Sa patuloy na pagtugon ng Pamahalaang Panlalawigan sa mga nasalanta ng Bagyong Aghon, nagsagawa ng pagpupulong ang Provincial Disaster Risk Reduction and Management Council (PDRRMC) na pinangunahan ni Governor Doktora Helen Tan | May 27, 2024

Sa patuloy na pagtugon ng Pamahalaang Panlalawigan sa mga nasalanta ng Bagyong Aghon, nagsagawa ng pagpupulong ang Provincial Disaster Risk Reduction and Management Council (PDRRMC) na pinangunahan ni Governor Doktora Helen Tan ngayong araw, Mayo 27.
Tinalakay ang initial updates sa mga naging epekto ng bagyo sa bawat sektor ng lalawigan gaya ng agrikultura at panghahayupan, iniulat din ang inisyal na bilang ng mga pamilyang apektado sa mga bayan na sinalanta ng bagyo.
Pinagsusumikapan ng bawat miyembro ng konseho ang agarang pagbibigay tulong sa mga nangangailangang kalalawigan, at walang humpay na tinututukan para sa muling pagbangon ng lalawigan ng Quezon.
Samantala, nakasama sa nasabing pagpupulong si Office of Civil Defense (OCD) IV-A Regional Director Carlos Eduardo Alvarez III gayundin ang ilang mga punong tanggapan.

Ang pagtutok ni Governor Doktora Helen Tan sa kalagayan ng lalawigan ng Quezon dahil sa pananalasa ng Bagyong Aghon | May 26, 2024

TINGNAN: Ang pagtutok ni Governor Doktora Helen Tan sa kalagayan ng lalawigan ng Quezon dahil sa pananalasa ng Bagyong Aghon.
Aktibong nakamonitor ang PDRRMO Quezon sa iba’t ibang bahagi ng lalawigan upang agarang makaresponde sa oras ng pangangailangan. Gayundin, ang PSWDO Quezon ay kasalukuyang naghahanda na para sa pag-deploy ng mga relief supplies para sa mga pamilya at indibidwal na apektado ng bagyo.
Katuwang ng Pamahalaang Panlalawigan ang PNP, AFP, BFP, Philippine Red Cross, at iba pang mga organisasyon sa mga operasyong isinasagawa para sa mga mamamayang Quezonian na naapektuhan ng Bagyong Aghon.
Samantala, pansamantalang ginawang evacuation center ang Quezon Convention Center para sa mga pamilyang lumikas mula sa Brgy. Cotta at Brgy. 10 ng Lucena City.

PABATID SA PUBLIKO! | May 26, 2024

PABATID SA PUBLIKO!
WALANG PASOK: Sa lahat ng antas ng Paaralan at opisina ng gobyerno maliban sa mga pangunahing serbisyo ay kalusugan, nagpapanatili ng Peace and Order at Disaster Preparedness and Response sa buong Lalawigan kasama ang Lungsod ng Lucena at Lungsod ng Tayabas sa May 27, 2024

REPORT ON TROPICAL STORM AGHON | MAY 26, 2024

RESCUE OPEARATION of Quezon Provincial Disaster Risk Reduction and Management Office together with CDRRMO Lucena City and Philippine Air Force at Brgy. Kanlurang Mayao, Lucena City | May 26, 2024

Kaugnay sa selebrasyon ng National Heritage Month | May 24, 2024

Kaugnay sa selebrasyon ng National Heritage Month, ginanap ngayong araw ng Biyernes, Mayo 2 ang Pamanang Quezonian activity sa pangunguna ng Provincial Tourism Office.
Layon ng aktibidad na maipamana sa mga mamamayang Quezonian ang pagpapahalaga ng kasaysayan sa pamamagitan ng pagpanatili ng mga natitirang heritage buildings na puno ng makasaysayang pangyayari at magagandang kwento ng Lalawigan ng Quezon.
Nais ring maproteksyunan ang mga ito sa pamamagitan ng pagpapanumbalik ng dating anyo o muling pagsasaayos ng istraktura upang mapanatili ang kayarian at disenyo ng mga heritage buildings.
Dinaluhan ang nasabing aktibidad ng mga Municipal Tourism Officers, mga mag-aaral, mga guro, kinatawan mula sa iba’t- ibang learning institution, media groups, elected officials at ilang mga indibidwal na may kaugnayan sa mga gawaing pangturismo.

