Earth Hour | March 22, 2025

🌍💡𝐄𝐚𝐫𝐭𝐡 𝐇𝐨𝐮𝐫 | Saturday March 22, 2025
Ang Earth Hour ay isang pandaigdigang inisyatiba na pinangungunahan ng 𝐖𝐨𝐫𝐥𝐝 𝐖𝐢𝐝𝐞 𝐅𝐮𝐧𝐝 𝐟𝐨𝐫 𝐍𝐚𝐭𝐮𝐫𝐞 (𝐖𝐖𝐅) upang itaas ang kamalayan tungkol sa climate change at pangangalaga sa kalikasan. Mula nang ito’y sinimulan noong 2007 sa Sydney, Australia, lumawak na ito at naging isa sa pinakamalalaking kilusan para sa kalikasan, pinagbubuklod ang milyun-milyong tao sa mahigit 𝟏𝟗𝟎 𝐛𝐚𝐧𝐬𝐚.
Paano Ipinagdiriwang ang Earth Hour:
✅ Pagpapatay ng Ilaw: Ang pangunahing gawain ay 𝐩𝐚𝐧𝐬𝐚𝐦𝐚𝐧𝐭𝐚𝐥𝐚𝐧𝐠 𝐩𝐚𝐠𝐩𝐚𝐩𝐚𝐭𝐚𝐲 𝐧𝐠 𝐡𝐢𝐧𝐝𝐢 𝐤𝐚𝐢𝐥𝐚𝐧𝐠𝐚𝐧𝐠 𝐢𝐥𝐚𝐰 𝐦𝐮𝐥𝐚 𝟖:𝟑𝟎 𝐩𝐦 𝐡𝐚𝐧𝐠𝐠𝐚𝐧𝐠 𝟗:𝟑𝟎 𝐩𝐦 (𝐥𝐨𝐤𝐚𝐥 𝐧𝐚 𝐨𝐫𝐚𝐬) bilang simbolo ng pagkakaisa sa pagbabawas ng konsumo ng enerhiya at epekto sa kalikasan. Ilang sikat na landmark tulad ng Eiffel Tower, Sydney Opera House, at Empire State Building ang sumasali sa pamamagitan ng pagpapatay ng kanilang mga ilaw.
✅ Mga Pampublikong Gawain: Nagsasagawa ang iba’t ibang grupo at indibidwal ng mga aktibidad tulad ng 𝐭𝐫𝐞𝐞-𝐩𝐥𝐚𝐧𝐭𝐢𝐧𝐠, 𝐜𝐥𝐞𝐚𝐧-𝐮𝐩 𝐝𝐫𝐢𝐯𝐞𝐬, 𝐬𝐮𝐬𝐭𝐚𝐢𝐧𝐚𝐛𝐢𝐥𝐢𝐭𝐲 𝐰𝐨𝐫𝐤𝐬𝐡𝐨𝐩𝐬, 𝐚𝐭 𝐭𝐚𝐥𝐚𝐤𝐚𝐲𝐚𝐧 𝐭𝐮𝐧𝐠𝐤𝐨𝐥 𝐬𝐚 𝐜𝐥𝐢𝐦𝐚𝐭𝐞 𝐚𝐜𝐭𝐢𝐨𝐧 upang hikayatin at turuan ang publiko.
✅ Makakalikasang Inisyatibo: Maraming negosyo at pamahalaan ang ginagamit ang Earth Hour upang ipahayag ang mga 𝐛𝐚𝐠𝐨𝐧𝐠 𝐩𝐨𝐥𝐢𝐬𝐢𝐲𝐚 𝐬𝐚 𝐤𝐚𝐥𝐢𝐤𝐚𝐬𝐚𝐧, 𝐦𝐚𝐠𝐥𝐮𝐧𝐬𝐚𝐝 𝐧𝐠 𝐫𝐞𝐧𝐞𝐰𝐚𝐛𝐥𝐞 𝐞𝐧𝐞𝐫𝐠𝐲 𝐩𝐫𝐨𝐣𝐞𝐜𝐭𝐬, 𝐨 𝐢𝐬𝐮𝐥𝐨𝐧𝐠 𝐚𝐧𝐠 𝐦𝐠𝐚 𝐩𝐫𝐨𝐠𝐫𝐚𝐦𝐚 𝐩𝐚𝐫𝐚 𝐬𝐚 𝐩𝐚𝐧𝐠𝐚𝐧𝐠𝐚𝐥𝐚𝐠𝐚 𝐧𝐠 𝐥𝐢𝐤𝐚𝐬 𝐧𝐚 𝐲𝐚𝐦𝐚𝐧.
✅ Digital na Pakikilahok: Sa mga nakaraang taon, lumawak na ang Earth Hour lampas sa simpleng pagpapatay ng ilaw. Hinihikayat ang mga tao na 𝐬𝐮𝐦𝐚𝐥𝐢 𝐬𝐚 𝐦𝐠𝐚 𝐨𝐧𝐥𝐢𝐧𝐞 𝐧𝐚 𝐤𝐚𝐠𝐚𝐧𝐚𝐩𝐚𝐧, 𝐬𝐨𝐜𝐢𝐚𝐥 𝐦𝐞𝐝𝐢𝐚 𝐜𝐚𝐦𝐩𝐚𝐢𝐠𝐧𝐬, 𝐚𝐭 𝐭𝐚𝐥𝐚𝐤𝐚𝐲𝐚𝐧 𝐭𝐮𝐧𝐠𝐤𝐨𝐥 𝐬𝐚 𝐩𝐚𝐧𝐠𝐚𝐧𝐠𝐚𝐥𝐚𝐠𝐚 𝐬𝐚 𝐤𝐚𝐥𝐢𝐤𝐚𝐬𝐚𝐧.
Sa pamamagitan ng pakikiisa sa Earth Hour, sama-samang ipinapahayag ng mga tao sa buong mundo ang kahalagahan ng sustainable living at ang agarang pangangailangan para sa aksyon laban sa climate change. 🌍💡

