Ang LOW PRESSURE AREA sa silangan ng Aurora at naging isang ganap ng bagyo na pinangalanan na “DANTE”
Patuloy nitong pinalalakas ang HABAGAT na magdadala ng tuloy-tuloy nap ag-ulan sa kanlurang bahagi ng Luzon.
#DantePh
#QuezonProvince
#HEALINGQuezon
#SerbisyongTunayAtNatural
Quezon PIO
”Maging matalino, Huwag mag papaloko” – Department of Migrant Worker (DMW)
Pormal na nilagdaan ni Governor Doktora Helen Tan ang Memorandum of Agreement (MOA) of Anti-Illegal and Human Trafficking in Person Campaign Recruitment ngayong araw ng Martes Hulyo 22 sa 3rd Floor Capitol Building, Lucena City.
Sa Region-4A, ang lalawigan ng Quezon ang kauna-unahang nagkaroon ng ganitong kasunduan. Layunin ng nasabing MOA na siguraduhin ang kaligtasan ng mga Overseas Filipino Worker’s (OFW’s), upang maiwasan ang pangamba ng mga naiwang pamilya sa Pilipinas.
Sa pangunguna ng Quezon Provincial Public Employment Service Office (QPPESO) sa pamumuno ni QPPESO Head Genecille P. Aguirre naging katuwang ang Department of Migrant Worker (DMW), Overseas Workers Welfare Administrations (OWWA), Department of Labor and Employment (DOLE) , at Technical Education and Skills Development (TESDA), upang maibigay ang tamang proteksyon at karapatan ng mga Overseas Filipino Worker’s (OFW’s) sa lalawigan ng Quezon.
Bukod pa rito, nagkaroon din ng talakayan patungkol sa Anti-illegal Recruitment and Trafficking in Persons (AIRTIP) Campaign with Special Work Permit (SWP), Pre- Employment Services, at Welfare & Reintegration Program para sa mga Municipal Public Employment Service Office (MPESO).
Samantala, tuloy-tuloy ang pakikipagbalikatan ng Pamahalaang Panlalawigan sa mga nasyonal na ahensya upang itaguyod ang ligtas, legal at marangal na pagtatrabaho ng mga Quezonian sa ibang bansa.
#MOA
#QuezonProvince
#HEALINGQuezon
#SerbisyongTunayAtNatural
Quezon PIO
Sa pangunguna ng Provincial Youth Development Office (PYDO) na pinamumunuan ni PYDO Head John Carlo L. Villasin katuwang ang Sangguniang Kabataan Provincial Federation sa pamumuno ni Board Member Jackelyn Delimos, idinaos ang Consultative Meeting and Preparation for Quezon Linggo ng Kabataan 2025 ngayong araw Hulyo 22 sa Queen Margarette Hotel Downtown, Lucena City.
Dinaluhan ang nasabing pagpupulong ni DEPED QUEZON- Project Development Officer I Hazel Ann S. Camo, LYDO of Lucena City Rick Anthony Misiera, at QPPESO Youth Employment Focal Person Kenneth Ladlad, at tanggapan ng Panlalawigang Pederasyon ng mga Sangguniang Kabataan (PPSK), at Local Youth Development Office (LYDO) na nagtulong-tulong upang pagplanuhan ang mga posibleng aktibidad sa Linggo ng Kabataan na gaganapin sa darating na Setyembre 4 hanggang 12.
Asahan naman ang patuloy na pagsuporta ng Pamahalaang Panlalawigan sa mga Kabataang Quezonian.
#QuezonProvince
#HEALINGQuezon
#SerbisyongTunayAtNatural
Quezon PIO
Isinagawa ng Office of the Provincial Veterinarian (OPV) ang isang Veterinary Medical Mission with Spay and Castration noong Hulyo 18, 2025 sa bayan ng Catanauan, Quezon. Layunin ng aktibidad na isulong ang responsableng pag-aalaga ng hayop at kontrolin ang pagdami ng populasyon ng mga ito sa komunidad.
Pinangunahan nina Dr. Philip Augustus Maristela at Dr. Camille Calaycay, kasama ang mga technical personnel ng OPV ang naturang aktibidad. Katuwang sa pagsasagawa ng programa ang Office of the Municipal Agriculturist ng Catanauan sa pamumuno ni MA Liwayway Pizarra.
