Congressional Competition Niyogyugan 2025 | May 26, 2025

Narito ang mga opisyal na kalahok sa apat na Distrito sa paligsahan ng KULTURANG QUEZONIAN (Declamation, Oration, Madulang Sabayang Pagbigkas) na kung saan masasaksihan at maipapamalas ang galing at talento ng bawat kabataan.
Kitakits quezoniaaaaan!👋

𝘗𝘢𝘳𝘢 𝘮𝘢𝘨𝘪𝘯𝘨 𝘶𝘱𝘥𝘢𝘵𝘦𝘥 𝘴𝘢 𝘮𝘨𝘢 𝘴𝘶𝘴𝘶𝘯𝘰𝘥 𝘱𝘢𝘯𝘨 𝘬𝘢𝘨𝘢𝘯𝘢𝘱𝘢𝘯, 𝘮𝘢𝘯𝘨𝘺𝘢𝘳𝘪 𝘭𝘢𝘮𝘢𝘯𝘨 𝘯𝘢 𝘪𝘭𝘪𝘬𝘦 𝘰 𝘪𝘧𝘰𝘭𝘭𝘰𝘸 𝘢𝘯𝘨 Tourism Quezon Province

#NiyogyuganFestival2025
#KulturangQuezonian

Quezon PIO / Tourism

149th Sangguniang Panlalawigan Regular Session

TINGNAN: 149th Sangguniang Panlalawigan Regular Session.
Pormal na ginanap ang ika-149 Pangkaraniwang Pulong ng Sangguniang Panlalawigan ngayong araw ng Lunes, Mayo 26 via Zoom Conference Meeting.
Dumalo dito ang mga Board Member bilang kinatawan ng bawat distrito sa lalawigan kung saan dito inaprubahan ang mga Ordinansa, Resolusyon, Atas tagapag paganap at iba pang liham, alinsunod sa higit pang pagpapaunlad at pagpapatatag ng lalawigan ng Quezon.
Kaugnay nito, idineklarang wasto ang resolusyon na isinulong ni Board Member at Committee on Agriculture , Coconut Industry and Fisheries Hon. Claro M. Talaga, Jr. patungkol sa pagpasok ni Governor Doktora Helen Tan sa ngalan ng Pamahalaang Panlalawigan ng Quezon sa isang Deed of Donations sa sumusunod na mga benepisyaryo; Samahan ng Magniniyog sa Niyugan ng Pahinga Sur at San Antonio Pala Coconut Farmers Agriculture Cooperative.
Samantala aprobado ang ordinansa na isinulong ni Board Member at Committee on Public Works Hon. Julius Jay F. Luces patungkol sa pagtatayo ng mga Road Warning at Safety Devices (RWSDs) sa mga tulay at daan sa Bayan ng Padre Burgos upang masiguro ang kaligtasan ng mga motorista.

For more details, visit this link: https://www.facebook.com/QuezonGovPh/posts/pfbid02pVQj25CPpJ9TY6z9Rt6KKbEAsWkEkdtF4gB8B39ymHNZhUQtjKiBWZS3J7HYscnPl

#SerbisyongTunayAtNatural
#HEALINGQuezon
#QuezonProvince

Quezon PIO

Newly Elected Officials in Quezon Province Take Oath of Office | May26, 2025

Bilang pagsisimula ng bagong mandato sa paglilingkod, pormal na nanumpa sa tungkulin ngayong Lunes, Mayo 26, ang mga bagong halal na opisyal mula sa mga bayan ng Gumaca, San Antonio, Agdangan, at Calauag, Quezon.
Pinangunahan ni Governor Doktora Helen Tan ang makabuluhang seremonya, kung saan labing-anim (16) na opisyal mula sa nasabing mga bayan ang nanumpa na gagampanan ang kanilang mga tungkulin at responsibilidad sa kani-kanilang nasasakupan.
Ang panunumpang ito ay sumisimbolo sa panibagong yugto ng pamumuno at serbisyo para sa mga mamamayang Quezonian. Samantala, hangad ng Pamahalaang Panlalawigan na maging katuwang ang mga opisyal sa higit na pagpapabuti ng lalawigan ng Quezon at maging kabalikat sa pagseserbisyo na inuuna ang kapakanan ng bawat Quezonian.