#EarthHour #switchoff #Connect2Earth #ClimateAction #turnofflights #savetheplanet #ActForNature #sustainableliving #ProtectOurHome #ecofriendly #TogetherForOurPlanet #unitefornature #lightsoutchallenge #godarkforearth #onehourforearth
#PGENROQuezonInAction
#STANQuezonBetterTogether
#SerbisyongTunayAtNatural

Quezon PIO / ENRO

Sicap Quezon Agriculture Cooperative ang kanilang Fifth (5th) Annual General Assembly | March 22, 2025

Matagumpay na ginanap ng Sicap Quezon Agriculture Cooperative ang kanilang Fifth (5th) Annual General Assembly sa Flor and Daisy’s Agricultural Farm, Sariaya Quezon, ngayong araw ng Biyernes, Marso 21.
Ang aktibidad ay pinangunahan ni Floro Cataniag Chairperson ng nasabing kooperatiba kung saan dinaluhan ito ni Project Development Officer III Lawrence Joseph Velasco bilang kinatawan ni Governor Doktora Helen Tan, kasama ang Office of the Provincial Agriculturist, Cooperative Development Authority, Department of Trade and Industry, Quezon Federation and Union of Cooperatives(QFUC), at iba pang mga kasapi sa Sicap Agriculture Cooperative.
Dito ay tinalakay ang mga proyekto at naging problema ng kooperatiba at mga kagamitan at intervention na kailangan para sa processing at drying ng mga produktong kanilang ibinebenta. Binigyang diin rin ang importansya sa pagsunod sa iba pang batas at hindi lang sa RA 9520.
Ibinahagi naman na may 56 na FDA approved na produkto mula sa Quezon ang pwede nang i-display sa mga pribadong pamilihan kagaya ng Walter Mart, hinikayat rin ang pagsali sa Step-Up Entrepreneurship Program upang mas magkaroon ng kaalaman ang mga farm owners patungkol sa kanilang mga negosyo.
Sa huli, binanggit ang kahalagahan ng suporta at pagkakasundo ng bawat isa upang lumago pa at umunlad ang kooperatiba.

