NEWS AND UPDATE

Pormal na Pagbabasbas ng Bagong Patrol Boat | November 07, 2024

Sa pangunguna ni Governor Doktora Helen Tan, matagumpay na naisagawa ang pormal na pagbabasbas ng bagong Patrol Boat para sa islang bayan ng Perez, Quezon ngayong araw ng Huwebes, Nobyembre 7.

Ang nasabing 40-footer patrol boat ay malaking tulong upang masugpo ang ilegal na pangingisda sa isla sapagkat siniguradong mabilis ito na mayroong 3 makina (Triple 150 Hp, 4 Stroke) at kayang tumakbo ng hanggang 55 knots per hour.

Samantala, nakasama naman sa ginanap na seremonya upang ipaabot ang kanilang pagsuporta sina 4th District Congressman Atorni Mike Tan at Mayor Charizze Marie Escalona.

Quezon PIO

Isang Dwarf Sperm Whale ang nakita ng isang residente na naging stranded sa Guinayangan, Quezon | November 06, 2024

Isang Dwarf Sperm Whale ang nakita ng isang residente na naging stranded sa may dalampasigan ng Barangay Capulungan Central, Guinayangan, Quezon, mga alas-kwatro ng madaling araw noong ika-6 ng Nobyembre 2024. Ito ay unang nirespondehan ng Philippine Coastguard, Bantay Dagat at Fisheries ng LGU Guinayangan. Namataan pa nilang buhay ang hayop ng mga oras na iyon ngunit ito ay mahina na. Pagkaraan ng ilang oras, mga 12:45 ng hapon, ay binawian na rin ng buhay ang naturang marine mammal specie.

Nagsagawa si Dr. Camille Calaycay, ng Animal Health and Welfare Division ng Office of the Provincial Veterinarian Quezon, ng necropsy procedure sa naturang marine mammal. Ang sperm whale na nabanggit ay mayroong sukat na 7.5 na talampakan. Bukod sa pisikal na pagsusuri ay kumuha rin ng mga organ samples si Dr. Calaycay sa hayop para maipadala sa isang laboratoryo sa IESM-UP Diliman upang malaman ang naging sanhi ng pagkamatay nito.

PAALALA: Kung makakita ka ng stranded na hayop sa dagat, huwag mo itong lalapitan. At gawin ang iyong makakaya upang maiwasan ang pag-istorbo dito ng ibang tao at mga hayop. Pagkatapos ay makipag-ugnayan sa inyong lokal na stranding network – una ang Bureau of Fisheries and Aquatic Resources (BFAR), o sa Office of the Municipal Agriculturist (OMA), Office of the Provincial Veterinarian (OPV), City Environment and Natural Resources Office (CENRO) o Municipal Environment and Natural Resources Office (MENRO) ng inyong lugar.

Quezon PIO

STAN Kabuhayan Livelihood Assistance Program | November 06, 2024

Sa buong pusong hangarin ni Governor Doktora Helen Tan na patuloy na makatulong sa mamayang Quezonian, pormal nang inilunsad ang STAN KABUHAYAN Livelihood Assistance Program ngayong araw ng Miyerkules, Nobyembre 6 sa Quezon Convention Center, Lucena City.

Layunin ng nasabing programa na makapagbigay ng dagdag na pangkabuhayan sa mga kwalipikadong Sari-sari store at small business owners katuwang ang Provincial Budget Office at Department of Trade and Industry.

Nabiyayaan ang 576 benepisyaryo ng dagdag puhunan, negosyo kits at nabigyan ng kaalaman patungkol sa Entrepreneurial Mind Setting, Digitalization at Financial literacy priyoridad dito ang mga Sari-sari store owners na Senior Citizen, Solo Parents, Persons with Disabilities (PWDs) at Out-of-School youths.

Quezon PIO

Ika-121 na Pangkaraniwang Pagpupulong ng Sangguniang Panlalawigan | November 06, 2024

Isinagawa ngayong araw ng Miyerkules, Nobyembre 6, ang ika-121 na pangkaraniwang pagpupulong ng Sangguniang Panlalawigan via Zoom Meeting Conference sa pangunguna ni Vice Governor Third Alcala.

