Regional Peace & Order Council 4th Quarterly Meeting | November 17, 2023

Pinangunahan ni Governor Doktora Helen Tan ang ginanap na 4th Quarter Regional Peace and Order Council Meeting sa Manila Marriott Hotel, Pasay City ngayong araw ng Biyernes, Nobyembre 17.

Bilang Chairperson ng nasabing konseho, nakipagtalakayan ang Gobernadora patungkol sa kinahaharap na isyu at suliranin ng mga lalawigan sa Region IV-A pagdating sa pagpapanatili ng kaligtasan at pamumuhay ng bawat mamamayan nito.

Magpapatuloy naman ang pakikipag-ugnayan ng bawat kapulisan at kasundaluhan sa CALABARZON upang masigurong magiging maayos at payapa ang buong rehiyon.

Source: Quezon PIO

Assessment & Evaluation For Local Legislative Awards | November 17, 2023

Ngayong araw ng Biyernes, Nobyembre 17 isinagawa sa Kalilayan Hall, Lucena City ang assessment at evaluation ng mga Sangguniang Bayan Members ng iba’t ibang munisipalidad sa Quezon na maayos at tapat na ginampanan ang kanilang mga tungkulin.

Ito’y bilang bahagi ng gaganaping Local Legislative Awards na isa sa mga gaganaping aktibidad ng Philippine Councilors’ League (PCL) Quezon Federation sa darating Nobyembre 29 hanggang Disyembre 1.

Masusing inisa-isa ng bawat miyembro ng Award Committee ang mga requirements kung kwalipikado na mabigyang pagkilala at kagawaran ang isang lingkod bayan, upang mabigyan din sila ng motibasyon sa patuloy na pagbibigay ng dekalidad na serbisyo para sa kanilang mga nasakupan.

Pinangunahan naman ito PCL Quezon President – Board Member Angelo Eduarte, kasama sina 2nd District Board Member Vinnette Alcala Naca, QPIO Head Jun Lubid, PYDO Head Carlo Villasin, Ms. Fiona Arce ng DILG, at Ms. Donna Glinoga Ellazar ng Academe bilang mga miyembro ng nasabing komitiba.

Source: Quezon PIO

Quezon Pasiklaban & Gabi ng Kabataang Quezonian 2023 | November 16, 2023

Bilang bahagi ng selebrasyon ng Linggo ng Kabataan sa Quezon, ginanap kahapon araw ng Huwebes, Nobyembre 16 ang Pasiklaban at Gabi ng Natatanging Kabataang Quezonian sa Quezon Convention Center, Lucena City.

Pinangunahan ni Provincial Youth Development Officer Carlo Villasin ang naturang programa kung saan nagkaroon ng singing, dance at battle of the bands competition na masaya namang sinalihan ng mga kabataan mula sa iba’t-ibang bayan sa lalawigan ng Quezon.

Layon ng programang ito na maipakita ang angking galing at husay ng mga kabataang Quezonian sa iba’t-ibang larangan at makapaghatid ng kasiyahan sa bawat isang nakinuod sa naturang patimpalak.

Sa huli, pinarangalan ang mga nagwagi sa nasabing kompetisyon.

Singing Contest:

Champion – Mariah Jannah Urgilles (Polilio)

1st Runner Up – Rhona May Regencia (Mulanay)

2nd Runner Up – Denmark Recaido (General Luna)

Dance Contest:

Champion – Ex-Mob (Gumaca)

1st Runner Up – Project Monster (Pagbilao)

2nd Runner Up- SMD (Atimonan)

Battle of the Bands:

Champion – Enharmonics Band (Atimonan)

1st Runner Up -7 HAF Band (Plaridel)

2nd Runner Up – Yesterday’s Paranoia (Lucena)

Binigyang pagkilala rin ang mga natatanging Kabataang Quezonian para sa taong 2023 na sina Ramiline Resplandor, Samboy Niala, Minoli Caezar Palma at Jaymark Velasco.

Lubos naman ang suporta ng Pamahalaang Panlalawigan sa programang tulad nito na nakatutulong upang malinang ang iba’t ibang kakayanan at talento ng mga kabataan sa buong lalawigan ng Quezon.