Sa nasabing aktibidad, 68 na kliyente ang nakinabang sa iba’t ibang serbisyong inihatid ng OPV. Sa bilang na ito, 23 na alagang hayop ang isinailalim sa spay at castration, habang 57 na alagang hayop ang nabigyan ng libreng konsultasyon at veterinary medicines tulad ng bitamina at iba pang gamot.
Ang programang ito ay bahagi ng patuloy na kampanya ng OPV para sa pagpapabuti ng kalusugan at kapakanan ng mga alagang hayop, at sa pagpapalaganap ng kaalaman ukol sa rabies prevention bilang bahagi ng pangangalaga sa kaligtasan ng publiko.
#𝐏𝐫𝐨𝐯𝐞𝐭𝐪𝐮𝐞𝐳𝐨𝐧
#𝐏𝐫𝐨𝐯𝐢𝐧𝐜𝐢𝐚𝐥𝐆𝐨𝐯𝐞𝐫𝐧𝐦𝐞𝐧𝐭𝐨𝐟𝐐𝐮𝐞𝐳𝐨𝐧
#𝐐𝐮𝐞𝐳𝐨𝐧𝐏𝐫𝐨𝐯𝐢𝐧𝐜𝐞
Quezon PIO / ProVet
Maulan man, masiglang pinasimulan ng Provincial Social Welfare and Development Office (PSWDO) sa pangunguna ni Ms. Sonia S. Leyson ang 47th National Disability Rights Week ngayong araw ng Martes, Hulyo 22 sa Quezon Convention Center, Lucena City.
Ang selebrasyon na ito na may temang: Innovation for Inclusion: Building Inclusive Communities Together, ay alinsunod sa Proclamation No. 597 s. 2024 kung saan idinedeklara nito ang Hulyo 17 hanggang Hulyo 23 kada taon bilang “National Disability Rights Week”.
Ito ay dinaluhan ni Governor Doktora Helen Tan kasama ang mga Board Member ng Sangguniang Panlalawigan, Quezon Provincial Federation of Person With Disability (QPFWD), at Quezon Province Alliance of Persons with Disability Affairs Officers (QPAPDAO) mula sa una hanggang ika-apat na distrito ng Lalawigan ng Quezon.
Samantala, nagbahagi dito si NCDA Deputy Executive Director Mr. Dandy C. Victa bilang guest speaker ng patungkol sa mga batas na tutulong sa mga differently abled person, at ang isinusulong na unified ID system para sa mga PWD, may presentasyon din patungkol sa PhilHealth Konsulta Package, at Adult-Pinggang Pinoy na itinuturo ang kahalagahan sa pagkakaroon ng tamang Healthy Diet.
Nagkaroon naman ng ilang aktibidad gaya ng Talent and Skills Competition, Painting Contest, PWD Talent Video Contest, Sign Language Song Interpretation Contest, at Raffle draw.
#QuezonProvince
#HEALINGQuezon
#SerbisyongTunayAtNatural
Quezon PIO / PSWDO
Inilunsad ang “PalaySikaSTAN” Project sa ilalim ng Tulay ng Progreso sa Agrikultura at Pangisdaan Program sa Brgy. Alupaye, Pagbilao, Quezon.
Ang proyektong ito ay nahahati sa tatlong (3) bahagi, na nagbibigay pokus sa:
1. Technology and Infrastructures – para sa modernisasyon ng produksyon;
2. Agri-Fishery Empowerment – para sa pagpapalakas ng kakayahan ng mga magsasaka;
3. Network and Enterprise Development – upang tiyakin ang tuloy-tuloy na kita at sustinableng kabuhayan.
Layunin ng PalaySikaSTAN Project na maitaas ang ani at kita mula sa pagtatanim at pagkakaroon ng tiyak na merkado ng ating mga magsasaka sa pamamagitan ng pagbibigay ng kumpletong suporta at interbensyon sa produksyon ng palay – kabilang ang teknikal na pagsasanay, pest and disease management, at akses sa makabagong teknolohiya sa pagsasaka at pagnenegosyo.
