NEWS AND UPDATE

Pamanang Lutuing Filipino – Cooking Contest | March 3, 2025

Buhayin at Bigyan ng Kakaibang “twist” ang mga PAMANANG LUTUIN!

Halina’t makisaya sa launching at kick off ng pagdiriwang ng Filipino Food Month 2025! Makilahok sa isasagawang PAMANANG LUTUING FILIPINO cooking contest. Gaganapin ito sa ika – 4 ng Abril sa Perez Park Circle, Capitol Compound Lucena City.

Kasabay ng pagdiriwang ay iniimbitahan ang iba’t ibang mga bayan na ibida ang kanilang mga ipinagmamalaking mga produkto sa inilaang mga stall.

Abangan din ang ating makakasamang mga kilalang personalidad sa larangan ng pagluluto.

Narito ang link para sa registration at iba pang detalye:

https://forms.gle/N68P7n7zdErxY8nZ8

TAra Na at Ibida nga Pamanang Lutuing Filipino!

Para maging updated sa mga susunod pang kagananapan, mangyari lamang na ilike o ifollow ang Tourism Quezon Province.

#TAraNasaQuezon #FilipinoFoodMonth

Quezon PIO

Paalala mula sa Quezon Provicial PESO | March 3, 2025

Paalala mula sa Quezon Provincial PESO

Ang local recruitment activity ng Quezon Provincial PESO, katuwang ang FOODSPHERE, INC. (CDO) ay gaganapin bukas, March 4, 2025 sa Bulwagang Kalilayan, Governor’s Mansion Grounds sa ganap na ika-8:00 ng umaga hanggang ika-4:00 ng hapon.

Huwag kalimutang magdala ng RESUME, ID, at panulat.

Quezon PIO / PESO

Ika-137 ng Pangkaraniwang Pulong ng Sangguniang Panlalawigan Ng Quezon | March 3, 2025

Pormal nang ginanap ang ika-137 na Pangkaraniwang Pulong ng Sangguniang Panlalawigan ngayong araw ng Lunes, Marso 3, na idinaos sa Sangguniang Panlalawigan Bldg. na may layon na mapalakas at mapalawig pa ang mga makabuluhang inisyatibang nagtataguyod ng mas maunlad, mahusay, at epektibong pamamahala sa lalawigan ng Quezon

Pinangunahan ito ni 1st District Board Member Claro M. Talaga Jr. katuwang ang mga Board Member na kinatawan ng bawat distrito sa lalawigan at dito ay naaprubahan ang mga Ordinansa, Resolusyon, Atas tagapag paganap at iba pang liham, alinsunod sa mas lalo pang pag-unlad ng lalawigan ng Quezon.

Pinagtibay dito ang panukala mula sa Tanggapan ng Punong Panlalawigan na nagpapahintulot sa Pamahalaang Panlalawigan na pumasok sa isang Memorandum of Agreement (MOA) sa Team Energy Foundation, Inc. at sa Aim Scientific Research Foundation, Inc. para sa implementasyon ng proyekto patungkol sa Provision of Neonatal Care Equipment.

Tinalakay din at binigyang linaw ang ilang seksyon patungkol sa isinusulong na Ordinansa ni 3rd District Board Member John Joseph G. Aquivido

na pinamagatang: “An Ordinance Establishing a QUEZON CANCER CONTROL PROGRAM and Appropriating Funds therefore and for Other Purposes”.

Alinsunod nito ay pinagtibay at muling ibinalik ang pagkakaroon ng Municipal Council for the Protection of Children (MCPC) sa Candelaria Quezon, na nakaayon sa Executive Order No. 049, S. 2024: “Reorganizing the Municipal Council for the Protection of Children (MCPC) Incorporating thereat the Municipal Early Childhood Care and Development (MECCD) Coordinating Committee”.

Asahan pa ang walang patid na pagseserbisyo ng Sangguniang Panlalawigan sa pagpapabuti ng Lalawigan ng Quezon.

#HEALINGQuezon #SerbisyongTunayAtNatural #137SPSession

Quezon PIO

Ika-96 taong anibersaryo ng Quezon Provincial Library | March 3, 2025

Bilang pagdiriwang ng ika-96 taong anibersaryo ng Quezon Provincial Library, nagsagawa ng General Assembly of Public Librarians in Quezon Province sa Culture and Arts Center, Capitol Compound, Lucena City noong Pebrero 28, 2025.

May temang “QPL@96: Celebrating 96 Years of Bridging Knowledge, Culture and Communities,” nagkaroon ng pagbabahagi ng mga mga kontribusyon ng mga pampublikong aklatan sa Sustainable Development Goals (SDGs) at pagtatayo ng mga Barangay Reading Center sa lalawigan mula sa Quezon Provincial Library, Tayabas City Public Library at Mauban ELearningville.

Nagkaroon din ng pagkilala sa serbisyo at inisyatibo ng mga pampublikong aklatan at mga kawani sa lalawigan .

Bilang pagdiriwang ng ika-96 na taong anibersaryo, nagsagawa ang Panlalawigang Aklatan ng Quezon ng pagtitipon ng mga kawani ng mga pampublikong aklatan sa lalawigan noong Pebrero 28, 2025.

