Training on Organization Strengthening and Leardership for PKNM-Q 2023, Inc. | September 19, 2024

Matagumpay na ginanap ngayong Setyembre 19, ang unang araw ng 2-Day Organizational Strengthening and Leadership Training para sa Panlalawigang Kalipunan ng mga Nag-iisang Magulang sa Quezon (PKNM-Q) sa Queen Margarette Hotel, Domoit, Lucena City na pinangunahan ni Provincial Social Welfare and Development Office (PSWDO) Head Sonia S. Leyson.

Sa tulong nina DSWD IV-A KC-NCDDP Training Specialist Tessie T. Bugarin at Ms. Philda Luteria Portes mula sa LGU Perez, Quezon naibahagi ang mahahalagang kaalaman na naglalayong makatulong sa mga single parent na mamamayan sa iba’t ibang bayan ng Lalawigan ng Quezon. Tatlumpu’t pito (37) naman ang nakilahok sa nasabing pagsasanay.

Tinalakay sa programa ang mga seksyon ng batas at legal na batayan para sa mga Solo Parents, kabilang ang RA 7160 o Local Government Code of 1991 at RA 11861 o Expanded Solo Welfare Act. Bukod dito, inilahad ang mga kwalipikasyon upang makilala bilang Solo Parent, mga benepisyo na maaari nilang makuha, at ang wastong paggamit at pag-iingat sa Solo Parent Identification Card.

Para masunod ang hangarin ni Governor Doktora Helen Tan na serbisyong para sa lahat at pagkakaroon ng makapangyarihang mamamayan ng lalawigan ng Quezon, ipagpapatuloy ang ikalawang araw ng training/workshop sa Biyernes, Setyembre 20.

Quezon PIO

Assessment of Crop-Animal Systems in the Philippines | September 19, 2024

Ginanap ngayong araw, Setyembre 19 ang pagpupulong na pinangunahan ni Provincial Agriculturist Liza Mariano kasama sina Maria Cecilia Caceres (University Researcher) at Karren Race Sunade mula sa UPLB College of Agriculture and Food Science (CAFS) na nananaliksik ukol sa Assessment of Crop-Animal Systems in the Philippines.

Layon ng nasabing pulong na makakalap ang mga naturang panauhin mula sa UPLBL ng mga impormasyon at suhestiyon para sa mga sakahan na maaari nilang isama sa pag-aaral na makakatulong sa pagbibigay-daan para sa epektibo at mahusay na pamamaraan sa crop-livestock integration.

Nais namang bigyang-diin ng isinasagawa nilang proyekto ay pagsama-samahin at i-update ang mga advance infos, innovations, strategies, at best practices ukol sa crop-animal systems na isinasakatuparan sa Pilipinas.

Quezon PIO

Trainig on High Value Crop & Livestock Integration | September 19, 2024

Sa pakikipagtulungan ng Tanggapan ng Panlalawigang Agrikultor ng Quezon – Coconut Development Division at Southeast Asian Regional Center for Graduate Study and Research in Agriculture (SEARCA), matagumpay na naisagawa ang serye ng mga pagsasanay na dinaluhan ng 70 magsasaka mula sa 6 na asosasyon ng mga magniniyog sa lalawigan ng Quezon mula Setyembre 18-20, 2024.

Ang mga pagsasanay na ito ay bahagi ng proyektong Development of Coconut Industry Growth Areas sa lalawigan. Kabilang sa mga naging paksa ng pagsasanay ang Farm Diversification at Livestock Integration, na naglalayong ituro ang pagtatanim ng iba’t ibang uri ng halaman at pag-aalaga ng mga hayop sa ilalim ng niyugan, gayundin ang mga estratehiya sa pagmemerkado ng mga produktong niyog. Tampok din sa mga pagsasanay ang mga aktwal na demonstrasyon sa pagproseso ng mga produktong mula sa tuba ng niyog, tulad ng virgin coconut oil (VCO), Coco Sugar, at Lambanog.

Ang mga pagsasanay na ito ay mahalagang hakbang tungo sa pagpapalakas ng kakayahan ng mga magniniyog sa Quezon Province, na naglalayong mapabuti ang kanilang produksyon at kita. Sa pamamagitan ng pagbibigay ng mga kaalaman at kasanayan, inaasahang makakamit ng mga magsasaka ang mas matatag at sustinable na mga kabuhayan, kasabay ng pag-unlad ng industriya ng niyog sa lalawigan.

Quezon PIO

Muling Pinaaalalahanan ang Publiko na Mag-ingat sa mga Kumakalat sa Scammers sa Social Media

Muling pinaaalalahanan ang publiko na mag-ingat sa mga kumakalat sa scammers sa social media. Huwag basta-basta magbigay ng personal na impormasyon at agad na iulat sa kinauukulan upang mapigilan ang mga panlolokong kagaya nito.

