Congratulation! Provincial Government of Quezon

PAGBATI SA PAMAHALAANG PANLALAWIGAN NG QUEZON!
TINGNAN: Sa ikatlong pagkakataon, muling pinatunayan ng Pamahalaang Panlalawigan ang maayos, tapat, at responsableng pamamahala ng pondo ng bayan matapos muling tumanggap ng ‘Unmodified Opinion’ mula sa Commission on Audit (COA).
Ang ‘Unmodified Opinion’ o ‘Unqualified Opinion’ ay isang uri ng audit opinion na ipinagkakaloob ng COA. Ibinibigay ito sa mga ahensyang ang financial statements ay napatunayang tama, kumpleto, at inihanda alinsunod sa umiiral na mga pamantayan ng pampublikong pananalapi.
Ito ay isang malaking tagumpay sa larangan ng pampublikong pananalapi at pamamahala sa ating Lalawigan, at isang indikasyon ng malinis, tapat, serbisyong may integridad.