TINGNAN: Malugod na pinaunlakan ni Governor Doktora Helen Tan ang pagbisita ng pamunuan ng Philippine Association of Medical Technologists, Inc. (PAMET, Inc) Quezon Chapter ngayong araw ng Lunes, Enero 22.
Source: Quezon PIO
TINGNAN: Bumisita sa tanggapan ni Gobernor Doktora Helen Tan ang samahan ng Philippine Coast Guard (PCG) Station Southern Quezon sa pangunguna ni CGLT Atanasio Lucky Barba ngayong araw ng Lunes, Enero 22.
Source: Quezon PIO
Tuloy-tuloy ang Sangguniang Panlalawigan sa pangunguna ni Presiding Officer Vice Governor Third Alcala sa pagbabalangkas ng mga ordinansa, polisiya, at mga atas tagapagpaganap sa ginanap na ika-80 Pangkaraniwang Pulong ngayong araw ng Lunes, Enero 22.
Ilan sa mga naipasa sa pangalawa at huling pagbasa ay ang mga liham mula kay Governor Doktora Helen Tan na nagpapahintulot sa kanya na pumasok sa mga kasunduan na magbebenepisyo sa mas maayos na serbisyong pangkalusugan.
Gayundin ang pagpapasa sa iba’t ibang usaping pang edukasyon, agrikultura, kabuhayan, imprastraktura, kalikasan, turismo at maayos na pamamahala ng mga bayan sa lalawigan ng Quezon.
Source: Quezon PIO
Ngayong araw ng Lunes, Enero 22 nagkaroon muli ng pagpupulong ang mga namumuno ng bawat tanggapan sa pangunguna ni Gobernor Doktora Helen Tan.
Ilan sa mga tinalakay ay ang mga ulat patungkol sa mga naisagawa at kasalukuyang ginagawa ng bawat opisina sa Pamahalaang Panlalawigan kabilang ang mga paghahanda para sa Seal of Good Local Governance, paggamit ng pondo para sa mga programang dapat pang maimplementa, at ilang mga paalala na may kaugnayan sa kaayusan ng bawat tanggapan.
Nais ng Gobernadora na malaman ng maaga ang mga issues at concerns upang matugunan nang mas mabilis at tama para sa patuloy na paghahatid ng maayos na serbisyo para sa mga mamamayan ng Quezon.
Source: Quezon PIO
Sa pangunguna ni Governor Doktora Helen Tan katuwang ang Provincial Social Welfare and Development Office (PSWDO), naipagkaloob sa tinatayang 900 na mamamayan ng lungsod ng Lucena ang tulong pinasyal mula sa programang AICS o Aid to Individuals in Crisis Situation, ngayong araw, Enero 22.
Asahan na patuloy ang paghahatid ng Pamahalaang Panlalawigan ng mga programa at proyektong mapakikinabangan ng bawat mamamayan upang patuloy rin ang pag-unlad ng lalawigan ng Quezon.
Source: Quezon PIO
TINGNAN: Isinagawa ngayong araw, Enero 22 ang pormal na pagbabasbas ng mga bagong sasakyan na magagamit ng iba’t ibang tanggpan sa pamahalaang panlalawigan upang masiguro na maihahatid ang mga serbisyong tutugon sa mga nangangailangang mamamayan ng Quezon.
Source: Quezon PIO
TINGNAN: Pinangunahan ni Governor Doktora Helen ang pamamahagi ng 10,000 armchairs at 5,000 monoblocks para sa mga paaralan ng iba’t-ibang bayan ng apat na distrito ng lalawigan ng Quezon.
Layon nitong makatulong upang mas maging komportable ang pag-aaral ng bawat estudyanteng hinahangad na makapagtapos para sa maayos na kinabukasan.
Source: Quezon PIO
“Kasunduan natin ngayong araw na ito na magiging aktibo kayo sa mga gawain upang maiwasan natin ang krimen sa inyong mga lugar”
Ito ang sinabi ni Governor Doktora Helen Tan sa ikalawang pagtitipon ng mga Barangay Tanod na ginanap ngayong araw ng Biyernes, Enero 19 sa Quezon Convention Center, Lucena City.
Dinaluhan ng 2,703 barangay tanod mula sa bayan ng Tayabas, Lucban, Sampaloc, Mauban, Pagbilao, Padre Burgos, Agdangan at Unisan ang aktibidad na inilaan bilang pagkilala at pagpapahalaga sa kanilang mga ginagampanang tungkulin at responsibilidad na mas maging maayos at mapayapa ang kanilang mga nasasakupang barangay.
Nakibahagi rin sa aktibidad na ito sina Vice Governor Third Alcala, Board Member Jerry Talaga, Board Member JJ Aquivido, Board Member Jacky Delimos, kinatawan ng Provincial Legal Office Atty. Angelica Naca, PLTCol Alexis Nava, at QPPO Legal Officer PLTCol Ric Colinio.
Sa huli, nagkaroon ng pagbabahagi ng kaalaman ukol sa basic peace keeping responsibility gayundin ng duties and functions and orientation of citizen’s arrest na tiyak na makakatulong para sa pagpapaunlad ng kanilang mga gampanin para sa ating mga kalalawigan.
Source: Quezon PIO
Dumalo si Governor Doktora Helen Tan sa 103rd National Executive Board Meeting of the Union of Local Authorities of the Philippines (ULAP) ngayong araw, Enero 18 sa Makati City, Metro Manila.
Ang ULAP ay isang organisasyon na binubuo ng mga pinuno ng Local Government Unit sa buong bansa upang patuloy na maisulong ang pagpapalakas sa kapasidad ng bawat LGU tungo sa mas maayos at epektibong pamamahala.
Source: Quezon PIO
Isang pagpupugay para sa ating mga nagretirong kawani ng Pamahalaang Panlalawigan ng Quezon!
Upang mabigyan ng pagkilala ang husay at dedikasyon ng kanilang mahabang panahon na paglilingkod para sa kagalingan ng lalawigan, ginawaran ng plake at insentibo ang 42 retirees mula sa iba’t-ibang tanggapan ng pamahalaang panlalawigan sa isinagawang programa ngayong araw, Enero 17.
Dinaluhan ito ni Governor Doktora Helen Tan kasama sina Provincial Administrator Manuel Butardo, Board Member Harold Butardo, HRMO Head Rowell Napeñas, PPDC Head Engr. Russel Narte, Provincial Treasurer Rosario Marilou Uy, at ibang pang punong tanggapan.
Hangad naman ng gobernadora na ang kanilang mga bitbit na kaalaman sa serbisyo ay maibabahagi at magsilbing inspirasyon sa mga kasalukuyang kawani.
Source: Quezon PIO