Blessing of Barangay Road – Brgy. Janagdong 1 & 2, Candelaria, Quezon | June 25, 2024

Sa pagtungo ni Governor Doktora Helen Tan sa bayan ng Candelaria, sunod ring isinagawa ngayong araw, Hunyo 25 ang pagbabasbas ng kalsada na matatagpuan sa Barangay Janagdong 1 at 2.

May habang 1.65 kilometers ang naisaayos na kalsada na 60 meters na slope protection, at umabot naman aa P30.1 milyon ang pondo na naisakatuparan sa tulong na rin ng Term Loan Fund mula sa pamunuan ng Land Bank.

Malaki ang kapakinabangan ng nasabing kalsada sa mga mamamayan na mga karatig barangay gaya ng Brgy. Canda, San Roque, Tumbaga, at Lutucan dahil hindi na sila mangangamba sa dalang putik na kalsadang dinaraan nila.

Source: Quezon PIO

Blessing of Barangay Road – Brgy. Pahinga Norte, Candelaria, Quezon | June 25, 2024

Mainit na pinangunahan ni Governor Doktora Helen Tan ang pagbabasbas ng isinaayos na kalsada na matatagpuan sa Brgy. Pahinga Norte ng Candelaria, Quezon ngayong araw ng Martes, Hunyo 25.

Ang nasabing kalsada’y may habang 1.4 kilometers kung saan nagkakahalaga ng mahigit P15 milyon ang naging pondo upang matagumpay na naisakatuparan ito.

Kasama namang dumalo sa ginanap na seremonya sina Dr. Kim Tan, Board Member Vinette Alcala, Board Member Yna Liwanag, Board Member Boyong Boongaling, Mayor Ogie Suayan, at Vice Mayor Macky Boongaling.

Source: Quezon PIO

Blessing of Climate-Smart Water Supply | June 25, 2024

Masayang dinaluhan ni Governor Doktora Helen Tan ang isinagawang pagbabasbas ng bagong Climate-Smart Water Supply sa Brgy. Concepcion Banahaw sa bayan ng Sariaya ngayong araw ng Martes, Hunyo 25.

Gaano man kalayo ang nasabing Barangay ay sinigurong maabot pa rin ng nararapat na serbisyo ang mga residente dito, kung saan ay labis na mapapakinabangan ito mahigit 100 pamilya ng Sitio Balete at Sitio Tres Mangoe.

Ayon naman sa gobernadora, may kabuuang bilang na 35 proyektong patubig ang naisakatuparan na sa bayan ng Sariaya na nagmula sa kanyang Sariling Sikap Program, at inaasahan na madaragdagan pa ito.

Source: Quezon PIO

Blessing of Barangay Road | June 25, 2024

Hindi naging hadlang ang pag-ulan kay Governor Doktora Helen Tan upang pangunahan ang pagbabasbas ng isinaayos na kalsada sa Barangay Mamala 1 – Balubal sa Sariaya, Quezon ngayong araw, Hunyo 25.

May sukat na 1.044 kilometers ang nasabing kalsada kung saan nagkakahalaga ng P11,985,643.99 ang pondo na nagmula sa General Fund.

Labis naman ang pasasalamat ng mga residente dito sapagkat mas magiging madali at hindi na magiging maputik ang daan sa kanilang lugar.

Source: Quezon PIO

1st Quezon Vegetable Summit | June 25, 2025

Maagap na nagtungo ngayong araw, Hunyo 25 sa Brgy. Montecillo sa bayan ng Sariaya si Governor Doktora Helen Tan upang makiisa sa kauna-unahang Vegetable Summit para sa mga magsasaka ng ikalawang distrito ng lalawigan ng Quezon.

Inumpisahan ang nasabing summit sa pamamagitan ng farm tour kung saan ang bawat dumalo ay nabisita ang malawak na taniman at nakapamitas ng masusustansyang gulay gaya ng siling haba at labuyo, upo, ampalaya, pipino, talong, at kalabasa.

Sa pakikipagbalikatan ng Ramgo International Corporation, East West Seed, at Allied Botanical Corporation sa Office of the Provincial Agriculture ay naisakatuparan ang proyektong ito, at magsisilbing katuwang din ang nasabing tatlong seed companies upang makatulong at magabayan ang mga magsasaka kung paano pa nila mas mapapalago ang kanilang pangunahing kabuhayan.

Nakadagdag naman sa saya ang ginanap na patimpalak sa paunahan na makaubos ng pipino at siling labuyo, gayundin ay nagkaroon ng symposium na layong makatulong at masagot ang ilang katanungan ng ating masisipag na magsasaka patungkol sa kanilang mga pananim.

Samantala, nakasama sa ginanap na Vegetable Summit sina Vice Governor Third Alcala, Department of Agriculture IV-A Regional Director Fidel Libao, Dr. Kim Tan, Board Member Boyong Boongaling, Board Member Yna Liwanag, Board Member Vinette Alcala, Provincial Agriculturist Dr. Liza Mariano, at Mayor Marcelo Gayeta.

Source: Quezon PIO

Strengthening Institutions and Empowering Localities Against Disasters and Climate Change (SHIELD) | June 25, 2024

Sa layunin na mapabilis at mapabuti ang implementasyon ng programang Pagpapalakas ng Institusyon at Pagbibigay Kapangyarihan sa mga Lokalidad laban sa mga Sakuna at Pagbabago ng Klima o mas kilala bilang SHIELD (Strengthening Institutions and Empowering Localities Against Disasters and Climate Change), nagkaroon ng Synergy Workshop ngayong araw ng Martes, Hunyo 25 sa MI Sevilla Resort sa Brgy. Domoit, Lucena City sa pangunguna ng Provincial Disaster Risk Reduction and Management Office.

