3rd Quarterly Council Meeting ng PDRRMC | August 07, 2024

Pinangunahan ni Governor Doktora Helen Tan ang 3rd Quarterly Council Meeting ng PDRRMC na dinaluhan ng mga tanggapan ng Pamahalaang Panlalawigan ng Quezon at ng mga katuwang na ahensya ngayong araw ng Miyerkules, Agosto 7.

Naibalita sa pagpupulong ni Provincial Veterinary Officer Dr. Flomella Caguicla ang patubgkol sa sunod-sunod na outbreak na kinakaharap hindi lang sa Quezon kundi sa buong Pilipinas dulot ng African Swine Fever, isang sakit na sanhi ng virus na nakakamatay sa mga alagang baboy. Tinitiyak naman na agaran ang pag-aksyon ng Office of the Provincial Veterinarian upang maiwasan ang paglaganap ng sakit na nakakapinsala sa isang pangunahing hanapbuhay ng mga mamamayan sa Quezon.

Samantala, puspusan ang paghahanda ng PDRRMO para sa kaligtasan ng mga turista at mamamayang Quezonian na makikisaya sa darating na Niyogyugan Festival na magsisimula sa Agosto 9 at magtatapos sa ika-19 ng nasabing buwan.

Nagkaroon naman ng updates ang UNDP tungkol sa kung ano nga ba ang role ng Quezon Resilience Council sa mga Local Government Units at ang pagkilala ng mga ito sa kahalagahan ng mga partners at stakeholders ng layong mas mapaigting pa ang katatagan ng Lalawigan.

Sa huli ay nagbigay kompromiso naman ang pamunuan ng PNP na tututukan ang daloy ng trapiko, mga street vendors at ang mas pinalakas na pwersa nila para sa kaligtasan ng mga Quezonian sa darating na Niyogyugan Festival.

---

Quezon PIO

Paano Makakaiwas sa Sakit ang Alagang Hayop?

Panatilihing ligtas ang ating mga alagang hayop mula sa mga kumakalat na sakit. Siguraduhing nasusunod ang ipinatutupad na mga biosecurity!
Tingnan ang mga PAALALA kung Paano Makakaiwas sa Sakit ang Alagang Hayop

---

Quezon ProVet

Libreng Upper Bleacher Tickets para sa Darating na Laro ng Quezon Huskers laban sa Rizal XentroMall Golden Coolers | August 06, 2024

TINGNAN: Naipamigay ngayong araw ng Martes, Agosto 6 ang libreng upper bleacher tickets para sa darating na laro ng Quezon Huskers laban sa Rizal XentroMall Golden Coolers na gaganapin bukas ng Agosto 7, 8PM sa Quezon Convention Center, Lucena City

Sabay-sabay nating suportahan ang pakikipagtagisan ng ating pambatong koponan!

Muling paalala, mahigpit na ipinagbabawal ang pagbebenta o pagbili ng naturang ticket.

---

Quezon PIO

Press Conference ng Ginoo at Binibining Niyogyugan 2024 | August 06, 2024

Isinagawa ngayong araw ng Martes, Agosto 6 ang press conference ng Ginoo at Binibining Niyogyugan 2024 upang pormal na iprisenta ang bawat kalahok ng nasabing nalalapit na prestihiyosong patimpalak sa lalawigan ng Quezon.

Isa-isang nagpakilala ang 28 Ginoo at 24 Binibini na maglalaban-laban para makuha ang korona. Sinagot din ng ilang kalahok ang mga katanungan ukol sa kanilang naging karanasan at paghahanda para kompetisyon.

Tunghayan at abangan naman kung sino sa mga kalahok ang mag-uuwi ng titulo bilang Ginoo at Binibining Niyogyugan ngayong taon sa darating na Agosto 9, 2024 sa Quezon Convention Center, Lucena City.

Kaya mga kalalawigan, halina’t suportahan ang inyong mga pambato!

Link:

https://www.facebook.com/QuezonGovPh/posts/pfbid02D5L8f5GbVd8XoyDM69jAtY9q7nX97PDwTJ9yPFqsbZqbLfiZ9zTu2xZL2Q7b7cUMl?rdid=Zen8W7CunJgBLmjT

---

Quezon PIO

Itinatayong mga Agri-Tourism Booth para sa Niyogyugan Festival

TINGNAN: Itinatayo na sa Quezon Provincial Capitol Grounds ang mga agri-tourism booth ng bawat munisipalidad at lungsod para sa darating na makulay na pagdiriwang ng Niyogyugan Festival ngayong taon.

Makisaya at tunghayan ang iba’t-iba pang aktibidad na inihanda sa nasabing kasabik-sabik na pagdiriwang na magbubukas sa Agosto 9 hanggang 19, 2024.

---

Quezon PIO

Quezon Huskers vs. Xentro Mall Golden Coolers Free Ticket Distribution

HOME GAME NG QUEZON HUSKERS

Ang laro ng ating koponan laban sa Rizal XentroMall Golden Coolers ay gaganapin sa Quezon Convention Center sa darating na Miyerkules, August 7, 2024, 8 PM.