Ilan sa mga napag usapan ang tungkol sa mga kontribusyon ng mga pampublikong aklatan sa Sustainable Development Goals (SDGs) at pagtatayo ng mga Barangay Reading Center sa lalawigan.

Nagkaroon din ng pagkilala sa serbisyo at inisyatibo ng mga pampublikong aklatan at mga kawani sa lalawigan.

Quezon PIO

Tiangge ni Juana | March 3, 2025

PANOORIN: Mga kaganapan sa opisyal na pagbubukas ng TIANGGE NI JUANA sa Provincial Capitol Compound bilang bahagi ng pagdiriwang ng 2025 National Women’s Month.

Maaaring bisitahin at bumili sa mga nasabing tiangge na hatid ng mga kababaihan mula sa lalawigan ng Quezon mula ika-3 hanggang 7 ng Marso.

Happy Women’s Month!

Panoorin: https://www.facebook.com/share/v/167mHdSxQh

#HappyWomensMonth

Quezon PIO

Tiangge ni Juana | March 3, 2025

Bilang bahagi ng pagdiriwang ng 2025 National Women’s Month na may temang “Babae sa Lahat ng Sektor, Aangat ang Bukas sa Bagong Pilipinas.” Pormal ng binuksan ang TIANGGE NI JUANA “Pag-unlad at Pagkakaisa” ngayong araw ng Lunes, Marso 3, sa Quezon Capitol Grounds, Lucena City.

Pinangunahan ito ni Governor Doktora Helen Tan katuwang ang Provincial Gender and Development office sa pamumuno ni Sonia Leyson kasama ang ilang punong tanggapan at kawani ng Pamahalaang Panlalawigan kung saan tampok dito ang Iba’t ibang produktong gawa ng masisipag na kababaihang Quezonian.

Ang taunang aktibidad na ito ay naglalayong tulungan ang organisasyon ng mga kababaihan at mga babaeng negosyante kung saan maipapakita ang kanilang mga likhang produkto, gayundin na mabigyan sila ng mas maraming oportunidad upang mapalawak ang kanilang Mercado at mas lalo pang mapaunlad ang kanilang kabuhayan.

Sama-sama nating suportahan ang gawang lokal at ang lakas ng Juana! bukas ito mula Marso 03 hanggang ika-7 ng Marso.

#HappyWomen’sMonth

Quezon PIO

Ika-137 ng Pangkaraniwang Pulong ng Sangguniang Panlalawigan Ng Quezon | March 3, 2025

FB Link: https://www.facebook.com/share/v/1EW9cVVUkj

Quezon PIO

Tiangge ni Juana | March 3, 2025

Tiangge ni Juana Opening & Ribbon Cutting Ceremony.

Link: https://www.facebook.com/share/v/19PkXFre7D/

March 3, 2025 | Provincial Capitol Grounds, Lucena City.

Quezon PIO

SPES 2025 Application | March 1, 2025

Muling bubuksan ng Provincial Government of Quezon sa pamamagitan ng Quezon Provincial Public Employment Service Office ang aplikasyon para sa Special Program for Employment of Students o SPES na isa sa mga programa ng Department of Labor and Employment. Nilalayon ng programang ito makapagbigay ng tulong pinansyal sa mga mag-aaral at Out-of-School-Youth na kabilang sa low-income families.

Ang mga mapipiling benepisyaryo ay magtatrabaho sa iba’t ibang tanggapan sa Pamahalaang Lalawigan o sa mga katuwang nitong ahensya. Kasama rin sa mithiin ng programang ito na maging lunsaran ng pagtuklas at paghubog sa kasanayan at abilidad ng mga kabataan tungo sa iba’t ibang karera o propesyon na maaari nilang tunguhin sa hinaharap.

Para masimulan ang aplikasyon, ihanda ang mga requirements na nabanggit sa video. Palaging mag-antabay sa mga anunsyo at paanyaya ng Quezon Provincial PESO para sa ibang mga detalye at pamamaraan patungkol sa programang SPES.

Quezon PIO / PESO

Poor Family College Graduate Full Scholarship Program | February 28, 2025

Narito ang mga pangalan na kabilang sa “Shortlisted Applicants” para sa 2025 One Poor Family, One College Graduate Scholarship Program ng Pamahalaang Panlalawigan ng Quezon.

Ang mga sumusunod ay naikonsidera batay sa kanilang mga sagot sa Assessment Tool na ginamit bilang batayan sa pagpili ng mga kwalipikadong aplikante.

Kaugnay nito, upang matiyak na wastong impormasyon ang ibinigay ng mga aplikante, magsasagawa ang Pamahalaang Panlalawigan ng beripikasyon o pagsisiyasat upang malaman ang tunay na kalagayan ng bawat aplikante at matukoy kung sino ang pasok sa mga itinakdang pamantayan ng programa.

Samantala, hintayin ang opisyal na email kung saan ipapaliwanag ang mga susunod na hakbang at mga kailangang gawin kaugnay ng naturang scholarship program.

Narito ang buong listahan: https://drive.google.com/…/1hv1mu…/view…

Pabatid:

1. Naupdate na ang Listahan, upang mapasama ang mga “Shortlisted Applicants” mula Catanauan. Gayun din ay karagdagang pangalan para sa Pagbilao dahil sa nagdobleng entry.

Quezon PIO

« Previous Page