Dinaluhan ito ng iba’t-ibang tanggapan sa lalawigan na katuwang sa pagsisiguro ng kaligtasan ng bawat mamamayang Quezonian.

Ilan sa tinalakay ay ang resulta ng SHIELD capacity assessment, presentasyon ng potensiyal na bankable proposals, pagsasaayos ng Provincial Work Plan at mga istratehiya at pamamaraan sa pagpapabilis ng Provincial Game Plan.

Patuloy ang pagbabalangkas ng tanggapan ng PDRRM kasama ang mga katuwang sa serbisyo ng mga hakbang na aangkop sa pagpapaigting ng mga programang makatutulong sa pag-iwas at pagpapagaan ng epekto ng mga panganib at sakuna na maaaring tumama sa Lalawigan.

Source: Quezon PIO

Free Legal Consultation and Notarial Service

ATTENTION The Quezon Provincial Legal Office is currently planning a whole-day event to provide free legal consultation and notarial services (simple affidavits only) for the people of Quezon Province.

We are now conducting a public survey to determine the number of individuals interested in availing of these services.

Your cooperation and feedback are essential to adjust our efforts and ensure the event is efficient and beneficial for all participants. We will reach out to you via the email provided with details about the event.

Thank you very much.

PRIVACY NOTICE:

The personal information you will provide in this document will only be used for the purpose of administering the survey. Any personal information included herein will not be used for other purposes aside from those stated above and shall be processed in accordance with the Data Privacy Act of 2012.

Source: Quezon Legal Office

Quezon Tangerines Press Conference | June 24, 2024

Ipinakilala na ang Quezon Tangerines Women Volleyball Team na magrerepresent sa lalawigan ng Quezon sa Maharlika Pilipinas Volleyball Association (MPVA) ngayong araw ng Lunes, Hunyo 24.

Para mas makilala pa ang Quezon lalo na sa larangan ng palakasan ay magalak na pinakilala nina Governor Doktora Helen Tan, Congressman Atorni Mike Tan, Team Manager Atty. Donn Kapunan, at Assistant Team Manager Benedicto Membrere ang NCAA 2024 Women Volleyball Champion mula sa College of St. Benilde na magiging manlalaro ng Quezon Tangerines na pangungunahan ng kanilang tagapagsanay na 3x NCAA Champion Coach Jerry Yee.

Narito ang mga bumubuo ng Quezon Tangerines:

1. Jessa Dorog (Team Captain)

2. Francis Mycah Go

3. Zamantha Nolasco

4. Chenae Basarte

5. Clyde Mae Catarig

6. Weilyn Estoque

7. Corrine Allyson

8. Cristy Ondangan

9. Aya Densing

10. Kim Alison Estenzo

11. Zen Basilio

12. Fiona Inocentes

13. Marygrace Borromeo

14. Sofia Badion

15. Shekaina Lleses

16. Shahana Lleses

Samanatala nagsagawa din ng tryout para sa mga Homegrown ng lalawigan ng Quezon at kabilang sa walong napili sa 75 na manlalaro at dadaan sa pagsasanay sina:

Paola Albon – Lucban

Lenie Sapallo – Lucena City

Jasmine Dapol – Lucena City

Christine Joy Lubiano – Lucena City

Jillian Nicole Quiambao – Lucena City

Geraldine Rae Palacio – Pagbilao

Kamille Josephine Amaka Tan – Tayabas

Louann Latigay – Lucena City

Source: Quezon PIO

Ika-102 Pangkaraniwang Pulong ng Sangguniang Panlalawigan | June 24, 2024

Upang makapagbigay ng mga batas na magbibigay ng seguridad, kaginhawaan at kaayusan sa lalawigan, giInanap ang Ika-102 Pangkaraniwang Pulong ng Sangguniang Panlalawigan ng Quezon ngayong araw ng Lunes, Hunyo 24.

Pinangunahan ni Vice Governor Third Alcala ang Virtual Session ng Sanggunian upang mas paigtingin pa ang lehislaturang panlalawigan na nagbibigay pahintulot na maaprubahan ang mga resolusyon, ordinansa at mga kautusang bayan mula sa mga lungsod at munisipalidad ng Lalawigan ng Quezon.

Ilan sa mga ito ay ang pag apruba ng ordinansang panlalawigan na magtatatag ng livelihood assistance para sa mga Micro Small and Medium Enterprises (MSME) ng probinsya at ang resolusyon mula sa DILG na nag-uutos sa mga lungsod at munisipalidad na maipatupad ang PalengQR Program na naglalayong maisulong ang digitalization ng mga transaksyon sa mga pampublikong pamilihan at transportasyon ng komunidad sa buong bansa.

Asahan pa ang patuloy na pag-aapruba ng mga batas na makakatulong sa bawat mamamayan at komunidad sa Lalawigan ng Quezon.

Source: Quezon PIO

Pagbisita sa tanggapan ni Governor Doktora Helen Tan ang Development Bank of the Philippine (DBP) | June 24, 2024

TINGNAN: Bumisita sa tanggapan ni Governor Doktora Helen Tan ang Development Bank of the Philippines (DBP) ngayong araw ng Lunes, Hunyo 24 upang pormal na ibigay ang cheke na naglalaman ng P300,000 bilang donasyon sa Pamahalaang Panlalawigan para sa mga kababayang naapektuhan ng bagyong Aghon.

Lubos ang pasasalamat ng Pamahalaang Panlalawigan sa tulong na ibinigay ng DBP na tiyak na makakadagdag sa tulong na patuloy na inihahatid sa mga mamamayan ng Lalawigan.

Source: Quezon PIO