Kaya naman mamimigay po tayo bukas ng libreng upper bleacher tickets upang sama-sama nating masuportahan ang pambato ng Quezon!

Narito po ang schedule ng free ticket distribution sa mga bayan na nakalista sa ibaba:

Lucena City (1,500 tickets) – Quezon Provincial Tourism Office – Capitol Compound (Aug. 6 – 1 PM onwards)

Pagbilao (200 tickets) – Sentrong Pangkabuhayan, Brgy. Sta. Catalina, Pagbilao (Aug. 6 – 1 PM onwards)

Sariaya (200 tickets) – Barangay Hall of Poblacion 2 (Aug. 6 – 1 PM onwards)

Tayabas (200 tickets) – Band Stand – Brgy. San Roque Zone 1 (Aug. 6 – 1 PM onwards)

PAALALA

1. Ang pamimigay ng tickets ay isa lamang sa kada tao.

2. Limitado lang ang tickets na ipinamamahagi.

3. Mahigpit na ipinagbabawal ang pagbebenta o pagbili ng ipinamahaging libreng upper bleacher tickets.

Sugod na Quezonians!

---

Doktora Helen Tan Facebook Page

Blessing of 2-Storey 6-Classroom Typhoon Resilient Building | August 05, 2024

Binasbasan na ngayong araw, ika-5 ng Agosto ang 2-Storey 6 Classroom Typhoon Resilient Building na handog ng Pamahalaang Panlalawigan sa pamumuno ni Governor Doktora Helen Tan para sa Sariaya National High School.

Ang nasabing gusali ay may kabuuang pondo na P16.7 million na nagmula sa Special Educational Fund 2023, pinapatakbo ito ng 20 Solar Power Panels at mayroong sariling Water Pump, Automatic Fire Protection Sprinklers at kayang maglaman ng bawat silid-aralan ng 40 hanggang 50 na estudyante.

Asahan ang tuloy-tuloy na pagtutok ng Pamahalaang Panlalawigan at ni Governor Doktora Helen Tan sa mga programang mag-aangat sa antas ng Edukasyon sa buong Quezon.

---

Quezon PIO

Blessing of Multi-purpose Building / Covered Court | August 05, 2024

Mainit na sinalubong ng mga mag-aaral ng Quezon Science High School ang pagbisita ni Governor Doktora Helen Tan upang pangunahan ang pormal na pagbabasbas ngayong araw ng Lunes, Agosto 5 ng bagong Multi-Purpose Building o Covered Court.

Ang unang pondo ng nasabing gusali ay nagmula sa 20% Development Fund 2017 na nagkakahalagang P13 million, at nabigyan muli ito ng P15 million pondo mula sa DPWH Fund 2023 na nagsilbing daan upang maitayo at maisakatuparan na ang proyekto.

Samantala, may 4 na restroom, 2 dressing room, at 1 storage room ang multi-purpose building.

Labis rin ang tuwa ng bawat guro, magulang, at estudyante dahil may malawak na silang pasalidad na magagamit upang pagdausan ng iba’t-ibang aktibidad o okasyon.

---

Quezon PIO

Blessing of 2-Storey 4-Classroom School Building | August 05, 2024

Masayang pinangunahan ni Governor Doktora Helen Tan ngayong araw ng Lunes, Agosto 5 ang pagbabasbas ng bagong pang-edukasyon na gusali para sa Pahinga Norte Elementary School na matatagpuan sa bayan ng Candelaria, Quezon.

Mayroong dalawang palapag at apat na silid-aralan ang nasabing typhoon resilient na gusali, at pinapatakbo rin ito ng 20 solar power panels.

Nagkakahalaga naman ng P12.4 million ang pondong ginamit sa pagpapatayo ng gusali na nagmula sa Special Education Fund 2023.

---

Quezon PIO

Blessing of 2-Storey 6-Classroom School Building | August 05, 2024

Nag-uumapaw ang saya ng mga estudyante at guro ng Bukal Sur Elementary School matapos isagawa ngayong araw, ika-5 ng Agosto ang pagbabasbas ng 6 Classrooms 2-Storey School Building na handog ng Pamahalaang Panlalawigan sa pamumuno ni Governor Doktora Helen Tan.

Ang Typhoon Resilient School Building na ito ‘y nagkakahalaga ng P16.7 million na nagmula sa Special Educational Fund 2023, pinapatakbo ito ng 20 Solar Power Panels at mayroon din na sariling automatic fire protection sprinklers at water pump. Ang bawat silid-aralan ay kayang maglaman ng 40 hanggang 50 na estudyante.

Ang mga ganitong klase ng proyekto ng kapitolyo ang nagpapatunay sa hangarin ni Governor Doktora Helen Tan na magkaroon ng mas maunlad na lalawigan ng Quezon.

---

Quezon PIO