Blessing of Barangay Hall – Lopez, Quezon | March 07, 2024

Tuloy-tuloy ang pagbisita ni Governor Doktora Helen Tan sa iba’t-ibang Barangay sa bayan ng Lopez nitong araw ng Huwebes, Marso 7 kung saan isinagawa rin ang pagbabasbas ng bagong two-storey Barangay Hall para naman sa mga mamamayan ng Brgy. Samat.

Nagmula sa Sariling Sikap Program ang pondo para sa pagpapatayo ng nasabing gusali, kung saan naman ay nakiisa sa ginanap na maikling programa sina 4th District Congressman Atorni Mike Tan, Vice Governor Third Alcala, Board Member Sonny Ubana, at Vice Mayor Adeline Lee.

Source: Quezon PIO

Blessing of PUP Grand Stand Lopez Campus | March 07, 2024

Hindi alintana ni Governor Doktora Helen Tan ang sikat ng araw sa isinagawang pormal na pagbabasbas ng bagong Grand Stand/Auditorium Stage sa PUP Lopez Campus na ginanap ngayong araw, Marso 7.

Nagkakahalaga ng 4 na milyong piso ang pondo ng nasabing proyekto na kinuha mula sa Local Government Support Fund – Financial Assistance to LGU (LGSF-FALGU).

Ipinakita naman nina Vice Governor Third Alcala, 4th District Congressman Atorni Mike Tan, Board Member Sonny Ubana, at Vice Mayor Adeline Lee ang suporta sa patuloy na pagtugon ng pamahalaang panlalawigan sa pagbibigay ng mga pang-imprastrakturang proyekto.

Source: Quezon PIO

Blessing of Barangay Hall & Bridge | March 07, 2024

Maagap na sinimulan ni Governor Doktora Helen Tan ang paghahatid ng serbisyo para sa lalawigan ng Quezon, matapos pangunahan ang pagbabasbas ng Barangay Hall at Tulay na matatagpuan sa Brgy. Dela Paz sa bayan ng Lopez, ngayong araw ng Huwebes, Marso 7.

Kasamang nagtungo sa nasabing barangay sina 4th District Congressman Atorni Mike Tan, Board Member Sonny Ubana, at Vice Mayor Adeline Lee upang ipakita ang kanilang pagsuporta sa matagumpay na mga proyektong tiyak na mapakikinabangan ng kanilang mga kababayan.

Source: Quezon PIO

Aid to Individuals in Crisis Situation at Educational Assistance | March 07, 2024

Sa pangunguna ni Governor Doktora Helen Tan katuwang ang Provincial Social Welfare and Development Office (PSWDO), naipagkaloob sa tinatayang 52 na mamamayan ang tulong pinasyal mula sa programang AICS o Aid to Individuals in Crisis Situation at Educational Assistance (EA), ngayong araw, Marso 7, 2024, Lucban, Quezon.

Source: Quezon PSWDO

Earthquake Information No.1 | March 07, 2024

Date and Time: 07 March 2024 – 04:50 AM

Magnitude = 3.1

Depth = 028 km

Location = 14.73°N, 121.93°E – 002 km N 14° W of Polillo (Quezon)

Reported Intensities:

Instrumental Intensities:

Intensity II- Polillo, QUEZON

Intensity I- Lopez, QUEZON

Link:
https://earthquake.phivolcs.dost.gov.ph/…/2024_0306?fbclid=IwAR3zepzrQhvcSgwT2G_trjkA_x9RasKOY0jFdLBoSmJHZ9BOm64eWgs2B_k

Source: Quezon PDRRMO

Farmers & Fisherfolks Consultation | March 06, 2024

Bilang pagpapahalaga sa ating mga kalalawigan na magsasaka at mangingisda, dininig ni Governor Doktora Helen Tan ang kanilang kinahaharap na suliranin ngayong araw, Marso 6 sa Municipal Covered Court, Mulanay, Quezon.

Dinaluhan ng 250 mangingisda at 250 magsasaka na mula sa bayan ng Mulanay ang nasabing pulong kung saan naipagkaloob sa kanila ang iba’t-ibang kagamitan gaya ng fertilizer, drums, hose, mga pananim, at gasoline engine.

Kaalinsabay nito, naipamahagi sa 187 na mamayan ng Mulanay, Catanauan, San Narciso, at San Andres ang tulong pinansyal mula sa programang Aid to Individuals in Crisis Situation o AICS, at namigay rin ang DSWD ng mga relief package.