Source: Quezon PIO

Formulation of Wildlife Resources Protection & Conservation Action Plan | November 15-16, 2023

Pinangunahan ng Quezon Provincial Goverment Environment and Natural Resources Office ang isinagawang “Training workshop on the Formulation of Wildlife Resources Protection and Conservation Action Plan” sa pamumuno ni PGENRO Office-In-Charge John Francis Luzano na ginanap kahapon, Nobyembre 16 sa St. Jude Cooperative Hotel, Tayabas City.

Dumalo sa nasabing pagsasanay si Governor Dokotora Helan Tan kung saan siya’y nagbigay mensahe at suporta kung gaano kahalaga ang pagkakaroon ng tamang kaalaman at implementasyon sa pag-rescue sa mga wildlife animals.

Napag-usapan naman kung paano mapapangalagaan ng tama ang mga wildlife animals na narerecover para maiwasan ang pagkasawi at maibalik ng tama sa kagubatan.

Samantala, nakiisa rin sina DENR CALABARZON Ecosystems Management Specialist II For. Ingrid De Leon, Batangas PENRO Chief Atty. Liezl Escalanda De Mesa, PG-ENRO Forest Mangement Division Head Lyndon T. Luna, at ibat’t-ibang ahensya gaya ng Quezon Provincial Veterinarian Office, MENRO ng mga bayan sa lalawigan, PNP at BFP.

Asahan na hindi titigil sa pagpapatupad ng mga programa ang pamahalaang panlalawigan upang mapabuti ang kalidad ng kalikasan at mga hayop na naninirahan dito.

Source: Quezon PIO

Awarding of Livelihood Assistance to Dependents of KIA/WIA | November 16, 2023

Ngayong araw ng Huwebes, Nobyembre 16 isinagawa ang paggawad ng tulong pangkabuhayan sa mga pamilya ng mga nasugatan at nasawing Citizen Armed Force Geographical Unit (CAFGU) sa naganap na engkwentro nitong nakaraang Setyembre sa bayan ng Tagkawayan, Quezon.

Ang nasabing tulong pangkabuhayan ay hatid ng Department of Labor and Employment (DOLE), at sa inisyatibo ni Governor Doktora Helen Tan katuwang si 4th District Congressman Atty. Mike Tan kung saan ito ay binubuo ng bigasan package at sari-sari store package na personal na hiniling ng mga pamilya ng mga biktima base sa kanilang pangangailangan.

Giit ng Gobernadora na hindi mapapalitan ng tulong na ibinigay ang buhay ng mga kapamilyang nasawi ngunit nawa’y makatulong ang naturang pangkabuhayan na mapunan ang ilang responsibilidad na naiwan ng mga nasabing CAFGU.

Siniguro rin na parating magiging kaagapay ng mga naulilang pamilya ang pamahalaang panlalawigan ng Quezon upang makabangon at makapagsimula silang muli.

Samantala, nakasama sa pamamahagi sina DOLE – Quezon Provincial Director Edwin Hernandez, at Acting Civil Military Operating Officer 1LT Prillyn Dela Cruz ng 85th Infantry Battalion 2nd Infantry Division Philippine Army.

Source: Quezon PIO

AICS Payout – Tayabas City | November 16, 2023

Namahagi ng tulong pinansyal para sa mga benepisyaro ng programang Aid to Individual In Crisis Situation (AICS) sa bayan ng Tayabas kahapon ng Huwebes, Nobyembre 16.

Sa pangunguna ni Governor Doktora Helen Tan katuwang ang Provincial Social Welfare and Development Office (PSWDO) at Provincial Treasurer’s Office (PTO), natanggap ng 445 na mamamayan sa nasabing bayan ang tulong na mapakikinabangan upang maibsan ang kanilang mga suliranin sa buhay.

Source: Quezon PIO

Paghahatid ng Iba’t ibang Programa at Proyektong Lubos na Mapakikinabangan | November 17, 2023

Sa layunin na matugunan ang mga sulirinaning kinahaharap ng bawat mamamayang Quezonian, patuloy na pinagsusumikapan ng Pamahalaang Panlalawigan ang paghahatid ng iba’t ibang programa at proyektong lubos na mapakikinabangan.

