NEWS AND UPDATE

Lingap sa Mamamayan Libreng Gamutan | October 19, 2024

Sa buong pusong hangarin na maipagpatuloy ang pagmamalasakit sa kalusugan para sa mga Quezonian, muling nagsagawa ng Medical Mission sa pangunguna ni Governor Doktora Helen Tan nitong araw ng Sabado, Oktubre 19 sa Barangay Dalahican, Lucena City.

Layon ng nasabing libreng serbisyong gamutan na matugunan ang kinakaharap na suliraning pangkalusugan kung kaya’t bakas ang ngiti at pasasalamat ng mga residente ng nasabing baranggay matapos maisakatuparan ang mga serbisyong medikal tulad ng Medical Check-Up, Dental Extraction, Minor Surgery, Eye Check-Up, UTZ, X-Ray, ECG, FBS/RSB, Cholesterol, Uric Acid, Urinalysis, CBC, Tuli, at PCV 23 Vaccination gayon din ang pagbibigay ng libreng gamot para sa bata at matanda.

Itinalang nasa 3,819 ang bilang ng mga naging benepisaryo ng programa at ito ay bilang bahagi rin ng misyong mailapit ang serbisyo ng kapitolyo para sa bawat Quezonian.

Quezon PIO

Lingap sa Mamamayan, Libreng Gamutan | October 19, 2024

Ang mga naging kaganapan sa isinagawang “Lingap sa Mamamayan, Libreng Gamutan” sa Dalahican National High School, Lucena City ngayong araw ng Sabado, Oktubre 19.

Pinangunahan ito ni Governor Doktora Helen Tan katuwang ang mga doktor at espesyalista na nagmula sa Maynila at iba’t-ibang bahagi ng lalawigan ng Quezon.

Quezon PIO

Animal Check Up & Treatment | October 18, 2024

Nagbigay ng technical assistance ang Tanggapan ng Panlalawigang Beterinaryo sa Quezon National Agricultural School (QNAS) ngayong Oct. 18, 2024. Nagsagawa ng animal check up, treatment, at pagtuturok ng bitamina sa mga gatasang kambing ng nasabing paaralan.

Bukod sa assistance na ipinagkaloob ay nagbigay din ng mga veterinary medicines (antibiotics, dewormer, vitamins) at mga damong pananim sa nasabing ahensya para sa kanilang dairy goat project.

Quezon PIO

Veterinary Medical Mission | October 18, 2024

Inimbitahan ang Office of the Provincial Veterinarian na magsagawa ng libreng veterinary medical mission sa Barangay 4 Covered Court, Lucena City kasama ang Rotary Club of Lucena North para sa Rotary Year 2024-2025 sa pangunguna ng kanilang Magical President na si G. Kiefer V. Ramirez.

Ang ating tanggapan ay nagbigay ng libreng pagbabakuna laban sa rabies, pagpupurga, konsultasyon at pagbibigay ng bitamina para sa kanilang mga alagang aso at pusa. Ang aktibidad na ito ay naglalayon na bigyang kamalayan ang komunidad at palakasin ang pagpapatupad ng programa na sugpuin ang sakit na rabies sa ating bansa.

Kabuuang bilang ng hayop na mabakunahan: 122

• : 92

• : 30

Kabuuang bilang ng mga tao: 79

• : 36

• : 43

Pagbibigay ng iba pang serbisyong pambeterinaryo (hal. pagpupurga, konsultasyon, pagbibigay ng bitamina)

Kabuuang bilang ng mga hayop: 271

• : 218

• : 53

Quezon PIO

Lingap Mamayan, Libreng Gamutan (Medical Mission) | October 19, 2024

Livestream part 1: https://www.facebook.com/QuezonGovPh/videos/1765731200868075/

Livestream part 2: https://www.facebook.com/watch/live/?ref=watch_permalink&v=523002973934279

Quezon PIO

Scubasurero Coastal-Clean Up Drive | October 18, 2024

Nakibahagi ang Provincial Government – Environment and Natural Resources Office (PGENRO) Administrative Division staffs sa isinagawang Scubasurero Coastal Clean-Up Day ngayong araw Oktubre 18, 2024 sa Brgy. Campo Padre Burgos, Quezon. Katuwang ang ibat ibat kawani na nakibahagi: LGU Representatives, QPPO, BFP, MENRO, PCG, Barangay Officials, Residents, Fisherfolks. Naglalayon ito na matulungan, mapalawig at mabigyan ng kaalaman ang ating mga kalalawigan na maging mapagmasid at magbigay pagmamahal sa pangangalaga ng ating kapaligiran.