Layon ng nasabing pagpupulong na magpatupad ng mga resolusyon at linawin ang ilang mga ordinansa na nais ipatupad sa bawat bayan at sa Lalawigan ng Quezon. Kabilang sa naaprubahan ang panukala kung saan binibigyang awtoridad ang Pamahalaang Panlalawigan na lumagda sa isang Memorandum of Aggreement (MOA) sa pagitan ng mga pasilidad na pangkalusugan bilang parte ng Republic Act No. 11223 o mas kilala bilang Universal Health Care (UHC) Act.

Asahan na patuloy ang pagbasa at pag-apruba ng Sanggunian sa mga batas na makatutulong sa bawat mamamayan at komunidad sa lalawigan ng Quezon.

Quezon PIO

Memorandum of Agreement Signing of Health Referral Services with Private Health Care Providers | November 06, 2024

Kasabay ang 10th Provincial Health Board Meeting matagumapay na isinagawa ang Memorandum of Agreement signing on Health Referral Services with Private Health Care Providers sa pangunguna ni Governor Doktora Helen Tan sa 3rd Floor Provincial Capitol, Lucena City ngayong araw, Nobyembre 6.

Kasama sa nabigyan ng MoA ang 17 ospital at 38 klinika na nagmula sa iba’t ibang Local Goverment Units (LGUs). Layunin nitong makapagbigay ng mas maayos at mapabilis ang dekalidad na serbisyong-pangkalusugan sa pamamagitan ng enhanced referral system ng mga pasyente sa pampribadong ospital sa buong Lalawigan ng Quezon.

Ang seremonyang ito’y bahagi ng patuloy na pagsusumikap ng Pamahalaang Panlalawigan na makapagbigay ng mas epektibong serbisyong-pangkulusugan para sa mga Quezonian.

Nakiisa sa nasabing seremonya sina Philippine Hospital Association President Dr. Anna A. Andaman-Villanueva, Private Lying-ins Owners Association President Corazon Delos Reyes at Quezon Provincial Department of Health (DOH) Office Provincial Health Team Leader Juvy Paz P. Purino, MD, MPH, Dr. Kris Conrad M. Magunay, Dr. Ronald Macinas, at iba’t ibang ahensya gaya ng Philippine Health Insurance Corporation (PhilHealth), Provincial Health Office (PHO) at mga doktor, nurse, midwife na kinatawan ng mga ospital at klinika sa buong Lalawigan ng Quezon.

Quezon PIO

Provincial School Board Meeting | November 06, 2024

Sa pangunguna ni Governor Doktora Helen Tan, idinaos ang Provincial School Board Meeting kasama ang Quezon Schools Division Office (SDO) ngayong araw ng Miyerkules, Nobyembre 6.

Tinalakay sa nasabing pagpupulong ang ginagawang paghahanda para sa nalalapit na Palarong Quezon 2025 na target isagawa sa darating na January 11-18, na gaganapin sa iba’t ibang lugar sa Quezon gaya ng Lucena City, Tiaong, Lucban at San Antonio.

Napag-usapan din ang mga kinakailangang pag-organisa para sa School Sports Competition, District at Municipal Meet na tinatayang gaganapin sa buwan ng Setyembre 2025.

Tinitiyak namang maging maayos ang daloy ng mga programa upang maihatid ang organisado at ligtas na palaro para sa bawat manlalaro ng lalawigan bilang patuloy na pagsuporta ng Pamahalaang Panlalawigan sa mga atletang Quezonian.

Quezon PIO

Ceremonial Signing of Memorandum of Agreement – On Health Referral Services with Private Health Care Providers | November 06, 2024

DISCLAIMER: I hereby declare that I do not own the rights to this music/song. All rights belong to the owner. No Copyright Infringement Intended.

