NEWS AND UPDATE

Medical Mission “Kalinga sa Mamamayan, Libreng Gamutan” | January 23, 2025

TINGNAN: Ang mga naging kaganapan sa isinagawang Medical Mission “Kalinga sa Mamamayan, Libreng Gamutan” ngayong araw ng Huwebes, Enero 23 sa Brgy. Castañas Sariaya Quezon.

Sa pangunguna ni Governor Doktora Helen Tan katuwang ang Pamahalaang Panlalawigan ng Quezon, mga Private Doctors, Quezon Medical Society, at mga espesyalista na nagmula sa iba’t-ibang bahagi ng lalawigan ng Quezon.

#SerbisyongTunayAtNatural #HEALINGQuezon #LingapSaMamamayanLibrengGamutan #MedicalMission2025

Quezon PIO

Distribution of Native Pigs and other Inputs | January 23, 2025

Nagkaloob ang Provincial Government of Quezon sa pamamagitan ng Office of the Provincial Veterinarian (OPV) ng 30 native pig breeders para sa mga Miyembro ng Samahan ng Magsasaka ng Brgy. San Vicente, Padre Burgos, Quezon, nitong January 21, 2025, upang kanilang alagaan at paramihin.

Namigay rin ang OPV sa mga farmers ng ilang pananim na pamakain sa mga hayop.

Ang mga farmer-recipients ay nauna ng sumailalim sa isang training seminar tungkol sa pag-aalaga ng mga native pigs.

Ang aktibidad ay pinamunuan ni Mr. Julian Nuñez, Head ng Swine and Poultry Development Unit ng Livestock and Poultry Development Division, kasama si Ms. Mona Lisa Gragasin, sa pakikipagtulungan ng Office of the Municipal Agriculturist ng Padre Burgos sa pangunguna ni MA Franco Bondeci.

Quezon PIO

On-Boarding Program & Oath Taking Ceremony | January 23, 2025

Matagumpay na ginanap nitong Enero 22, sa Provincial Capitol Building, ang Oathtaking at Basic Orientation ng On-Boarding Program para sa 47 na empleyado mula sa iba’t ibang departamento at munisipalidad sa pangunguna ni Provincial Human Resource Management Office Head, Rowell A. Napeñas.

Layon ng nasabing programa na magbigay ng komprehensibong on-boarding na programa para sa integration, orientation, at pagsasanay sa mga empleyado na itinalaga sa bagong posisyon.

Tinalakay dito ang mga paksa patungkol sa Code of Conduct at Ethical Standards, Basic Rules and Regulations , Performance Management, Discipline Administrative Offenses, Grievance Machinery, at Compensation and Benefits.

Dinaluhan ito nina Provincial Administrator Manuel M. Butardo, Provincial Planning and Development Coordinator Engr. Russell C. Narte, Chief of Hospital, Dr. Juan Eugenio Fidel B. Villanueva, at Acting Provincial Health Officer II, Dr. Kris Conrad M. Mangunay.

Samantala, pinangunahan naman ni Governor Doktora Helen Tan ang panunumpa ng mga empleyado sa kanilang bagong tungkulin at serbisyong ibibigay para sa ikabubuti ng lalawigan ng Quezon.

Quezon PIO

Pagpapakilala sa mga iskolar ng Priority Courses Scholarship and Return of Service Program | January 23, 2025

Sa pangunguna ni Governor Doktora Helen Tan, pormal nang ipinakilala ang mga iskolar ng Priority Courses Scholarship and Return of Service Program nitong araw ng Miyerkules, Enero 22.

Matatandaang isa sa layunin na nakapaloob sa HEALING Agenda ni Governor Doktora Helen Tan ang maayos na kalidad ng edukasyon para sa mga kabataang Quezonian, at ito ay isinasakatuparan sa pamamagitan ng pagkakaloob ng mga scholarship programs sa mga kwalipikadong mag-aaral sa lalawigan.

Matapos ang masusing pagsusuri sa mga aplikanteng mag-aaral, labing-anim (16) ang nakapasa sa isinagawang screening at pinili ang mga kursong:

•Doctor of Medicine

•Doctor of Veterinary Medicine

•BS Medical Technology/ Medical Laboratory Science

•BS Midwifery

•BS Nutrition Dietetics

•BS Pharmacy

•BS Radiologic Technology

•BS Respiratory Therapy

•BS Social Work

Teacher Education:

•Special Needs Education

•BS Food Technology

Sa nasabing programang pang-edukasyon, libre ang matrikula at iba pang pangangailangan sa pag-aaral ng iskolars tulad ng libro, boarding o lodging at transportation allowance habang sila ay nag-aaral. Kaugnay nito, matapos silang makapagtapos sa kursong kanilang kinuha, sila ay maglalaan ng balik-serbisyo o return of service bilang empleyado sa iba’t-ibang bayan sa lalawigan na nangangailangan ng serbisyo publiko.