Link:

https://www.facebook.com/photo/?fbid=928931242609691&set=pcb.928924565943692

Quezon PIO

𝐄𝐚𝐫𝐭𝐡𝐪𝐮𝐚𝐤𝐞 𝐈𝐧𝐟𝐨𝐫𝐦𝐚𝐭𝐢𝐨𝐧 𝐍𝐨.𝟏 𝐃𝐚𝐭𝐞 𝐚𝐧𝐝 𝐓𝐢𝐦𝐞: 19 September 2024 – 12:05:23 PM

𝐌𝐚𝐠𝐧𝐢𝐭𝐮𝐝𝐞 = 3.5

𝐃𝐞𝐩𝐭𝐡 = 010 km

𝐋𝐨𝐜𝐚𝐭𝐢𝐨𝐧 = 14.92°N, 122.60°E – 038 km N 50° E of Jomalig (Quezon)

No Significant Effect monitored.

Quezon PIO

Pakikipagpulong Tungkol sa Planong Hydro Power Plant sa Mauban to Real, Quezon | September 19, 2024

TINGNAN: Nakipagpulong ngayong araw, Setyembre 19 kay Governor Doktora Helen Tan si former SOLCOM AFP Commander Lieutenant General Caesar Ronnie F Ordoyo kasama sina Melvyn Papa at Raymart S. Habreo na mga mula sa Pure Energy Holdings Corp. (PEHC), kung saan kanilang napag-usapan ang patungkol sa planong Hydro Power Plant sa Mauban to Real, Quezon.

Quezon PIO

Turn Over Ceremony of Rescue Boats for LGU Mauban, San Andres, Guinayangan & Alabat | September 19, 2024

Link: https://www.facebook.com/QuezonGovPh/videos/549209214296797/

Quezon PIO

Media Production Seminar for City & Municipal Information Officers of Quezon Province | September 18, 2024

Sa hangarin na maiparating ang mga impormasyon ukol sa mga handog na serbisyo, programa, at proyekto para sa ating mga kalalawigan, mahalaga ang ginagampanang tungkulin ng mga information officer sa bawat bayan at lungsod upang maisakatuparan ito.

Pinangunahan ng Quezon Provincial Information Office (QPIO) sa pamumuno ni Mr. Jun Lubid ang isinagawang “Media Production Seminar for City and Municipal Information Officers of Quezon Province” sa Queen Margarette Hotel Downtown, Lucena City nitong September 18.

Layunin ng nasabing pagsasanay na malinang pa ang kaalaman at kasanayan ng mga information officers sa lalawigan upang mas maging epektibo at maasahan ang kanilang pamamaraan ng pagpapahayag ng mga impormasyong nararapat na malaman ng kanilang mga kababayang Quezonian.

Kasama ang mga panauhing mula sa Radio Television Malacañang o RTVM, tinalakay nina PBS-RTVM Media Production Division Head – Mr. Luis Enrico T. Eleazar, PBS-RTVM Enginering Division OIC – Engr. Brando P. Aguilan, at PBS-RTVM Script Writer II – Ms. Katrina Angela Abad ang best practices na isinasagawa sa kanilang tanggapan upang makatulong at magbigay gabay.

Samantala, nagpakita naman ng pagsuporta si Vice Governor Third Alcala sa ngalan ni Governor Doktora Helen Tan kung saan kanyang pinasalamatan ang bawat information officer dahil sa pamamagitan nila ay naipapakalat ang mga impormasyon sa bawat mamamayan ng Quezon.

Quezon PIO

Media Production Seminar for City and Municipal Information Officers of Quezon Province

Mga kaganapan sa isinagawang “Media Production Seminar for City and Municipal Information Officers of Quezon Province” sa pangunguna ng Quezon Provincial Information Office (QPIO).

Link:

https://www.facebook.com/watch/?v=888661996522494&rdid=kvonIFGL1mSKqnf6

Quezon PIO

Palmeo Spa Job Openings

Ang deadline ng pagsusumite ng RESUME ay hanggang ika-27 ng Setyembre, 2024.

Ang lahat ng interesadong aplikante ay maaaring magtungo sa tanggapan ng Quezon Provincial PESO na matatagpuan sa 2nd flr | ikalawang palapag ng Quezon Convention Center, Capitol Compound Lucena City. Magdala ng RESUME, ID at panulat (ballpen).

Para sa karagdagang impormasyon, maaaring tumawag sa Quezon Provincial PESO (042) 373-4805 | 0933-868-5524.

Quezon PIO