#SicapAgricultureCooperative
#SerbisyongTunayAtNatural
#HEALINGQuezon

Quezon PIO

Maraming Salamat Serbisyong Tunay at Natural | March 22, 2025

Maraming salamat, Serbisyong Tunay At Natural!
Sa walang sawang pagbibigay ng “Kalinga sa Mamamayan Libreng Gamutan” o Medical Mission ay matagumpay na naihatid ang iba’t ibang libreng serbisyong medikal sa limang pinakamalalayong bayan sa Quezon. Ang isla ng PANUKULAN, POLLILIO, BURDEOS, PATNANUNGAN at JOMALIG nitong araw ng Marso 14 hanggang 18.
Lugod na nagpapasalamat si Governor Doktora Helen Tan kasama si Vice Governor Third Alcala sa mga kasamang naglingkod sa nasabing programa. Ang mga espesyalista, doktor at mga kawani na nagtulong-tulong upang mahatiran ng serbisyong medikal ang mga mamamayang malayo sa kabihasnan.
Umulan man o umaraw, umabot sa 18,379 ang mga naging benepisyaryo sa medical mission kung saan, 3,021 sa Panukulan, 3,705 sa Pollilio, 5,003 sa Burdeos, 3,279 sa Patnanungan at 3,371 sa Jomalig na nagpaabot din ng taos-pusong pasasalamat sa Pamahalaang Panlalawigan sa mga serbisyong natamasa sa programa.
Ang dedikasyon at hindi matatawarang malasakit ay hindi lamang nagbigay ng kaginhawaan sa mga pasyente, kundi nagbigay din ng lunas sa kanilang pag aalinlangang makapagpagamot at nagbigay ng panibagong pag-asa sa buong komunidad.
Nawa’y magpatuloy ang ating pagtutulungan at pagkakaisa sa pag-abot ng isang malusog na lalawigan para sa lahat ng Quezonian.

#KalingasaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO

Veterinary Medical Mission ng Governor’s Caravan sa POGI | March 22, 2025

Kaisa ang Office of the Provincial Veterinarian sa pagtungo ng ating butihing ina ng lalawigan, Gobernadora Doktora Helen Tan, sa mga bayan ng Panukulan, Polillo, Burdeos, Patnanungan, at Jomalig, Quezon upang makapagbigay ng libreng serbisyong medikal sa nakaraang Governor’s Caravan sa POGI.
Sa pangunguna ni Dr. Camille Calaycay at ng mga technical personnel ay nagkaloob ang tanggapan ng mga Serbisyong Medikal para naman sa mga alagang hayop ng ating mga kalalawigan sa nasabing mga bayan. Sa tulong at kooperasyon ng mga Municipal Agriculturists ng nasabing mga bayan na sina MA Delfin H. Del Rio, MA Christopher A. Astejada, MA Liza V. Huerto, MA Eugene R. Luces, at MA Elizabeth A. Eyatid.
Sa isinagawang veterinary medical mission, umabot sa 762 na kalalawigan natin sa POGI ang nakatanggap ng mga libreng veterinary services para sa kanilang mga alaga, kung saan 279 na aso at pusa ang nabakunahan laban sa rabies, habang 11,930 na mga hayop ang nabigyan ng libreng bitamina, pamurga, at nakinabang sa konsultasyon.
Sa pamamagitan ng patuloy na pagsasagawa ng Governor’s Caravan, patuloy ding naihahatid ang serbisyong may malasakit para sa kapakanan ng mga Quezonians, kabilang na ang pangangalaga at pagprotekta sa kanilang mga alagang hayop.