Isa na rito ang pagbabahagi ng tulong pinansyal mula sa programang AICS o Aid to Indiviidual in Crisis Situation na walang humpay na ibinibigay upang mabawasan ang mga pansanin ng ating mga kalalawigan.

Asahan na hindi titigil ang Pamahalaang Panlalawigan sa pagpapatupad ng mga serbisyong makapag-aangat sa pamumuhay ng bawat mamamayan sa lalawigan ng Quezon.

Source: Quezon PIO

Quezon Youth Conference – Linggo ng Kabataan 2023 | November 15-16, 2023

Bilang bahagi ng pagdiriwang ng Linggo ng Kabataan 2023, pinangunahan ng Provincial Youth Development Office sa pamumuno ni Sir John Carlo L. Villasin ang isinagawang Quezon Youth Conference mula Nobyembre 15 at 16 sa St. Jude Cooperative Hotel, Tayabas City.

Nagbigay mensahe at inspirasyon si Governor Doktora Helen Tan sa mga kabataang lider na magsisilbing mabuting huwaran ng bawat kabataan sa lalawigan ng Quezon.

Layon ng pagpupulong na malinang o mahasa ang kaalaman ng mga kabataang lider na mapalawak ang pang-unawa sa paglilingkod sa kanilang komunidad at mamulat sa kung ano talaga ang kinakakailangan tugunan sa mga kalagayan ng mga kabataan sa bawat barangay.

Samantala, naging resource speaker naman sina MSEUF Director Office of Scholarship, Placement and Alumni Relations and College Lecturer, Maria Isabel D. Granada, DILG Cluster Head Gerardo Gabin, MSEUF Health and Safety Officer Arby S. Lagman.

Dumalo rin sa nasabing programa sina Ms. Alex Alcala na representante ni Vice Governor Third Alcala, Bokal JJ Aquivido at Bokal Iris Armando.

Buo ang suporta ng pamahalaang panlalawigan sa lahat ng kabataang lider at mga programa at proyekto na makakatulong ma-iangat ang sektor ng kabataan sa buong lalawigan.

Source: Quezon PIO

Road Advisory | November 15, 2023

Due to the presence of developed potholes caused by continuous rainfall, travelers are advised to take extra precaution while traversing our Road Sections along Maharlika Highway from Pagbilao, Quezon to Calauag, Quezon including Quirino Highway Section at Tagkawayan, Quezon.

Rest assured that the safety of the public is our top priority, our Maintenance Personnel are doing a temporary pothole patching and flood waterways clearing activities to maintain our national roads.

Source: Department of Public Works and Highways (DPWH) Region IV-A, Quezon 4th DEO

Quezon Weather Forecast | Issued at 5:00am – November 15, 2023

𝐕𝐚𝐥𝐢𝐝 𝐁𝐞𝐠𝐢𝐧𝐧𝐢𝐧𝐠: 𝟓:𝟎𝟎 𝐀𝐌 – 𝟓:𝟎𝟎 𝐏𝐌 𝐭𝐨𝐝𝐚𝐲

𝟓:𝟎𝟎 𝐀𝐌- 𝟏𝟏:𝟎𝟎 𝐀𝐌

WEATHER: Maulap na kalangitan na may kalat-kalat na Pag-ulan at pagkulog at pagkidlat sa maliit na bahagi ng lalawigan

WIND: Katamtaman na may paminsan minsan na lakas ng hangin mula sa hilagang-silangan

COASTAL: Katamtamang na may paminsan minsan malakas na alon sa karagatan

TEMPERATURE: 30-23°C

𝟏𝟏:𝟎𝟎 𝐀𝐌- 𝟓:𝟎𝟎 𝐏𝐌

WEATHER:Maulap na kalangitan na may kalat-kalat na Pag-ulan at pagkulog at pagkidlat sa maliit na bahagi ng lalawigan

WIND: Katamtaman na may paminsan minsan na lakas ng hangin mula sa hilagang-silangan

COASTALKatamtamang na may paminsan minsan malakas na alon sa karagatan

TEMPERATURE: 26-24°C

Source: Quezon PDRRMO