Naging katuwang naman sa paghahatid ng serbisyo sina Vice Governor Third Alcala, Board Member John Joseph Aquivido, Board Member Jacky Delimos, at Mayor Aris Aguirre.

Gayundin ang Provincial Social Welfare and Development Office (PSWDO), Provincial Treasurer’s Office (PTO), Office of the Provincial Agriculturist, at ang lokal na pamahalaan.

Source: Quezon PIO

Serbisyo para mga Mamayan ng Mulanay at Pagbisita ni Governor Doktora Helen kasama si Provincial Engineer Marichelle Ferrer ang Quezon Provincial Hospital Network – Bondoc Peninsula | March 06, 2024

TINGNAN: Matapos maghatid ng mga serbisyo para mga mamayan ng Mulanay, sunod na binisita ni Governor Doktora Helen kasama si Provincial Engineer Marichelle Ferrer ang Quezon Provincial Hospital Network – Bondoc Peninsula na matatagpuan sa bayan ng Catanauan.

Ito’y upang inspeksyonin ang kasalukuyang lagay ng mga ginagawang mga pasilidad, at siguraduhin na nananatiling maayos ang ibinibigay na serbisyo ng nasabing ospital.

Source: Quezon PIO

Blessing & Inauguration of Bagupaye-Latangan Hanging Bridge | March 06, 2024

Pinangunahan ni Governor Doktora Helen Tan ang pormal na pagbubukas ng pinaka-mahabang hanging bridge sa bayan ng Mulanay na magkokonekta sa Brgy. Bagupaye at Brgy. Latangan.

Ang nasabing tulay ay napakahalagang proyekto na mapapakinabangan ng mga residente mula sa Brgy. Bagupaye, Latangan at Cambuga sapagkat mas mapapadali ang kanilang access patungo sa mga paaralan, ospital, at sa sentro ng bayan, gayundin ay hindi na sila mababahala tuwing malakas ang ulan.

Masaya naman ang gobernadora na tuloy-tuloy na natutugunan ng Pamahalaang Panlalawigan ang pangangailangan ng mga Quezonian, kung saan ay siniguro rin na hindi hihinto sa pag-aabot ng serbisyong tunay at natural.

Source: Quezon PIO

Blessing and Inauguration of 6-Classroom 2-Storey School Building | March 06, 2024

Hangarin ng Pamahalaang Panlalawigan ng Quezon na may maayos, sapat, at komportableng pasilidad para sa pag-aaral ng bawat estudyante sa lalawigan kung kaya’t patuloy ang pagtugon ni Governor Doktora Helen Tan sa pagbibigay ng mga karagdagang silid-aralan.

Kabilang sa matagumpay na mapakikinabangan ng proyekto ang bagong 2-storey, 6-classroom school building sa San Isidro Elementary School, Mulanay, Quezon matapos isagawa ang pagbabasbas nito ngayong araw ng Miyerkules, Marso 6.

Mayroon itong water supply system, solar panel system, fire alarm system, slope protection, at typhoon resilient rin ang nasabing gusali kung saan naman ay nagmula ang pondo sa Special Education Fund.

Nakasama rin sa ginanap na inagurasyon sina Vice Governor Third Alcala, Board Member John Joseph Aquivido, Board Member Jacky Delimos, at Mayor Aris Aguirre.

Source: Quezon PIO

Blessing and Inauguration of Multi-purpose Building | March 06, 2024

Nagtungo si Governor Doktora Helen Tan sa bayan ng Mulanay ngayong araw ng Miyerkules, Marso 6 upang personal na pangunahan ang pagbabasbas ng bagong Multi-purpose Building/Covered Court na matatagpuan sa Barangay San Pedro, Mulanay, Quezon.

Ito na ang ikadalawampu’t isang multi-purpose building na naibigay para sa nasabing bayan na naisakatuparan sa pagtutulungan ng Pamahalaang Panlalawigan at ni 3rd District Congressman Reynan Arrogancia.

Lubos namang mapakikinabangan ang bagong imprakstura na magagamit para sa iba’t-ibang aktibidad at pagtitipon ng mga residente nito.

Samantala, kasabay ding naipagkaloob sa ang bagong multi-purpose vehicle na magagamit ng mga residente.

Source: Quezon PIO