PNMC – QMAO – QFBNS – 4th Quarter Meeting | December 13, 2023

Ginanap ngayong umaga ng Huwebes, Disyembre 14 ang 4th Quarter Meeting ng Provincial Nutrition Multi-Sectoral Council (PNMC) kasama ang Association of Quezon Municipal Action Officers (QMAO) at Quezon Federation of Barangay Nutrition Scholars (QFBNS).

Sa mensahe ni Governor Doktora Helen Tan, hangad niya na buong pusong seryosohin ng mga lider at mga Nutrition implementer ang pagtugon sa problema ng malnutrisyon sa lalawigan ng Quezon.

Hamon niya sa mga ito na doblehin pa ang pagpupursige upang epektibong maimplementa ang mga programang ipinapatupad, at ipapatupad pa para makamit ang minimithi na wala ng bata sa lalawigan ang dumanas ng malnutrisyon.

Buong sikap naman ginagawa ng Provincial Nutrition Action Office sa pangunguna ni PNAO Joan Maricel Zeta-Decena upang matugunan ang mga kinakailangang aksyon na masolusyonan ang malnutrisyon.

Source: Quezon PIO

Blessing of Dialysis Center – QPHN – Claro M. Recto District Hospital | December 13, 2023

Pinasinayaan na ang pinakabagong Dialysis Center sa bayan ng Infanta ngayong araw, Disyembre 13.

Sa inisyatibo at pagtutulungan nina Governor Doktora Helan Tan, Congressman Mark Enverga, former Congw. Trina Enverga, Vice Mayor L.A Ruanto at pamunuan ng Total Care Dialysis Center ay nagkaroon na ng katuparan para sa mga mamamayan ng Infanta at buong REINA-POGI area na sumasailalim sa pagda-dialysis ang magkaroon ng sariling dialysis center sa kanilang lugar.

Mapapagaan nito ang pasanin ng mga pasyenteng nagpapagamot sa malalayong lugar gaya ng pagpunta sa Lucena at karatig probinsya na gumugugol ng halos kalahating araw maibsan lamang ang kanilang mga sakit at karamdaman.

Tuloy-tuloy ang pagsusumikap ng pamahalaang panlalawigan na maibigay ang nararapat na tulong para sa mga kalalawigan nating may iniindang karamdaman.

Source: Quezon PIO

AV Fistula Caravan | December 13, 2023

Ngayong araw ng Miyerkules, Disyembre 13 isinagawa ang AV Fistula Caravan sa Quezon Provincial Hospital Network – Quezon Medical Center (QPHN-QMC), kung saan 63 dialysis patients mula sa iba’t-ibang bayan ng lalawigan ang nabigyan ng libreng serbisyo.

Naisakatuparan naman ang nasabing programa sa pagtutulungan nina Governor Doktora Helen Tan at 4th District Congressman Atorni Mike Tan katuwang ang East Avenue Medical Center (EAMC), RAKKK Prophet Medical Center Inc., at Philippine Association of Thoracic, Cardiac, and Vascular Surgeons, Inc. (PATACSI).

Ang AV Fistula ay karaniwang ginagamit na access sa mga naghehemodialysis, at nagagamit sa mas mahabang panahon kung kaya’t lubos na pinahahalagahan na maihatid ang libreng serbisyong medikal na ito para sa bawat Quezonian na nagpapadialysis.

Source: Quezon PIO

Fisherfolks Assembly | December 13, 2023

Sa panahon ng amihan ay mahina ang huli ng isda sa karagatan kung kaya’t agarang nagpaabot si Governor Doktora Helen Tan ng tulong sa mahigit tatlong libong mangingisda sa Barangay Dinahican sa bayan ng Infanta ngayong araw, Disyembre 13.

Sa pamamagitan ng tanggapan ng Department of Social Welfare and Development Office sa pangunguna ni DSWD Secretary Rex Gatchalian ay agarang naihatid ang 3,000 food pax sa mga mangingisda sa nasabing lugar.

Pinasalamatan naman ito ng mga benepisyaryo sapagkat malaking tulong ito upang mabawasan ang kanilang gastusin sa pagkain sa pang araw-araw.

Source: Quezon PIO

Media Summit 2023 | December 12, 2023

Ngayong araw ng Martes, Disyembre 12 isinagawa ang Media Summit 2023 sa pangunguna ng PhilHealth na may temang “Pagbibigay Kaalaman, Pasasalamat, at Pagkilala” na ginanap sa St. Jude Coop Hotel and Event Center, Tayabas City.

Layon ng nasabing summit na mabigyang kilala ang mga mamamahayag sa lalawigan na parating katuwang ng PhilHealth sa paghahatid ng mga impormasyon para sa publiko.

Dinaluhan naman ito ni Provincial Information Officer Jun Lubid bilang kinatawan ni Governor Doktora Helen Tan kung saan ay ipinaabot ang mensahe ng pagsuporta sa nasabing ahensya gayundin sa bawat mamamahayag upang maihatid ang mga programang lubos na mapapakinabangan ng bawat mamamayan sa Quezon, gaya na lamang ng Konsulta Package at ang implementasyon ng Universal Health Care Act kung saan ay ang gobernadora ang principal author noong siya’y kongresista pa.

Asahan na patuloy na makikipagbalikatan Pamahalaang Panlalawigan sa nasabing ahensya gayundin sa bawat mamamahayag ng lalawigan upang patuloy ring maisaayos ang sektor ng kalusugan para sa bawat mamamayan ng Quezon.

