NEWS AND UPDATE

QUEZON WEATHER FORECAST for #NCR_PRSD Issued at: 5:00 AM, 29 September 2024

Valid Beginning: 5:00 AM today – 5:00 AM tomorrow

WEATHER: Madalas na maulap na kalangitan na may kalat-kalat na pag-ulan o pagkulog-pagkidlat sa bahagi ng lalawigan

WIND: Mahina hanggang sa may paminsan-minsang malakas na hangin mula kanluran

COASTAL: Mahina hanggang sa paminsan-minsang maalon sa karagatan

TEMPERATURE: 23ºC – 32ºC

5:00 PM, 29 September 2024 – 5:00 AM, 30 September 2024

WEATHER: Madalas na maulap na kalangitan na may kalat-kalat na pag-ulan o pagkulog-pagkidlat sa bahagi ng lalawigan

WIND: Mahina hanggang sa may paminsan-minsang malakas na hangin mula kanluran hanggang timog-kanluran

COASTAL: Mahina hanggang sa paminsan-minsang maalon sa karagatan

TEMPERATURE: 25ºC – 30ºC

Quezon PIO

Ulat sa Lalawigan 2024

Sa darating na Setyembre 30, sama-sama nating tunghayan at pakinggan ang ikalawang ULAT SA LALAWIGAN ng kauna-unahang babaeng gobernador sa lalawigan ng Quezon, GOVERNOR DOKTORA HELEN TAN.

Mapapanood ito ng LIVE sa Official Facebook Page ng Provincial Government of Quezon at Doktora Helen Tan.

Link:

https://www.facebook.com/watch/?v=407292009061987&rdid=1QFkmv2xEb7ZbnaD

Quezon PIO

Lingap sa Mamamayan Libreng Gamutan | September 28, 2024

Patuloy ang pagbibigay ng serbisyo ng programang “Lingap sa Mamamayan, Libreng Gamutan” na pinangunahan ni Governor Doktora Helen Tan nitong araw ng Setyembre 28 sa Southern Luzon State University-Lucena Campus, Brgy. Ibabang Dupay sa Lungsod ng Lucena.

May kabuuang 4,083 na residente ang matagumpay na nabigyan ng iba’t-ibang libreng serbisyong medikal at gamot.

Abot-kamay nilang napakinabangan ang #SerbisyongTunayAtNatural sa tulong ng mga doktor at espesyalista na nagmula pa sa Maynila, Bicol, Rizal at iba pang parte ng lalawigan ng Quezon.

Kasama din dito, ang libreng pagpapacheck-up sa mata at namahagi din ng libreng pagpapasalamin para sa mga nangangailangan nito. Mayroon ding handog na libreng pagpapagupit at pagpapakulay ng buhok para sa mga residente ng Lungsod.

Sa tulong ng Provincial Social Welfare and Development Office (PSWDO) at Provincial Treasurer’s Office (PTO), naipagkaloob ang Medical Assistance mula sa programang AICS para sa mga pasyente na hindi available ang iniresetang gamot at rekomendasyon na pagpapalaboratoryo ng doktor.

Samantala, kasama ring naghatid ng nasabing programa sina Vice Governor Third Alcala, Volunteer Doctor/Surgeon Dr. Kim Tan, Board Member Vinnette Alcala-Naca, Board Member Yna Liwanag, at ang ilang opisyal ng Barangay Ibabang Dupay.

Quezon PIO

Libreng Serbisyong Medikal na Inihatid ng Pamahalaang Panlalawigan ng Quezon at Medical Team | September 28, 2024

TINGNAN: Narito ang ilan sa mga naging kaganapan ng libreng serbisyong medikal na inihatid ng Pamahalaang Panlalawigan ng Quezon at Medical Team katuwang ang Sariling Sikap Program ni Governor Doktora Helen Tan ngayong araw, Setyembre 28 sa Southern Luzon State University-Lucena Campus.

Quezon PIO

PUBLIC EMPLOYMENT SERVICE OFFICE & ROTARY CLUB OF LUCENA CENTRAL JOB FAIR

PAALALA

Ang pagtugon sa ONLINE PRE-REGISTRATION ay mahalaga para hindi na kailanganing mag-fill up ng JOBSEEKER’S FORM sa mismong araw ng JOB FAIR.

At para magkaroon ng oportunidad na ma-interview at ma-hired-on-the-spot (HOTS) ay kinakailangang makadalo ang mga PRE-REGISTERED JOBSEEKERS sa araw ng JOB FAIR.

Quezon PIO

Lingap sa Mamamayan, Libreng Gamutan (Medical Mission) | September 28, 2024

Link:

https://www.facebook.com/QuezonGovPh/videos/391945577303851

Quezon PIO

Veterinary Medical Mission | September 28, 2024

Bilang pakikiisa sa taunang pagdiriwang ng World Rabies Day, isinagawa ng Office of the Provincial Veterinarian ang Veterinary Medical Mission katuwang ang Quezon Veterinary Medical Association (QVMA) nitong Setyembre 28 sa Pacific Mall, Lucena City.

Binigyang-diin ni Provincial Veterinarian Dr. Flomella Caguicla sa kanyang mensahe ang kahalagahan ng pagbabakuna sa mga hayop at tao na maaaring magdulot ng panganib dala ng rabies kapag ito’y hindi naagapan ng bakuna.

