NEWS AND UPDATE

Basic Training in Disaster Preparedness and Safety for Employees | February 01-03, 2024

Kasalukuyang suma-sailalim ang ilang empleyado ng Quezon Provincial Hospital Network – Quezon Medical Center (QPHN-QMC), sa Basic Training in Disaster Preparedness and Safety for employees.

Ang programang ito, ay maka-tutulong sa ating mga empleyado, na magkaroon ng sapat na karanasan at kaalaman ng mga dapat gawin, sa oras ng trahedya.

Samantala, nagsimula ang programa noong pebrero 1, at inaasahang matatapos sa ika-3 ng kasalukuyang buwan. pinangunahan naman ito ng Provincial Disaster Risk Reduction Management Office o PDRRMO.

Source: QPHN – QMC

Visitation of Project Barangay Hall | February 02, 2024

Nagtungo si Governor Doktora Helan Tan sa Barangay Briones sa bayan ng San Antonio, Quezon ngayong araw, Pebrero 2.

Dinatnan niya ang matagal ng nakabinbin na barangay hall dito, sinuguro ng ina ng lalawigan at ng pamahalaang panlalawigan na wala dapat masayang na pasilidad kung kaya’t magkakaroon na ng katuparan na matapos ito sa lalong madaling panahon.

Pangungunahan ng Provincial Engineering Office ang pag kumpleto sa nasabing proyekto upang mapakinabangan na at hindi masayang ang pondong ipinagawa dito.

Source: Quezon PIO

Blessing of Chapel & Multi-purpose Covered Court | February 02, 2024

Mapagpala ang araw na ito sapagkat magkasunod na pinasinayaan ang mga pagawaing imprastraktura sa bayan ng San Antonio ngayong ika-2 ng Pebrero.

Pinangunahan ni Governor Doktora Helan Tan ang pagpapasinaya sa bagong Chapel sa Barangay Pulo sa bayan ng San Antonio at magagamit na ng mga residente nito upang taimtim na manalangin at mapagdausan ng misa.

Gayundin ang bagong covered court sa Barangay Buliran na malaking pakinabang upang magamit sa iba’t ibang aktibidad.

Nakasama ng ina ng lalawigan si Mayor Ariel M. Wagan Jr. at mga myembro ng Sangguniang Bayan at Barangay.

Ang mga nasabing gusali ay mula sa Sariling Sikap Program ng ina ng lalawigan na patuloy na gumagawa ng paraan upang mailapit ang serbisyo saan mang sulok ng barangay sa ating lalawigan.

Source: Quezon PIO

Lingap sa Mamamayan Libreng Gamutan – February 04, 2024

Mga Kalalawigan!

Sama sama tayong magpakonsulta sa libreng serbisyong pangkalusugang hatid ni Governor Doktora Helen Tan at ng Pamahalaang Panlalawigan sa Municipal Covered Court ng bayan ng Padre Burgos, bukas, February 4.

Source: Quezon PIO

Blood Donation Drive | February 02, 2024

YOUR BLOOD, SAVE LIFE

Sa pangunguna ng Provincial Disaster Risk Reduction and Management Council (PDRRMC), matagumpay na naisagawa ngayong araw ng Biyernes, Enero 2 sa Quezon Convention Center ang 1-day Blood Donation Drive.

Umabot sa 105 na Quezonian ang taos-pusong nagbahagi ng kanilang mga dugo na lubos na makatutulong sa ating mga kalalawigan na nangangailangan ng dugo, kung kaya’t malaki ang pasasalamat ng Pamahalaang Panlalawigan sa kanilang pakikiisa sa nasabing aktibidad.

Source: Quezon PIO

Agri-Tourism Package

Ｌｏｏｏｎｇ ｗｅｅｋｅｎｄ？

Bukod sa naggagandahang beaches at masasarap na pagkain dito sa Quezon Province, 𝗮𝗴𝗿𝗶-𝘁𝗼𝘂𝗿𝗶𝘀𝗺 𝗱𝗲𝘀𝘁𝗶𝗻𝗮𝘁𝗶𝗼𝗻𝘀 – meron din yan!

Visit and be one with nature and try a farm experience with your family and loved ones in your long weekend plans.

Tara na sa Quezon!

Source: Quezon Tourism

Initial Interview and Screening of Documentary Requirements of SPES Applicants | February 01, 2024

The initial interview and screening of documentary requirements of SPES (Special Program for Employment of Students) applicants was conducted by the Provincial Government of Quezon headed by Gov. Angelina “Doktora Helen” D.L. Tan thru PESO Quezon Province. Started last February 1, 2024 at PESO Provincial Office, 2nd FLR, Quezon Convention Center, Capitol Compound, Lucena City.

