Pagkortesiya sa tanggapan ni Governor Doktora Helen Tan ang Bagong Halal na Presidente ng Southern Luzon State University | March 12, 2024

Nagkortesiya sa tanggapan ni Governor Doktora Helen Tan ang bagong halal na Presidente ng Southern Luzon State University (SLSU) na si Mr. Frederick T. Villa kasama ang iba pang kawani ng naturang unibersidad ngayong araw ng Martes, Marso 12.

Napag-usapan ang nalalapit na pagbubukas ng College of Medicine sa SLSU, conversion of Campuses at ilang updates patungkol sa on-going construction ng SLSU building sa Bayan ng Gumaca.

Siniguro naman ng Gobernadora na buong puso ang kaniyang suporta at pakikibahagi sa pagkakaroon ng maayos, de-kalidad at abot-kayang edukasyon para sa mga mag-aaral sa Quezon, upang magsilbing oportunidad sa pag-abot ng kanilang mga pangarap.

Source: Quezon PIO

Ika-87 Pangkaraniwang Pulong ng Sangguniang Panlalawigan ng Quezon | March 11, 2024

Pasado na ang 2024 Revised Environmental Code of Quezon sa ginanap na ika-87 pangkaraniwang pulong ng Sangguniang Panlalawigan sa panguguna ni Vice Governor and Presiding Officer Third Alcala nitong ika-11 ng Marso.

Sa pamamagitan ng naturang Environmental Code, mapapaunlad nito ang seguridad sa kapaligiran at kalikasan sa buong lalawigan. Layun din nitong ma-promote ang sustenableng kalikasan kaakibat ang mga polisiya na magbibigay ng proteksyon at tamang hakbang sa balanseng kalikasan.

Buong puso ang pagsusumikap ng Pamahalang Panlalawigan at Provincial Government – Environment and Natural Resources sa pamumuno ni OIC-PGENRO John Francis Luzano upang patuloy na mapangalaagan ang kalikasan sa buong lalawigan.

Samantala, naipasa din ang nga ilang ordinansa mula sa iba’t ibang bayan para sa ikagagaling ng bawat Quezonian.

Source: Quezon PIO

Kadiwa ng Pangulo

Halina sa KADIWA ng Pangulo sa Kapitolyo, ngayong ika- 15 ng Marso sa Perez Park,Lucena City! Mula 7am hanggang 6pm, maaring makabili ng mura at sariwang gulay at prutas, mga food and non-food products na gawang-Quezonian, at mga lutong pagkain para sa kumakalam na sikmura.

Ito ay pangungunahan ng Pamahalaang Panlalawigan ng Quezon katuwang ng iba’t ibang mga ahensya ng pamahalaan bilang pakikiisa sa paghahangad ng ating Pangulong Ferdinand “Bongbong” Marcos Jr. na mailapit ang mga lokal at abot-kayang produkto ng ating mga magsasaka at maliliit na negosyante sa mga konsyumer.

Upang masulit ang pamimili ninyo, narito ang ilang paalala:

1. Ang mga gulay at perishables ay hanggang 12 ng tanghali lamang.

2. Mas mainam na magdala ng sariling ecobag ang mga mamimili.

Narito naman ang dapat tandaang mga petsa para sa muling pagsasagawa ng nasabing programa sa lalawigan ng Quezon:

• April 16, 2024 (Tuesday)

• May 15, 2024 (Wednesday)

• June 14, 2024 (Friday)

• July 16, 2024 (Tuesday

• August 15, 2024 (Thursday)

• September 13, 2024 (Thursday)

• October 15, 2024 (Tuesday)

• November 15, 2024 (Friday)

• December 13, 2024 (Friday)

Maraming salamat po!

Source: Quezon PIO

1st Quarter Provincial Development Council (PDC) Meeting | March 11, 2024

Pinangunahan ni Governor Doktora Helen Tan ang 1st Quarter Meeting ng Provincial Planning and Development Council nitong araw ng Lunes, Marso 11.

Dinaluhan ng mga myembro ng konseho ang naturang pagpupulong via Zoom Conference.

Ilan sa tinalakay ay ang Supplemental Annual Investment Plan (SAIP) No. 1 CY 2024 na ibinahagi ni Project Development Officer IV EnP Myra Rojas, FY 2025 Proposed National Infrastructure Projects ng Department of Public Works and Highways (DPWH) Quezon na iniulat naman ng mga Inhinyero ng bawat Distrito ng Lalawigan, gayundin ang mga ulat ng iba’t-ibang Sectoral Committee na kabilang sa naturang konseho.

Patuloy ang pakikipagbalikatan ng Pamahalaang Panlalawigan upang masiguro ang maayos na pagpaplano ng mga proyekto at imprastraktura para sa kapakinabangan ng mga Quezonian.

Source: Quezon PIO

1st Quarter PADAC & NTF-ELCAC Joint Meeting | March 11, 2024

Isinagawa ngayong araw ng Lunes, Marso 11 ang First Quarter Joint Meeting ng Provincial Anti-Drug Abuse Council (PADAC) at National Task Force to End Local Communist Armed Conflict (NTF-ELCAC) sa pangunguna ni Governor Doktora Helen Tan.

Nakasama sa pagpupulong ang ilang kawani ng Local Government Units (LGU) via Zoom Conference upang magkaroon ng talakayan ukol sa kasalukuyang accomplishments na naisakatuparan upang mawakasan ang paggamit ng ilegal na droga sa hangarin na maging matiwasay ang pamumuhay sa buong lalawigan ng Quezon.

Kabilang naman sa napag-usapan at nais maimplementa ang Drug-Free Workplace Program at Retooled Community Support Program (RCSP).