Samantala, tinalakay ni Dr. Flori-Anne Buiser mula sa MSD Animal Health ang tamang pamamaraan ng pag-aalaga sa mga hayop.

Sa kabuuaan, mayroong 176 na mga aso at pusa ang nabakunahan laban sa rabies, 462 naman ang nagpakonsulta ng kanilang mga alagang hayop, binigyan ng bitamina at nagpapurga.

Dagdag pa rito, mayroon ding 25 na mga hayop ang pinakapon at 389 na mga furparents ang naserbisyuhan.

Labis na nagpapasalamat ang tanggapan sa walang sawang suportang binibigay ng ASVET Inc., AVLI Biocare Inc., Boehringer Ingelheim, MSD Animal Health, Nutri Chunks, Yum Yum, JVetServ Veterinary Clinic, Southern Swine Farm, CJ Philippines, Inc. at Zoetis Inc. upang ipalaganap sa publiko ang banta ng rabies sa lahat.

Quezon PIO

International Coastal Clean-Up Day | September 12, 19-21, 24-25, 27-28, 2024

Sa pangunguna ni PGENRO Head John Francis L. Luzano,EnP, MPA kasama ang PGENRO Staffs, nakibahagi ang Provincial Government of Environment and Natural Resources Office (PGENRO) sa International Coastal Clean-Up Day nitong Setyembre 12, 19-21, 24-25, 27-28, 2024 sa Dolores, Real, Guinayangan, Pagbilao, General Luna, Padre Burgos, Plaridel, Tiaong, Tayabas City, Sariaya, Atimonan, Quezon, Lucena City, Sampaloc, Mauban, QPL-SBPL, Patnanungan San Francisco, Unisan, Tagkawayan, at Calauag.

Layunin nito ay mapalawig at mabigyan ng kaalaman ang ating mga kalalawigan na maging mapagmasid sa ating kapaligiran. Kaalinsabay nito ang pamamahagi ng mga reusable bags na magsisilbing isang paraan upang mabawasan ang paggamit ng plastic bags ayon sa Philippine Nuclear Research Institute (PRNI) in the Department of Science and Technology.

Sinabi ni Carlo Arcilla, Director of the Philippine Nuclear Research Institute (PRNI) in the Department of Science and Technology, “The Philippines generates an estimate of 61, 000 metric tons of solid waste daily, up to 24 per cent of which is plastic. According to recent figures, the country is one of the world’s largest contributors of plastic waste leaking into the ocean.”

Maging bahagi ng solusyon at hindi ng polusyon!

Quezon PIO

Merkado ng Produktong Quezonian, Maglelevel-up na sa Multimedia Platform! | September 26-27, 2024

Bilang bahagi ng patuloy na inisyatibo ng Marketing Unit ng Agri-Enterprise Division, ang tanggapan ng Panglalawigang Agrikultor ng Quezon ay nagsagawa ng isang “Product Promotion and Visual Merchandising Training Workshop” para sa mga food processors at agri-entrepreneurs mula sa iba’t ibang Farmers Cooperative and Associations, kabilang ang Rural-Based Organizations (RBOs), Rural Improvement Club (RIC), Young Farmers, at 4-H Club na ginanap sa Queen Margarette Hotel Downtown, nitong Setyembre 26-27.

Tinalakay ni PRDP IV-A Project Development Associate Consultant Ms. Diane Desiree Quijano ang iba’t ibang multimedia platforms na maaaring gamitin para sa pagmemerkado ng mga produkto. Nakatulong sa mga partisepante ang aktuwal na paggawa ng Facebook Page, pagsanay gumawa ng graphic design, at paggawa ng epektibong social media content.

Sa pagtatapos ng nasabing pagsasanay, buong kagalakang ipinahatid ng mga lumahok ang kanilang pasasalamat, dagdag pa nila nagbigay ng malaking inspirasyon at pag-asa sa kanila na makaabot ang kanilang mga produkto sa mas maraming mamimili sa pamamagitan ng Multimedia Platforms na tiyak na magpapataas ng kanilang kita at higit na magpapalago ng kanilang mga negosyo.

Quezon PIO

Training on Animal Disease and Control for LGU Livestock Technician | September 25-27, 2024

Matagumpay na isinagawa ang tatlong araw na pagsasanay sa Animal Disease Prevention and Control for LGU Livestock Technician na pinangunahan ng Office of the Provincial Veterinarian nitong Setyembre 25-27, 2024 sa Queen Margarette Hotel, Brgy. Domoit, Lucena City na pinondohan ng Provincial Disaster Risk Reduction and Management Office (PDRRMO).

Nagpaabot nang mensahe ang ating Provincial Veterinarian na si Dr. Flomella Caguicla sa 27 kalahok na Livestock Technicians upang mabigyan sila ng kaalaman at kahalagahan na magsisilbing katuwang ng tanggapan sa pagkontrol ng nakakahawang sakit sa hayop sa kanilang bayan.

Tinaklay nina Dr. Philip Augustus Maristela at Dr. Camille Calaycay ang ilan sa mga pamamaraan upang maiwasan ang pagkalat ng mga sakit sa hayop. Nagsagawa rin sila ng hands-on demonstration katulad ng blood sample collection at necropsy procedure sa baboy, kambing, at manok.

Quezon PIO

« Previous Page