Quezon PIO

Quezon Coop Month 2024 | October 17, 2024

Ipinagdiriwang ng Lalawigan ng Quezon ang Annual Cooperative Month na idineklara sa ilalim ng Republic Act No. 11502 na may temang “Cooperatives: Stronger Together Today for a Brighter Tomorrow” sa Quezon Convention Center, Lucena City ngayong araw ng Oktubre 17.

Layunin nito na maimulat ang mga kaisipan ng ating mga kababayan lalo’t higit ang ating mga kabataan ukol sa kahalagahan ng pagiging miyembro ng kooperatiba at ang mga nagiging ambag nito sa ekonomiya ng Lalawigan ng Quezon.

Bilang pakikiisa at pagpapakita ng suporta sa 596 Cooperative sa Lalawigan ng Quezon, dinaluhan ang nasabing programa ni Governor Doktora Helen Tan kasama ang iba pang kawani ng Pamahalaang Panlalawigan.

Kasama ring ipinakilala ang pinakabagong produkto ng Rural Improvement Club ng bayan ng Mauban ang pamatid-uhaw na Calamasi Juice “Quench”, na Food and Drug Administration (FDA) approved rin.

Ipinabatid din ni Governor Tan ang taos-pusong pasasalamat sa mga kooperatiba na walang sawang tumutulong sa pagtugon sa pangangailangan ng mga mamamayan.

Quezon PIO

Lucena City Association of Private Schools (LCAPS) Teachers’ Day | October 17, 2024

Ipinagdiriwang ngayong araw ng Oktubre 17 ang Lucena City Association of Private Schools (LCAPS) Teacher’s Day sa Sacred Heart College, Lucena City.

Tinatayang may 40 na pribadong paaralan at mahigit 1000 guro ang dumalo na nagmula sa Lucena City ang nakilahok sa nasabing selebrasyon.

Dinaluhan ni Governor Doktora Helen Tan ang nasabing programa at ayon sa kanyang mensahe, bukas-palad ang Pamahalaang Panlalawigan sa mga guro na nangangailangan ng atensyong medikal gaya ng gamot. Ganyundin sa mga may nais ng Scholarship program para sa kani-kanilang Masteral.

Isang pagpupugay at pasasalamat naman ang ipinaaabot para sa mga kaguruan na walang sawang nagbibigay ng kaalaman para sa mga kabataan ng Lalawigan ng Quezon.

Quezon PIO

QPHN Candelaria 4th Founding Anniversary Celebration | October 17, 2024

Sa pangunguna ni Governor Doktora Helen Tan, ipinagdiwang ang ika-40 anibersaryo ng Quezon Provincial Hospital Network (QPHN)-Candelaria at kasabay nito’y pormal ding binasbasan ang Out-Patient Department (OPD) Complex and Adjacent Offices sa nasabing ospital ngayong araw, Oktubre 17.

Para sa mas dekalidad na serbisyo ay ipinagawa ng Pamahalaang Panlalawigan ang mga bagong pasilidad sa nasabing ospital upang mapakinabangan ng mga health workers at mga mamamayan ng Candelaria.

Asahan din ang mas malawakan pang pagpapaayos at pagpapalawak ng QPHN-Candelaria sa mga susunod pang taon para sa mas malawak pang akomodasyon ng mga mamamayan nito.

Sa huli, taos-puso ang pasasalamat ni Governor Tan sa mga health workers at nag-abiso na magkaroon ng pagmamahal at pagpapahalaga sa sinumpaang serbisyo para sa mamamayan ng Lalawigan ng Quezon.

Quezon PIO

Earthquake Information No.1 Date and Time: 17 October 2024 – 08:54 AM

Magnitude = 2.3

Depth = 011 km

Location = 14.98°N, 122.65°E – 047 km N 48° E of Jomalig (Quezon)

No significant effect monitored

Source: https://earthquake.phivolcs.dost.gov.ph/…/2024_1017…

Quezon PIO

« Previous Page