Source: Quezon PIO

PCPC 2nd Quarterly Meeting & Adolescent Sexual Reproductive Health and Child Protection Project Visit | May 24, 2024

Masayang sinalubong sa Paaralang Sekondarya ng Heneral Nakar ang mga miyembro ng Provincial Council for the Protection of Children nitong nakaraang araw ng Martes, Mayo 23 na kung saan idinaos ang kanilang 2nd Quarterly Meeting.
Binigyang-diin ni Punong Guro Gregorio I. Racelis ang patungkol sa pakikipag-ugnayan sa kanilang partner stakeholders tulad ng REINA Federation, PCPC at marami pang iba na kung saan sa pamagitan ng holistic approach ay mananatiling ligtas ang mga bata sa loob man o labas ng paaralan.
Lubos naman ang pasasalamat ng mga guro at magulang kay Governor Doktora Helen Tan sa implementasyon ng mga ganitong programa para sa mga kabataang mag-aaral.
Samantala, kasunod na isinagawa sa Infanta National High School (INHS) ang Bench Marking on the Adolescent Sexual Reproductive Health (ASRH), kung saan sa pangunguna ni Punong Guro Calixto S. Blazo ay masinsinang nagkaroon ng talakayan patungkol sa paksang magpapalawak ng kaalaman, kamalayan, at pag-una ang mga kabataan.
Ito’y sa paglalayunin na ring mapigil ang lumalaganap na maagap na pagbubuntis ng mga kabataan, gayundin ay para malaman ng mga ito ang kanilang mga karapatan sa lipunan.

Source: Quezon PIO

Standard First Aid Training & Basic Life Support Orientation | May 21-23, 2024

Sa pangangasiwa ng Quezon Provincial Disaster Risk Reduction and Management Office, matagumpay na naisagawa ang tatlong araw na Standard First Aid Training and Basic Life Support Orientation nitong Mayo 21-23 sa Queen Margarette Hotel, Lucena City.
Layun ng nasabing training na makapagbahagi ng mga kaalaman at kamalayan upang magkaroon ng kakayanan ang isang indibidwal na makapagbigay ng first aid at makatulong sa isang pangyayare gaya ng emergency kahit saan mang lugar sila naroroon.
Nilahukan ito ng ilang kawani ng pamahalaang panlalawigan mula sa Provincial Information Office, Provincial Sports Office, Provincial Legal Office at mga katuwang na ahensya gaya ng 32nd AFGR, BJMP, at mga Volunteers.
Sa huli, masaya ang naging karanasan ng mga kalahok sa pagsasanay bitbit ang maraming kaalaman na maaari nilang magamit para makapagligtas ng buhay.
Source: Quezon PIO

Congratulations! Quezon PHO – Health Navigation and Referral Unit – Photo Essay Contest- Winner

Matagumpay na naiuwi ng Quezon Provincial Health Office (PHO)-Health Navigation and Referral Unit (HNRU) ang pinakamataas na parangal sa PHOTO ESSAY CONTEST na ginawa sa Launching ng Regional Patient Navigation and Referral Sytem-Manual of Procedures ng Department of Health (DOH)-Center for Health Development (CHD) IVA na ginanap sa Ciudad Christhia Resort, San Mateo, Rizal ngayong May 23, 2024. Ito ay nilahukan ng iba’t ibang probinsya, lungsod at health facilities sa buong rehiyon ng CALABARZON.
Ito ay naglalayong maipakita ang isang maayos at sistematikong proseso ng health navigation and referral system sa buong probinsya.
Source: Quezon PHO

Distribution of Educational Assistance | May 23, 2024

Sa pakikipagtulungan ng Pamahalaang Panlalawigan ng Quezon sa Nasyunal na Pamahalaan, ngayong araw ng Huwebes, Mayo 23 ay natanggap ng 750 mag-aaral ang Educational Assistance mula sa tanggapan ni Senator Mary Grace Natividad Sonora Poe-Llamanzares.
Ang nasabing tulong pinansyal ay napakinabang ng mga estudyanteng mula sa Lucena City, at naipamahagi sa pamamagitan ng Department of Social Welfare and Development Office (DSWD).
Bilang kinatawan naman ni Governor Doktora Helen Tan, nagpaabot ng mensahe at pasasalamat si Executive Assistant II Atty. Kim Kenneth Pascua kay Senator Grace Poe dahil malaking bagay na nabibigyan din ng tugon ang mga kinakailangan ng mga mag-aaral ng lalawigan.
Source: Quezon PIO