Acting Provincial PESO Manager Atty. Melojean M. Puache instructed her PESO staff to facilitate the said ongoing activity that will last until February 22, 2024. Monday to Friday, 8:00 AM – 5:00 PM.

Source: Quezon PESO

Meeting with DPWH Quezon District Engineering Office | January 31, 2024

Nagkaroon ng pagpupulong ngayong araw ng Myerkules, Pebrero 7 ang Pamahalaang Panlalawigan sa pangunguna ni PA Manny Butardo at ang DPWH Quezon District Engineering Office.

Dinaluhan nina 1st District Engineer Salvador Salvaña, 2nd DE Del Rosario Naca, 3rd OIC DE Michael Rosaria at 4th DE Rodel Florido . Kasama rin dumalo sa talakayan sina EA John Luzano at PMRB Head Engr. Rommel Sarmiento.

Nagbahagi ang bawat tanggapan ng mga ulat patungkol sa mga naisagawa, kasalukuyang ginagawa at mga proyektong nangangailangan pa ng pondo. Napag-usapan rin ang ilang mga concerns at kung paano ito matutugunan ng maayos at mabilis.

Ipinabatid naman ni PA Manny Butardo ang mensahe ng pasasalamat ni Gobernor Doktora Helen Tan sa tanggapan ng DPWH Quezon sa patuloy na pagsasaayos ng mga daan sa bawat bayan sa lalawigan. Dagdag pa niya, hiling rin ng Gobernadora na malagyan ng signage ang mga daan upang maiwasan ang pagkalampas ng ilang mga byaherong dumadaan.

Patuloy ang pakikipagtulungan ng Pamahalaang Panlalawigan sa iba’t-ibang ahensya ng pamahalaan upang masiguro ang maayos na serbisyo para sa bawat mamamayan ng Quezon.

Source: Quezon PIO

Priority Courses Scholarship & Return Service Program for Deserving Students

Magandang balita para sa ating mga mag-aaral na Quezonian!

Bukas na ang aplikasyon para sa Priority Courses Scholarship and Return Service Program for Deserving Students ng Pamahalaang Panlalawigan ng Quezon. Sa ilalim ng programa, mabibigyan ng scholarship ang mga mag-aaral na papasok ng Unang Taon ng Kolehiyo sa panuruang taon 2024-2025 at kukuha ng alinman sa mga sumusunod na kurso:

• Doctor of Medicine

• Doctor of Veterinary Medicine

• BS Medical Technology / Medical Laboratory Science

• BS Midwifery

• BS Nursing

• BS Nutrition Dietetics

• BS Occupational Therapy

• BS Pharmacy

• BS Physical Therapy

• BS Radiologic Technology

• BS Respiratory Therapy

• BS Speech and Language Pathology

• BS Social Work

• Teacher Education: Special Needs Education

• BS Chemistry

• BS Geology

• BS Meteorology

• BS Biomedical Engineering

• BS Agricultural and Biosystems Engineering

• BS Food Technology

Upang masuri kung kwalipikado ang mag-aaral, maaaring-i-access ang Scholar’s Assessment tool sa:

https://docs.google.com/…/1FAIpQLScC5WIQKM8EDm…/viewform

Makukuha naman ang Application Form sa link na ito:

https://drive.google.com/…/1MiAvEXWurYeRmqPGC4d9IV…/view

Mangyaring isulit ang mga dokumento sa pinakamalapit na Provincial Government Satellite Office sa inyong lugar o sa Scholarship Office ng Tanggapan ng Punong Lalawigan sa Ikalawang Palapag ng PGO Extension, Provincial Capitol Compound, Brgy. 10, Lucena City. Tatanggapin lamang ang aplikasyon hanggang February 15, 2024.

Para sa karagdagang impormasyon, maaari kayong tumawag sa sumusunod:

(042) 785 0281 o 0998-548-5607

Source: Quezon PIO

Philippine Army Reservist Basic Citizen Military Training Closing Ceremony | January 31, 2024

TINGNAN: Dinaluhan ni Governor Doktora Helen Tan bilang guest of honor/speaker at miyembro ng Army Reserve Command ang ginanap na Closing Ceremony ng Basic Citizen Military Training (BCMT) ng 4TH Regional Community Defense Group RESCOM, PA ngayong araw, Enero 31.

Binigyang pugay naman ng gobernadora ang dedikasyon ng mga magigiting na kababayan na sumabak sa 45 days training upang maging isa sa mga Pilipinong handang maglingkod at ipaglaban ang bansang Pilipinas sa oras ng kinakailangan.

Source: Quezon PIO