Lingap sa Mamamayan Libreng Gamutan – Unisan, Quezon | August 25, 2024

Para sa buong-pusong paglilingkod, patuloy na inihahatid ng Pamahalaang Panlalawigan ng Quezon sa mga Quezonian ang Libreng Serbisyong Gamutan sa pangunguna ni Governor Doktora Helen Tan.

Dinagsa ng 4,360 benepisyaryo mula sa bayan ng Unisan ang ginanap na Medical Mission nitong araw ng Agosto 25 kung saan kanilang napakinabangan ang iba’t-ibang libreng serbisyong medikal.

Ilan sa mga ito ay medical check-up para sa bata at matanda, bunot ng ngipin, tuli, derma, ENT, cervical cancer screening, minor surgery sa may maliit na bukol, Ultrasound, ECG, CBC, HIV Screening, Urinalysis, FBS/RBS, pagbabakuna ng PCV 23, at libreng gamot. Bitbit din ang libreng pagpapatingin sa mata at libreng pagpapasalamin.

Nakasama naman sa paghahatid ng mga serbisyong medikal sina Vice Governor Third Alcala, 3rd District Congressman Reynan Arrogancia, Board Member John Joseph Aquivido, at Mayor Adulta Ferdinand Denand.

Quezon PIO

Libreng Serbisyong Medikal sa Bayan ng Unisan | August 25, 2024

TINGNAN: Mainit na naihatid ng buong Medical Team ang iba’t-ibang libreng serbisyong medikal sa bayan ng Unisan sa pangunguna ni Governor Doktora Helen Tan ngayong araw ng Linggo, Agosto 25.

Narito ang ilang kaganapan sa ginanap na Medical Mission.

Quezon PIO

Lingap sa Mamamaya Libreng Gamutan – Macalelon, Quezon | August 24, 2024

Sa inisyatibo ng Pamahalaang Panlalawigan ng Quezon at ni Governor Doktora Helen Tan, tuloy-tuloy na naisasakatuparan ang misyong mailapit ang serbisyo ng kapitolyo lalo na ang mga programang pangkalusugan.

Ang Medical Mission o Lingap sa Mamamayan, Libreng Gamutan ay isa sa pangunahing inihahatid para sa mga mamamayan ng Quezon, at sunod itong napakinabangan ng bayan ng Macalelon nitong araw ng Agosto 24.

Umabot sa 4,078 ang naging benepisyaryo ng mga libreng serbisyong medikal, gaya ng medical check-up para sa mga bata at matanda, bunot ng ngipin, tuli, minor surgery sa may maliit na bukol, derma, ENT, eye check-up, cervical cancer screening, Ultrasound, ECG, CBC, HIV Screening, Urinalysis, FBS/RBS, pagbabakuna ng PCV 23, at mayroon ding libreng gamot.

Malugod namang ipinaabot ang pasasalamat sa bawat doktor at espesyalista sa parating pakikipagbalikatan sa pamahalaang panlalawigan upang maging possible ang paghahatid ng serbisyong medikal para sa mga mamamayang Quezonian.

Quezon PIO

Aid to Barangay & Distrubtion of Essential Medicine | August 24, 2024

Upang higit pang maipakita ang malasakit ng Pamahalaang Panlalawigan at ni Governor Doktora Helen Tan sa bawat barangay ng ating lalawigan, isinagawa ngayong araw, Sabado, ika-24 ng Agosto, ang Aid to Barangay at Distribution of Essential Medicine para sa 30 na barangay ng Bayan ng Macalelon, Quezon.

Ang pinansyal na tulong mula sa Pamahalaang Panlalawigan ay magagamit ng mga benepisyaryong barangay para sa karagdagang mga programang pangkalusugan, habang ang mga essential medicines ay magsisilbing paunang lunas para sa mga may sakit sa kanilang mga lugar.

Sa pamamagitan ng mga ganitong programa, pinatutunayan ng Pamahalaang Panlalawigan at ni Governor Doktora Helen Tan na mayroong gobyernong maaasahan ang bawat mamamayang Quezonian.

