Local Animal Disease Detection and Emergency Response (LADDER) Training | March 19, 2025

Sa pakikipagtulungan ng Office of the Provincial Veterinarian ay ginaganap ngayon ang Local Animal Disease Detection and Emergency Response (LADDER) Training, sa Queen Margaret Hotel, Lucena City mula Marso 17 hanggang Marso 21.
Ang pagsasanay na ito para sa mga Livestock Extension Workers (LEW) mula sa iba’t ibang bayan sa lalawigan, ay pinangungunahan ng Bureau of Animal Industry sa suporta ng Food and Agriculture Organization of the United Nations. Layunin nitong mapalawak ang kaalaman at kasanayan ng mga kalahok sa pagsisiyasat, pagsubaybay, at agarang pagtugon sa African Swine Fever (ASF) at iba pang Transboundary Animal Diseases.
Sa pamamagitan ng LADDER Training, mas mapapalakas ang kakayahan ng mga kinauukulan sa mabilisang pagtugon sa mga banta ng sakit sa mga alagang hayop, na may layuning mapanatili ang kalusugan ng mga ito at maprotektahan ang kabuhayan ng ating mga magsasaka at livestock raisers.
Nagbigay ng mensahe sa pagbubukas ng nasabing programa ang ating Provincial Veterinarian, Dr. Flomella Alilio-Caguicla. Tinalakay rin niya ang kasalukuyang estado ng African Swine Fever sa lalawigan at kung paano makakatulong ang LADDER Training at ang mga LEWs sa pagkontrol at pag-Iwas na makapasok sa mga babuyan ang sakit na ito. Nagpasalamat rin siya sa pagkakataon na napagkalooban ng nasabing training ang ilan sa mga LEWs sa lalawigan.

#SerbisyongTunayAtNatural
#HEALINGQuezon
#provetquezon
#ProvincialGovernmentofQuezon
#VeterinaryServices

Quezon PIO / ProVet

Meat Processing Seminar and Hands-on Demonstration | March 19, 2025

Ang Office of the Provincial Veterinarian ay nagsagawa ng Meat Processing Seminar and Hands-on Demonstration sa limampung (50) miyembro ng Rural Improvement Club (RIC) sa Brgy. Sta. Rosa, at 4k sa Brgy. Atulayan sa bayan ng Calauag, Quezon nitong Marso 10-11, 2025.
Kabilang sa mga nagbigay ng pagsasanay mula sa Tanggapan ng Panlalawigang Beterinaryo ay sina Dra. Milcah I. Valente, Agricultural Center Chief II, Maria Cecilia M. Casiño, Market Specialist II at Cheeyene San Agustin, Agricultural Technician I.
Layunin ng pagsasanay na mabigyan ng bagong kaalaman ang mga kakabaihan o ang mga nasabing myembro sa pagpoproseso ng karne, upang magkaroon ng karagdagang mapagkakakitaan .
Katuwang ang tanggapan ng Office of the Municipal Agriculturist Calauag, Quezon sa pangunguna ni Municipal Agriculturist Maybel Espino.

#provetquezon
#ProvincialGovernmentofQuezon
#VeterinaryServices

Quezon PIO

2nd Day of Provincial Climate Risk Diagnostic (PCRD) Technical Workshop Mission 4: Application to Planning – Mentoring on Project Prioritization & Investment Programming | March 18, 2025