#provetquezon
#ProvincialGovernmentofQuezon
#VeterinaryServices

Quezon PIO / ProVet

Binuksan ng tatlong (3) samahang benepisyaryo ng Sustainable Livelihood Program (SLP) | March 21, 2025

Magkakasunod na binuksan ng tatlong (3) samahang benepisyaryo ng Sustainable Livelihood Program (SLP) ang kani- kanilang mga negosyo sa bayan ng Tiaong sa mga Barangay ng Lusacan, San Isidro, at Ayusan II, ngayong araw ng Biyernes, Marso 21.
Sa tulong ng pakikipagbalikatan ng Pamahalaang Panlalawigan ng Quezon at ni Governor Doktora Helen Tan sa Department of Social Welfare and Development (DSWD) ay nakapamahagi ng tig-PHP 300,000 na halaga ng seed capital sa tatlumpu (30) na mga nabuong grupo mula sa San Antonio, Tiaong, Dolores, Candelaria, Sariaya, at Lucena City.
Ang tatlong (3) samahang benepisyaryo ay tinatawag na; Hiyas ng Lusacan SLP Association (Bigasan), Pahiyas Ng San Isidro SLP Association (Rice Selling Business), at Stand Ayusan SLP Association (Rice Retailing) kung saan binisita at inasess ni Project Development Officer III Lawrence Joseph Velasco ang kalagayan ng mga bagong bukas na negosyo upang alamin ang mga kailangan pang gawin para mapalago pa ang kanilang negosyo.
Asahan naman ang patuloy na suporta ng Pamahalaang Panlalawigan sa mga negosyo upang magkaroon sila ng alternatibong pangkabuhayan.

#SerbisyongTunayAtNatural
#HEALINGQuezon
#SustainableLivelihoodProgram
#BawatBuhayMahalagaSaDSWD

Quezon PIO

Regional Development Council (RDC 4-A) Meeting | March 21, 2025

TIGNAN: Sa pangunguna ni President Ferdinand “Bongbong” R. Marcos Jr. ay matagumpay na ginanap ngayong araw ng Biyernes Marso 21, ang Regional Development Council (RDC 4-A) Meeting sa New Dasmariñas City Hall, 4th Floor Session Hall, Socio Economic Building, City of Dasmariñas, Cavite.
Ang RDC ay isang pagtitipon na nakatuon sa pagpaplano at paggawa ng mga polisiya para sa rehiyon, layunin ng RDC na tiyakin ang sosyo-ekonomikong pag-unlad ng rehiyon sa pamamagitan ng pagtugon sa hindi pagkakapantay-pantay na pag-unlad ng ekonomiya at lipunan, at sa pamamagitan ng paglikha ng isang mas inklusibo, matatag, at masaganang rehiyon.
Samantala, ang nasabing pagpupulong ay dinaluhan ni Governor Doktora Helen Tan kasama ang iba pang gobernador sa CALABARZON, League of Municipalities of the Philippines Region 4-A, League of Cities of the Philippines Region 4-A, mga Regional Directors mula sa mga National Government Agencies, Departement of Interior and Local Government (DILG), Department of Education (DepEd), Department of Labor and Employment (DOLE), National Economy and Development Authority (NEDA), Department of Environment and Natural Resources (DENR), at Technical Education and Skills Development Authority (TESDA).

