TINGNAN: Mainit na naihatid ng buong Medical Team ang ibaβt-ibang libreng serbisyong medikal sa bayan ng Unisan sa pangunguna ni Governor Doktora Helen Tan ngayong araw ng Linggo, Agosto 25.
Narito ang ilang kaganapan sa ginanap na Medical Mission.
Quezon PIO
Sa inisyatibo ng Pamahalaang Panlalawigan ng Quezon at ni Governor Doktora Helen Tan, tuloy-tuloy na naisasakatuparan ang misyong mailapit ang serbisyo ng kapitolyo lalo na ang mga programang pangkalusugan.
Ang Medical Mission o Lingap sa Mamamayan, Libreng Gamutan ay isa sa pangunahing inihahatid para sa mga mamamayan ng Quezon, at sunod itong napakinabangan ng bayan ng Macalelon nitong araw ng Agosto 24.
Umabot sa 4,078 ang naging benepisyaryo ng mga libreng serbisyong medikal, gaya ng medical check-up para sa mga bata at matanda, bunot ng ngipin, tuli, minor surgery sa may maliit na bukol, derma, ENT, eye check-up, cervical cancer screening, Ultrasound, ECG, CBC, HIV Screening, Urinalysis, FBS/RBS, pagbabakuna ng PCV 23, at mayroon ding libreng gamot.
Malugod namang ipinaabot ang pasasalamat sa bawat doktor at espesyalista sa parating pakikipagbalikatan sa pamahalaang panlalawigan upang maging possible ang paghahatid ng serbisyong medikal para sa mga mamamayang Quezonian.
Quezon PIO
Upang higit pang maipakita ang malasakit ng Pamahalaang Panlalawigan at ni Governor Doktora Helen Tan sa bawat barangay ng ating lalawigan, isinagawa ngayong araw, Sabado, ika-24 ng Agosto, ang Aid to Barangay at Distribution of Essential Medicine para sa 30 na barangay ng Bayan ng Macalelon, Quezon.
Ang pinansyal na tulong mula sa Pamahalaang Panlalawigan ay magagamit ng mga benepisyaryong barangay para sa karagdagang mga programang pangkalusugan, habang ang mga essential medicines ay magsisilbing paunang lunas para sa mga may sakit sa kanilang mga lugar.
Sa pamamagitan ng mga ganitong programa, pinatutunayan ng Pamahalaang Panlalawigan at ni Governor Doktora Helen Tan na mayroong gobyernong maaasahan ang bawat mamamayang Quezonian.
Quezon PIO
TINGNAN: Mga mamamayan mula sa bayan ng Macalelon, napakinabangan ang mga libreng serbisyong medikal na handog ng Pamahalaang Panlalawigan ng Quezon sa pangunguna ni Governor Doktora Helen Tan ngayong araw, Agosto 24.
Quezon PIO
Nagsagawa nitong Agosto 24, 2024 ng isang on-site seminar at malawakang Information Education Communication (IEC) Campaign sa pangunguna ng ating Provincial Veterinarian, Dr. Flomella A. Caguicla. Ito ay para bigyan ng tama at naaangkop na impormasyon ukol sa sakit na African Swine Fever (ASF) ang mga miyembro ng Luntian Multi-Purpose Cooperative mula sa bayan ng Sariaya at Pagbilao at mga Lungsod ng Tayabas at Lucena.
Ito ay isang hakbang upang maipaliwanag ng husto ang mga tama at hindi tamang gawin para maiwasan ang pagkalat ng sakit sa mga babuyan at lalong lalo na sa mga karatig bayan sa lalawigan.
Ang aktibidad na ito ay naging matagumpay sa pamamagitan ng Luntian Multi-Purpose Cooperative na pinangunahan ng LMPC Vice-Chairperson, G. Edwin M. Aquino.
Quezon ProVet
Kasama sa paghahanda para sa nalalapit na selebrasyon ng Linggo ng Kabataan 2024, isinagawa ngayong araw, ika-22 ng Agosto, ang Panel Interview para sa mga napiling nominado sa Outstanding Local Youth Development Officers (LYDOs) at Outstanding SK Chairperson sa Lalawigan ng Quezon.
Ang panel interview ay pinangunahan nina Mark Ryan D. Talajuron, Hon. Iris H. Armando, at Rhyn Anthony Nique Escolona. Ang mga nominado ay masusing sinuri batay sa kanilang kahusayan sa Leadership and Governance, Programs and Projects, Community Involvement and Participation, Leadership and Vision, Personal and Professional Development, at Communication Skills.
Ang pormal na pagagawad ng mga parangal ay gaganapin sa darating na Agosto 29, 2024, sa Quezon Convention Center, Lucena City.
Quezon PIO
DATE & TIME :23Aug24 β 03:54PM
LOCATION: 12.96Β°N, 122.50Β°E β 043 km S 03Β° W of San Francisco (Quezon)
DEPTHS OF FOCUS: 012 km
ORIGIN: Tectonic
MAGNITUDE: Ms 3.7
Quezon PDRRMO
Sa pangunguna ng Provincial Gender and Development Office (PGAD), malugod na pinaunlakan ng Pamahalaang Panlalawigan ang pagbisita kahapon, Agosto 22 ng mga kawani mula sa Brgy. San Vicente, District IV, Quezon City para sa isang Benchmarking Activity and Learning Visit on Quezonβ s GAD Practices.
Ibinahagi ni PGAD Community Affairs Officer IV ang mga matagumpay na programang naisakatuparan ng lalawigan ng Quezon ukol sa Gender And Development (GAD) sa hangarin na makatulong upang maaaring maisagawa at mailunsad ito sa Barangay San. Vicente.
Samantala, nagtungo rin ang ng nasabing Barangay sa Food & Herbal Processing Center na matatagpuan sa Pagbilao, Quezon.
Quezon PIO
Ang dami-daming pwedeng gawin ngayong long weekend,
Pasyal na at nang maranasan ang ganda ng ibaβt ibang AGRI-TOURISM FARM ng lalawigan.
Naβay! TARA NA SA QUEZON!
Quezon Tourism
Kasunod ng pinaigting na surveillance dahil sa deklarasyon ng World Health Organization sa mpox (dating monkeypox) bilang isang Public Health Emergency of International Concern (PHEIC), nakapagtala ang DOH ng isang bagong kaso ng mpox sa Pilipinas. Bago ito, ang huling kaso ay naiulat noong Disyembre 2023. Ang lahat ng mga naunang kaso ay na-isolate, naagapan, at gumaling na sa sakit.
Mula sa Kagawaran ng Kalusugan (DOH) protektahan ang sarili at ang ang buong pamilya laban sa sakit at maling impormasyon. Maging handa sa banta ng mpox β sundin at tignan ang ilang Health Reminders sa mga larawan.
Link:
DOH