Quezon PIO

Libreng Serbisyong Medikal na Handog ng Pamahalaang Panlalawigan ng Quezon | August 24, 2024

TINGNAN: Mga mamamayan mula sa bayan ng Macalelon, napakinabangan ang mga libreng serbisyong medikal na handog ng Pamahalaang Panlalawigan ng Quezon sa pangunguna ni Governor Doktora Helen Tan ngayong araw, Agosto 24.

Quezon PIO

On-site Training (IEC on ASF) for LMPC Members of Sariaya, Tayabas, Pagbilao and Lucena | August 23, 2024

Nagsagawa nitong Agosto 24, 2024 ng isang on-site seminar at malawakang Information Education Communication (IEC) Campaign sa pangunguna ng ating Provincial Veterinarian, Dr. Flomella A. Caguicla. Ito ay para bigyan ng tama at naaangkop na impormasyon ukol sa sakit na African Swine Fever (ASF) ang mga miyembro ng Luntian Multi-Purpose Cooperative mula sa bayan ng Sariaya at Pagbilao at mga Lungsod ng Tayabas at Lucena.

Ito ay isang hakbang upang maipaliwanag ng husto ang mga tama at hindi tamang gawin para maiwasan ang pagkalat ng sakit sa mga babuyan at lalong lalo na sa mga karatig bayan sa lalawigan.

Ang aktibidad na ito ay naging matagumpay sa pamamagitan ng Luntian Multi-Purpose Cooperative na pinangunahan ng LMPC Vice-Chairperson, G. Edwin M. Aquino.

Quezon ProVet

Panel Interview with Shortlisted 2024 Outstanding SK Chairperson & Local Youth Development Officers | August 23, 2024

Kasama sa paghahanda para sa nalalapit na selebrasyon ng Linggo ng Kabataan 2024, isinagawa ngayong araw, ika-22 ng Agosto, ang Panel Interview para sa mga napiling nominado sa Outstanding Local Youth Development Officers (LYDOs) at Outstanding SK Chairperson sa Lalawigan ng Quezon.

Ang panel interview ay pinangunahan nina Mark Ryan D. Talajuron, Hon. Iris H. Armando, at Rhyn Anthony Nique Escolona. Ang mga nominado ay masusing sinuri batay sa kanilang kahusayan sa Leadership and Governance, Programs and Projects, Community Involvement and Participation, Leadership and Vision, Personal and Professional Development, at Communication Skills.

Ang pormal na pagagawad ng mga parangal ay gaganapin sa darating na Agosto 29, 2024, sa Quezon Convention Center, Lucena City.

Quezon PIO

𝐄𝐀𝐑𝐓𝐇𝐐𝐔𝐀𝐊𝐄 𝐈𝐍𝐅𝐎𝐑𝐌𝐀𝐓𝐈𝐎𝐍 𝐍𝐎. 𝟐

DATE & TIME :23Aug24 – 03:54PM

LOCATION: 12.96°N, 122.50°E – 043 km S 03° W of San Francisco (Quezon)

DEPTHS OF FOCUS: 012 km

ORIGIN: Tectonic

MAGNITUDE: Ms 3.7

Quezon PDRRMO

Benchmarking Activity of Quezon’s Best GAD Practices | August 22, 2024

Sa pangunguna ng Provincial Gender and Development Office (PGAD), malugod na pinaunlakan ng Pamahalaang Panlalawigan ang pagbisita kahapon, Agosto 22 ng mga kawani mula sa Brgy. San Vicente, District IV, Quezon City para sa isang Benchmarking Activity and Learning Visit on Quezon’ s GAD Practices.

Ibinahagi ni PGAD Community Affairs Officer IV ang mga matagumpay na programang naisakatuparan ng lalawigan ng Quezon ukol sa Gender And Development (GAD) sa hangarin na makatulong upang maaaring maisagawa at mailunsad ito sa Barangay San. Vicente.

Samantala, nagtungo rin ang ng nasabing Barangay sa Food & Herbal Processing Center na matatagpuan sa Pagbilao, Quezon.

Quezon PIO

Tara na sa Quezon – Long Weekend

Ang dami-daming pwedeng gawin ngayong long weekend,

Pasyal na at nang maranasan ang ganda ng iba’t ibang AGRI-TOURISM FARM ng lalawigan.

Na’ay! TARA NA SA QUEZON!

Quezon Tourism