Blood Donation Drive – February 02, 2024 – 9:00am
Be a Hero in your Own Way!
Your Blood Save Life
Blood Donation Drive
February 2, 2024 | 9:00AM
Quezon Convention Center
Source: Quezon PDRRMO
NEWS AND UPDATE
Pagtulong sa mga Biktima ng Sunog sa Purok Damayan 1, Brgy. Ibabang Iyam, Lucena City | January 30, 2024
Sa direktiba ni Governor Doktora Helen Tan, agarang naihatid ang tulong sa mga biktima ng sunog sa Purok Damayan 1, Brgy. Ibabang Iyam, Lucena City ngayong araw, Enero 30.
Ayon sa Bureau of Fire Protection – Lucena City, tatlong kabahayan ang natupok ng apoy na nag-umpisa kaninang bandang 9:15 ng umaga at agaran namang naapula ang apoy bandang 10:00 ng umaga.
Naipamahagi ang relief supplies sa limang pamilya at siniguro ng Pamahalaang Panlalawigan na magpapaabot din ng tulong pinansyal sa mga biktima ng nasabing sunog bilang kanilang panimula.
Samantala, kasalukuyang iniimbestigahan ng BFP – Lucena City ang pinagmulan ng sunog.
Source: Quezon PIO
1st Inaugural Session – SK Provincial Federation – Quezon Province | January 30, 2024
Isinagawa ngayong araw ng Martes, Enero 30 ang 1st Inaugural Session ng SK Provincial Federation sa pangunguna ni Board Member Jacky Delimos.
Nagbigay mensahe at suporta naman si Governor Doktora Helen Tan kasama sina Vice Governor Third Alcala, Board Member John Joseph Aquivido, Board Member Vinnette Alcala-Naca, Board Member Claro Talaga, at Board Member Ireneo Boonggaling.
Hangad naman ng gobernadora na maging maayos ang paggampan ng kanilang tungkulin upang sila’y magsilbing inspirasyon sa bawat kabataang Quezonian.
Source: Quezon PIO
Proclamation No. 460
Idineklara ng Malacañang na special (non-working) day ang araw ng Pebrero 8 sa munisipalidad ng TIAONG, QUEZON bilang paggunita sa ika-134 anibersaryo ng kapanganakan ni dating Senador Claro M. Recto.
Link:
https://www.facebook.com/photo/?fbid=776403321195818&set=a.353355450167276
Source: Quezon PIO
Vice Mayors’ League of the Philippines Regional Meeting | January 30, 2024
Ginanap sa Provincial Government of Quezon ang 5th Regional Meeting ng Vice Mayor’s League of the Philppines Region IV-A CALABARZON Chapter ngayon araw ng Martes, Enero 30.
Nakiisa si Governor Doktora Helen Tan sa isang makasaysayang pulong panglehislatura kasama ang apat na pu’t isang (41) mga ikalawang punong bayan ng VMLP Quezon Chapter. Ito din ang ika-walong pulong ng mga namumuno sa sangguniang bayan ng lalawigan ng Quezon na layong mas mapaigting pa ang matatag na serbisyo at mas mapagtibay ang kahusayan pagdating sa mga usaping panglehislatura.
Binubuo ang lupon ng mga miyembro mula sa probinsya ng Cavite, Laguna, Batangas, Rizal at Quezon.
Source: Quezon PIO
Bridging Communities, Building Futures Forum | January 30, 2024
“Ang aking munting kahilingan, kayo’y maging matibay sa lahat ng gawain, tumulong lang tayo, magtulungan tayo.”
Ito ang sinabi ni Governor Doktora Helen Tan sa mga bagong halal na mga punong baranggay sa ginanap na forum at konsultasyon ng Department Interior and Local Government (DILG) at ng Pamahalaang Panlalawigan ng Quezon, ngayong araw ng Martes, Enero 30 sa Quezon Convention Center.
Dinaluhan ng 1,242 mga Kapitan ang aktibidad na layong maipabatid ang serbisyo at pamamaraan pagdating sa kalusugan, edukasyon, agrikultura, pangkabuhayan, imprastraktura, turismo at tamang paglilingkod sa mga barangay ng buong lalawigan ng Quezon.
Source: Quezon PIO
Kadiwa ng Pangulo sa Kapitolyo | January 30, 2024
Muling umarangkada ang Kadiwa ng Pangulo sa kapitolyo ngayong araw ng Martes, Enero 30.
Ang Kadiwa ng Pangulo ay binubuo ng iba’t ibang ahensya ng pamahalaan na naglalayong mailapit sa mamimili ang mga produkto sa murang halaga dahil ito ay direktang nanggagaling sa mga manufacturer o magsasaka.
Inaanyayahan ang mga mamimili na tangkilikin ang mga produktong gawang Quezon na mabibili sa Capitol Compound, Lucena City hanggang ala sais ng hapon ngayong araw.
Source: Quezon PIO
Ika-17 Pangkaraniwang Pulong ng Sangguniang Panlalawigan ng Quezon | January 29, 2024
Ginanap kahapon ang ika- 81 Pangkaraniwang Pulong ng Sangguniang Panlalawigan ng Quezon.
Sa unang bahagi ng sesyon, nagkaroon ng pagbibigay impormasyon at komprehensibong presentasyon si 85th Infantry Battalion Commander Lieutenant Colonel Joel R. Jonson bilang pagdiriwang ng ika isang taon na pagiging malaya sa impluwensya ng CPP-NPA-NDF o Insurgency- free anniversary celebration ng Lalawigan ng Quezon.
Samantala inaprubahan ang ilang mga atas tagapagpaganap at mga ordinansang bayan na higit na makakatulong sa kaayusan ng Lalawigan para sa bawat mamamayan.
Source: Quezon PIO
Provincial School Board Meeting | January 29, 2024
Sa pagsusumikap na mabigyang solusyon ang mga mag aaral ng lalawigan ng Quezon, ginanap ang Provincial School Board Meeting ng DepEd Quezon at Pamahalaang Panlalawigan ngayong araw ng Lunes, Enero 29.
Pinangunahan ni Governor Doktora Helen Tan ang pagpupulong patungkol sa usaping pang edukasyon, konsultasyon at pagbabahagi ng presentasyon ng mga kinatawan ng Department of Education- Division of Quezon na isang patunay ng pagbabalikatan para sa mas maayos na serbisyong pang edukasyon gayundin.
Samantala pinuri naman ng DepEd Quezon ang proyekto ng Pamahalaang Panlalawigan na Project Kid Bibo sa magandang gampanin at dulot nito sa mga mag-aaral ng Lalawigan.
Source: Quezon PIO
Let’s Support Ma. Ahtisa Manalo – Candelaria, Quezon
Mga Kalalawigan! Ating suportahan ang ating Kababayan na si Miss Ma. Ahtisa Manalo mula sa Bayan ng Candelaria sa darating na laban ng Miss Universe Philippines!
Tunay ngang sa husay at ganda ay hindi magpapahuli ang isang Quezonian!
Source: Quezon PIO