Livestream Part 1: https://www.facebook.com/QuezonGovPh/videos/3114045098737964/

Quezon PIO

Launching of STAN Kabuhayan & Livelihood Assistance Program | November 06, 2024

DISCLAIMER: I hereby declare that I do not own the rights to this music/song. All rights belong to the owner. No Copyright Infringement Intended.

Livestream: https://www.facebook.com/QuezonGovPh/videos/1334481394183509/

Quezon PIO

TCB #9 Typhoon #MarcePH (YINXING) 5:00 AM, 06 November 2024

“MARCE” “MARCE” MAINTAINS ITS STRENGTH AS IT MOVES NORTHWESTWARD OVER THE PHILIPPINE SEA

Location: 345 km East of Tuguegarao City, Cagayan (17.9 °N, 125.0 °E )

Strength: Maximum sustained winds of 140 km/h near the center and gustiness of up to 170 km/h

Movement: Moving Northwestward 15 km/h

NO TROPICAL CYCLONE WIND SIGNAL (TWCS) IN EFFECT OVER QUEZON PROVINCE

MARCE is forecast to move generally west northwestward today (6 November) as it decelerates over the Philippine Sea east of Northern Luzon. It is then forecast to turn westward tomorrow (7 November) as it approaches Babuyan Islands and northern Cagayan. On the forecast track, MARCE will make landfall or pass close to Babuyan Islands or the northern portion of mainland Cagayan from Thursday afternoon to Friday (8 November) early morning. MARCE may exit the Philippine Area of Responsibility (PAR) region on Friday evening.

MARCE is expected to continue intensifying and may reach its peak intensity today before it makes landfall or pass close to Babuyan Islands or Cagayan tomorrow.

Quezon PIO

2024 4th Quarter Provincial Peace and Order Council (PPOC) Meeting | November 05, 2024

Pinangunahan ni Governor Doktora Helen Tan ang 2024 4th Quarter Provincial Peace and Order Council (PPOC) Meeting ngayong araw, Nobyembre 5 sa 3rd floor, Quezon Provincial Capitol, Lucena City.

Ang pagpupulong ay dinaluhan nina QPPO Provincial Director COL Ruben Lacuesta, PSWDO Head Sonia S. Leyson, DILG/PPOC Sec. Abegail N. Andres, HPG/PCPT Jerald Simeon, Engr. Russell C. Narte at kasama ang mga miyembro ng Philippine Army, Bureau of Fire Protection (BFP), Philippine National Police (PNP) , Philippine Drug Enforcement Agency (PDEA), Department of the Interior and Local Government (DILG)-Quezon, Department of Public Works and Highways (DPWH)-Quezon at iba pang mga pampublikong ahensya.

Sa pagsisimula ng pagpupulong, binigyang parangal si dating QPPO Provincial Director PCOL Ledon D. Monte sa kanyang dedikasyon sa pagsisilbi. Ngayo’y naipasa na kay QPPO Provincial Director COL Ruben Lacuesta ang pamamahala at ipinagpapatuloy na ang nasimulang serbisyo para sa Lalawigan ng Quezon.

Nagbahagi rin ang bawat tanggapan ng kani-kanilang Accomplishment Report, kasama ang iba pang mahahalagang ulat patungkol sa sitwasyon ng iba’t-ibang kaso ng krimen, iligal na droga, insidente sa sunog, at aksidente sa buong Quezon.

Ito na ang huling pagpupulong ngayong taon ng PPOC kung kaya’t sa pagtatapos ng pagpupulong ay taos-pusong nagpasalamat si Governor Doktora Helen Tan sa iba’t ibang ahensya ng Pamahalaang Panlalawigan sa pagpapanatili ng kapayapaan at kaligtasan ng mga mamamayan sa Lalawigan ng Quezon.

Samantala, ipagpapatuloy ang Quarterly Provincial Peace and Order Council Meeting sa susunod na taon (2025) upang ipagpatuloy ang serbisyo para sa QUEZONIAN.

Quezon PIO

« Previous Page