezon Dolphins ang Overall 1st Runner-Up sa Regional Athletic Association Meet (RAAM) 2025, nitong Sabado, Marso 8 sa Ynares Center, Antipolo City.

Lubos naman ang pasasalamat ng koponan sa Pamahalaang Panlalawigan ng Quezon at sa Sangguniang Panlalawigan sa pagsuporta sa nasabing laban.

Samantala, patuloy na tatangkilin ng Pamahalaang Panlalawigan ang angking galing ng mga atleta upang ipagmalaki ang Lalawigan ng Quezon.

QPHN-Gumaca (Visitation) | March 11, 2025

Gumaca, Quezon
Recorded Live: Click Me

Quezon PIO

2024 Panata ko sa Bayan Awards | March 11, 2025

Kinilala ng Department of Social Welfare and Development (DSWD) ang Lalawigan ng Quezon sa makabuluhang ambag nito sa larangan ng serbisyong panlipunan sa ginanap na “2024 Pagkilala sa Natatanging Kontribusyon sa Bayan (PaNata Ko sa Bayan) Awards” ngayong araw, Marso 11, sa Sequoia Hotel Parañaque City, Manila.
Malugod na tinanggap nina Provincial Administrator Manuel S. Butardo at PSWDO Head Sonia S. Leyson ang isang special award (Most Comprehensive Report) ng lalawigan para sa mahusay na implementasyon ng Social Welfare and Development Laws. Nagkamit din ang Lalawigan ng “Gawad Serbisyo” Award dahil sa pagpapakita nito ng maagang pagtugon sa serbisyo sa panahon ng kalamidad.
Samantala, nabigyang pagkilala rin sa nasabing programa ang ilang munisipalidad sa Lalawigan ng Quezon.
Asahan namang patuloy na maghahatid ng dekalidad na serbisyo publiko ang Pamahalaaang Panlalawigan at sisiguruhin na naipapatupad ang mga programang nakasentro sa ikabubuti ng buong mamamayan sa Lalawigan.

Quezon PIO

QPHN-Unisan (Visitation) | March 11, 2025

Unisan, Quezon

Recorder Live: Click Me

Quezon PIO

Local Recruitment Activity – Tierra Verdosa Services Corp | March 11, 2025

Pinangunahan ng Quezon Provincial Public Employment Service Office (PESO) katuwang ang mga PESO ng LGU Tagkawayan at Calauag ang Local Recruitment Activity kaagapay ang Tierra Verdosa Services Corp noong ika-5 ng Marso sa Ating Kooperatiba Multi-Purpose Cooperative, Tagkawayan Quezon at noong ika-6 ng Marso sa Calauag Livelihood Center, Calauag Quezon.
Dinaluhan ng kabuuang bilang na isang daan at tatlumpu’t dalawang (132) registered applicants na kinabibilangan ng apatnapu’t siyam (49) lalaki at walumpu’t tatlong (83), at mula sa kabuuang bilang ay mayroong pitumpu’t anim (76) qualified applicants para sa mga posisyong Administrative Assistant, Documentation Assistant, at Resesarch and Documentation Assistant. Ang mga napabilang sa qualified applicants ay kinakailangan pang sumailalim sa medical examination at pagsusumite ng iba pang requirements.
Ito ay patunay na patuloy na isasagawa ng Quezon Provincial PESO at ng Pamahalaang Panlalawigan ang mithiin na makapaglaan ng mga trabaho at oportunidad sa mga mamamayang Quezonian.
Samantala, abangan naman ang mga anunsyo hinggil sa mga aktibidad na isasagawa ng tanggapan upang maging kabahagi sa mga susunod pang programa.
#SerbisyongTunayAtNatural
#HEALINGQuezon
#PESOLocalRecruitmentActivity

Quezon PIO

Local Recruitment Activity – Foodsphere, Inc (CDO) | March 11, 2025

Isang panibagong tagumpay ang naisakatuparan ng Quezon Provincial Public Employment Service Office matapos ang isinagawang Local Recruitment Activity katuwang ang Foodsphere, Inc (CDO). Ginanap ang nasabing aktibidad nitong, ika-4 ng Marso, 2025 sa Bulwagang Kalilayan, Governor’s Mansion Grounds, Lucena City.
Dumalo sa nasabing aktibidad ang dalawampu’t walong (28) aplikante at lima sa kanila ang na-hired-on-the-spot para sa posisyong Production Crew. Samantala, labing-pito (17) pang aplikante ang sasailalim sa interbyu at ebalwasyon na maaaring mapabilang sa mga newly hired jobseekers ng nasabing kumpanya.
Bilang pagsuporta sa hangarin ng Pamahalaang Panlalawigan ng Quezon ay patuloy na isasakatuparan ng tanggapan ng Quezon Provincial PESO na makapaghandog ng oportunidad para sa mga mamamayang Quezonian. Para magkaroon ng pagkakataong maging kabahagi sa mga programa ng tanggapan, magtungo sa Official FB Page ng Quezon Provincial PESO para laging updated hinggil sa mga susunod pang aktibidad.
#SerbisyongTunayAtNatural
#HEALINGQuezon
#PESOLocalRecruitmentActivity

Quezon PIO

Joint 1st Quarter Meeting ng Office of the Senior Citizens Affairs (OSCA) League at Quezon Provincial Federation of Senior Citizens Association (QPFSCA) | March 11, 2025

Tagumpay na naisagawa ang Joint 1st Quarter Meeting ng Office of the Senior Citizens Affairs (OSCA) League at Quezon Provincial Federation of Senior Citizens Association (QPFSCA) na ginanap sa Culture Arts Center, Lucena City ngayong araw ng Martes, Marso 11.
Ang programa ay pinangunahan ng Provincial Social Welfare and Development Office (PSWDO), sa ilalim ng pamumuno ni Sonia S. Leyson at dinaluhan ng mga Focal Persons, Pangulo ng OSCA, at mga kinatawan ng QPFSCA mula sa iba’t ibang bayan ng Lalawigan ng Quezon.
Dito ay tinalakay ang lagay ng pondo sa Pederasyon, Accomplishment report sa nakaraang taong 2024, mga plano para sa taong 2025, at mga updates patungkol sa Non-agenarian/ Centenarian distributions. Nabanggit din ang bagong by-laws at ipinaliwanag ang ilang Memorandum Circular para sa nasabing Pederasyon.
Asahan na ang Pamahalaang Panlalawigan ay tuloy-tuloy ang suporta sa pagsusumikap at kontribusyon ng mga Senior Citizens sa Lalawigan ng Quezon.

Quezon PIO