Source: Quezon PIO

Orientation of Newly Elected Barangay Officials | December 11, 2023

Nagtipon-tipon nitong Disyembre 11 sa Quezon Convention Center, Lucena City ang 1,209 barangay officials upang isagawa ang orientation seminar ng Barangay Newly Elected Official sa pangunguna ng Liga ng mga Barangay (LNMB) – Quezon Chapter.

Hangad ni LNMP-Quezon President & 2nd District Board Member Ireneo Boongaling na maihahatid ng bawat opisyal ang dekalidad na serbisyo at mahusay na pamumuno para sa kapakanan ng mga Quezonian.

Dinaluhan naman ang nasabing aktibidad nina Vice Governor Anacleto “Third” Alcala, DILG Quezon Provincial Director Abigael Andres, Provincial Administrator Manuel Butardo, at iba pang kawani ng Pamahalaang Panlalawigan upang ipakita ang kanilang suporta.

Source: Quezon PIO

Congratulations, Quezon Provincial Hospital Network – Quezon Medical Center!

Matagumpay na naipasa ng QPHN-QMC ang Stage 2 Audit ng ISO 9001:2015 Quality Management System, kung saan ay isang masaysayang achievement dahil ito ang kauna-unahang DOH Level III Provincial hospital sa buong Pilipinas na nakakuha nito.

Isa lamang ito sa mga bunga ng patuloy na hakbangin upang maisaayos at maitaas ang kalagayan ng kalusugan sa lalawigan ng Quezon.

Source: Quezon PIO

23rd Gawad Kalasag National Awarding Ceremony | December 11, 2023

Buong-pusong tinanggap ni Governor Doktora Helen Tan ang parangal sa Lalawigan ng Quezon bilang Beyond Compliant Province sa ginanap na 23rd Gawad Kalasag National Awarding Ceremony ngayong araw, Disyembre 11 sa Manila Hotel, Ermita, Manila.

Nakakuha ang lalawigan ng 2.50 rating, kung saan ay isang patunay sa husay at epektibong pamamahala ng Local Disaster Risk Reduction and Management Councils and Offices (LDRRMCOs) sa kahandaan at pagtugon sa oras ng anumang sakuna at kalamidad.

Asahan naman na patuloy ang paghahatid ng serbisyong magpapanatili ng kaligtasan ng bawat mamamayan sa lalawigan ng Quezon, sa pangunguna ng Quezon Provincial Disaster Risk Reduction and Management Office (QPDRRMO) na pinamumunuan ni Dr. Melchor Avenilla Jr.

Congratulations!

Source: Quezon PIO

Regional Unified Communications (UNICOMM) Assembly | December 11, 2023

Ginanap ngayong araw ng Lunes, Disyembre 11 ang kaunahang Regional Unified Communications (UniComm) Assembly IV-A sa Queen Margarette Hotel, Lucena City.

Dinaluhan ito ng mga Public Information Officers mula sa iba’t-ibang munisipalidad sa lalawigan ng Quezon, gayundin nang mga representante mula sa iba’t-ibang ahensya ng pamahalaan. Kasama rin sa mga nagpaunlak sa imbitasyon ang mga media partners mula sa nasyonal at lokal na media network kabilang si Philippine Information Agency Deputy Director General Asec. Katherine Chloe De Castro.

Pinangunanahan nina Assistant Secretary for Digital Media and Communications Asec. Patricia Kayle Martin at Director III for Digital Media and Communications Dir. Faith De Guia na parehong mula sa Presidential Communications Office ang talakayan patungkol sa “Communicating under this Administration’s Brand of Leadership: Bagong Pilipinas” at ang “Unified Message on Issues that Affect the Nation” kung saan nagkaroon ng diskusyon patungkol sa ilang mga katanungan na nais mabigyang linaw ng mga mamamahayag sa lalawigan.

Nagpabatid naman ng suporta si Governor Doktora Helen Tan sa pamamagitan ng kaniyang kinatawan na si Provincial Information Officer Jun Lubid.

Malaki ang tungkuling ginagampanan ng bawat mamamahayag sa buong lalawigan sa paghahatid ng totoo, tama at napapanahong impormasyon kung kaya’t mahalaga ang pagkakaroon ng ganitong pagtitipon upang mas lalong mapatibay ang ugnayan ng nasyonal at lokal na media network para sa mas mabilis na pagtugon sa mga impormasyong kinakailangang maibahagi sa mga mamamayan.

Source: Quezon PIO

Ika-74 Pangkaraniwang Pulong ng Sangguniang Panlalawigan ng Quezon | December 11, 2023

Ngayong araw ng Lunes, Disyembre 11, ginanap via Zoom Conference ang ika-74 Pangkaraniwang Pulong ng Sangguniang Panlalawigan ng Quezon kung saan inaprubahan ang iba’t ibang atas tagapagganap, ordinansa, at resolusyon na layong paunlarin ang iba’t ibang sektor sa lalawigan.

Ilan sa mga napagtibay sa sesyon ay ang resolusyon para sa Supplemental Budget No. 2 CY 2023 (Economic Enterpirse) at Supplemental Budget No. 2 (General Fund) na mula sa tanggapan ni Governor Doktora Helen Tan. Nagkaroon din ng diskusyon sa mga Appropriation Ordinance mula sa iba’t ibang bayan at lungsod sa lalawigan ng Quezon, kung saan inaprubahan din sa kaparehong araw.

Asahan na hindi titigil ang Sangguniang Panlalawigan sa pagpapatupad ng mga polisiya at serbisyong panglehistura na lubos na mapapakinabangan upang maitaas kalagayan ng pamumuhay ng bawat mamamayang Quezonian.

Source: Quezon PIO