Quezon PIO

Juana Kalikasan ay Pangalagaan para sa Kinabukasan | March 21, 2025

“Juana Kalikasan ay Pangalagaan para sa Kinabukasan”
Kaugnay ng pagdiriwang ng Women’s Month, isinagawa ngayong Biyernes, Marso 21, ang Tree Growing Activity sa Brgy. Caldong, Sampaloc, Quezon. Ang aktibidad ay pinangunahan ng Provincial Gender and Development Office (PGAD) katuwang ang Provincial Government Environment and Natural Resources Office (PG-ENRO).
Layunin nito na ipakita ang mahalagang papel na ginagampanan ng bawat isa upang maitaguyod at maprotektahan ang kalikasan sa pamamagitan ng simpleng gawain gaya ng pagtatanim ng mga puno na mapakikinabangan ng kasalukuyan at susunod na henerasyon.
Aktibong nakiisa ang tinatayang nasa 110 na indibidwal sa nasabing pagtatanim, at naitanim ang iba’t ibang native na species ng mga puno gaya ng Narra, Katmon, at Lipote.
Samantala, nakiisa rin sa aktibidad si Executive Assistant Atty. Kim Kenneth Pascua, ilang tanggapan sa Pamahalaang Panlalawigan, mga kinatawan mula sa Quezon Provincial Police Station (QPPO) Sampaloc MPS, Philippine Army, Philippine Statistics Authority (PSA) at Department of Trade and Industry (DTI) Quezon, gayundin ang Municipal Environment and Natural Resources (MENRO) ng Sampaloc, Quezon at Sangguniang Barangay ng Caldong.
Sa huli, makabuluhang natapos ang aktibidad at hangad ng lahat na maging hakbang ito sa malusog na kalikasan at magsilbing paalala na ang kolektibong pagkilos ay may malaking epekto sa kalikasan at kinabukasan.

Quezon PIO

Matagumpay na naisakatuparan ang isinagawang “World Wildlife Day Celebration 2025” | March 21, 2025

Matagumpay na naisakatuparan ang isinagawang “World Wildlife Day Celebration 2025” sa pangunguna ni PGDH John Francis L. Luzano, PGADH Emmanuel A. Calayag, Ecosystems Management Division Head Lyndon T. Luna, Ecosystems Management Division at Administrative Division ng PGENRO Quezon na ginanap kahapon ika-20 ng Marso sa Quezon Capitol, Lucena City.
Higit na naging mas matagumpay ito, sa tulong at pag-suporta ng bawat MENROfficer, mga paaralan, mga guro, coaches, mga kaibigan at mga magulang ng mga kalahok na binubuo ng labing-pitong (17) Municipalities sa lalawigan ng Quezon.
Ginanap ang selebrasyon ng World Wildlife Day 2025 sa pamamagitan ng mga patimpalak gaya ng pagpapamalas ng galing sa pag-pinta “Poster Making Contest” na may labing-anim (16) na kalahok at ng tagisan ng talino sa “Wild Minds Quiz Bee” na may labing-pitong (17) kalahok.
Ang pakikiisa sa mga aktibidad kagaya nito ay malaking bahagi sapagkat ito ay naka-angkla sa pangunahing agenda ng ating mahal na ina ng lalawigan Gov. Angelina “Doktora Helen” Tan, na higit sa makakapagpakita ng pag-suportang ito ay ang mga kabataan na siyang magsisilbing pag-asa ng pamilyang Quezonian.
Nagtapos ang aktibidad sa pagtatanghal ng tatlong nangunang mga mag-aaral sa bawat patimpalak na isinagawa:
Poster Making Contest:
1st Place – Chrisnel Faye S. Marilla, Atimonan Quezon
2nd Place – Angel P. Baroja, Pagbilao Quezon
3rd Place – Ma. Joerish Elisha, M. Garin, Tiaong Quezon
Wild Minds Quiz Bee
1st Place – Reingh Alexander C. Nadera, Tayabas City Quezon
2nd Place – Kezia Claire Lois V. Mendoza, Catanauan Quezon
3rd Place – Tiaong Quezon
Ang PG-ENRO ay bumabati at nagpapasalamat sa lahat ng nakiisa at sumuporta sa aktibidad na aming isinagawa, makakaasa po kayo mula sa aming tanggapan ang patuloy na magbigay ng inspirasyon sa ating mga Quezonian’s,
CONRATULATIONS!