Source: Quezon PIO

Seal of Good Local Governance 2024 Preparation Meeting | March 11, 2024

Sa paghahangad ng Pamahalaang Panlalawigan na makamit ang Seal of Good Local Governance ngayong taon, nagkaroon muli ngayong araw ng Lunes, Marso 11 ng regular na pag-uulat at talakayan patungkol sa mga paghahanda at hakbang na naisagawa na ng bawat tanggapan at mga Lokal na Pamahalaan ng Lalawigan sa pangunguna ni Governor Doktora Helen Tan.

Dinaluhan ang nasabing pagpupulong ng mga punong-tanggapan ng bawat opisina sa Pamahalaang Panlalawigan gayundin ng mga kawani at kinatawan ng mga lokal na ahensya ng lalawigan. Kasama rin sa naturang talakayan ang tanggapan ng Department of Internal and Local Government – Quezon sa pangunguna ni Provincial Director Abigail Andres.

Nagbahagi ng maikling recap ang tanggapan ng Provincial Planning and Development Coordinator patungkol sa mga naisagawang aktibidad alinsunod sa SGLG indicators na tinalakay noong nakaraang pagpupulong, pati na rin ang ilang mga iminumungkahing programa at proyekto na nais maisagawa pa para sa Lalawigan.

Hangad naman ng Gobernadora na patuloy na maging aktibo sa pagpapatupad ng mga programa ang ilan pang mga lokal na pamahalaan ng Lalawigan upang masiguro ang maayos at de-kalidad na serbisyo para sa mga mamamayang Quezonian.

Source: Quezon PIO

Management Committee Meeting | March 11, 2024

Sa pangarap na maging mas maunlad ang lalawigan ng Quezon, patuloy ang pagsusumikap ng Pamahalaang Panlalawigan upang maihatid ang mga programang tutugon sa bawat pangangailangan ng ating mga kalalawigan.

Upang maisakatuparan ito, muling nagsagawa ng pagpupulong ngayong araw, Marso 11 ang mga punong tanggapan sa pangunguna ni Governor Doktora Helen Tan kung saan ay napag-usapan mga concerns at plano kung paano mas mapapaigting ang maayos na pagbibigay serbisyo ng bawat tanggapan.

Asahan na marami pang mga proyektong handog ang Pamahalaang Panlalawigan sa layunin na maiangat pa ang kalagayan ng pamumuhay sa lalawigan ng Quezon.

Source: Quezon PIO

Palarong Quezon 2024 – Overall Ranking

Congratulations sa lahat ng nagwaging atletang Quezonian sa katatapos lamang na PALARONG QUEZON 2024 na ginanap mula Marso 7 hanggang 10 sa bayan ng Atimonan.

OVERALL RANKING:

CHAMPION – UNIT I (Lucban, Mauban, Pagbilao, General Nakar, Real, Sampaloc, Infanta, Patnanungan, Polillo, Burdeos

1ST RUNNER UP – UNIT II (San Antonio, Candelaria, Dolores, Tiaong, Sariaya)

2ND RUNNER UP – UNIT IV (Atimonan, Alabat, Perez, Quezon, Plaridel, Gumaca, Lopez, Calauag, Tagkawayan, Guinayangan)

3RD RUNNER UP – UNIT III (Catanauan, Padre Burgos, Agdangan, Unisan, Pitogo, Macalelon, Mulanay, San Narciso, San Andres, Buenavista, San Francisco, General Luna)

Nawa’y manatili ang inyong nag-aalab na dedikasyon sa larangan ng isports!

Source: Quezon PIO

Local Recruitment Activity – March 19, 2024 9am

See you all this coming March 19 Job Seekers

Local Recruitment Activity with CDO Foodsphere, Inc.

3rd floor AVR, Quezon Convention Center, Lucena City

9:00 AM to 3:00 PM, March 19, 2024 (Tuesday).

POSITIONS

MANUFACTURING

-Production Supervisor

-Production Crews

-Machine Operator

SUPPLY CHAIN

-Welder

-Forklift Operator

-Logistic Supervisor

FINANCE

-Billing Staff

QUALITY ASSURANCE

-Jr. QA Officer

ENGINEERING

-Operation and Preventive Maintenance Head

-Machine Technicians

-Mechanical Technicians

-Motorpool Mechanic

RESEARCH AND DEVELOPMENT

-Research and Development Specialist

AREA

MALVAR, BATANGAS

For more information, you may call PESO Quezon Province (042) 373-4805 0933-868-5524 or leave us a message here at our Facebook page.

Source: Quezon PESO

Women’s Month Celebration 2024 | March 10, 2024

Kaugnay pa rin sa pagdiriwang ngayong taon ng Women’s Month, masiglang nagsama-sama ngayong araw, Marso 10 sa bayan ng Gumaca ang 4,100 na kababaihan na nagmula sa Bondoc Peninsula.

Nakiisa sa ginanap na programa si Governor Doktora Helen Tan kasama sina Vice Governor Third Alcala, 3rd District Congressman Reynan Arrogancia, Board Member John Joseph Aquivido, PSWDO Head Sonia Leyson, at ilang punong bayan ng ikatlong distrito.

Naibahagi naman ng gobernadora ang hangarin na mawakasan ang pang-aabuso sa mga kababaihan gayundin sa mga bata, kung kaya’t patuloy ang kanyang pagsisikap sa pagsulong ng mga polisiya at programa na magbibigay proteksyon sa mga ito.

Upang mas magbigyang inspirasyon at kaalaman ang mga kababaihan na dumalo, nakasama rin bilang motivational speaker Mr. Chinkee Tan, at nagkaroon din ng raffle draw kung kanilang masayang naiuwi ang iba’t-ibang papremyo.

Source: Quezon PIO