Kaakibat nito ay ipinaliwanag rin ni G. Edilberto Labitigan mula sa CPINM Unit ang resulta ng ginawang pagsusuri ng lupa sa kanilang mga taniman kung saan naka saad Dito Ang mga sustansyang kulang at mga kailangang abuno ,uri at Dami na kailangan upang higit naadagdagan ang kanilang ani at kita ganun din mabawasan ang gastusin sa pag bili ng abonong kemikal. Tinalakay rin ang pangangasiwa sa mga rice pests and diseases sa pangunguna ni G. Junvee M. Ronquillo, IPM/Training Coordinator mula sa Rice Industry Development Unit.
Buo rin ang pagsuporta ng mga pampubliko at pampribadong tanggapan tulad nina Gng. Mae Empleo, kinatawan ni Mayor Angelica Portes-Tatlonghari, Municipal Agriculturist Rosalie G. Recaro, National Food Authority (NFA) Assistant Branch Manager ng Fernando Sanque, Gng. Remedios Oreto at G. Oliver Rutaqui, mga kinatawan ng National Irrigation Administration (NIA), at Assistant Provincial Agriculturist Alexander C. Garcia.
Ang aktibidad na ito ay pinangunahan ng Office of the Provincial Agriculturist -Agri-Enterprise Development Division, Crop Production Development Division, Agriculture Biosystem Egineering Division,at Agricultural Support Services Division.
#QuezonProvince
#PalaySikatSTANproject
#riceproductivityenhancement
#OPAQuezon
#opaquezonfitscenter
Quezon PIO / Prov. Agriculture
Perma Youth Camp 2025, inilunsad sa Quezon!
Inilunsad ng Habilin Farms, isa sa mga pilot farms na nagsusulong ng agri-tourism sa Quezon, ang Perma Youth Camp para sa 27 delegado mula sa iba’t-ibang probinsya sa CALABARZON simula nitong Hulyo 16 hanggang Hulyo 20, 2025 sa Habilin Farms, Tayabas City, Quezon.
Kaisa ang DA ATI Calabarzon, OPA Quezon at 4H Club Quezon, ay buong kagalakang ibinahagi ni G. Ben Francia ang sistema ng permaculture o ang pagkakaroon ng sustenableng sakahan kasabay ang pangagalaga sa kalikasan. Bahagi rin nito ang kaalaman sa paglinang ng mga putaheng maaaring matagpuan sa kagubatan na natural tumutubo sa ating kalikasan at maaaring pagkakitaan.
#youngagriculturists
#4HClubQuezon
#OPAQuezon
#opaquezonfitscenter
Quezon PIO
Alinsunod sa rekomendasyon ng National Disaster Risk Reduction and Management Council kaugnay ng patuloy na malakas na pag-ulan dulot ng habagat, ang pasok sa mga tanggapan ng pamahalaan at klase sa lahat ng antas sa Lalawigan ng Quezon ay suspendido sa Hulyo 23, 2025 (WEDNESDAY).
#WalangPasok
#QuezonProvince
#HEALINGQuezon
#SerbisyongTunayAtNatural
Quezon PIO
Queen Margarette Hotel Domoit, Lucena City
https://www.facebook.com/share/v/1FjRXnQJKJ/
Quezon PIO
TINGNAN: Isinagawa nitong araw ng Lunes, Hulyo 21, ang Regular Monthly Meeting ng Provincial School Board (PSB) sa pangunguna ni PSB Chairperson, Governor Doktora Helen Tan, katuwang ang mga kinatawan mula sa Department of Education (DepEd) Quezon at iba pang miyembro ng nasabing konseho.
Isa sa mga pangunahing paksa sa pagpupulong ang mga preparasyon para sa nalalapit na Quezon Educators’ Research Convention na gaganapin sa buwan ng Agosto, kasabay ng pagdiriwang ng Niyogyugan Festival 2025. Layunin ng aktibidad na palalimin ang kultura ng pananaliksik sa hanay ng mga guro sa lalawigan. Tinalakay ang mga konkretong hakbang at plano upang matiyak ang maayos na daloy at matagumpay na pagsasakatuparan ng nasabing convention.
Bukod dito, nagbahagi rin ng mga detalye kaugnay sa Palarong Quezonian S.Y 2025–2026 kung saan kabilang sa mga tinalakay ay ang Sports Competition Program Timeline, mga isasagawang sports events, at ang mga venue na gagamitin para sa mga palaro.
#QuezonProvince
#HEALINGQuezon
#SerbisyongTunayAtNatural
Quezon PIO