Upang gabayan sa pagpaplano ng mga proyekto, programa, at pamumuhunan sa lalawigan ng Quezon, patuloy na isinagawa ang ikalawang araw ng Provincial Climate Risk Diagnostic (PCRD) Technical Workshop Mission 4: Application to Planning – Mentoring on Project Prioritization & Investment Programming ngayong Martes, Marso 18 sa St. Jude Cooperative Hotel and Event Center, Tayabas City.
Ang PCRD Tool ay isang mahalagang instrumento upang gabayan ang mga lokal na pamahalaan sa pagpaplano nang sa gayon ay maging matibay ang mga komunidad, mas tumaas ang kakayahang umangkop sa pagbabago ng klima at mapabilis ang pagtugon sa hamon ng mga sakuna.
Sa pakikipagbalikatan ng Pamahalaang Panlalawigan ng Quezon ang proyektong ito ng Strengthening Institutions and Empowering Localities Against Disasters and Climate Change (SHIELD) ay dinaluhan ng mga pinuno ng tanggapan at kinatawan mula sa Provincial Disaster Risk Reduction and Management Office (PDRRMO), Office of the Provincial Planning and Development Council (OPPDC), Provincial Health Office (PHO), Provincial Social Welfare and Development Office (PSWDO), Provincial Government – Environment and Natural Resources Office (PG-ENRO), Office of the Provincial Veterinarian (OPVET), Office of the Provincial Agriculturist (OPA) at Provincial Engineering Office (PEO).
Gayundin, naisagawa ito sa tulong ng Australian Aid, UNDP Philippines, UN-Habitat Philippines, Consortium of Bangsamoro Civil Society, National Resilience Council, at Philippine Business for Social Progress (PBSP), kasama ang mga pangunahing ahensya ng DILG, Office of Civil Defense (OCD), at Department of Science and Technology (DOST).

#SerbisyongTunayAtNatural
#HEALINGQuezon
#PDRRMCQuezon

Quezon PIO

When in Jomalig Quezon | March 18, 2025

Link: https://www.facebook.com/share/r/1A3LjXtvmG/

Quezon PIO

Medical Mission sa Jomalig Quezon, Hatid-Serbisyong Walang Kapantay | March 18, 2025

TINGNAN: Walang pagod ang ininda ng buong Medical Team makarating lamang sa islang bayan ng JOMALIG upang maihatid ang iba’t ibang libreng serbisyong medikal sa mga residente ng nasabing bayan ngayong araw ng Martes, Marso 18.
Narito ang mga naging kaganapan sa huling araw ng isang linggo pagsasagawa ng Medical Mission sa Polillo Group of Island na kabilang sa pinakamalalayong bayan sa lalawigan ng Quezon.

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO

Taos-pusong Pasasalamat ng mga residente ng Jomalig Quezon | March 18, 2025

PANOORIN: Sa buong-pusong pagseserbisyong mailapit ang mga programang pangkalusugan, labis ang pasasalamat ng mga residente mula sa islang bayan ng JOMALIG sapagkat gaanon man kalayo ay natanggap nila ang iba’t ibang libreng serbisyong medikal.
Asahan naman na magpapatuloy ang misyon ng Pamahalaang Panlalawigan na maibigay ang sapag at nararapat na tulong sa bawat mamamayang Quezonian.

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO

Matagumpay na naihatid sa islang bayan ng Patnanungan ang “Kalinga Sa Mamamayan, Libreng Gamutan” | March 18, 2025

Maulan man sa islang bayan ng PATNANUNGAN nitong araw ng Marso 18, hindi ito naging hadlang upang masigurong maihahatid ang programang “Kalinga sa Mamamayan Libreng Gamutan” o Medical Mission para sa mga mamamayan ng nasabing bayan.
Umabot sa 3,279 na residente ang nabigyan ng iba’t ibang libreng serbisyong medikal gaya ng medical ang check-up para sa bata at matanda, cervical cancer screening para sa mga kababaihan, libreng gamot, ECG, X-RAY, Ultrasound, CBC, FBS/RBS, Urinalysis, Uric Acid, Cholesterol, check-up sa mata at libreng pasalamin.
Sinigurong mayroon din makukuhang serbisyo ang mga pasyenteng hindi available ang iniresetang gamot at inirekomendang laboratoryo, kung kaya’t sa pamamagitan ng Provincial Social Welfare and Development Office (PSWDO) at Provincial Treasurer’s Office (PTO) nakapamahagi ng medical assistance sa 314 pasyente sa nasabing bayan.
Sa pagsusumikap naman na mas mapaigting ang serbisyong dala ng Pamahalaang Panlalawigan sa pamumuno ni Governor Doktora Helen Tan, naging katuwang ang mga doktor at espesyalistang nagmula pa sa iba’t ibang bahagi ng Pilipinas.
Kaugnay pa rito, kasamang naghatid ng libreng serbisyo para sa may mga halagang hayop ang Office of the Provincial Veterinarian. Tinatayang nasa 49 ang nakapagpakonsultang may alagang hayop habang 135 alaga ang naturukan ng anti-rabies vaccine.

