NEWS AND UPDATE

Pamamahagi ng 129 Patient Transport Vehicles (PTVs) sa mga Local Government Units( LGUs) | September 10, 2024

Ginanap ngayong araw ng Martes ika-10 ng Setyembre ang pamamahagi ng 129 Patient Transport Vehicles (PTVs) sa mga Local Government Units( LGUs) sa pangunguna ni Pangulong Ferdinand R. Marcos Jr. katuwang ang Philippine Charity Sweepstakes Office (PCSO) sa Quirino Grandstand, City of Manila.

Dinaluhan ni Governor Doktora Helen Tan ang nasabing programa kasama ang mga punong bayan mula sa iba’t ibang lalawigan.

Layunin ng programang ito na mapabilis ang pagresponde sa mga geographically isolated and disadvantaged areas (GIDAs).

Maraming salamat po Pangulong Ferdinand R. Marcos Jr.!

Photo Credits: PCO – RTVM

Quezon PIO

Distribution of Philippine Charity Sweepstakes office (PCSO) Ambulances | September 10, 2024

Live Link:

https://www.facebook.com/watch/live/?ref=watch_permalink&v=1066059758211018&rdid=Xx7bsEaQ7NK2KBN1

Quezon PIO

STEP UP Entrepreneurship Development Program

Handa Ka Na Bang I-level up ang Iyong Negosyo?

Ikaw ba ay isang manufacturer o processor ng food o non-food products? Kung OO, ito na ang pagkakataon mong umangat!

Halina’t sumali sa STEP-UP Entrepreneurship Development Program ng Pamahalaang Panlalawigan ng Quezon sa pangunguna ni Governor Doktora Helen Tan.

Layunin ng programang ito na suportahan at i-angat ang antas ng pagnenegosyo ng mga MSMEs sa Quezon Province sa pamamagitan ng lingguhang coaching at mentoring sessions kasama ang mga dalubhasang trainor mula sa iba’t ibang bahagi ng bansa.

Bakit Dapat Kang Sumali?

15-Day Intensive Training – Makakatanggap ka ng 12 Business Modules na tutulong sa iyong palaguin ang negosyo.

Free Packaging Design – Mabibigyan ng bagong anyo ang iyong produkto na makakaakit ng mas maraming customer.

Negosyo Kits – Makakatanggap ka ng:

• Collapsible Kiosk

• Heavy Duty Foldable Canopy/Tent

• 2 Heavy Duty Foldable Chairs

Business Pitching Opportunity – Kapag napasama ka sa “Top 10 Best Presentors,” maaari kang makatanggap ng livelihood assistance.

Exposure sa Trade Fairs – Magkakaroon ka ng pagkakataong sumali sa iba’t ibang trade fair at exhibit sa loob man o labas probinsya!

Paano Sumali?

Kumpletuhin ang mga Dokumento:

-Photocopy ng DTI Business Name Certification

-Photocopy ng 2024 Mayor’s Permit

-Photocopy ng BIR Registration (optional)

-At least isang sample product ng iyong negosyo

Ipasa ang Iyong mga Dokumento:

Dalhin ang mga ito sa Governor’s Office o DTI Negosyo Center mula September 9-20, 2024.

Huwag palampasin ang pagkakataong ito! Sumali na sa STEP-UP Entrepreneurship Development Program at sabay nating i-level up ang iyong negosyo!

Quezon PIO

Our Quality Policy

Bilang bahagi ng paghahangad na makuha ang ISO Certification ng Pamahalaang Panlalawigan ng Quezon, ang “Our Quality Policy” ay sinisigurong naisasapuso ng bawat kawani at empleyado ng Kapitolyo.

Narito ang nilalaman ng nasabing Quality Management System (QMS).

Quezon PIO

2nd Gov. Angelina “Doktora Helen” D.L Tan Inter-collegiate Basketball and Volleyball Tournament 2024 – 4th District Meeting | September 09, 2024

Ginanap ngayong araw, Setyembre 9 sa bayan ng Gumaca ang pagpupulong para sa 4th District Leg ng “The 2nd Gov. Angelina “Doktora Helen” D.L Tan Inter-Collegiate Basketball and Volleyball Tournament 2024.”

Pinangunahan ito ni Provincial Sports Officer Coach Aris A. Mercene, kung saan kaniyang hinarap ang ilang Unibersidad at Kolehiyo sa ika-apat na distrito upang magkaroon ng koordinasyon sa mga mga manlalarong nais lumahok mula sa kanilang paaralan.

Samantala, sa tulong naman ni Lopez Mayor Rachel A Ubana, gaganapin Grand Opening ng nasabing pasiklaban sa larangan ng Basketball at Volleyball sa Municipal Covered ng bayan ng Lopez.

Quezon PIO

Ika-113 Pangkaraniwang Pulong ng Sangguniang Panlalawigan ng Quezon | September 09, 2024

Sa pangunguna ni Vice Governor Third Alcala, isinagawa ang ika-113 Pangkaraniwang Pulong ng Sangguniang Panlalawigan ng Quezon na ginanap via Zoom Meeting Conference ngayong araw ng Lunes, Setyembre 9.

Naaprubahan sa nasabing pagpupulong ang mga ordinansang bayan, panukala, kautusan bayan at resolusyon na mapakikinabangan ng bawat mamamayan upang magpaunlad at mapabuti ang lalawigan.

Asahan naman ang walang humpay pang pagsisikap ng Sanggunian sa pagbibigay ng mga panglehisturang serbisyo para sa pag-unlad ng pamumuhay ng mga mamamayang Quezonian.