Samantala, patuloy na magsusumikap ang Pamahalaang Panlalawigan sa pangunguna ni Governor Doktora Helen Tan na iangat ang antas ng pamumuhay ng bawat Quezonian sa pamamagitan ng pagbibigay ng oportunidad sa pagkakaroon ng maayos na edukasyon.

Quezon PIO

Quezon Medical Center (QMC) Strategic Planning Workshop 2025 | January 22, 2025

TINGNAN: Quezon Medical Center (QMC) Strategic Planning Workshop 2025

Sinimulan ngayong araw ng Miyerkules, Enero 22 ang Quezon Medical Center (QMC) Strategic Planning Workshop 2025 sa 3rd Floor Provincial Capitol, Lucena City. Ang nasabing workshop ay isasagawa ng tatlong araw at ito ay nakatuon sa pagpapaigting at pagpaplano ng mga proyekto at serbisyong pangkalusugan para sa mamamayang Quezonian.

Sa pagsisimula ng workshop, ipinakilala at nagbahagi ng kaalaman si Dra. Cynthia F. de la Rea, MD, MBA-Health, na siyang guest speaker ukol sa Strategic Planning. Naglahad din ng mga institutional updates ang QMC at nagkaroon ng kolaborasyon ang mga kawani mula sa iba’t ibang divisions sa pamamagitan ng mga aktibidad at presentasyon ng mga output.

Samantala, naging sentro ng mensahe ni Governor Doktora Helen Tan ang kahalagahan ng isang matibay na pundasyon sa isang tanggapan at ang pagseserbisyo ng may malasakit at pagmamahal.

Tiniyak din ng Gobernadora na palaging katuwang ng QPHN-QMC ang Pamahalaang Panlalawigan sa pagbibigay ng mga pangangailangan at serbisyong medikal para sa bawat Quezonian.

Quezon PIO

GO-STAN Program Orientation & Life Skills Training | January 22, 2025

Pormal na ginanap ang Orientation and Life Skills Training para sa Government Service Training and Apprenticeship for Nation-Building (Go STAN) sa pangunguna ni Governor Doktora Helen Tan kabalikat ang Provincial Public Employment Service Office (PESO) sa pamumuno ni PESO Manager, Genecille P. Aguirre, ngayong araw ng Enero 22 sa Quezon Convention Center, Lucena City.

Ang GO STAN program ay naglalayong magbigay ng suportang pang pinansyal at hanap-buhay sa mga mamamayan edad 18-30 ng iba’t ibang munisipalidad sa Lalawigan ng Quezon, kung saan tinatayang 210 benepisyaryo ang sasailalim sa 6 na buwang pagtatrabaho sa nasabing programa.

Samantala, tatalakayin din ni Focal For Career Development Support Program Florita P. Santamena ang mga paksang; Developing Self-Confidence, Being a Productive Worker, Money Management, Being a Good Team Leader, at Solid Waste Management na makakatulong at magiging gabay ng mga benepisyaryo habang nagtatrabaho sa ilalim Pamahalaang Panlalawigan.

Binigyang-diin din ni Governor Tan ang kahalagahan ng programang ito na nag-mula pa sa kanyang mga inisyatibo noong siya’y nasa Kongreso. Dagdag pa nito, hinihimok din niya ang mga benepisyaryo na sulitin ang oportunidad para sa kanilang personal at propesyonal na pag-unlad. Nais niyang bigyan ng pagsasanay ang mga mamamayan upang maihanda sila sa kanilang mga karera, upang mahubog ang kanilang “entrepreneurial mindset”, at magbigay ng makabuluhang karanasan sa trabaho.

Quezon PIO

24-Hour Public Weather Forecast | January 22, 2025

𝟮𝟰-𝗛𝗢𝗨𝗥 𝗣𝗨𝗕𝗟𝗜𝗖 𝗪𝗘𝗔𝗧𝗛𝗘𝗥 𝗙𝗢𝗥𝗘𝗖𝗔𝗦𝗧

𝗜𝘀𝘀𝘂𝗲𝗱 𝗮𝘁: 𝟰:𝟬𝟬 A𝗠, 𝟮𝟐 𝗝𝗮𝗻𝘂𝗮𝗿𝘆 𝟮𝟬𝟮𝟱

𝗦𝗬𝗡𝗢𝗣𝗦𝗜𝗦

Shear Line ang nakaapekto sa silangang bahagi ng Katimugang Luzon at Visayas. Amihan (Northeast Monsoon) ang nakaapekto sa nalalabing bahagi ng Luzon.