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO

Distribution of Agricultural Inputs | March 18, 2025

Jomalig, Quezon

Link: https://www.facebook.com/share/r/1DFTmoAe1B/

Quezon PIO

Joint Quezon PAFC and Gumaca MAFC Tree Planning Activity | March 18, 2025

Kaisa ang Tanggapan ng Panlalawigang Agrikultor sa isinagawang pagpupulong ng Quezon Provincial Agriculture and Fisheries Council (PAFC) at Gumaca Municipal Agriculture and Fisheries Council (MAFC) na ang pangunahing layunin ay bumuo ng isang resolusyon upang matugunan ang kapakanan ng mga magsasaka at mangingisda sa lalawigan. Ito ay ginanap noong ika-13 ng Marso, 2025, sa bayan ng Gumaca, Quezon.
Tinalakay din dito ang isyu ng climate change o pagbabago ng klima kung saan kabilang sa presentasyon ang mahusay na sistema ng pagtatapon at paghihiwalay ng basura, na nagbigay-daan sa mungkahi para sa isang benchmarking activity ng grupo. Tampok din Gender Equality at Social Inclusion kung saan nakapaloob dito ang iba’t ibang programang ipinatutupad ng lokal na pamahalaan upang isulong ang pagkakapantay-pantay ng kasarian at pagsasama ng lahat sa lipunan.
Sinundan ang pagpupulong ng isang tree planting activity sa Brgy. Batong Dalig, Gumaca bilang pagpapakita ng pagmamahal sa kalikasan.
Dumalo sa nasabing aktibidad sina Gng. Swendy B. Elejerio, Municipal Agriculturist at MAFC Coordinator; Gng. Liezel Mendoza; PAFC Chairperson Demosthenes Hernandez, at iba pang mga tagapangulo mula sa iba’t ibang bayan ng lalawigan. Ipinakilala ni G. Sherwin Kenneth P. Deloraya, PAFC-Quezon Coordinator, ang bagong PAFC Coordinator na si G. Nieves P. Sarte. Samantala, nagpaabot ng mensahe ng pagsuporta si Gov. Helen Tan sa pamamagitan ni G. Jericho Teng na naglahad din ng mga programa ng pamahalaang panlalawigan.

(Photo credits to LGU-Gumaca)

Quezon PIO

Earthquake Drill | March 18, 2025

PABATID: Magsasagawa ang Pamahalaang Panlalawigan ng 1st Quarter Earthquake Drill (Phase One) ngayong araw ng Martes, Marso 18, sa Provincial Capitol Compound, Block One, sa ganap na ika-3 ng hapon. Ito ay alinsunod sa RDRRMC Memorandum No. 11 Series of 2025 kung saan ay layon nito na magdaos ng Quarterly Nationwide Simultaneous Earthquake Drill (NSED) bilang paghahanda sa mga posibleng epekto ng lindol.

Dahil dito, maaring magkaroon ng ilang pagkaantala sa paghahatid ng serbisyo sa mga sumusunod na departamento:

• Provincial Human Resource Management Office
• Office of the Provincial Planning and Development Officer
• Office of the Provincial General Services Officer
• Provincial Internal Audit Services Office
• Office of the Provincial Engineer
• Provincial Government and Natural Resources Office
• Quezon Provincial Library
• Provincial Governor’s Office Extension (PGO Annex Building)
• Bids and Awrds Committee
• Office of the Provincial Budget Officer
• Provincial Information Communication Technology Office
• Office of the Provincial Social Welfare and Development Officer
• Office of the Provincial Veterinarian
• Provincial Mining and Regulatory Board
• Office of the Provincial Agriculture
• Office of the Provincial Gender and Development Officer

#SerbisyongTunayAtNatural
#HEALINGQuezon
#EarthquakeDrill2025

Quezon PIO