Quezon PIO

2024 Quezon Educators’ Research Convention (Day 2) | September 08, 2024

Sa ikalawang araw ng Quezon Educators’ Research Convention 2024, kabilang sa mga dumalo ang iba’t ibang lugar sa Quezon mula Pagbilao, Mauban, Lucban, Sampaloc, Real, Infanta, General Nakar, Polillo, Panukulan, Patnanungan, Quezon at Jomalig, Setyembre 8.

Pinangunahan ang programa nina Governor Doktora Helen Tan at Vice Governor Anacleto A. Alcala III na patuloy na sumusuporta at nagpapasalamat sa mga masisipag na guro na nagtatrabaho upang maiangat ang kalidad ng edukasyon partikular sa lalawigan ng Quezon.

Ipinahayag rin ni Loida N. Nideo, Assistant Regional Director, “you my dear teachers with support of non-teaching personnel are the people who make children happy”.

Quezon PIO

Lingap sa Mamamayan Libreng Gamutan | September 08, 2024

Naihatid sa 2,567 mamamayan ng Calumpang, Tayabas City ang iba’t-ibang libreng serbisyong medikal ngayong araw ng Linggo, September 8 sa pangunguna ni Governor Doktora Helen Tan at Vice Governor Third Alcala.

Napakinabangan ng mga residente ng nasabing lugar ang libreng medical check-up sa bata at matanda, bunot ng ngipin, minor surgery, pagpapatingin sa mata, libreng pagpapasalamin, at iba’t-ibang laboratory examinations gaya ng X-ray, Ultrasound, FBS, ECG, UACR, at HIV Screening.

Asahan na magpapatuloy ang Pamahalaang Panlalawigan sa pagbibigay pa ng mga programa at serbisyong pangkalusugan na abot-kamay ng bawat mamamayang Quezonian.

Quezon PIO

1st Runner-up Best Booth-Regional Category – 35th Philippine Travel Mart

Quezon Province, nagwagi bilang Best Booth ng Regional and Provincial Category sa ginanap na 35th Philippine Travel Mart (PTM) sa SMX Convention Center, Pasay City mula September 6-8.

Sa pangunguna ng Provincial Tourism Office na pinamumunuan ni Nesler Louies Almagro, ibinida sa tatlong araw na isinagawang programa ang mga ipinagmamalaking produkto at kultura ng lalawigan ng Quezon kabilang na ang Lambanog at ang Tagayan Ritual.

Ang Philippine Travel Mart ay ang pinakamalaking taunang fair na nakatuon sa pagtataguyod ng mga sikat at umuusbong na destinasyon ng turista sa bansa, kung kaya’t malaking tulong ito upang makilala pa ang mga nakabibighaning Agri-turismong destinasyon sa lalawigan ng Quezon na isa sa layunin ni Governor Doktora Helen Tan.

Quezon PIO

Kitchen of the World with Chef Reggie Aspiras | September 06, 2024

Binisita ng Kitchen of the World ang lalawigan ng Quezon sa pangunguna ni Chef Reggie Aspiras kahapon, September 6

Kasama ang mahigit 30 turista mainit silang sinalubong ni Mrs. Maria Cristina Decal ang Board of Director ng “Kulinarya Tagala”. Tatlong(3) bayan ang binisita ng mga turista, kabilang ang mga bayan ng Sariaya, Lucban at Lungsod ng Tayabas.

Una nilang binisita ang Baysa-Villoso Ancestral House sa bayan ng Sariaya at sinundan ng Gala-Rodriguez upang libutin ang ganda ng mga sinaunang bahay sa nasabing bayan. Matapos mag-ikot ay bumisita rin sila sa simbahan ng Diocesan Shrine of Sto. Cristo de Burgos sa paghingi ng gabay habang sila ay naglalakbay sa ating lalawigan.

Lumipas ang mga oras, nakarating din sila sa Lungsod ng Tayabas kung saan ay bumungad sa kanila ang street dance ng mga kabataang Tayabasin at ang masayang paghahagis ng suman ni Mayor Lovely Reynoso. Ipinakilala ni punong bayan ang yaman ng agrikultura at nagsasarapang produkto na mayroon ang Lungsod. Dito rin ay naengganyong bumili ng mga pasalubong ang mga turista gaya ng Rodillas, Mallari Lambanog, Villadiegos at iba pa.

Sa wakas, ay nakarating ang mga turista sa huling distinasyon at ito ay ang Bayan ng Lucban. Una nilang pinuntahan ang Insular Flower Farm at namangha sa ganda ng mga halaman at klima na mayroon ang bayan. Ang huli ay Tan-Aw Banahaw, dito ay mas sumaya ang ating mga bisita sa hinandang mga palaro gaya ng Basag palayok at Maria Went to town. Nasaksihan din nila ang mga demonstrasyon ng pagluluto at paggawa ng Kiping, Longganisa at Pansit Lucban o mas kilalang Pansit Habhab sa pangunguna ni Chef Arens Ranola. Tinapos ang Tour na ito sa Tagayan Ritwal kasama ang mga Ambassador ng Tourism. Ang tangera ay mag sasalita ng “Naay Po” at sasagutin ito ng “Pakinabangan Po” na nagsilbing mainit na pagsalubong ng lalawigan ng Quezon sa mga turista

Kamangha-mangha talaga ang ganda ng Lalawigan ng Quezon. Binabandila natin ang sarap ng pagkain at mga kasaysayan o pinagmulan ng Lalawigan ng Quezon.

Quezon PIO

« Previous Page