For more details, visit this link: https://www.facebook.com/share/p/1HX1q1R1G8/

#SerbisyongTunayatNatural
#HEALINGQuezon
#QuezonProvince

Quezon PIO

Congratulations! March 2025 Licenure Examination for Professional Teachers Top Performing Schools

Mainit na pagbati ng tagumpay!
Isang malaking karangalan ang hatid ng mga gurong Quezonian at mga unibersidad sa lalawigan ng Quezon matapos silang mapabilang sa hanay ng mga topnotchers at top performing schools sa nakalipas na March 2025 Licensure Examination for Professional Teachers. Nakamit nina John Reynor B. Pionilla mula sa Lungsod ng Lucena ang Top 2 (93.60%) at Kerby T. Tacorda mula sa bayan ng Gumaca ang Top 10 (92.00%) kapwa mula sa University of the Philippines Los Baños, nakamit din ni Hannah Ira A. Cueto mula sa Southern Luzon State University (SLSU) Lucban ang Top 9 (92.20%) sa Secondary Level, habang nasungkit naman ni Mary Rose Macabuhay mula sa Philippine Normal University South Luzon ang Top 10 (92.60%) sa Elementary level.
Samantala, apat na unibersidad sa Lalawigan ang napabilang sa Top Performing School sa nasabing examination.
🏅TOP 1 (Secondary Level) – Philippine Normal University South Luzon with 98.00% passing rate | 50-99 examinees
🏅TOP 1 (Elementary Level) – Polytechnic University of the Philippines–Mulanay with 98.11% passing rate | 50-99 examinees
🏅TOP 2 (Secondary Level) – Southern Luzon State University-Lucban with 86.52% passing rate | 300 or more examinees
🏅TOP 2 (Elementary Level) – Southern Luzon State University-Lucban with 90.98% passing rate | 100 or more examinees
🏅TOP 6 (Secondary Level) – CSTC (College of Science, Technology & Communication) Inc. with a passing rate of 94.32% | 50-99 examinees
Ang karangalan na ito ay tagumpay ng buong Lalawigan at inspirasyon sa mga kabataang patuloy na nangangarap at nagsusumikap.

#QuezonProvince
#LETEXAM2025

Quezon PIO

Pamanang Quezonian Seminar_Workshops in Celebration of National Heritage Month | May 23, 2025

‎Para sa huling araw ng aktibidad para sa National Heritage Month o Buwan ng Pambansang Pamana, isinagawa ang Reporting, Critiquing Targeting Institutions, Personalities Critical Next Steps: Heritage Square/District or Zone, Museum and Local Study Center ngayong araw ng Biyernes May 23 sa St. Jude Cooperative Hotel and Event Center Tayabas City.
‎
‎Sa pangunguna ni Associate Professor I Marinduque State College Randy T. Nobleza, tinalakay nito ang mga strategic planning ukol sa mga dapat gawin upang mas mapahalagahan, at mapreserba ang mga pamanang kultura hanggang sa susunod pang henerasyon.
‎
‎Gayundin, patuloy na pagsusumikapan ng Pamahalaang Panlalawigan na tuklasin pa ang pamanang yaman na sumasalamin sa kultura ng lalawigan ng Quezon.

For more details, visit this link: https://www.facebook.com/QuezonGovPh/posts/pfbid05bAgfiDTGuRQ5jXu3AynzrBdBaceuDAAKTjWKAYoFsiaesQC6Dupmi4NjY6SskErl
‎
‎#SerbisyongTunayAtNatural
‎#HEALINGQuezon

Quezon PIO

Agri-based Food Product Development Program | May 23, 2025

Sa pamamagitan ng Agri-based Food Product Development Program ng Office of the Provincial Agriculturist, matagumpay na naisagawa ang pagtuturo ng bagong produkto: “Drip Coffee” para sa D Aroma Rural Improvement Club ng Dolores Quezon nitong ika 22 ng Mayo, 2025 sa pangunguna ng Food Processing Unit mula sa Agricultural Support Services Division at pakikipagtulungan sa LGU Dolores.
Layunin ng programang ito na matulungang magkaroon ng de kalidad na produkto ang ating mga samahang nagpoproseso ng kanilang mga produkto para sa sustinableng mapagkukunan ng kanilang kabuhayan sa kanilang komunidad.
Pasasalamat ang nais ipahayon ng samahan ng D Aroma Rural Improvement Club ng Dolores Quezon sa Pamahalaang Panlalawigan ng Quezon sa patuloy na pagsuporta sa ating mga magsasaka at mga samahang nagpoproseso ng iba’tibang mga produkto.