#WWD2025
#WorldWildlifeDayCelebration2025
#WildlifeConservationFinance
#PGENROQuezonInAction
#STANQuezonBetterTogether
#SerbisyongTunayAtNatural

Quezon PIO / PG-ENRO

Matagumpay na naihatid sa islang bayan ng Jomalig ang “Kalinga Sa Mamamayan, Libreng Gamutan” | March 21, 2025

Sa malakas na alon na kinaharap ng buong Medical Team upang marating ang islang bayan ng JOMALIG na kabilang sa pinakamalayong lugar sa Quezon, matagumpay na naisagawa ang “Kalinga sa Mamamayan, Libreng Gamutan” o Medical Mission nitong nakaraang Marso 18.
Naging pagsubok man ang biyahe patungo sa nasabing bayan ay taos-pusong naihatid ang mga libreng serbisyong medikal sa 3,371 na residente ng nasabing bayan sa tulong ng mga doktor at espesyalistang nagmula pa sa iba’t ibang bahagi ng Pilipinas.
Kabilang sa mga dalang serbisyong medikal ang check-up para sa bata at matanda, cervical cancer screening para sa mga kababaihan, libreng gamot, check-up sa mata at libreng pasalamin. Mayroon ding laboratory examinations gaya ng ECG, X-RAY, Ultrasound, CBC, FBS/RBS, Urinalysis, Uric Acid, at Cholesterol.
Para sa mga pasyente na hindi available ang iniresetang gamot at inirekomendang laboratoryo ng doktor, siniguro na makakakuha sila ng medical assistance upang maisakatuparan pa rin ang kanilang kinakailangan na pangkalusugan na tulong. Umabot sa 483 pasyente ang nabigyan sa pamamagitan ng Provincial Social Welfare and Development Office (PSWDO) at Provincial Treasurer’s Office (PTO).
Kaugnay pa rito’y handog din ng Office of the Provincial Veterinarian ang Veterinary Mission kung saan 164 na may alagang hayop ang nakapagpakonsulta at 25 naman ang nakapagpaturok ng anti-rabies vaccine.
Asahan pa ang walang sawang pagsusumikap na paghahatid ng Pamahalaang Panlalawigan sa pamumuno ni Governor Doktora Helen Tan ng nararapat na mga serbisyo, programa, at proyektong pangkalusugan para sa bawat mamamayang Quezonian saan man sulok sila ng lalawigan.

#KalingaSaMamamayanLibrengGamutan
#MedicalMission2025
#SerbisyongTunayAtNatural
#HEALINGQuezon

Quezon PIO

World Water Day Celebration – Electronic Waste Collection | March 20, 2025

“World Water Day 2025 Celebration”
“Glacier Preservation”
Nakiisa ang Provincial Goverment- Environment and Natural Resources Office (PG-ENRO) sa pamumuno ni Executive Assistant John Francis Luzano sa World Water Day Celebration, ngayong araw ng Miyerkules Marso 20 sa Provincial Capitol Compound, Lucena City.
Ang World Water Day ay isang taunang pagdiriwang, na itinakda ng United Nation (UN) upang bigyang-diin ang kahalagahan ng tubig at ang pangangailangan sa pangangalaga nito. Layunin nitong ipaalala sa lahat ang krisis sa tubig na nararanasan sa iba’t ibang bahagi ng mundo at hikayatin ang mga solusyon upang matiyak na may malinis at ligtas na tubig para sa lahat.
Dito ay nagsagawa ang PG-ENRO kaisa ang SM Lucena City at 185 na mga kawani ng bawat departamento ng Electonic Waste Collection, kung saan may 717 na sirang electronikong gamit ay napaltan ng tubigan na magagamit sa kani-kanilang opisina para sa adbokasiyang “No Plastic in Quezon Province”.
Samantala, patuloy na makikiisa ang Pamahalaang Panlalawigan sa PG-ENRO sa mga aktibidad na magsusulong sa kahalagahan ng tubig sa buong mundo.

#WorldWaterDay
#SerbisyongTunayAtNatural
#HEALINGQuezon

Quezon PIO