𝗤𝗨𝗘𝗭𝗢𝗡 𝗣𝗥𝗢𝗩𝗜𝗡𝗖𝗘

Makakaranas ng maulap na kalangitan na may mahihinang pag-ulan na dulot ng Amihan (Northeast Monsoon)

𝗜𝗺𝗽𝗮𝗰𝘁𝘀/ 𝗛𝗮𝘇𝗮𝗿𝗱𝘀: walang direktang epekto sa lalawigan ng 𝗤𝗨𝗘𝗭𝗢𝗡

DOST-PAGASA

Pagbati para sa mahusay at maaasahang pagbibigay serbisyo ng Quezon Provincial Public Employment Service Office (PESO) | January 20, 2025

Pagbati para sa mahusay at maaasahang pagbibigay serbisyo ng Quezon Provincial Public Employment Service Office (PESO) nitong nagdaang taong 2024!

Narito ang mga natanggap na pagkilala na matagumpay na naisakatuparan ng PESO sa pamumuno ni Genecille Aguirre:

-PESO Employment Information (PEIS) Champion (Applicant Registration & Vacancy Solicitation)

-High Performing PESO in Referral & Placement of Qualified Jobseekers,

-Active User of PESO Employment Information (PEIS)

-Most DOLE Programs Reported

-High Performing PESO in the Provision of Labor Market Information

-Complete Submission of PESO Monthly Employment Reports.

Ang parangal na ito ay upang kilalanin ang pagsisikap at hindi matatawarang dedikasyon ng PESO sa pagpapatupad ng mga programa at proyekto ng DOLE, na nagdudulot ng positibong epekto sa komunidad at nagtataguyod ng pag-unlad sa iba’t ibang antas gaya ng pagtulong sa mga Pilipinong naghahanap ng trabaho at sa pagpapalakas ng lokal na ekonomiya sa pamamagitan ng maayos na employment facilitation services.

Asahan naman ang patuloy na paghahatid ng nararapat na serbisyo at oportunidad para sa mga mamamayan ng Quezon sa pamamagitan ng patuloy ma pakikipagbalikatan sa iba’t-ibang ahensya at tanggapan.

Quezon PIO

Office of the Provincial Veterinarian ng Veterinary Medical Mission w/ Spay and Neuter | January 20, 2025

Nagsagawa ang Office of the Provincial Veterinarian ng Veterinary Medical Mission w/ Spay and Neuter sa Pitogo, Quezon nitong

January 17, 2025. Nagbigay ang tanggapan ng libreng pagtuturok ng antirabies, pagpupurga, check-up, at pagkakapon para sa mga alagang aso at pusa ng mga kakalawigan natin mula sa nasabing bayan.

Ang aktibidad ay pinangunahan nina Dr. Philip Augustus Maristela at Dr. Camille Calaycay kasama ang mga technical personnel ng OPV Animal Health and Welfare Division, sa pakikipagtulungan ng Office of the Municipal Agriculturist ng Pitogo na pinamumunuan ni MA German Candido.

Quezon PIO

131st Sangguniang Panlalawigan Regular Session | January 20, 2025

Para sa patuloy na pagbalangkas ng mga alituntuning nakaayon sa mas maunlad na lalawigan, muling nagtipon-tipon ang mga miyembro ng Sangguniang Panlalawigan upang pormal na isagawa ang ika-131 Pangkaraniwang Pulong ngayong araw ng Lunes, Enero 20 via Zoom Conference.

Layunin ng pagpupulong na makapagpasa ng mga resolusyon at kautusan, gayundin ay linawin ang mga ordinansa na nais ipatupad ng mga bayan sa lalawigan ng Quezon. Kabilang sa mga naaprubahan ay ang panukala mula sa tanggapan ng Punong Lalawigan hinggil sa resolusyon na nagpapahintulot sa Pamahalaang Panlalawigan na pumasok sa kasunduan o Terms and Partnership sa Department of Health (DOH)- Center for Health and Development No. IV-A, para sa implementasyon ng Annual Operational Plan for CY 2025 sa ilalim ng Local Investment Plan for Health 2023-2025.

Samantala, ang nasabing sesyon ay pinangunahan ni Acting Vice Governor and Presiding Officer Vinnette Alcala-Naca kasama ang mga Board Members na kinatawan ng bawat distrito sa lalawigan.

Asahang patuloy ang pagbasa at pag-apruba ng Sangguniang Panlalawigan sa mga batas na makapagsusulong ng mas mataas na kalidad ng pamumuhay sa Quezon at makatutulong sa mga mamamayang Quezonian.

Quezon PIO

« Previous Page