For more details, visit this link: https://www.facebook.com/share/p/18n2neruAd/

#QuezonProvince
#SerbisyongTunayAtNatural
#HEALINGQuezon

Quezon PIO

Local Committee on Anti-trafficking and Violence Against Women and their Children (LCAT-VAWC) | May 23, 2025

Matagumpay na idinaos ang Local Committee on Anti-trafficking and Violence Against Women and their Children (LCAT-VAWC) Provincial Inter-Agency Monitoring Team (PIMT) ngayong araw ng Biyernes, Mayo 23, sa 2nd Floor Conference Room ng Provincial Capitol Building.
Pinangunahan ito ng Department of Interior and Local Government Provincial Focal Person Denise Ann F. Reselloza at Provincial Gender and Development Office (PGAD) kung saan dinaluhan ito ni PGAD Assistant Department Head Sedfrey Potestades, at mga Focal Persons mula sa Pamahalaang Panlalawigan.
Isinagawa dito ang Taunang LCAT-VAWC PIMT Table Validation ng iba’t ibang Munisipalidad ng Lalawigan ng Quezon na naglalayon na alamin ang Functionality Rating ng kada bayan base sa apat (4) na batayan; Organization, Meeting, Policies, Plans and Budget, at Accomplishments.
Asahan na ang Pamahalaang Panlalawigan ay patuloy na papaigtingin pa ang suporta sa mga programa na nagtataguyod sa kahalagahan at proteksyon ng mga kababaihan sa bawat bayan at lungsod ng Quezon.

For more details, visit this link: https://www.facebook.com/share/p/1HNDNkRawa/

#LCATVAWCPIMT
#HEALINGQuezon
#SerbisyongTunayAtNatural
#QuezonProvince

Quezon PIO

International Thyroid Awareness Day 2025 | May 23, 2025

Ngayong International Thyroid Awareness Day 2025, alamin at unawain ang mahalagang papel ng iyong thyroid sa pangkalahatang kalusugan.
Magpa-check-up at kumilos para sa mas malusog na bukas!

QPHN-QMC

CONGRATULATIONS!

Nakamit ng Pamahalaang Panlalawigan ng Quezon ang isang prestihiyosong parangal na “2025 PHALGA Excellence Award” sa ginanap na 20th Annual National Conference of the Philippine Association of Local Government Accountants (PhALGA) nitong nakaraang Mayo 20, sa Iloilo Convention Center, Iloilo City.

Sa pamumuno ni Governor Doktora Helen Tan, gayundin sa hindi matatawarang serbisyo ng Office of the Provincial Accountant sa pangunguna ni Mary Grace L. Gordula, ay natanggap ng Pamahalaang Panlalawigan ang naturang parangal na ibinibigay sa mga Local Government Unit (LGU) na nakakuha ng Unmodified Audit Opinion on 2023 Financial Statements mula sa Commission on Audit (COA).

Ang parangal na ito ay isang patunay na ang Pamahalaaang Panlalawigan ay nagsusulong ng isang tapat, maayos, at responsableng paggamit sa pondo ng lalawigan.

Pamanang Quezonian Seminar/Workshops in Celebration of National Heritage Month | May 22 2025

Bilang bahagi ng selebrasyon ng National Heritage Month o Buwan ng Pambansang Pamana, isinagawa ang Cultural Mapping sa ikatlong araw ng PAMANANG QUEZONIAN Seminar/Workshop on Cultural Sensitivity Cultural Mapping and Heritage Inventory and Understanding the Flag And Heraldic Code of the Philippines ngayong araw ng Huwebes, Mayo 22.
Sa inisyatibo ng Quezon Provincial Tourism Office (QPTO) na pinamumunuan ni Mr. Nesler Louies C. Almagro ay nakiisa ang apatnapu’t isang (41) Tourism Officers ng iba’t ibang munisipalidad sa lalawigan ng Quezon kaisa ang Quezon Provincial Librarian sa pamumuno ni Ms. Ria Marielle A. Timbal.
Matagumpay na napuntahan ang mahahalaga at makasaysayang lugar sa lungsod ng Lucena at Tayabas gayondin sa bayan ng Sariaya at Pagbilao kung saan kilala ang mga ito sa kanilang arkitekturang kolonyal, makabuluhang mga tradisyon at kasaysayan.
Layunin ng naturang aktibidad na mapalawak ang kaalaman ng mga mamamayang Quezonian tungkol sa kahalagahan ng pamanang kultura ng ating lalawigan, na ito ay mas pahalagahan, ingatan at pagsumikapang mapreserba hanggang sa susunod pang henerasyon o saling lahi.

For more details, visit this link: https://www.facebook.com/share/p/15PrMN5oLo/

#SerbisyongTunayAtNatural
#HEALINGQuezon

Quezon PIO